2022 - جىلعى تيانشان قورشاعان ورتانى قورعاۋ ساپارى زاڭ اتقارۋدى تەكسەرۋ باستالدى
قورشاعان ورتانى قورعاۋ زاڭ، زاڭ ەرەجەلەرىنىڭ اتقارىلۋىن ىشكەرىلەي ىلگەرىلەتۋ كەرەك
انار بۇلت \ شينجياڭ گازەتىنىڭ تىلشىلەرى لياڭ ليحۋا، ءجازيرا نەسىپبەك 5 - ايدىڭ 7 - كۇنى ۇرىمجىدەن حابارلايدى. 5 - ايدىڭ 7 - كۇنى تۇستەن بۇرىن 2022 - جىلعى تيانشان قورشاعان ورتانى قورعاۋ ساپارى زاڭ اتقارۋدى تەكسەرۋ باستالدى. بۇل رايونىمىزدىڭ تيانشان قورشاعان ورتانى قورعاۋ ساپارى زاڭ اتقارۋدى تەكسەرۋدى ءۇرتىس 26 - جىل ورىستەتۋى. وسى رەتكى زاڭ اتقارۋدى تەكسەرۋدىڭ نەگىزگى تاقىرىبى ”قورشاعان ورتانى قورعاۋ زاڭ، زاڭ ەرەجەلەرىنىڭ اتقارىلۋىن ىشكەرىلەي ىلگەرىلەتىپ، تۇنىق سۋ، جاسىل تاۋدى زاڭ بويىنشا قورعاۋ“. باستى مىندەتى شي جينپيڭنىڭ ەكولوگيالىق وركەنيەت يدەياسىن جانە شي جينپيڭنىڭ زاڭمەن باسقارۋ يدەياسىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، حالىقتى وزەك ەتكەن دامۋ يدەياسىنا تاباندى بولىپ، قورشاعان ورتانى قورعاۋ زاڭى مەن اۆتونوميالى رايوننىڭ قورشاعان ورتانى قورعاۋ ەرەجەسىن جان - جاقتى، ءونىمدى دايەكتىلەندىرىپ، اتقارىپ، زاڭ قارۋىمەن لاستانۋدى جونگە سالىپ، زاڭمەن باسقارۋ كۇشىمەن قورشاعان ورتانى قورعاپ، لاستانۋدان ساقتانۋدان جانە ونى جونگە سالۋدان قامال الۋ شايقاسىن ىشكەرىلەي ويداعىداي جۇرگىزۋدى ىلگەرىلەتىپ، كورىكتى شينجياڭنىڭ اسپانىن اناعۇرلىم اشىق، تاۋىن اناعۇرلىم جاسىل، سۋىن اناعۇرلىم تۇنىق ەتىپ، اۆتونوميالى رايوننىڭ جوعارى ساپالى دامۋىنا بەلسەندى ۇلەس قوسىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ناتيجەمەن قارسى الۋ.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن باستالۋ ماجىلىسىنە قاتىناستى ءارى ءسوز سويلەدى.
ءماجىلىس مىنالاردى باسا دارىپتەدى: ساياسي دەڭگەيدى جوعارىلاتىپ، وسى رەتكى زاڭ اتقارۋدى تەكسەرۋدى ورىستەتۋدىڭ كەلەلى ءمانىن جەتە تانىپ، كۇشتى ساياسي جاۋاپكەرشىلىك سەزىممەن جانە بورىشتىلىق سەزىممەن كورىكتى شينجياڭنىڭ تۇنىق سۋىن، جاسىل تاۋىن شىنايى ويداعىداي قورعاۋ كەرەك. دۇرىس باقىلاۋدى، ءونىمدى باقىلاۋدى، زاڭ بويىنشا باقىلاۋدى وسى رەتكى زاڭ اتقارۋدى تەكسەرۋدىڭ ءارقايسى جاعىمەن، تۇتاس بارىسىمەن ساباقتاستىرىپ، ”زاڭدىق شارلاۋدىڭ“ تەگەۋرىندى باقىلاۋ رولىن شىنايى ويداعىداي ساۋلەلەندىرىپ، قورشاعان ورتانى قورعاۋ زاڭى مەن اۆتونوميالى رايوننىڭ قورشاعان ورتانى قورعاۋ ەرەجەسىنىڭ ءونىمدى اتقارىلۋىن ىلگەرىلەتۋ كەرەك. شينجياڭدى زاڭمەن باسقارۋعا تاباندى بولىپ، زاڭمەن باسقارۋ ۇگىت تاربيەسىن ىشكەرىلەي ورىستەتىپ، كورىكتى جۇڭگو قۇرۋدى تۇتاس قوعامنىڭ سانالى ارەكەتىنە اينالدىرۋعا قۇلشىنۋ كەرەك.
