− مەملەكەتتىك جۇمىسشىلار اۆانگاردى اتاعىن العان كوللەكتيۆ جۇڭگو پوچتا توبى شەكتى سەرىكتەستىگى ۇرىمجى قالالىق بولىمشە سەرىكتەستىگى سايباق رايوندىق تيجارات ءبولىمى جونىندە
□ انار بۇلت \ شينجياڭ گازەتىنىڭ ءتىلشىسى فان چيۇڭيان
وتكەن ءبىر كۇنگى قىزمەتتى قورىتىندىلاپ، قاريدارلارعا قىزمەت وتەۋدىڭ ماڭىزدى ءتۇيىنى مەن ەسكەرتۋلەردى جەتكىزدى... 5 - ايدىڭ 1 - كۇنى ساعات 9دان 30 مينۋت مولشەرىندە، ءۇرىمجى قالاسى شيحۇڭ باتىس جولىنداعى جۇڭگو پوچتا توبى شەكتى سەرىكتەستىگى ءۇرىمجى قالالىق بولىمشە سەرىكتەستىگى سايباق رايوندىق تيجارات بولىمىندە (تومەندە قىسقارتىلىپ ”سايباق رايوندىق تيجارات ءبولىمى“ دەلىندى)، تاڭەرتەڭگى قىزمەت جيىنىنا قاتىناسقان ادام سانى مەرەكە سەبەبىنەن ازايمادى.
”مەرەكە بولعان سايىن قاربالاس بولىپ كەتەمىز، كوپشىلىك ’جان سالا ىستەۋ‘ رۋحى ارقىلى پوچتا جولدامالارىنىڭ قاۋىرت مەزگىلىنە توتەپ بەرۋگە ۇيرەنىپ كەتتى“. سايباق رايوندىق تيجارات ءبولىمىنىڭ ورىنباسار مەڭگەرۋشىسى دۇڭ يۇڭشان سويلەي ءجۇرىپ، ۇلكەندى - كىشىلى جولدامالاردى جەتكىزۋ اۆتوكولىگىنە تيەدى. ءار كۇنگى تاڭەرتەڭگى قىزمەت جيىنىنىڭ الدى - ارتىندا، مەيلى قانداي جۇمىس ورنىندا بولسا دا، كوپشىلىك سانالى تۇردە زات تاسۋشى بولادى، ”اۆتوكولىككە ەرتەرەك تيەپ بولساق، قالا تۇرعىندارى كۇتىپ وتىرعان جەدەل جولدامالاردى ەرتەرەك جەتكىزۋگە بولادى“، - دەدى دۇڭ يۇڭشان.
سايباق رايوندىق تيجارات بولىمىندە قازىر 38 جۇمىسشى - قىزمەتكەر بار، ورتاشا جاسى 35تە، شيحۇڭ جولى، يوۋحاۋ جولى سياقتى 13 جول بولىگىنىڭ جيناۋ، جەتكىزۋ ىسىنە جاۋاپتى، قىزمەت وتەۋ كولەمى 58 شارشى كيلومەتر، قىزمەت وتەيتىن جان سانى 420 مىڭعا تاياۋ، ورتا ەسەپپەن كۇنىنە جەتكىزەتىن جولدامالار 1500دەن اسادى.
