ۋي پىڭفي:
قۇمدى شولدەگى مۇناي الابىنا جاستىق ورالىمدى ارنايمىن
انار بۇلت \ شينجياڭ گازەتىنىڭ ءتىلشىسى سۇي يۇنيان
”قىزمەت ىستەگەن 2 جىلعا جۋىق ۋاقىتتان بەرى ءوزىمنىڭ ەسەيىپ - ەرجەتۋ باعىتىمدى تاپتىم“، - دەدى ۋي پىڭفي، وڭتۇستىك شينجياڭنىڭ ۇلان - قايىر قۇمدى شولىندەگى مۇناي الابىندا ول شىت جاڭا ءومىرىن باستادى.
ۋي پىڭفي حىبەي شىجياجۋاڭنان، 2020 - جىلى جۇڭگو مۇناي داشۋەسى (بەيجيڭ) قارامايلى مەكتەپ رايونى مۇناي ينجەنەريا كاسىبىنەن وقۋ تاۋىسقان. وتان ءۇمىتىن اقتاۋ ءۇشىن، ول شينجياڭدا قالىپ، كۇشار قالاسى تارىم اۋىلىنداعى جۇڭگو مۇناي حيميا ونەركاسىبى باتىس سولتۇستىك مۇناي الابى بولىمشە سەرىكتەستىگىنىڭ مۇناي ايىرۋ 3 - زاۆودىنا كەلىپ جۇمىس ىستەيدى.
ول وزىمەن بىرگە باس شۋجي شي جينپيڭنىڭ 2020 - جىلى شينجياڭداعى نەگىزگى ساتىدا قالىپ قىزمەت ىستەۋدى تاڭداعان جۇڭگو مۇناي داشۋەسى (بەيجيڭ) قارامايلى مەكتەپ رايونىنان وقۋ تاۋىسقان 118 وقۋشىعا قايتارعان حاتىن الا كەلدى. ۋي پىڭفي وقۋ تاۋىسقان 118 وقۋشىنىڭ ءبىرى، ول باس شۋجيدىڭ تاپسىرماسىن ەستەلىك داپتەرىنىڭ ىشكى مۇقاباسىنا جازىپ قويىپ، ءار رەت كاسىپتىك قيىنشىلىققا جولىققان كەزدە باس شۋجيدىڭ ءسوزىن وقىپ، ۇنەمى كوڭىلى جاي تاۋىپ، باتىلدىقپەن ىسكە كىرىسەتىن.
”ءار كۇنى ۇشى - قيىرسىز سارى قۇم مەن شەكسىز قۇبا تۇزگە قاراپ، ۋاقىت وتكەن سايىن ءبىر سارىندى بولىپ، قۇلازىپ قالاتىنمىن، ءبىراق مەن بۇعان كوندىگىپ كەتتىم“، - دەدى ۋي پىڭفي، مۇناي الابى ىزگىلىكپەن قامقورلىق جاساۋعا باسا ءمان بەرگەندىكتەن، ول تەز ارادا كوللەكتيۆكە توعىسىپ، بۇل اراداعى قىزمەت پەن تۇرمىسقا كوندىگىپ كەتتى.
داشۋەدەگى 4 جىل ۋاقىتتا ۋي پىڭفي شينجياڭ سىندى وسىناۋ جەرگە ايرىقشا سەزىم ورناتىپ، شەكسىز قۇمدا شەكسىز مۇمكىنشىلىك جاتقانىن اڭعاردى. ”مۇناي كاسىبىن وقىعان سوڭ مۇناي الابى ەڭ كوپ جەردە قالۋدى ويلادىم، بولاشاعى ەڭ نۇرلى جەر شينجياڭ“، - دەدى ول.
ۋي پىڭفي مۇناي قۇدىعىن جوندەۋ جۇمىسى جوباسىن جاساۋعا جاۋاپتى. العاش قىزمەت ىستەگەن كەزدە جۇمىس جۇرگىزۋ جوباسىن الىپ، مۇنىڭ ماڭىزدى ءتۇيىنىن، حاۋىپ - قاتەرىن جانە وزگەرتۋ باعىتى قالاي ەكەنىن بىلمەۋدەن قازىر مۇناي قۇدىعى جونىندە سەنىمگە يە بولۋعا دەيىن ول ۇيرەنۋ، اماليات بارىسىندا ۇزدىكسىز جەتىلدى.
عىلمي زەرتتەۋ عيماراتىندا جۇمىس ىستەگەنىمەن، ۋي پىڭفي ۇنەمى مۇناي قۇدىعىنا باراتىن، قازىر ول 500دەن ارتىق قۇدىققا باردى. وتكەن جىلى جۇڭچيۋ مەرەكەسى كەزىندە زاۆود ءتۇرلى قيمىل وتكىزىپ، مول تاعام دايىندايدى، وسىنىڭ الدىندا ۋي پىڭفي مەرەكەنىڭ كەلۋىن اسىعا كۇتىپ جۇرگەن - دى. سول كۇنى تاڭ سارىدە ءبىر قۇدىقتان ماسەلە شىعىپ، ول قىزمەتتەسىمەن بىرگە سول جەرگە بارىپ، جارىم تۇنگە دەيىن قاربالاس جۇمىس ىستەپ قىزمەتتەرىن ارەڭ اياقتاتادى، سىرتتا قاتقان ناندى كەمىرىپ وتىرىپ، تولعان ايدىڭ تۋعانىنا كوز سالادى.