ءماجىلىس مىنالاردى اتاپ كورسەتتى: ءتۇيىندى مازمۇندارعا تىعىز بايلانىستىرىپ، نازاردى كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ نىساناسىنا شوعىرلاندىرىپ، جاسىل، تومەن كومىر قىشقىل گازدى دامۋعا قاتىستى زاڭ بەلگىلەمەلەردىڭ ناقتاپ تياناقتاندىرىلۋىن جەبەۋ؛ ماسەلەنى باعدار ەتۋگە تاباندى بولىپ، لاستانۋدان ساقتانۋدان جانە ونى جونگە سالۋدان قامال الۋ شايقاسىن ىشكەرىلەي ويداعىداي جۇرگىزۋدى زاڭ بويىنشا ىلگەرىلەتۋ؛ جۇيەلى جونگە سالۋدى كورنەكتىلەندىرىپ، ەكولوگيانى قورعاۋ مەن قالپىنا كەلتىرۋگە قاتىستى زاڭ - تۇزىمدەردىڭ ناقتاپ تياناقتاندىرىلۋىن ىلگەرىلەتۋ؛ نەگىزگى تۇلعالىق جاۋاپكەرشىلىكتى ناقتىلاندىرىپ، ۇكىمەتتىڭ جانە ونىڭ قاتىستى تاراۋلارىنىڭ زاڭدا بەلگىلەنگەن مىندەت - جاۋاپكەرشىلىكتەرىنىڭ ناقتاپ تياناقتانۋىن ىلگەرىلەتۋ كەرەك. باسشىلىقتى شىنايى كۇشەيتىپ، زاڭ، زاڭ ەرەجەلەردى ۇيرەنۋدى كۇشەيتىپ، ۇگىتتەۋدى، اتتانىسقا كەلتىرۋدى كۇشەيتىپ، تاماشا ستيل ورناتىپ، زاڭ اتقارۋدى تەكسەرۋ ارقىلى زاڭ - تۇزىمدەردىڭ، زاڭدا بەلگىلەنگەن مىندەت - جاۋاپكەرشىلىكتىڭ جانە زاڭدىق جاۋاپكەرشىلىكتەردىڭ جان - جاقتى، ءونىمدى اتقارىلۋىن ىلگەرىلەتۋ، زاڭ اتقارۋدى تەكسەرۋدىڭ بارىسىن ورتالىقتىڭ حالىق قۇرىلتايى قىزمەتى ءماجىلىسىنىڭ رۋحىن ىشكەرىلەي دايەكتىلەندىرۋدى، قىزمەتپەن ساباقتاستىرۋدى، جاۋاپكەرشىلىك ارقالاپ، ىسكەرلىك كورسەتۋدى ايگىلەۋدى ىلگەرىلەتۋ بارىسىنا اينالدىرۋ كەرەك.
ماجىلىستە اۆتونوميالى رايوننىڭ ورىنباسار ءتوراعاسى جاروللا يسامدين، بيڭتۋان پارتكومىنىڭ تۇراقتى مۇشەسى، ورىنباسار سىليڭيۋان جاڭ يۇڭ جەكە - جەكە اۆتونوميالى رايوندىق حالىق ۇكىمەتى جانە شينجياڭ ءوندىرىس - قۇرىلىس بيڭتۋانى اتىنان قورشاعان ورتانى قورعاۋ زاڭى مەن اۆتونوميالى رايوننىڭ قورشاعان ورتانى قورعاۋ ەرەجەسىنىڭ اتقارىلۋ جاعدايىنان مالىمەت بەردى.
تاياۋدا تيانشان قورشاعان ورتانى قورعاۋ ساپارى زاڭ اتقارۋدى تەكسەرۋ گرۋپپاسى ەكى زاڭ اتقارۋدى تەكسەرۋ گرۋپپاسىنا ءبولىنىپ، التاي ايماعى، تارباعاتاي ايماعى، بەيتۇن قالاسى، قاشقار ايماعى، حوتان ايماعى، تۇمشۇق قالاسى سياقتى جەرلەرگە بارىپ زاڭ اتقارۋدى تەكسەرۋدى ورىستەتەدى.
