− وڭتۇستىك شينجياڭ اۋىل - قىستاق ەكونوميكاسىنا شولۋ (1)
□ انار بۇلت \ شينجياڭ گازەتىنىڭ تىلشىلەرى ليۋ دۇڭلاي، ميھىرگۇل ناسىر
ياركەن اۋەجايىنىڭ قارسى الدىنداعى جوعارى جىلدامدىقتى تاس جولدىڭ تومەنگى جاعىنداعى ۇشى - قيىرسىز قۇبا تۇزدە 3000 جىلىجاي كۇن نۇرىمەن جارقىرايدى. يەلەيتىن جەر اۋدانى 20 مىڭ مۋلىق كاسىپ سالاسى باقشاسىندا قۇرىلعىلى اۋىل شارۋاشىلىعى، مال - قۇس باعىمشىلىعى، جەمىس ورمانى، جاس كۇيىندە ساقتاۋ، اۋىل شارۋاشىلىق ونىمدەرىن مانەرلەۋ سياقتى كوپتەگەن بولىمشە اۋماقتار بار، جەرگىلىكتى ورىن وعان ياركەن قۇبا ءتۇز كاسىپ سالاسى باقشاسى دەگەن قاراپايىم ات قويىپتى. 3000 نان استام ادام وسىندا جۇمىستانىپ وتىر، بولاشاقتا ادام سانى مۇنان دا كوپ بولماق. كاسىپ سالاسى باقشاسى نەلىكتەن ەڭسە كوتەرىپ تۇرا الدى؟ ونىڭ ۇستىنە نەلىكتەن قۇبا تۇزگە ورىن تەۋىپ وتىر؟ ونىڭ باياندى دامۋىنا قالاي كەپىلدىك ەتۋگە بولادى؟ ياركەن اۋدانى اۋىل - قىستاق ەكونوميكاسىن دامىتۋدىڭ ءونىمدى جولىن قاراستىرىپ تاپتى.
دەن قويا ورىن تاڭدادى
ەكولوگيالىق اينالمالى ەكونوميكا قالىپتاستىردى
”كاسىپ سالاسى باقشاسىن قۇرۋدىڭ ءتۇبىرلى ماقساتى بۇقارانىڭ كىرىسىن جوعارىلاتۋ“، - دەدى 5 - ايدىڭ 6 - كۇنى ياركەن قۇبا ءتۇز كاسىپ سالاسى باقشاسىنىڭ جاۋاپتىسى ۋي شيڭيا.
ياركەن اۋدانى 2020 - جىلدىڭ سوڭىندا كەدەي اۋدان قاتارىنان شىعارىلدى، ايتسە دە كەدەيلىكتەن ارىلۋ تەك ءبىرىنشى قادام عانا، ەندىگى جەردە اۋىل - قىستاقتى گۇلدەندىرۋدىڭ سىن - سايىسى ءالى دە زور بولماق. كاسىپ سالاسى باقشا نىسانى ءدال وسى سەبەپپەن دۇنيەگە كەلدى. باقشا قۇرۋ وڭاي ەمەس، وڭتۇستىك شينجياڭداعى كوپ ساندى جەرلەر سياقتى، ياركەن اۋدانى دا ەگىستىك جەردىڭ تاپشىلىعى، قازىنا جەتىسپەۋشىلىگى، ەكولوگيانىڭ السىزدىگى سىندى ءۇش قيىنشىلىققا ءدوپ كەلدى.
ياركەن اۋدانى نازاردى قۇبا تۇزگە اۋداردى، بۇل ارا ءبىر مۋ ەگىستىك جەردى دە يەلەمەيدى، كۇن نۇرى ەنەرگياسى مول، قۇرىلعى اۋىل شارۋاشىلىعىن دامىتۋدىڭ شارت - جاعدايى وزگەشە. الايدا باقشانىڭ ورنى قۇبا ءتۇزدىڭ قويناۋىنان تاڭدالعان جوق، قايتا اۋەجايعا جاقىن شۇراتتىڭ جيەگىنە ورنالاستىرىلدى، قاتىناس، سۋ، توك جولدارى ازىراق ۇزارتىلسا بولعانى، باقشا رايونىمەن تۇتاسادى.
