حوتان اۋدانى تاۋاككۇل اۋىلى باعدوڭ قىستاعى باستاۋىش مەكتەبى باتىس بولىك جوسپارى ەرىكتىلەرىنىڭ كۇش جالعاپ وقۋ - اعارتۋعا كومەك بەرۋ بويىنشا قىزمەت وتەۋ اترەتى:
وتان ەڭ قاجەت ەتكەن جەردە جاستىق كوكتەمىمىزدى ۇزدىكسىز گۇل اشتىرامىز
□ انار بۇلت \ شينجياڭ گازەتىنىڭ ءتىلشىسى ءپاريزات ابدۇل
”ساباق وتكەن كەزدە مۇعالىمدار ساباقتىق قۇرالدان پايدالانىپ ويىن ويناتادى، اڭگىمە ايتىپ بەرەدى، اڭگىمەنى ىجداعاتتىلىقپەن ايتادى“.
”ساباقتاعى بەينەمىز جاقسى بولسا، مۇعالىمدار شاعىن سيلىقتار بەرەدى، كەيدە بىزگە بالمۇزداق ساتىپ اپەرەدى“.
...
بالالار ايتىپ جاتقان ”مۇعالىمدار“ حوتان اۋدانى تاۋاككۇل اۋىلى باعدوڭ قىستاعى باستاۋىش مەكتەبى باتىس بولىك جوسپارى ەرىكتىلەرىنىڭ كۇش جالعاپ وقۋ - اعارتۋعا كومەك بەرۋ بويىنشا قىزمەت وتەۋ اترەتىنىڭ مۇشەلەرى ەدى. بيىل حوتان اۋدانى تاۋاككۇل اۋىلى باعدوڭ قىستاعى باستاۋىش مەكتەبى باتىس بولىك جوسپارى ەرىكتىلەرىنىڭ كۇش جالعاپ وقۋ - اعارتۋعا كومەك بەرۋ بويىنشا قىزمەت وتەۋ اترەتى 26 - كەزەكتى ”جۇڭگو جاستار 4 - مامىر مەدالىنا“ يە بولدى.
2017 - جىلدان باستاپ اۆتونوميالى رايوندىق وداق كوميتەتى ”قىستاقتا تۇرىپ وقۋ - اعارتۋعا كومەك بەرۋ، ەرىكتىلەردىڭ وقۋ - اعارتۋعا كومەك بەرۋى“ سىندى وقۋ - اعارتۋ ارقىلى كەدەيلەردى سۇيەمەلدەۋدىڭ جاڭا ۇلگىسىن پايدالانىپ، ءار جىلى مەملەكەتتىڭ جەر - جەرىنەن تاڭداپ جىبەرگەن باتىس بولىك جوسپارى داشۋە وقۋشىلارى ەرىكتىلەرى مەن وقۋ - اعارتۋعا كومەك بەرەتىن وقىتۋشىلار باعدوڭ قىستاعىنا كەلىپ قىستاق باستاۋىش مەكتەبى مەن بالالار باقشاسىنا كومەكتەسىپ، سۇيەمەلدەپ، قىستاقتىڭ وقىتۋشى كۇشى ءالسىز بولۋ، وقىتۋ ءتاسىلى جالاڭ بولۋ سياقتى ماسەلەلەرىن شەشتى.
بيىل 21 جاستاعى ياڭ ياننىڭ اۋىلى شانشيدە، كورىكتى شينجياڭدى كورۋ ارمان بولىپ جۇرگەندە، ”ءدال باتىس بولىك جوسپارى ەرىكتىلەرى نىسانىنا ءدوپ كەلدىم دە تىزىمدەلدىم“، - دەيدى ول.
2021 - جىلى 8 - ايدا ياڭ يان باعدوڭ قىستاعى باستاۋىش مەكتەبىنە كەلىپ، 400گە جۋىق وقۋشىنىڭ مۋزيكا وقىتۋشىسى بولادى. ”1 - ساعاتتىق ساباقتا، مەن بالالارعا جىردان وزگەرتىپ جازىلعان «چيڭميڭ» دەگەن ءاندى ۇيرەتتىم، بالالار قاتتى ۇناتتى“، - دەيدى ياڭ يان.
22 جاستاعى چين ۋىنيۋان شينجياڭ داشۋەسى اسپيرانتتاردىڭ وقۋ - اعارتۋعا كومەك بەرۋ ۇيىرمەسىنىڭ مۇشەسى، باعدوڭ قىستاعى باستاۋىش مەكتەبى 5 - جىلدىق 2 - كلاسىنىڭ كلاس جەتەكشىسى جانە ادەبيەت وقىتۋشىسى مىندەتىن وتەيدى. كۇندەلىكتى ساباق وتۋدەن سىرت، كلاستاعى كەيبىر اتا - اناسى جىل بويى سىرت جەرلەردە جۇمىس ىستەيتىن بالالاردىڭ تۇرمىسى مەن پسيحيكالىق سالاماتتىعى دا چين ۋىنيۋاننىڭ ەڭ كوڭىل بولەتىن ماسەلەسى.
ءبىر جولى، چين ۋىنيۋان بارلىق بالالارعا ۇيلەرىنەن بىردەن جۇمىرتقا الا كەلۋدى تاپسىرادى ءارى بالالاردان ءبىر اپتاعا دەيىن جۇمىرتقانى امان ساقتاۋدى تالاپ ەتەدى. ءبىر اپتادان كەيىن، بۇكىل كلاستاعى 27 بالانىڭ جەتەۋى عانا تالاپتان شىعادى. ”مەن وسى ءتاسىل ارقىلى بالالارعا مۇعالىمدار مەن اتا - انالاردىڭ ولارعا دەگەن قامقورلىعى مەن ايالاۋىن سەزىندىرەيىن دەپ ويلادىم“، - دەيدى چين ۋىنيۋان.
