انار بۇلت \ شينجياڭ گازەتىنىڭ ءتىلشىسى حي حۇڭۋي
ءبىرىنشى ماۋسىمدا شينجياڭنىڭ ينتەرنەتتەگى بولشەك ساتۋ بازارىنىڭ جاقسارۋعا قاراي بەت العان جاعدايى ۇزدىكسىز بەكەمدەلىپ، بارعان سايىن كوپ شينجياڭنىڭ ەرەكشە اۋىل شارۋاشىلىق قوسىمشا ونىمدەرى بۇلتتىق جەدەل كولىكپەن بۇكىل ەلگە، ءتىپتى، دۇنيە ءجۇزىنىڭ جەر - جەرىنە ساتىلدى.
ساندى مالىمەتتەردە كورسەتىلۋىنشە، ءبىرىنشى ماۋسىمدا شينجياڭنىڭ ينتەرنەتتىك ساۋدا سوماسى 67 ميلليارد 814 ميلليون يۋانعا جەتىپ، سايكەس مەزگىلدەگىدەن ％20.59 ارتىپ، بۇكىل ەلدىڭ دەڭگەيىنەن 15.4 پايىز جوعارى بولعان؛ شينجياڭنىڭ ينتەرنەتتىك بولشەك ساتۋ سوماسى 13 ميلليارد 460 ميلليونعا جەتىپ، سايكەس مەزگىلدەگىدەن ％18.18 ارتىپ، بۇكىل ەلدىڭ دەڭگەيىنەن 15.36 پايىز جوعارى بولعان.
ۇلگى كورسەتىپ، جەتەكشىلىك ەتتى
اۋىل - قىستاق ەلەكتروندىق ساۋداسى جەدەل دامىدى
”ەلەكتروندىق ساۋدا بويىنشا قىزمەت كورسەتۋ پۋنكتىندە حالىققا قولايلى قىزمەت كورسەتۋ اۋماعى، اۋىل شارۋاشىلىق ونىمدەرىن ۋاكىلدىك ساتىپ الۋ - ساتۋ اۋماعى، ونەركاسىپ ونىمدەرىن ينتەرنەتكە شىعارۋ اۋماعى، جەدەل جولدامانى قابىلداۋ - جونەلتۋ اۋماعى سياقتىلار ورنالاستىرىلۋدان تىس، تاعى تىكە تاراتۋ ارقىلى تاۋار ساتۋ اۋماعى اشىلىپ، ينتەرنەتتىك تىكە تاراتۋ ارقىلى سول جەردىڭ ساياحاتتىق كورىنىس تۇيىندەرى تانىستىرىلۋمەن بىرگە، سول جەردىڭ اۋىل شارۋاشىلىق ونىمدەرى دە ساتىلدى“، - دەدى 4 - ايدىڭ 21 - كۇنى كۇشار قالاسى ۇزۇن قالاشىعى ياربەشى قىستاعى ەلەكتروندىق ساۋدا بويىنشا قىزمەت كورسەتۋ پۋنكتىنىڭ جاۋاپتىسى احمەت ءاحات.
احمەت سياقتى ەلەكتروندىق ساۋدا ارقىلى اۋقاتتانعان ادامدار جەرگىلىكتى ورىندا از ەمەس. اۋىل - قىستاقتى گۇلدەندىرۋگە دەم بەرۋ ءۇشىن، كۇشار قالاسى ەلەكتروندىق ساۋدا جاڭا كاسىپ كۇيىنىڭ دامۋ ۇلگىسىنە بەلسەنە ىزدەنىس جاساپ، ەلەكتروندىق ساۋدانى كوپ كاسىپ سالاسىمەن توعىستىرۋ ۇلگىسىن كادەگە جاراتىپ، ”ەلەكتروندىق ساۋدا + ساياحات“، ”ەلەكتروندىق ساۋدا + ەگىمشىلىك بازاسى“ سياقتىلاردى نەگىزگى تاقىرىپ ەتىپ، جەرگىلىكتى ورىننىڭ باسىمدىققا يە، ەرەكشە كاسىپ سالالارىن تەرەڭدەي اشىپ، ءبىرىنشى ماۋسىمدا اۋىل - قالاشىق، قىستاق دارەجەلى ەلەكتروندىق ساۋدا بويىنشا قىزمەت كورسەتۋ پۋنكتى ارقىلى ءتۇرلى اۋىل شارۋاشىلىق قوسىمشا ونىمدەرىنەن جيىنى 585.3 توننا ساتىپ، ساتىلىم سوماسى 6 ميلليون 805 مىڭ 600 يۋان بولدى.