قازىنالىق نەگىزى ءالسىز بولعان ءىس جۇزىندىك جاعدايعا مەڭزەس، ياركەن اۋدانى نىسان قارجىسى مەن شينجياڭعا كومەكتەسۋشى كۇشتەردى بەلسەنە پايدالانۋمەن بىرگە، باقشا رايونى قۇرىلىسىنىڭ وزىندىك قۇنىن ەڭ زور قۇلشىنىسپەن تومەندەتتى ءارى ەكولوگيالىق ورتاعا كەرى ىقپال جاساۋدان ساقتاندى. ياركەن اۋدانى قالا قۇرىلىسى مەن ەگىس القاپتارى توعانىن تازارتۋدان شىققان توپىراقتى وسىندا تاسىپ اكەلىپ، قۇرىلعىلى اۋىل شارۋاشىلىعى مەن جەمىس ورمانى اۋماعىنىڭ ەگىمشىلىك توپىراعى رەتىندە پايدالاندى. ”ءبىز 2 ميلليون 100 مىڭ تەكشەمەتر توپىراق ىستەتتىك، بازار باعاسى بويىنشا ءار تەكشەمەترى 13 يۋان، تەك وسى ءبىر ءتۇردىڭ وزىنەن 27 ميلليون يۋاننان استام اقشا ۇنەمدەپ قالدىق“، - دەدى ۋي شيڭيا.
قۇبا تۇزدەگى تاس ماتەريالدارى دا كادەگە جارادى، جىلىجايدىڭ قاسىنا ۇيىلگەن توبەشىكتەر مەن تومپەشىكتەر دە كۇندىز جىلۋ ءسىمىرىپ، كەشتە جىلۋ تاراتىپ، وتە جاقسى جىلۋ ساقتاۋ داۋالىنا اينالدى؛ از مولشەردە بۇركۋ تەحنيكاسى مەن زەردەلى سۋ، تىڭايتقىش ۇلكەن ساندى مالىمەتتەرىنىڭ قولدانىلۋى دا جىلىجايعا جۇمسالاتىن سۋ مولشەرىن ادەتتەگى جىلىجايدىكىنىڭ ۇشتەن بىرىنە ازايتتى؛ شۇراتقا جاقىن جاعراپيالىق ورنى باقشا رايونىنىڭ ولشەمدەندىرىلگەن قوقىر - قوقسىق كومۋ الاڭىنان ماڭايىنداعى اۋىل - قالاشىقتارمەن بىرگە يگىلىكتەنۋىنە مۇمكىندىك بەردى. ونان دا ماڭىزدىسى، باقشا رايونىنداعى كاسىپ سالالارىنىڭ ءوزارا تولىقتىرۋ سيپاتى ارقىلى كاسىپ سالاسى باقشاسىندا جاسىل اينالىم جۇزەگە استى.
”اۋىل شارۋاشىلىق كاسىپ سالاسى باقشاسىنىڭ باياندىلىعى ءۇشىن، ءسوز جوق، اينالمالى دامۋ جولىمەن ءجۇرۋ كەرەك، ءبىز باعىمشىلىق اۋماعىنداعى سيىردىڭ، قويدىڭ كوڭىن ءشىرىتىپ، ورگانيكالىق تىڭايتقىش جاساپ، جىلىجاي مەن جەمىس ورمانى اۋماعىنا توگىپ، جىلىجايدىڭ ىشىندەگى ساباندى تۋراعان سوڭ باعىمشىلىق اۋماعىنا اپارىپ جەمگە اينالدىردىق. ءبىر جىلىجايعا ءبىر جىلدا ءبىر توننا ورگانيكالىق تىڭايتقىش كەرەك، قازىر باعىمشىلىق اۋماعىنداعى كوڭدى جىلىجاي تىكەلەي كادەگە جاراتادى، كەلەشەكتە كولەمىن كەڭەيتىپ، توڭىرەكتى ورگانيكالىق تىڭايتقىشپەن جانە جەممەن قامداپ، پايدانى ارتتىرۋدىڭ جاڭا ءتۇيىنىن قالىپتاستىرۋعا بولادى“، - دەدى ۋي شيڭيا.
