ورتا ەسەپپەن ％10 جانە ％15 جوعارىلادى
انار بۇلت \ شينجياڭ گازەتىنىڭ ءتىلشىسى لي لين 5 - ايدىڭ 6 - كۇنى ۇرىمجىدەن حابارلايدى. اۆتونوميالى رايوندىق حالىق ىستەرى مەڭگەرمەسىنەن ۇعىسۋعا قاراعاندا، بيىل رايونىمىز قالا - اۋىلدىڭ ەڭ تومەنگى تۇرمىستى قامتاماسىز ەتۋ ولشەمىن ۇزدىكسىز جوعارىلاتىپ، قالا - اۋىلدارداعى قيىنشىلىعى بار بۇقارانىڭ نەگىزگى تۇرمىس دەڭگەيىنىڭ ەكونوميكالىق، قوعامدىق دامۋ دەڭگەيىمەن تەڭ قادامدا جوعارىلاۋىنا شىنايى كەپىلدىك ەتكەن. تۇتاس رايوندا قالالاردىڭ ەڭ تومەنگى تۇرمىستى قامتاماسىز ەتۋ ولشەمى ورتا ەسەپپەن ％10 جوعارىلاعان، اۋىل - قىستاقتاردىڭ ەڭ تومەنگى تۇرمىستى قامتاماسىز ەتۋ ولشەمى ورتا ەسەپپەن ％15 جوعارىلاعان، بۇل رايونىمىزدىڭ قوعامدىق قۇتقارۋ - كومەك ولشەمىنىڭ جوعارىلاۋ مولشەرى ەڭ زور بولعان ءبىر رەتكىسى.
تۇتاس رايوندا قالالاردىڭ ەڭ تومەنگى تۇرمىستى قامتاماسىز ەتۋ جەتەكشى ولشەمى ءاربىر ادامعا ايىنا بەرىلەتىن 560 يۋاندىق دەڭگەيدەن جوعارىلاپ 616 يۋاننان تومەن بولماۋ دەڭگەيىنە جەتتى. اۋىل - قىستاقتىڭ ەڭ تومەنگى تۇرمىستى قامتاماسىز ەتۋ جەتەكشى ولشەمى ءاربىر ادامعا جىلىنا بەرىلەتىن 4600 يۋاندىق دەڭگەيدەن جوعارىلاپ 5290 يۋاننان تومەن بولماۋ دەڭگەيىنە جەتتى.
اۆتونوميالى رايوندىق حالىق ىستەرى مەڭگەرمەسى قوعامدىق قۇتقارۋ - كومەكتەسۋ مەكەمەسىنىڭ قاتىستى جاۋاپتىسى بىلاي دەپ تانىستىردى: جاڭا ولشەم 2022 - جىلى 1 - ايدىڭ 1 - كۇنىنەن باستاپ اتقارىلدى. بيىل 1 - ايدىڭ 1 - كۇنىنەن كەيىن بۇرىنعى ولشەم بويىنشا الىپ تۇراتىن قوعامدىق قۇتقارۋ - كومەكتەسۋ، كومەك قاراجات قارجىسى جاڭا ولشەم بويىنشا كەمى تولىقتانىپ بەرىلەدى. جەر - جەر، قاتىستى تاراۋلار قوعامدىق قۇتقارۋ - كومەكتەسۋ بويىنشا ولشەمدى جوعارىلاتۋ قىزمەتىنە وسكەلەڭ ءمان بەرىپ، دەر كەزىندە، تولىق، تىڭعىلىقتى تاراتۋعا شىنايى كەپىلدىك ەتۋ كەرەك.
