لي شي، ەركىن تۇنياز، ۋاڭ ۋيجۇڭ قيمىلعا قاتىناستى
انار بۇلت شينجياڭ گازەتىنىڭ ءتىلشىسى لي ياڭ 5 - ايدىڭ 10 - كۇنى گۋاڭجوۋدان حابارلايدى. 5 - ايدىڭ 6 - كۇنىنەن 9 - كۇنىنە دەيىن، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسىن باستاپ، گۋاڭدۇڭدا ۇيرەنۋدە، تەكسەرۋدە بولدى. گۋاڭدۇڭ ولكەلىك پارتكومنىڭ شۋجيى لي شي، گۋاڭدۇڭ ولكەلىك پارتكومنىڭ ورىنباسار شۋجيى، ولكە باستىعى ۋاڭ ۋيجۇڭ قيمىلعا قاتىناستى.
5 - ايدىڭ 6 - كۇنى تۇستەن كەيىن لي شي، ۋاڭ ۋيجۇڭ ەركىن تۇنياز جانە ونىڭ ساپارلاستارىمەن قىزمەت كەڭەسىن وتكىزدى، گۋاڭدۇڭ ولكەسى مەن شينجياڭ ۇيعۇر اۆتونوميالى رايونى باعىتتامالى كومەكتەسۋ قىزمەتى اڭگىمە ءماجىلىسىن اشتى.
لي شي گۋاڭدۇڭ ولكەلىك پارتكوم مەن ولكەلىك ۇكىمەت اتىنان شينجياڭنىڭ ۇزاق ۋاقىتتان بەرى گۋاڭدۇڭنىڭ ەكونوميكالىق، قوعامدىق دامۋىنا بار كۇشپەن قولداۋ كورسەتىپ كەلگەندىگىنە شىن جۇرەكتەن العىس ايتتى. ول بىلاي دەپ باسا دارىپتەدى: گۋاڭدۇڭ باس شۋجي شي جينپيڭنىڭ شينجياڭ قىزمەتى جانە باعىتتامالى كومەكتەسۋ قىزمەتى جونىندەگى ماڭىزدى بايىمداۋلارىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭعا باعىتتامالى كومەكتەسۋ كەلەلى ساياسي مىندەتىن باتىل ويداعىداي ورىنداپ، جاڭا داۋىردە گۋاڭدۇڭ مەن شينجياڭنىڭ اۋىس - كۇيىسىنىڭ، سەلبەستىگىنىڭ تاعى دا تىڭ دەڭگەيگە كوتەرىلۋىن ىلگەرىلەتۋ كەرەك. حالىق تۇرمىسىنا كومەكتەسۋدى تەرەڭدەتىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋعا دەم بەرۋ كەرەك. كاسىپ سالاسى ارقىلى كومەكتەسۋدى تەرەڭدەتىپ، ”قان جاساۋ“ يقۋاتىن ۇزدىكسىز كۇشەيتۋ كەرەك. اقىل - پاراسات جاعىنان شينجياڭعا كومەكتەسۋدى تەرەڭدەتىپ، ۇيىرمە قۇراۋ فورماسىمەن وقۋ - اعارتۋ، ەمدەۋ جاعىنان شينجياڭعا كومەكتەسۋدى ۇزدىكسىز ىلگەرىلەتۋ كەرەك. ۇلتتاردىڭ ارالاسۋىن، ىشتەسۋىن، توعىسۋىن تەرەڭدەتىپ، جۇڭحۋا ۇلتى ورتاق تۇلعا تانىمىن بەرىك ورناتۋعا گۋاڭدۇڭ قۇلشىنىسىن قوسۋ كەرەك.