تەحنيكالىق قۋات ۇستەدى
جوعارى ولشەمدى قۇرىلعىلى اۋىل شارۋاشىلىعىن قۇردى
اينالمالى اۋىل شارۋاشىلىعىن قۇرۋمەن بىرگە، كاسىپ سالاسى باقشاسى تۇراقتى مۇلىك مەنشىك ۇقىعىنىڭ كوپ ءتۇرلى ءبولىس ءتاسىلىن اتقاردى. باقشا رايونىنداعى باعىمشىلىق سياقتى باسقا اۋماقتاردى ۇكىمەت قارجى شىعارىپ سالىپ، ساپالى كاسىپورىنداردى جالعا الۋعا ءارى شارۋاشىلىق جۇرگىزۋگە باۋرادى. الايدا جىلىجاي اۋماعى ”اتتامالى جەر“ سيپاتىنا جاتادى، ءارقايسى اۋىل - قالاشىقتار نىسان قارجىسىن الۋعا ءوتىنىش بەرۋ ارقىلى اۋدان ءبىر تۇتاس جوسپارلاپ، باقشا رايونىندا اۋماق بەلگىلەپ، ءبىر تۇتاس ولشەم بويىنشا ءارقايسى اۋىل - قالاشىقتار ادام كۇشىن ۇيىمداستىرىپ جەكە - جەكە سالادى.
”ءارقايسى اۋىل - قالاشىقتار وزدەرىنىڭ جىلىجايلارىن سالىپ، اۋىل - قالاشىققا جۇمىس ىستەۋ كىرىسىن قوستى، جىلىجاي سالىنىپ بولعاننان كەيىن، كوپتەگەن قۇرىلىس جۇمىسشىلارى بىردەن كوتەرمەگە الۋشى وتباسىنا اينالدى. تەحنيكاسى بار، كەلۋدى قالايتىندار جىلىجايدى جەكەلەي كوتەرمەگە الادى؛ تەحنيكاسى جوق بولسا دا، كەلۋدى قالايتىندار الدىمەن باقشا اۋماعىندا ۇيرەنىپ، بىلگەن سوڭ جىلىجايدى كوتەرمەگە الادى“، - دەدى ۋي شيڭيا، - ”بيىل 5 - ايدىڭ سوڭىندا قالعان 1000 جىلىجاي دا سالىنىپ بولادى، قازىر نەگىزىنەن الدىن الا تاپسىرىس بەرىپ بولدى، كەزى كەلگەندە، بۇكىل باقشاداعى جىلىجايلاردىڭ سانى 4000 عا جەتەدى“. اۋىل - قالاشىقتاردىڭ ءارقايسىسى وزدەرىنىڭ جىلىجاي سانى بويىنشا جالعا بەرۋ اقىسىن الادى، جالعا بەرۋ اقىسى سول اۋىل - قالاشىقتاعى قيىنشىلىعى بار بۇقاراعا كومەكتەسۋ - سۇيەمەلدەۋگە جۇمسالادى، ال جىلىجايدى پايدالانۋدى باقشا رايونى ءبىر تۇتاس جۇرگىزىپ باسقارادى.
ءاربىر جىلىجايدىڭ سالىنۋ باعاسى 170 مىڭ يۋان اينالاسىندا، جەرگىلىكتى شارۋالاردىڭ وزىندىك ەكونوميكالىق شارت - جاعدايىنا سۇيەنىپ سالۋ مۇمكىن ەمەس، مۇندا مەملەكەتتىڭ قولداۋى ەڭ شەشۋشى فاكتور بولىپ تابىلادى. ياركەن اۋدانىنىڭ قيىندىقتاردى جەڭىپ، شوعىرلاندىرىلعان جوعارى ولشەمدى جىلىجاي سالۋى ورە جەتپەسكە وزەلەنۋ ەمەس، قايتا قۇرىلعىلى اۋىل شارۋاشىلىعى ەگىمشىلىگىنىڭ جوعارى تەحنيكالىق قامالىن بۇزۋ ءۇشىن نەگىزدىك شارت - جاعداي ازىرلەۋ بولىپ تابىلادى.
اۋات قالاشىعى گۇلباق قىستاعىنىڭ تۇرعىنى قايۇم امەتنياز جىلىجايدى كوتەرمەگە الۋشى، جىلىجايدا كوك ءتۇستى جينسي شالبار، جەڭىل شاقاي كيگەن ول قىزاناقتىڭ ءوسۋ جاعدايىن دەن قويا باقىلاپ ءجۇر.