اقسۋ ايماعى ەرەكشە اۋىل شارۋاشىلىق ونىمدەرىن جەلىدە ساتۋ كاسىپ سالاسىنىڭ دامۋىن بەلسەنە ىلگەرىلەتىپ، ەلەكتروندىق ساۋدا تۇعىرىنا سۇيەنىپ، ءىشىنارا وڭىرلەردىڭ اۋىل شارۋاشىلىق ونىمدەرىن ساتۋ ءورىسىنىڭ تار بولۋى، ساتۋ جولى ىركىلىسسىز بولماۋ سياقتى ماسەلەلەردى شىن مانىندە شەشتى. قازىرگە دەيىن اقسۋ ايماعى جيىنى مەملەكەت دارەجەلى ەلەكتروندىق ساۋدا ىستەرىن اۋىل - قىستاقتارعا جەتكىزۋدەن جالپىلىق ۇلگى كورسەتەتىن 7 اۋدان (2 - رەتكى قامتۋدى ءوز ىشىنە الادى)، ەلەكتروندىق ساۋدا ىستەرىن اۋىل - قىستاقتارعا جەتكىزۋگە ىنتالاندىرۋداعى ءبىر تيپتىك جاڭا اۋدان (قالا)، مەملەكەت دارەجەلى ەلەكتروندىق ساۋدا ىستەرىنەن ۇلگى كورسەتەتىن ءبىر بازا قۇردى.
”ەندىگى جەردە ءبىز اۋىل شارۋاشىلىق ەرەكشە ونىمدەرىن ساتۋ سەرپىنىن ۇزدىكسىز ارتتىرىپ، ينتەرنەتتە ساتۋ كولەمىن ۇلعايتىپ، ورنىقتى ەلەكتروندىق ساۋدا كاسىپ سالاسى تىزبەگىن تۇلعالاپ، اۋىل شارۋاشىلىق ەرەكشە ونىمدەرىن ينتەرنەتكە شىعارۋ ارناسىن ۇزدىكسىز كەڭەيتەمىز“، - دەگەن ويىن ءبىلدىردى اقسۋ ايماقتىق ساۋدا ىستەرى مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى حوۋ ميڭپيڭ.
ءبىر ينتەرنەت كابەلى قالا مەن اۋىلدى تۇتاستىرىپ، ءوندىرۋ مەن ساتۋدى ءتۇيىلىستىردى. جىلدام دامىعان اۋىل - قىستاق ەلەكتروندىق ساۋداسى كەڭ - بايتاق اۋىل - قىستاقتارعا قولايلى ساۋدا ارناسىن اشتى، سونداي - اق بارعان سايىن ءتىپتى دە كوپ شارۋالارعا دا جاڭا بايۋ جولىن اشتى. ساندى مالىمەتتەردە كورسەتىلۋىنشە، ءبىرىنشى ماۋسىمدا شينجياڭ اۋىل - قىستاقتارىنىڭ ينتەرنەتتە بولشەك ساتۋ سوماسى 6 ميلليارد 405 ميلليون يۋانعا جەتىپ، سايكەس مەزگىلدەگىدەن ％22.71 ارتتى. اۋىل شارۋاشىلىعى ونىمدەرىنىڭ ينتەرنەتتە بولشەك ساتىلۋ سوماسى 4 ميلليارد 370 ميلليون يۋانعا جەتىپ، سايكەس مەزگىلدەگىدەن ％22.87 ارتتى.
