شۇي چيڭگۋاڭ
تىكە تاراتۋ بولمەسىندە حوتان قالاسىنداعى ازامات اۋىلىنىڭ ونىمدەرىن بار پەيىلىمەن جارنامالادى؛ توقىماشىلىق، كيىم - كەشەك باقشا رايونىندا گۇما اۋدانىنداعى جاستار كۇن سايىن قۇلشىنىپ، تەحنيكالىق شەبەرگە اينالدى؛ قىستاق قۇرعان زاۆودتاردا قاراقاش اۋدانىنداعى جوعارى مەكتەپ بىتىرگەن وقۋشى قىستاق باستىقتارى اۋىل شارۋاشىلىق ونىمدەرىنىڭ ساپاسىن قالاي وسىرۋگە وي جۇگىرتۋدە... انار بۇلت \ شينجياڭ گازەتىنىڭ ”وڭتۇستىك شينجياڭنىڭ جاڭا كەلبەتى“ جالپىلىق مەديا حابارلاۋ ۇجىمى قالالار مەن اۋىل - قىستاقتاردى ارالاپ، ءار ۇلت جاستارىنىڭ كۇرەس جۇرگىزۋ ارقىلى كۇنلۇن تاۋىنىڭ باۋرايىنداعى جاستىق جالىندى قاۋلاتىپ، جاڭا داۋىردەگى جاستىق جىرىن كۇش سالا جازعاندىعىنا كۋا بولدى.
جاڭا ءداۋىر − ارمان قۋعانداردىڭ ءداۋىرى. اۋىل - قىستاقتى جاپپاي گۇلدەندىرۋ بارىسىندا قىرۋار جاستار نەگىزگى ساتىعا تامىر تارتىپ، سيفرلى تەحنيكانى ”قولىندا ويناتقان“ جاڭا شارۋالارعا اينالدى؛ دۋماندى مانەرلەۋ، جاساۋ ءبىرىنشى شەبىندە كوپتەگەن جاس ءبىلىم قۇمار بولىپ، تالپىنىپ، شارۋا بالاسىنان تولىمدى ونەركاسىپ جۇمىسشىسىنا اينالدى؛ كوپ بولىپ شارۋاشىلىق قۇرۋ، جالپى قاۋىم جاڭالىق اشۋ جاڭا تولقىنىندا كوكەيلەرىنە اسقاق ارمان ۇيالاتىپ، سەرىكتەستىكتى تىركەۋگە الدىرىپ، قوجايىنعا اينالعان جاستار قانشاما... وڭتۇستىك شينجياڭداعى قالىڭ جاستار ورايدى قاستەرلەپ، ىجداعاتتىلىق تانىتىپ بىردەن ىسكە كىرىسەتىن ەڭبەكشىگە، قامال الىپ قيىندىقتاردى ەڭسەرگەن كۇرەسكەرگە اينالىپ، جاستىق كوكتەمدى جاڭالىق اشۋ، جاسامپازدىق جاراتۋ بارىسىندا نۇر - شۇعىلا شاشتىردى.
ءداۋىر جاستاردى باۋليدى، گۇلدەنگەن زامان جاستاردى تابىسقا جەتەلەيدى. وڭتۇستىك شينجياڭ سىندى ۇمىتكە تولى ىرىستى توپىراقتا ءداۋىر ءار ۇلت جاستارىنا كەڭ - بايتاق شەكسىز ەسەيىپ - ەرجەتۋ كەڭىستىگىن ازىرلەدى؛ وڭتۇستىك شينجياڭداعى جاستار اسقاق سەزىمىن الاۋلاتىپ، ارمانعا قۇلاش سەرمەۋ بارىسىندا ءداۋىردىڭ دامۋىنا، العا باسۋىنا جاستىق كوكتەمنىڭ قوزعاۋشى كۇشىن ۇستەدى.
جاستىق كوكتەم شىڭدالۋ ارقىلى قۇلپىرادى، ءومىر كۇرەس جۇرگىزۋ ارقىلى ارلەنەدى. بەلسەنە ىرىقتىلىقپەن نازاريا ۇيرەنىپ، مادەنيەت ۇيرەنىپ، عىلىم ۇيرەنىپ، ونەر ۇيرەنىپ، يدەيالىق جەتىلىمدى، دەنە ساپاسىن، رۋحاني قاسيەتتى، جالپىلىق قابىلەتتى قۇلشىنا جوعارىلاتىپ، ءاربىر ۇساق ءىستى جاقسى ىستەپ، ءاربىر مىندەتتى ورىنداپ، ءاربىر جاۋاپكەرشىلىكتى ادا ەتسە بولعانى، وڭتۇستىك شينجياڭ جاستارى، ءسوز جوق، تانىم مەن ارەكەتتىڭ بىرلىگى بارىسىندا جاستىق كوكتەمنىڭ ەڭ كوركەم كەلبەتىن كەستەلەپ، ءداۋىردى العا باسۋعا ىلگەرىلەتەتىن تەلەگەي كۇش ۇيىستىرادى.