جۇڭگو پوچتا توبى شەكتى سەرىكتەستىگى ءۇرىمجى قالاسى سايباق رايوندىق بولىمشە سەرىكتەستىگىنىڭ ورىنباسار ديرەكتورى ما ميڭ بىلاي دەپ تانىستىردى: 2021 - جىلى سايباق رايوندىق تيجارات ءبولىمى 414 مىڭ پوچتا جولداماسىن جەتكىزىپ، تۇتاس جىلدا بىردە - ءبىر پوچتا جولداماسىنىڭ جوعالۋ جاعدايى تۋىلمادى، جەتكىزۋدە ساپا ماسەلەسى كورىلمەدى. ”حالىق پوچتاسى حالىق ءۇشىن قىزمەت وتەيدى“ دەيتىن قىزمەت وتەۋ باس ماقساتىن ۇستانىپ، جۋىق جىلداردان بەرى وسى تيجارات ءبولىمى قىزمەت وتەۋ قىزمەت مەحانيزمىندە ۇزدىكسىز جاڭالىق اشىپ، قىزمەت ونىمدىلىگى مەن قىزمەت وتەۋ دەڭگەيىن جوعارىلاتىپ، بۇقارانىڭ كەڭ كولەمدە جاقسى باعاسىنا يە بولىپ، ىلگەرىندى - كەيىندى شينجياڭ پوچتا جۇيەسىندەگى وزات كوللەكتيۆ، اۆتونوميالى رايوندىق جۇمىسشىلار اۆانگاردى اتاعى سياقتىلاردى يەلەدى.
”ءسىزدىڭ جەدەل جولداماڭىز تاپسىرىپ الۋشىعا جەتكىزىلدى، تاعى سۇرايتىنىڭىز بار ما“؟ سايباق رايوندىق تيجارات ءبولىمىنىڭ ىشكى جۇمىسقا جاۋاپتى قىزمەتكەرى قادىريا اكىم ءبىر قاريداردىڭ سۇراۋىنا جاۋاپ بەردى. ءاسىلى، بۇل قاريدار ءوزىنىڭ پوچتادان سالعان ينفورماتسياسىندا قاتەلىك بار ەكەنىن بايقاپ، تەكشە ارقىلى بايلانىس جاساپ ينفورماتسياسىن وزگەرتەدى، ال وسىنىڭ الدىندا العاش جونەلتۋ ءساتسىز بولعان سوڭ، قادىريا الدەقاشان تالاي رەت تەكسەرىپ ىزدەۋ ارقىلى تاپسىرىپ الۋشىنىڭ دۇرىس ادرەسىن انىقتاپ شىعادى ءارى جەتكىزۋشىنىڭ زات جەتكىزۋىن رەتتەيدى.
”مۇنداي جاعداي ۇنەمى تۋىلادى، كۇن سايىن جولىعامىز“. سايباق رايوندىق تيجارات ءبولىمىنىڭ جەدەل جولداما جەتكىزۋشىسى جاڭ حۋان كۇنىنە 150 اينالاسىندا پوچتا جولداماسىن جەتكىزەدى، ول بىلاي دەدى: مەملەكەتتىك جۇمىسشىلار اۆانگاردى اتاعىن العان سوڭ، كوپشىلىك ايرىقشا جىگەرلەنىپ، ءتىپتى كوپ اتاق - داڭققا يە بولۋعا ءبىر نيەتپەن كۇش سالدى.
سايباق رايوندىق تيجارات ءبولىمى قاريدارلاردىڭ العىسىن قىزمەت وتەۋدىڭ ولشەمى ەتىپ، وزدەرىنىڭ قىزمەت وتەۋ دەڭگەيىن ۇزدىكسىز جوعارىلاتىپ، قىزمەت وتەۋ ۇلگىسىندە ۇزدىكسىز جاڭالىق اشىپ، جەرگىلىكتى قاريدارلاردىڭ سۇرانىسىنا نەگىزدەلە وتىرىپ، شينجياڭ ىشىندە شاعىن قامبامەن قىزمەت وتەۋدى جولعا قويىپ، قاريدار ءۇشىن شاعىن قامبا ورناتتى. سونىمەن بىرگە، ءتىپتى دە كوپ شينجياڭ سىرتىنداعى ەلەكتروندى ساۋدانى ”شينجياڭعا اقسىز جەتكىزۋ“ قىزمەت وتەۋىمەن، سونداي - اق پوچتا قامباسىمەن جانە ءبىر جولداما بولسا دا جەتكىزىپ بەرۋ قىزمەت وتەۋىمەن قامداپ، قاريدارلاردىڭ تاسىمال وزىندىك قۇنىن تومەندەتتى. ”شينجياڭعا اقىسىز جەتكىزىپ بەرۋ“ ەلەكتروندى ساۋدا شوعىرىن بىرتىندەپ كەڭەيتتى ءارى وسى تيجارات ءبولىمنىڭ كاسىپ ناتيجەسىن قارىشتاي ىلگەرىلەتتى.