سوڭعى جىلدارى شينجياڭ اۋىل - قىستاقتىڭ ەلەكتروندىق ساۋدا الەۋمەتتىك قىزمەت كورسەتۋ جۇيەسىنىڭ دارەجەسىن كوتەرىپ، ساپالىلاندىرۋ، اۋىل - قىستاقتىڭ ەلەكتروندىق ساۋدا زات اينالىمى، جەتكىزۋ جۇيەسىن قۇرۋ، اقاۋسىزداندىرۋ، اۋىل - قىستاق ەلەكتروندىق ساۋدا دارىندىلارىن باۋلۋ جۇيەسىن سارا ىستەۋ، ناقتىلاندىرۋ، اۋىل - قىستاق ەلەكتروندىق ساۋدا كاسىپ سالالارىن شوعىرلاندىرۋ جۇيەسىن زورايتۋ، الۋەتتەندىرۋ سياقتىلار ارقىلى ەلەكتروندىق ساۋدانىڭ اۋىل - قىستاقتى گۇلدەندىرۋگە دەم بەرۋ رولىن تولىق ساۋلەلەندىرىپ، اۋىل شارۋاشىلىعىنىڭ ونىمدىلىگىن ارتتىرۋدى، اۋىل - قىستاقتى دامىتۋدى، شارۋالاردىڭ كىرىسىن ارتتىرۋدى جەبەدى.
بارعان سايىن شالقي ءتۇستى
تىكە تاراتۋ بازاسىنىڭ قۇرىلىسى جەدەلدەدى
4 - ايدىڭ 21 - كۇنى لوپنۇر اۋدانى گۇلباق اۋىلى گۇلباق قىستاعىندا 5 ەلەكتروندىق ساۋدا جۇرگىزۋشىسى ينتەرنەت دارىندىسى ومارتاشىلىق بازاسىن تىكە تاراتۋ بولمەسى ەتىپ، دوۋيىن سياقتى تۇعىرلار ارقىلى بۇكىل ەلدەگى سايتتاستارعا لوپنۇردىڭ كەندىر بالى، الاقات سياقتى جەرگىلىكتى ەرەكشە اۋىل شارۋاشىلىق ونىمدەرىن تانىستىردى.
”ەلەكتروندىق ساۋدا تىكە تاراتۋ ارقىلى ساتۋ جولىمىزدى كەڭەيتتىك، قازىر ەلەكتروندىق ساۋدا تۇعىرى ارقىلى كۇندىك ساتىلىم مولشەرى، ەڭ كوپ بولعاندا، 30 مىڭ يۋانعا جەتەدى“. شينجياڭ لوبۋسۇن بيولوگيالىق عىلىم - تەحنيكا شەكتى سەرىكتەستىگىنىڭ جاۋاپتىسى فىڭ شياۋلۇڭ بىلاي دەدى: بىلتىر سوڭعى جارتى جىلدا سەرىكتەستىك جەرگىلىكتى ورىنداعى ەلەكتروندىق ساۋدا تىكە تاراتۋشىلارىمەن سەلبەسىپ، تىكە تاراتۋدا زات ساتۋ فورماسى ارقىلى ءونىمنىڭ ىقپال قۋاتىن ارتتىردىق. تاعى الارمانداردىڭ اڭىسىنا قاراي دەر كەزىندە ءونىمدى رەتكە سالىپ، اناعۇرلىم كوپ تۇتىنۋشىنىڭ قاجەتىن قاناعاتتاندىردىق.
لوپنۇر اۋداندىق ەلەكتروندىق ساۋدا بويىنشا قىزمەت كورسەتۋ ورتالىعى ”لوپنۇر تىكەلەي تاراتۋى“ ۇجىمىن قۇرىپ، ”قىسقا بەينەجازبا + تىكە تاراتۋ“ ۇلگىسى ارقىلى ماتريتسا اسەرىن قالىپتاستىرىپ، اۋىل شارۋاشىلىق ونىمدەرىنىڭ ساتىلۋ ارناسىن كەڭەيتتى.
