حى باييان:
ناقتى ىستەۋ ارقىلى ارمانعا قانات قاعامىن
انار بۇلت \ شينجياڭ گازەتىنىڭ ءتىلشىسى سۇي يۇنيان
حى باييان ولەڭ جازاتىن، وندا: ”باعا جەتپەس جاستىق كوكتەم شاعىما، قۇپ جاراسقان قىزىل كيىم وتانىمنىڭ باعىنا“ دەگەن ولەڭ جولدارى بار ەدى. بۇگىنگى شاقتا قىزىل كيىمنەن ”ساۋىت كيگەن“ ول جۇڭگو مۇناي - تابيعي گاز جارنا شەكتى سەرىكتەستىگى شينجياڭ مۇناي الابى بولىمشە سەرىكتەستىگىنىڭ بايكوۋچۋان مۇناي ايىرۋ زاۆودىندا 2 جىلعا جۋىق ۋاقىت قىزمەت ىستەگەن ەدى.
ءتىلشى حى باييانعا جولىققاندا، مۇناي الابىنىڭ جۇمىس اۋماعىندا سوققان 8 بال بورانعا قاراماي مۇناي قۇدىعىنىڭ قىزمەت جاعدايىن تەكسەرىپ، بار ىنتاسى سوعان اۋعان ەدى. ”قىزمەتكە قاتىناسقاننان بەرى مەن باس شۋجيدىڭ قايتارعان جاۋاپ حاتىنىڭ جىگەرلەندىرۋىندە، تاباندىلىق بارىسىندا ەسەيىپ - ەرجەتۋدى ۇيرەندىم“، - دەدى بيىل 24 جاسقا كەلگەن حى باييان.
2020 - جىلى 7 - ايدا باس شۋجي شي جينپيڭنىڭ قايتارعان حاتىن تاپسىرىپ العان كەزدەگى جاعدايدى ەسكە العاندا، حى باييان قازىرگە دەيىن كوڭىلى كولدەي تولقيدى. ”سول كۇنى مەن اكە - شەشەممەن بىرگە حابار كورىپ وتىرعان بولاتىنمىن، باس شۋجيدىڭ بىزگە جاۋاپ حات قايتارعان حابارىن كورگەن كەزدە بۇكىل وتباسىمىز قاتتى تەبىرەندىك“، - دەدى ول. سول كۇنى كەشتە حى باييان توسەگىندە اۋناقشىپ، ءتۇنى بويى كوز ىلمەدى، شاتتانعان جانە اسەرلەنگەن سەزىممەن شەكارا وڭىرگە تامىر تارتۋ سەنىمىن اناعۇرلىم بەكەمدەدى.
شينجياڭدا قالۋ − حى بايياننىڭ جۇڭگو مۇناي داشۋەسى (بەيجيڭ) قارامايلى مەكتەپ رايونىندا داشۋەنىڭ 3 - جىلدىعىندا وقىپ جاتقان كەزىندە جاساعان شەشىمى بولاتىن. 2019 - جىلى حى باييان جۇندۇڭ جۇمىس رايونىنا كەلىپ پراكتيكا كورەدى، ومىرىندە ەشقاشان كورمەگەن نوسەرگە جولىعادى. ”مەن ءبىر قارت ۇستازعا ىلەسىپ قالىڭ جاڭبىردا جولعا شىعىپ شارلاپ تەكسەرۋ جۇرگىزدىك، ول ماعان كۇندەلىكتى مىندەتتى تۇگەل ورىنداۋ كەرەك، بۇل ەڭ نەگىزگى جۇمىس دەدى“. وسى ءبىر اۋىز ءسوز حى باييانعا قاتتى اسەر ەتەدى، ول وسىندا قالىپ اعا بۋىن مۇنايشىلاردىڭ كاسىبىن ارداقتاپ، ۇلەس قوسۋ رۋحىنا مۇراگەر بولۋدى ويلايدى.
2020 - جىلى جۇڭگو مۇناي داشۋەسى (بەيجيڭ) قارامايلى مەكتەپ رايونىنان 1 - كەزەكتە وقۋ تاۋىسقان وقۋشىلاردان 118 ادام شينجياڭدا قالىپ قىزمەت ىستەۋدى تاڭدايدى، كوپشىلىك بىرگە باس شۋجيگە حات جازىپ، وزدەرىنىڭ بەكىمدەرىن بىلدىرەدى، حى باييان انە سولاردىڭ ءبىرى بولاتىن.