”ءبىزدىڭ قامبادا ساقتاۋ بايلىق باسىمدىعىمىز بار، قاريدارلاردىڭ بەرىك سۇيەنىشى بولا الامىز، قاريدارلار تەك الدىڭعى باسقىشتاعى ساۋدالاسۋدى جاقسى ىستەسە بولعانى، قامبادا ساقتاۋ، جەتكىزۋ، ءبىر جولداما بولسا دا جەتكىزىپ بەرۋدى تۇگەلدەي بىزگە الاڭسىز تاپسىرۋىنا بولادى“، - دەدى ما ميڭ.
سايباق رايوندىق تيجارات ءبولىمىنىڭ قاريدارى، ءۇرىمجى قالالىق يگوۋ يوۋپين ساۋدا - ساتتىق شەكتى سەرىكتەستىگىنىڭ جاۋاپتىسى بىلاي دەدى: ”سايباق رايوندىق تيجارات بولىمىندە وزىق قامبادا ساقتاۋ، باسقارۋ جۇيەسى جانە ۇزدىك قامبا باسقارۋشىسى بار، زاتتاردى ولاردىڭ قامباسىنا الاڭسىز قويامىز، تاسىمالداۋ قۇنىن ازايتىپ قانا قالماستان، جولدامانى جەتكىزۋ ونىمدىلىگىن دە جوعارىلاتىپ، ەكى جاققا دا پايدالى بولۋدى جۇزەگە اسىردى“.
دۇڭ يۇڭشان بىلاي دەپ تانىستىردى: كوپشىلىكتىڭ قۇلشىنىس جاساۋىنىڭ ارقاسىندا، سايباق رايوندىق تيجارات ءبولىمى ايرىقشا كاسىپ ناتيجەسىن جاراتىپ قانا قالماستان، قاريدارلاردىڭ ريزالىعىنا دا يە بولىپ، ءتىپتى دە كوپ سەنىمدى قاريدارلارعا قول جەتكىزىپ، شينجياڭ ىشىندەگى قاريدارلارعا شاعىن قامبامەن قىزمەت وتەۋ ورنى العاشقى 3دەن قازىرگى 26عا جەتىپ، شاعىن قامبا بۇرىنعى نەشە ون شارشى مەتردەن كەڭەيىپ قازىرگى 900 شارشى مەترگە جەتتى. قازىر شينجياڭ سىرتىنداعى ەلەكتروندى ساۋداعا پايدالانىپ وتىرعان پوچتا قامباسى دا 5000 شارشى مەترگە جەتتى.
مەملەكەتتىك جۇمىسشىلار اۆانگاردى اتاعىن العان سوڭ، سايباق رايوندىق تيجارات بولىمىندەگى بارلىق جۇمىسشى - قىزمەتكەرلەر ءبىر اۋىزدان مىنالاردى ءبىلدىردى: ىشكى جاقتان ساپانى كۇشەيتىپ، سىرتقى جاقتا وبراز ورناتىپ، قاراپايىم قىزمەت ورنىنان ايرىقشا ناتيجە سومداپ، بۇقارانىڭ كوڭىلىندەگى پوچتا جەتكىزىلىمىنىڭ ىقپال كۇشىن جوعارىلاتىپ، جاڭا داۋىردە، جاڭا ساپاردا جاڭا ىسكەرلىك كورسەتىپ، تاعى دا تىڭ ناتيجە جاراتامىز.