بيىل اقسۋ ايماعى اۋدان اۋماعىندىق ەلەكتروندىق ساۋدا بويىنشا الەۋمەتتىك قىزمەت كورسەتۋ ورتالىعى، ەلەكتروندىق ساۋدا قوعامى سياقتى قولداعى دايىن بايلىقتارعا سۇيەنىپ، اۋىل - قىستاق ەلەكتروندىق ساۋدا دارىندىلارىن ساتىلى باۋلۋ تىزبەگىن قالىپتاستىرىپ، اۋىل دارىندىلارىن، بايۋ باستاماشىلارىن، اۋىل - قىستاق ەلەكتروندىق ساۋدا پۋنكتى جاۋاپتىلارىن ءتۇيىندى باۋلۋ وبيەكتىسى ەتىپ، ەلەكتروندىق ساۋدا باۋلۋىن ورىستەتتى. تىكە تاراتۋ ارقىلى ينتەرنەتتە تانىلعانداردى قاداعالاپ باۋلۋ، جەتىلدىرۋ ارەكەتىن اتقارىپ، اۋىلدا قالىپ شارۋاشىلىق قۇرعان توپ ءۇشىن شەبەرلىگىن ارتتىرۋ جانە جۇمىستانۋ تۇعىرىن تەگىن ازىرلەدى. ءبىرىنشى ماۋسىمدا اقسۋ ايماعىنىڭ تىكە تاراتۋ ارقىلى جۇزەگە اسىرعان ساۋدا سوماسى 123 ميلليون يۋان بولدى.
تىكە تاراتۋ ارقىلى زات ساتۋدىڭ شارىقتاپ دامۋىنىڭ ارقاسىندا، ينتەرنەت جەلىسىندە جانە جەلىدەن تىس تۇتىنۋ ۇلگىسىن ءوزارا ۇشتاستىرۋدىڭ قادامى جەدەلدەي ءتۇستى. ءبىرىنشى ماۋسىمدا شينجياڭنىڭ تىكە تاراتۋ ارقىلى جۇزەگە اسىرعان ساۋدا سوماسى 627 ميلليون يۋان بولىپ، سايكەس مەزگىلدەگىدەن ％33.64 ارتىپ، تىكە تاراتۋ مايدان - رەت سانى 5600دەن استى.
بايلىقتى بىرىكتىردى
”شينجياڭ“ ماركاسىنىڭ اتاعىن اسپانداتتى
”شينجياڭنىڭ ەرەكشە ونىمدەرىنىڭ بازارداعى اتاعىن شىعارۋدا ساپا قۇرىلىسى مەن سارا ماركا تۇلعالاۋ توتەنشە ماڭىزدى“. شينجياڭ داشۋەسى ەكونوميكا جانە باسقارۋ شۋەيۋانىنىڭ پروفەسسورى چىن بيڭ بىلاي دەدى: ينتەرنەتتەن پايدالانىپ شينجياڭنىڭ ”قاۋىن - قاربىز، جەمىس - جيدەك مەكەنى“ سىندى ايگىلى اتاعىن باسەكەلىك باسىمدىققا جانە سارا ماركا باسىمدىعىنا اينالدىرۋ كەرەك.
سوڭعى جىلدارى شينجياڭدا اۋىل شارۋاشىلىق ەرەكشە ونىمدەرىن وندىرەتىن قىرۋار جەرلەر اۋدان اۋماعىندا الەۋمەتتىك سارا ماركا قالىپتاستىرىپ، ەلەكتروندىق ساۋدانىڭ دامۋ ورايىن يگەرىپ، اۋدان اۋماعىندىق اۋىل شارۋاشىلىق ەرەكشە ونىمدەرىن جەتىلدىرىپ، اۋىل شارۋاشىلىق ەرەكشە ونىمدەرىن بۇكىل ەلدىڭ جەر - جەرىنە ساتىپ، شينجياڭنىڭ ينتەرنەتتە ساتىلاتىن ونىمدەرىنىڭ ماركالىق ىقپال كۇشى مەن قوسىمشا قۇنى زور كولەمدە جوعارىلادى.