”العاش پراكتيكا ىستەگەن كەزىمدە بۇرعىلاۋ اترەتىنىڭ جۇمىس باسىنداعى تەحنيكتەرىنىڭ ماسەلەنى شەشۋ ءۇشىن ساعات 6دان 24كە دەيىن قاربالاس جۇمىس ىستەپ، ءۇستى - باستارى مايعا شىلانىپ جاتسا دا، ماسەلەنى شەشكەنىن كورگەندە شاتتانا كۇلەتىنىمىن“، - دەدى ۋي پىڭفي، بۇرعى تۇعىرى وتە بيىك، كۇن سۋىق، بوران قاتتى بولسا دا تەحنيكتەر تاباندىلىقپەن جۇمىس ىستەيتىن، ۇلەس قوسۋ مەن جاۋاپكەرشىلىككە تولى وسى كورىنىستەر وعان قاتتى اسەر ەتىپ، قازىرگە دەيىن ەسىنەن كەتپەيدى.
”جۇرەكتىلىكپەن قارا ءۇزىپ شىعىپ ۇزدىكسىز جاڭالىق اشايىق“، ءار كۇنى زاۆودقا كەلىپ وسى ءسوزدى كورگەندە ۋي پىڭفي ايرىقشا جىگەرلەنەدى. اعا بۋىنداردان تاجىريبە ۇيرەنىپ، رۋح الدى، ۇجىمعا ىلەسىپ باتىلدىقپەن جاڭالىق اشتى، تاباندىلىقپەن ۇيرەنىپ، زەرتتەۋ جۇرگىزۋ ارقىلى قۇدىق جوندەۋ جۇمىسىن جۇرگىزگەن كەزدە عىلمي جوبامەن مۇناي قۇدىعىن قايتادان اقاۋسىز، ورنىقتى اينالىم پەريودىنا ءتۇسىرۋ ونى تابىس سەزىمىنە بولەيتىن.
قۇدىق كامەرىن ءبىر جايلى ەتۋ بارىسىندا ۇلكەن تاس تۇيىرشىكتەرىن الىپ شىعۋى قيىن بولۋ سىندى تەحنيكالىق ماسەلەگە جولىققاننان كەيىن، ول قىزمەتتەسىمەن بىرگە كوپ رەت جۇمىس ورنىنا بارىپ تەكسەرۋ جۇرگىزەدى، قۇمدى شولدەگى يەن دالاداعى قاراپايىم ۇيدە جۇمىسشى ۇستازدارمەن بىرگە تاماقتانىپ، بىرگە جاتىپ، ءبىر بارعاندا 10 نەشە كۇندى وسىلاي وتكىزەتىن.
قاجىماي - تالماي قۇلشىنىس جاساۋىنىڭ ارقاسىندا، ۋي پىڭفي تۇرعان ۇجىم جوبالاپ وزگەرتكەن جاڭا تەحنولوگيالىق ءتىستى بۇرعى اسىلىندە 2 ايدان استام ۋاقىت جۇمسالاتىن قۇدىق جوندەۋ پەريودىن جالپى 20 كۇن قىسقارتىپ، ارتقان ونىمدىلىك ميلليون يۋانعا جەتىپ، ولار تۇرعان ءبولىم اۆتونوميالى رايوندىق جۇمىسشىلار اۆانگارد اتاعىنا يە بولادى.
2 جىلعا جۋىق نەگىزگى ساتىداعى قىزمەت تاجىريبەسى ۋي پىڭفيدىڭ بۇعاناسىن قاتىرىپ، تاباندى ىستەۋ ارىنىن كۇشەيتتى. ول بىلاي دەدى: جاستار ءۇشىن الىپ ايتقاندا، وقۋ تاۋىسىپ جۇمىستانۋ تالعامى وتە ماڭىزدى، جاستىق كوكتەمنىڭ ەڭ تاماشا ۋاقىتىن قاي جەرگە جۇمساۋىڭدى بەلگىلەيدى. وتان ەڭ قاجەت ەتكەن جەرگە بارۋ ۋي پىڭفيدىڭ تالعامى. ول بىلاي دەدى: باس شۋجيدىڭ جاۋاپ حاتى كوپشىلىكتىڭ تالعامىن تولىق تۇراقتاندىردى، وسى تۇراقتاندىرۋدى ارقالاپ، قىزمەت ورنىمدا جاستىق كوكتەمىمدى ارناعانىمدى وتە باقىت سانايمىن.
”20 جىلدان كەيىن ءاربىر باتىس بولىكتى قۇرۋشىلاردىڭ قۇلشىنىسىنىڭ ارقاسىندا بارعان سايىن جاقسارعان وسى ىرىستى مەكەندە تۇرىپ، بۇگىنگى وزىمە ’كەزىندەگى تالعامىڭا راقىمەت‘ دەپ ايتۋدى ارماندايمىن“. بۇل ۋي پىڭفيدىڭ وزىنەن كۇتكەن ءۇمىتى.