”بۇل جەر ۇلكەن اتىزدا ەگۋمەن سالىستىرعاندا تازا بولۋمەن بىرگە، ۇلكەن اتىزدا ەگۋگە قاراعاندا وڭاي“. قايۇم جىلىجايداعى زەردەلى زاتتار ينتەرنەتى سۋ مەن تىڭايتقىشتى بۋلاندىرىپ بەرۋ - تەمپەراتۋرانى تومەندەتۋ ءبىرتۇلعالى اپپاراتىن نۇسقاپ بىلاي دەدى: ”شارۋانىڭ ءبارىن وسى بىتىرەدى، باس جاعىمدا اۆتوماتتى وراما پەردە بار، مەن تەك اراسىن اشۋ، ارام ءشوبىن وتاۋ، گۇلىن توزاڭداندىرۋ سياقتىلاردى ىستەيمىن، بارلىعى ولشەممەن ىستەلەدى، بىلمەسەم، تەحنيكتەر كەز - كەلگەن ۋاقىتتا جەتىپ كەلەدى“.
زاتتار ينتەرنەتىنىڭ سوڭعى بۋىنى ەگىنشىنىڭ قول تەلەفونىنا جالعانادى، باقشا رايونىنىڭ قىزمەت وتەۋ ورتالىعىنداعى كومپيۋتەر ءاربىر جىلىجايعا جالعانعان، ونى ۋاق - ۋاق قاداعالاپ تۇرادى. ”سۋ از، تىڭايتقىش كەم بولسا سيگنال بەرەدى، ەگىنشى دەر كەزىندە رەتتەي الادى“، - دەدى ۋي شيڭيا. تەك زەردەلىلەندىرىلگەن جۇيەگە سۇيەنۋ ارقىلى عانا جىلىجايدا ەگۋدىڭ تەحنيكالىق قامالىن الۋعا كەلمەيدى، تاعى ءبىر فاكتور سورتتىڭ تاڭدالۋى.
تۇتاس جىلىجاي اۋماعىندا قىزىل بۇرىش پەن قىزاناق قانا ەگىلەدى، قانشا جىكتەلسە دە، تەك 5 ءتۇرلى سورتى عانا بار. بۇل تاجىريبەنى، تەحنيكانى بارىنشا كوشىرىپ قولدانۋعا بولاتىندىعىن اڭعارتادى. تەحنيك لي شۋەزىڭ سياقتى 12 ادام شاندۇڭنان وسى اراعا شاقىرتىلعان، ءبىر جىلعا جەتپەيتىن ۋاقىتتا جەرگىلىكتى ورىندا 190 ادامدىق جەتىلگەن تەحنيكتەر قوسىنىن تاربيەلەدى، بۇل جەرگىلىكتى ورىننىڭ قاجەتىن تولىق قاناعاتتاندىرا الادى.
قاراپايىم ەگىمشىلىك قۇرىلىمى تەحنيكتەردىڭ شەبەرلىگىنىڭ جەتىلە تۇسۋىنە مۇمكىندىك بەرىپ قانا قويماي، ەگىنشى وتباسىلارىنىڭ ءوزارا اۋىس - كۇيىس جاساپ، ۇلگى الۋىنا مۇمكىندىك ازىرلەيدى. ونىڭ ۇستىنە زەردەلىلەندىرىلگەن جۇيەنىڭ دەم بەرۋىمەن ەگىنشىنىڭ مادەنيەت ورەسى جوعارى بولماسا دا، تۇتاس قۇرىلعىلى اۋىل شارۋاشىلىعىنىڭ ولشەمدەندىرىپ ەگۋىنە مۇمكىندىك بەرەدى.
بازار وزگەرىسىنىڭ تۇراقسىزدىعى اۋىل شارۋاشىلىعى ونىمدەرىنىڭ ساتىلۋىنا ەكىنىڭ بىرىندە كومەسكى حاۋىپ اكەلەدى، الايدا ۋي شيڭيانىڭ تولىق سەنىمى بار. ”ءبىز تاڭداعان ەگىمشىلىك قۇرىلىمى قاراپايىم بولعانىمەن، كورسوقىرلىقپەن ىستەمەيمىز“. ءىس جۇزىندە، ياركەن قۇبا ءتۇز كاسىپ سالاسى باقشاسى دامۋىنىڭ كەلەشەگىن بەلگىلەيتىن ءتۇبىرلى كۇش - قۋات كاسىپ سالاسى باقشاسىنىڭ سىرتىندا.