ەركىن تۇنياز اۆتونوميالى رايوندىق پارتكوم مەن ۇكىمەت جانە بۇكىل شينجياڭداعى ءار ۇلت حالقى اتىنان گۋاڭدۇڭ ولكەسىنىڭ ۇزاق ۋاقىتتان بەرى شينجياڭعا بار كۇشپەن قولداۋ كورسەتىپ جانە قالتقىسىز كومەكتەسىپ كەلگەندىگىنە شىنايى العىس ايتتى. ول بىلاي دەدى: ۇزاق ۋاقىتتان بەرى گۋاڭدۇڭ ولكەلىك پارتكوم مەن ولكەلىك ۇكىمەت شينجياڭعا باعىتتامالى كومەكتەسۋ قىزمەتىن باستان - اياق ماڭىزدى ساياسي جاۋاپكەرشىلىك ەتىپ، گۋاڭدۇڭ ەرەكشەلىگىن ايگىلەيتىن، كومەك قابىلدايتىن جەردىڭ ءىس جۇزىندىك جاعدايىنا ۇيلەسەتىن، ۇلاسپالى جاڭالىق اشاتىن، توعىسپالى داميتىن شينجياڭعا كومەكتەسۋ جولىمەن ءجۇردى. ەركىن تۇنياز شينجياڭ مەن گۋاڭدۇڭنىڭ ەكونوميكادا جالپى بەتتىك سەلبەسۋدى ۇزدىكسىز كۇشەيتىپ، ءوزارا تيىمدىلىك جەتكىزىپ، تەڭ يگىلىككە كەنەلۋدى جۇزەگە اسىرۋىن؛ گۋاڭدۇڭنىڭ جاڭالىق اشۋدا قۋاتتى ولكە باسىمدىعىن ساۋلەلەندىرىپ، شينجياڭنىڭ ەكونوميكاسىنىڭ جوعارى ساپالى دامۋىنا دەم بەرۋىن؛ سيفرلى ۇكىمەت قۇرىلىسى، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن تۇلعالاۋ جاعىندا اۋىس - كۇيىستى، سەلبەستىكتى كۇشەيتۋىن ۇسىنىس ەتتى.
ۋاڭ ۋيجۇڭ بىلاي دەپ باسا دارىپتەدى: نازاردى حالىق تۇرمىسى جاعىنان شينجياڭعا كومەكتەسۋ، كاسىپ سالاسى بويىنشا شينجياڭعا كومەكتەسۋ، اقىل - پاراسات جاعىنان شينجياڭعا كومەكتەسۋ، شينجياڭدى ىنتىماقتاسا ورنىقتىرۋ، شينجياڭدى مادەنيەتپەن نارلەندىرۋ سياقتى تۇيىندەرگە دالمە - ءدال كۇش سالۋعا شوعىرلاندىرىپ، شينجياڭعا باعىتتامالى كومەكتەسۋ قىزمەتىنىڭ جوعارى ساپالى دامۋىن ىلگەرىلەتۋگە قۇلشىنۋ كەرەك. باعىتتامالى كومەكتەسۋدى ورىستەتۋدى وراي ەتىپ، ەكى ولكە، رايوننىڭ ءتۇرلى سالاداعى سەلبەستىگىن جاپپاي تەرەڭدەتىپ، جىبەك جولى ەكونوميكالىق بەلدەۋى وزەكتى رايونى قۇرىلىسىنىڭ گۋاڭدۇڭ − شياڭگاڭ − اۋمىن ۇلكەن شىعاناق رايونىمەن، شىنجىن الدىمەن ۇلگى كورسەتۋ رايونىمەن جانە حىڭچين، چيانحاي سىندى ەكى سەلبەستىك رايونى قۇرىلىسىمەن، ت. ب ماڭىزدى ستراتەگيالارىمەن ءتۇيىلىسۋىن كۇشەيتىپ، عىلىم - تەحنيكادا جاڭالىق اشۋ قابىلەتىن بىرگە جوعارىلاتىپ، ەكونوميكا - ساۋدا كاسىپ سالاسى مەن مادەنيەت، ساياحات سەلبەستىگىن تەرەڭدەتىپ، رەفورما جاساۋ، ەسىك اشۋ تاجىريبەسىن ءوزارا ۇيرەنىپ، ءبىر - بىرىنەن ۇلگى الۋدى كۇشەيتىپ، ەكى جەردىڭ بىرگە دامۋىن جەبەۋگە، مەملەكەت دامۋى كەلەلى جاعدايىنا قىزمەت وتەۋگە ءتىپتى دە زور ۇلەس قوسۋدى ءۇمىت ەتەمىن.
گۋاڭدۇڭداعى مەزگىلدە اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى عىلىم - تەحنيكا كاسىپورىندارىنا، قالا وڭىرىنە، عىلمي زەرتتەۋ قۇرىلىمدارىنا، جوعارى مەكتەپتەرگە، ت. ب بارىپ، ەكسكۋرسيادا، تەكسەرۋدە بولدى.
گۋاڭدۇڭ ولكەسىنىڭ باسشىلارىنان لين كىچيڭ، جاڭ فۋحاي، جاڭ حۋ، گۋاڭجوۋ قالاسىنىڭ قالا باستىعى گو يۇڭحاڭ، اۆتونوميالى رايوننىڭ باسشىلارىنان چىن ۋيجۇن، ەلزات احمەتجان، لي نيڭپيڭ قاتالىلار قيمىلعا قاتىناستى.