شونجى اۋدانى شينجياڭ ۇنىنىڭ ماڭىزدى ءوندىرىس اۋماعى. ۇندى ارقاۋ ەتكەن جەرگىلىكتى ورىن ءبىرسىپىرا ءىس تىندىردى، جەرگىلىكتى ۇكىمەتتىڭ باستاماشى بولۋىمەن قۇرعان ”شونجى تارتۋى“ ماركاسى ”شونجى ۇنىنان“ لاڭمان سياقتى باسقا ونىمدەرگە دەيىن كەڭەيىپ، ”شونجى ۇنىن“ وزەك ەتكەن، ”شونجى تارتۋىن“ ۇلاس ەتكەن ”1+1“ سىندى قوس وڭىرلىك الەۋمەتتىك ماركانى سايكەستى دامىتۋ جۇيەسىن قالىپتاستىردى.
”شونجى ۇنىنىڭ“ ارقاسىندا، شونجى اۋدانىندا ءبىر توپ كاسىپورىن ماركالارى جارىققا شىقتى، قازىرگە دەيىن مايچيانجين، سىماييۇن سياقتى 14 كاسىپورىن ماركاسى بار.
تانىستىرۋعا قاراعاندا، بيىل شونجى اۋدانى قارا ءبيداي ۇنى، ءبيداي وسكىنى، شونجى قارا استىعى سياقتى ينتەرنەتتە تانىمالى اتاقتى ونىمدەردى تۇلعالاۋعا نازاردى شوعىرلاندىرۋدى جالعاستىرادى ەكەن. سونىمەن بىرگە تاعى اۋىل شارۋاشىلىق ونىمدەرىن ءوندىرۋدى، وڭدەۋدى ولشەمدەندىرۋدى كۇشەيتىپ، ءونىمنىڭ حاۋىپسىزدىگىندە تەگىن تەكتەۋ ءتۇزىمىن اقاۋسىزداندىرىپ، ءوندىرۋدىڭ، وتكىزۋدىڭ جاريالىلىعىن جوعارىلاتىپ، ەكولوگيالىق، جاسىل، حاۋىپسىز بولعان وزىق سارا ماركا تۇلعالايدى.
ءبىرىنشى ماۋسىمدا شينجياڭنىڭ ينتەرنەتتىك ساۋداسى نەگىزىنەن تاۋباۋ (تيانماۋ)، جيڭدۇڭ، مەيتۋان، پيندودو سياقتى ەلەكتروندىق ساۋدا توعىرلارى ارقىلى تاۋار جانە قىزمەت كورسەتۋ ايىرباسىن جۇرگىزۋدى نەگىز ەتتى. مايچۇي - ىر، يگوچينچىڭ، جينپينچىڭ ازىق - تۇلىكتەرى، سىماييۇن، يۋانشييۇي سياقتىلاردىڭ ايىرباس كورسەتكىشى الدىڭعى ورىندا تۇر.
اۆتونوميالى رايوندىق ساۋدا مەڭگەرمەسىنىڭ قاتىستى جاۋاپتىسى بىلاي دەپ تانىستىردى: تۇتىنۋدىڭ دارەجەسىن جوعارىلاتۋ جاعدايىندا، شينجياڭ ”ينتەرنەت +“ ارقىلى ماركالاندىرۋعا جەتەكتەۋ سىندى جاڭاشا ءوندىرىس جۇيەسى مەن قامداۋ تىزبەگى جۇيەسىن ورناتىپ، شارۋالاردىڭ سارا ماركا قالىپتاستىرۋعا قاتىناسۋشىلار جانە يگىلىگىنە كەنەلۋشىلەر بولۋىنا مۇمكىندىك جاساپ، اۋىل - قىستاقتى گۇلدەندىرۋگە، شارۋالاردىڭ كىرىسىن ارتتىرۋعا دەم بەرەدى.