حى باييان سىچۋاننىڭ ميانياڭىنان كەلگەن، وتباسىندا جار دەگەندە جالعىز بالا ەدى. جاستار ومىردە ماڭىزدى تالعام جاساعانىندا ۇنەمى داعدارىپ، ءارى - ءسارى بولادى، باس شۋجيدىڭ قايتارعان جاۋاپ حاتى ونىڭ شەكارا وڭىردەگى نەگىزگى ساتىعا تامىر تارتۋ بەكىمىن بەكەمدەي ءتۇستى.
قىزمەتكە قاتىناسقاننان كەيىن حى باييان ورتا سىن - سايىسىن سەزىندى. ول ماحۋ 3 - مۇناي الۋ جۇمىس اۋماعىندا ەكى قىستى باسىنان وتكىزدى. ماحۋدىڭ قىس مەزگىلىندەگى تەمپەراتۋراسى نولدەن تومەن 20 سەلتسي گرادۋس بولىپ، سىرتتا جارتى ساعات جۇمىس ىستەگەننىڭ وزىندە قاتتى جاۋراپ توڭاسىڭ، كانتينەردە جاتقاندا كەشتە ەلەكترمەن جىلۋ اسپابىن اشقانىڭدا سۋىق جەل ۇرلەيدى. مۇناي الابىندا تاۋلىك بويى ءوندىرىس جۇرگىزىلەدى، قالىپسىز جاعداي بايقالعان زامان سول زاماتتا - اق ءبىر جايلى ەتۋىڭ كەرەك.
”مەن ساقا ۇستازدارعا ىلەسىپ ءجۇرىپ، تەحنيكا قاعيداسى مەن قىزمەت تاجىريبەسىن ۇيرەندىم، ولاردىڭ شوگەل، مۇقيات قىزمەت پوزيتسياسى مەن ۇلەس قوسۋ رۋحىن دا ۇيرەندىم“، - دەدى حى باييان.
قازىر حى باييان قۇدىق استىندا جۇمىس جۇرگىزۋدى باسقارۋدى ارناۋلى ۇيرەنىپ، ينجەنەريا جوباسىن جاساپ، ءىس جۇزىندىك جاعداي نەگىزىندە، ءتىپتى دە ساپالىلاندىرىپ ءبىر جايلى ەتۋدە. ءوزىنىڭ ساپالى جوباسىنىڭ ارقاسىندا، ماتەريالداردىڭ سارىپ بولۋىنىڭ از دا بولسا تەجەلىپ، ءونىم مولشەرىنىڭ از دا بولسا جوعارىلاپ، ونىمدىلىگىنىڭ از دا بولسا ارتقانىن كورگەن ول قاتتى اسەرلەندى. ”كاسىپورىننىڭ ءاربىر توننا ءونىم مولشەرىن ازدان - ازدان ’تىرناشتاپ جيناپ‘ شىعارامىز، ناتيجەنىڭ استارىندا ءارقايسى جۇمىس اۋماعىنىڭ ورتاق قۇلشىنىسى جاتىر“، - دەدى ول.
”شينجياڭدا قالۋ بەكىمىن جاساعانىما قاتتى ريزامىن، بىزگە زور ءۇمىت ارتىلۋدا. بىزدە ومىردە ءدال وسى ساتكە تۋرا كەلىپ وتىرمىز، بولاشاققا بوي سوزۋ ءۇشىن ءتىپتى دە ۇقىپتى دا شوگەل بولۋىمىز كەرەك، مەن جولداعى ءاربىر قادامىمدى جاقسى باسىپ، ناقتى ىستەۋ ارقىلى ارمانعا قانات قاعامىن“، - دەدى حى باييان.
حى باييان بىلاي دەدى: جاس ۇرپاقتاردىڭ ءوز داۋىرىنە تيەسىلى مىندەتى جانە جاۋاپكەرشىلىگى بولادى، قازىر ءبىلىمنىڭ جاڭالانۋى تەز، داعدارىس سەزىمى قاشاندا بار، سوندىقتان، ءسوز جوق، تىنباي ءبىلىم تولىقتاپ، ءتىپتى كوپ قابىلەتكە يە بولعاندا عانا اناعۇرلىم زور قۇن جاراتۋعا بولادى.