جەرگىلىكتى ورىندى تياناق ەتتى
جاقىننان الىسقا قاراي بازاردى كەڭەيتتى
قۇرىلعىلى اۋىل شارۋاشىلىعىن ۋاكىل ەتىپ، كاسىپ سالاسى باقشاسىنىڭ ىشىندە مال، قۇس باعىمشىلىعى سياقتى كاسىپ سالالارىن ورنىقتى دامىتۋدىڭ ءبارى ءبىر نەگىزگى رەالدىققا، ياعني ياركەن اۋدانىنىڭ مول حالىق سانىنا سۇيەنەدى. تەك باعىت دۇرىس تاڭدالسا، سول جەردەگى ميلليوننان استام حالىقتىڭ ءوزى كەڭ - بايتاق بازار كەڭىستىگى بولىپ تابىلادى.
ۋي شيڭيا مىناداي ەسەپ جاسادى: ياركەن اۋدانىندا ورتا ەسەپپەن كۇنىنە 2000داي قوي تۇتىنىلادى، جىلدىق جالپى تۇتىنۋ مولشەرى مەجەمەن 730 مىڭ تۇياق، قازىرگى باعىمشىلىق كولەمى بۇل قاجەتتى مۇلدە قاناعاتتاندىرا المايدى. قورشاعان ورتا كوتەرىمدىلىگىن ويلاستىرۋ العى شارتىندا كاسىپ سالاسى باقشاسىنىڭ ەڭ سوڭعى باعىمشىلىق كولەمىن 400 مىڭ تۇياق قوي ەتىپ جوبالاۋعا بولادى − ءبىر جەردىڭ اس - سۋ ادەتىنىڭ وزگەرۋى ايرىقشا باياۋ بولادى، بۇل ءبىر ورنىقتى بازار.
قۇرىلعىلى اۋىل شارۋاشىلىعى دا وسىلاي. ”قىزىل بۇرىش پەن قىزاناق − نەگىزگى كوكونىس، ەلدىڭ ءبارى جەيدى، وتە تۇراقتى، سونىمەن بىرگە تاسىمالداۋعا دا قولايلى، سوڭعى وڭدەۋ كاسىپ سالاسى تىزبەگى ۇزىن، تەحنيكالىق جاقتا دا سالىستىرمالى تۇردە اناعۇرلىم تولىسقان“. ۋي شيڭيا بىلاي دەدى: ”كاسىپ سالاسى باقشاسىنىڭ كوزدەگەنى جەرگىلىكتى تۇتىنۋدى تاعان ەتكەن قاجەتتى بۇيىم بازارى. ساتۋ بەتالىسى وتە ايقىن، الدىمەن ياركەن اۋدانىنا، سودان كەيىن توڭىرەگىنە، ەڭ سوڭىندا تاپسىرىستىق ۇلگى ارقىلى شينجياڭنىڭ ءىشى مەن باسقا ولكە، رايون، قالالارعا ساتىلادى. قازىر ياركەن اۋدانىنىڭ ％60 قىزىل بۇرىشى مەن قىزاناعىن ءبىز قامدايمىز، بۇل تۇراقتى بازار، باقشا رايونى دامۋىنىڭ ’ورنىقتىرعىشى‘“.
ەگىنشىلەر جونىنەن العاندا، ءاربىر جىلىجايدا ءبىر جىلدا 2 جارىم رەت كوكونىس ەگۋگە بولادى، قىزاناقتىڭ ءونىم مولشەرى 9 توننادان 10 تونناعا دەيىن، قىزىل بۇرىشتىڭ ءونىم مولشەرى 6 توننادان 8 تونناعا دەيىن، ءتۇرلى وزىندىك قۇندى شىعارىپ تاستاعاندا، ءاربىر جىلىجايدىڭ جىلدىق تازا كىرىسى 30 مىڭ يۋان اينالاسىندا بولادى. ارال اۋىلى سارتوبە قىستاعىنداعى ابىلەت تۇرمامەت 2021 - جىلى 10 - ايدىڭ سوڭىندا ءبىر جىلىجايدى كوتەرمەگە الىپ، 10 مىڭ يۋان تاپقان سوڭ، بيىل تاعى ەكىنشى جىلىجايدى كوتەرمەگە الدى. ”ايەلىم ەكەۋىمىز ءاپ - ادەمى اقشا تاۋىپ جاتىرمىز، باقشا رايونىنىڭ ءۇي جالداۋ اقىسى دا ارزان، تاڭەرتەڭ بالامىزدى 2 كيلومەتر جەردەگى ودانلىق قالاشىعىنداعى بالاباقشاعا اپارىپ تاستاپ، كەشتە الىپ كەلەمىز. تۇرمىسقا تىم كوپ اقشا كەتپەيدى، كىرىسىمىز اجەپتاۋىر كوبەيدى“، - دەدى ابىلەت.
