5 ميلليون 753 مىڭ 500 ادام - رەت يگىلىكتەندى
انار بۇلت \ شينجياڭ گازەتىنىڭ ءتىلشىسى جاۋ شييا 5 - ايدىڭ 6 - كۇنى ۇرىمجىدەن حابارلايدى. اۆتونوميالى رايوندىق وقۋ - اعارتۋ مەڭگەرمەسىنەن ۇعىسۋىمىزشا، بيىل ءبىرىنشى ماۋسىمدا رايونىمىز وقۋشىلارعا قارجىلاي كومەك، جاردەم قاراجاتىنان جالپى 5 ميلليارد 328 ميلليون يۋان بوساتىپ، يگىلىكتەنگەن وقۋشى 5 ميلليون 753 مىڭ 500 ادام - رەت بولعان.
بيىل جىل باسىنان بەرى رايونىمىز دالمە - ءدال قارجىلاي كومەك بەرۋدى ىشكەرىلەي ىلگەرىلەتىپ، مەملەكەتتىك وقۋشىلارعا قارجىلاي كومەكتەسۋدى باسقارۋ ينفورماتسيا جۇيەسىنەن ويداعىداي پايدالانىپ، وقۋ - اعارتۋ مەن حالىق ىستەرى سياقتى تاراۋلاردىڭ ساندى مالىمەتىنەن بىرگە يگىلىكتەنۋدى ۇزدىكسىز كۇشەيتىپ، ءار دارەجەلى، ءار ءتۇرلى مەكتەپتەردىڭ دالمە - ءدال قارجىلاي كومەكتەسۋ قىزمەتىن ورىستەتۋىنە پارمەندى قولداۋ كورسەتىپ، قيىنشىلىعى ەڭ اۋىر وقۋشىنىڭ ەڭ جوعارى ولشەمدەگى قارجىلاي كومەكتەن يگىلىكتەنۋىنە شىنايى كەپىلدىك ەتتى. سونىمەن بىرگە، وقۋ - اعارتۋ مينيسترلىگى سياقتى قاتىستى تاراۋلاردىڭ جەتەكشى پىكىرىن جاپپاي تياناقتاندىرىپ، وتباسىندا ەكونوميكالىق قيىنشىلىعى بار وقۋشىلاردى ناقتى بەلگىلەۋ ءادىسىن ۇزدىكسىز كەمەلدەندىرىپ، دەموكراتيالىق باعالاۋ، كەيبىرىمەن اڭگىمەلەسۋ، ۇيدەن جاعداي ۇعىسۋ سياقتى تاسىلدەردەن پايدالانىپ، وتباسىندا ەكونوميكالىق قيىنشىلىعى بار وقۋشىلاردى بەلگىلەۋدىڭ دالمە - دالدىگىن جوعارىلاتتى.
پارتيا 18 - قۇرىلتايىنان بەرى مەملەكەت مەكتەپكە دەيىنگى تاربيەدەن تارتىپ اسپيرانتتىق اعارتۋعا دەيىنگى بارىستى قامتىعان وقۋشىلارعا جان - جاقتىلى قارجىلاي كومەك بەرۋ ساياسات جۇيەسىن ورناتىپ، ءارقايسى وقۋ ساتىسى، ۇكىمەت قۇرعان، حالىق باسقارۋىنداعى مەكتەپتەر، وتباسىندا ەكونوميكالىق قيىنشىلىعى بار وقۋشىلار سىندى ”ءۇشتى تۇتاس قامتۋدى“ جۇزەگە اسىردى.
مەملەكەتتىڭ قارجىلاي كومەك بەرۋ ساياساتىنىڭ نەگىزىندە، اۆتونوميالى رايون رايون جاعدايىن، وقۋ - اعارتۋ جاعدايىن نەگىز ەتە وتىرىپ، ىلگەرىندى - كەيىندى وڭتۇستىك شينجياڭداعى 4 ايماق - وبلىستا 15 جىلدىق تەگىن وقىتۋ ساياساتى، ورتا دارەجەلى كاسىپتىك مەكتەپتەردە جاتاق اقىسىن الماۋ جانە وقۋ ماتەريالدارى قاراجاتىنا جاردەم قاراجات بەرۋ ساياساتى، جوعارى مەكتەپتىڭ دايىندىق كلاسىنداعى وقۋشىلاردىڭ وقۋ قاراجاتىنا جانە جاتاق قاراجاتىنا جاردەم قاراجات بەرۋ ساياساتى جانە اسپيرانتتىق وقۋعا وقۋ سيلىق قاراجاتىن بەرۋ سياقتى كوپتەگەن جەرگىلىكتى قارجىلاي كومەك بەرۋ ساياساتىن ىلگەرىندى - كەيىندى جولعا قويدى.