الامەت قالاشىعى زامانقۇم قىستاعىنداعى ابباس عافيز ەڭ العاشىنداعى 2 جىلىجايدان كەيىن، نەشە كۇننىڭ الدىندا تاعى 3 جىلىجايدى كوتەرمەگە الدى، ونىڭ بيىلعى نىساناسى جىلىجايدان 100 مىڭ يۋان اقشا تابۋ. جاقىندا ول تاعى ءبىر جاقسى جۇمىس تاۋىپ الدى، ءۇش دوڭگەلەكتى موتوتسيكلىن ءمىنىپ، ۇلىمەن بىرگە جىلىجايدىڭ كوكونىستەرىن ساتىپ الىپ، اۋدانداعى اۋىل شارۋاشىلىق ماتەريالدارى بازارىنا توتە اپارىپ ساتىپ، 15 كۇندە 5000 يۋان تاپتى. ”بۇگىن 200 كيلوگرام قىزىل بۇرىش پەن 600 كيلوگرام قىزاناق ساتىپ الىپ، 300 يۋان اقشا تاپتىق“، - دەدى ابباس.
قۇمىرىسقانىڭ يلەۋىن كوشىرۋدەي ساۋدا ابباس سياقتى شارۋالارعا انتەك قۋانىش سيلادى، شوعىرلاندىرىلعان ءوندىرىس ۇلگىسى تومەنگى بۋىنداعى ساتۋشىلارعا زور قولايلىلىق اكەلدى. ”ولاردىڭ وزىندىك قۇنى تومەندەدى، اۋىل - قالاشىقتارعا بارىپ كوكونىس جينامايتىن بولدى، ونىڭ ۇستىنە بۇل جەردەگى كوكونىستىڭ ساپاسى ەرەكشە جاقسى، قازىر ءار كۇنى 20 توننا اينالاسىندا كوكونىس شىعارىلادى، جاس كۇيىندە ساقتاۋ اۋماعى بار، ساۋداگەرلەر شامامەن 3 كۇندە ءبىر كەلەدى“. ۋي شيڭيا بىلاي دەدى: ”جازدا ۇلكەن اتىزداعى كوكونىس بازارعا شىعارىلعاننان كەيىن، جىلىجايدى دەمالدىرىپ، جازداعى جوعارى تەمپەراتۋرا ارقىلى جىلىجايدى زارارسىزداندىرامىز، ەگىنشىلەر يكەمدى جۇمىستانىپ تاعى ءبىر كىرىس كىرگىزەدى، ەندى بازاردى ۇلكەن اتىزداعى قىزىل بۇرىش، قىزاناق قامدايدى، كاسىپ سالاسى دا ءوزارا تولىقتىرۋ جاعدايىن قالىپتاستىرادى“.
”ءبىز اۋدان اۋماعىنىڭ ءىس جۇزىندىك جاعدايىمەن ۇشتاستىرىپ، قالا مەن اۋىلدىڭ توعىسپالى دامۋىن ىلگەرىلەتىپ، ەرەكشە بايلىق باسىمدىعىن ەكونوميكالىق دامۋ قوزعاۋشى كۇشىنە اينالدىرىپ، اۋىل شارۋاشىلىعىنىڭ ءتۇسىمدى ارتتىرۋىن، شارۋالاردىڭ ورنىقتى جۇمىستانۋى مەن كىرىستەرىن ارتتىرۋىن جەبەدىك“، - دەدى ياركەن اۋداندىق پارتكومنىڭ شۋجيى فان باۋجۇن.