قيمىل اياقتاعاننان كەيىن، كەيبىر قارسىلاسۋ پسيحيكاسى اۋىر بالالار اقىرىن - اقىرىن وزگەرە باستايدى. ”ءبىر تال جۇمىرتقانى شاعىپ الماي ساقتاۋ وتە قيىن ەكەن، اكە - شەشەمىزدىڭ بىزگە جان - جاقتىلى قامقورلىق جاساۋى دا وڭاي ەمەس، بۇدان كەيىن مەن اكە - شەشەمنىڭ سوزىنە قۇلاق اسامىن، مۇعالىمنىڭ سوزىنە قۇلاق اسامىن“، - دەيدى باعدوڭ قىستاعى باستاۋىش مەكتەبى 5 - جىلدىق 2 - كلاسىنىڭ وقۋشىسى ابدۇشۇكىر ابدۇكەرىم.
”2017 - جىلدان بۇرىن مەكتەپتىڭ قۇرىلعىلارى كونە، وقۋشىلاردىڭ ناتيجەسى كەنجە قالعان بولاتىن“. شينجياڭ جاستار - ورەندەر باسپاسىنان وقۋ - اعارتۋعا كومەك بەرۋگە كەلگەن وقىتۋشى، باعدوڭ قىستاعى باستاۋىش مەكتەبىنىڭ مەكتەپ باستىعى ليۋ گايشيا تانىستىرىپ بىلاي دەدى: قازىر باعدوڭ قىستاعى باستاۋىش مەكتەبىندەگى وقۋشىلار ％100 پۋتۇڭحۋامەن پىكىرلەسە الادى، ۋاقىتىندا مەكتەپكە كەلۋ مولشەرى ％98، تۇتاس تۇلعالىق ۇيرەنۋ ناتيجەسى تۇتاس اۋىلداعى 11 باستاۋىش مەكتەپ بويىنشا ارتىنان ساناعاندا 2 - ورىننان جوعارىلاپ، حوتان اۋدانىنداعى قىستاق دارەجەلى مەكتەپتەردىڭ الدىڭعى قاتارىنا ءوتتى. مەكتەپتە 2 قاباتتىق وقىتۋ عيماراتى، سەمەنتتەلگەن الاڭ سالىندى، بالالاردىڭ جالپىلىق ساپاسىن جوعارىلاتۋ ءۇشىن، تاعى دا وقۋ كلاسى، كومپيۋتەر كلاسى اشىلدى.
5 جىل ۋاقىت ىشىندە، بەيجيڭ، حىنان، شاڭحاي، شانشي، گۋاڭشي، سىچۋان قاتارلى جەرلەردەن كەلگەن 147 باتىس بولىك جوسپارى ەرىكتىسى باعدوڭ قىستاعى باستاۋىش مەكتەبىندە كوركەم تۇلەۋدى جۇزەگە اسىرىپ، بالالاردىڭ كوڭىلىنە ءبىلىم شىراعىن جاقتى. ولاردىڭ اراسىنداعى كوپتەگەن ادام قايتىپ كەتكەنىمەن، مەكتەپپەن بايلانىستارىن ۇزگەن ەمەس.
بەيجيڭ داشۋەسى اسپيرانتتاردىڭ وقۋ - اعارتۋعا كومەك بەرۋ ۇيىرمەسىنىڭ مۇشەسى ليۋ جي ءبىرىنشى توپتا باعدوڭ قىستاعى باستاۋىش مەكتەبىنە وقۋ - اعارتۋعا كومەكتەسۋگە كەلگەن وقىتۋشى، وقۋ - اعارتۋعا كومەكتەسۋ اياقتاۋدىڭ الدىندا، ول 40 ەلەكتروندىق حۇجاتتى رەتتەپ وقىتۋ قولدانباسىن جاساپ، باعدوڭ قىستاعى باستاۋىش مەكتەبىنە بەردى، ول كۇنى بۇگىنگە دەيىن چين ۋىنيۋانمەن بەينە ەكراندا سويلەسۋ ارقىلى وقىتۋ ادىستەرىن بولىسەدى. ليۋ جي: ”قۇمدى ءشولدىڭ قويناۋىنا جاستىق كوكتەمىم مەن ماڭداي تەرىمدى ارناعاندىعىم ومىرىمدەگى ەڭ وكىنبەس ءىسىم سانالادى. مەن جالعاستى كۇرەس جۇرگىزىپ، قوعامعا پايدالى ىستەردى كوبىرەك ىستەيمىن“، - دەدى.
ەندى 2 اي وتسە، ياڭ ياننىڭ وقۋ - اعارتۋعا كومەك بەرۋ بويىنشا قىزمەت وتەۋ قىزمەتى اياقتايدى، ول جالعاستى حوتاندا قالۋعا بەل بۋىپ وتىر. ”كۇرەس جۇرگىزۋ − جاستىق كوكتەمىمىزدەگى ەڭ كوركەم بەينە، جاڭا ءداۋىردىڭ جاسى رەتىندە، مەن وتان ەڭ قاجەت ەتكەن جەرگە تامىر تارتىپ، بالالاردى ويداعىداي تاربيەلەۋگە ءوز كۇشىمدى ارناسام دەيمىن“، - دەيدى ول.
”باتىس بولىك جوسپارى ەرىكتىلەرىنىڭ كۇش جالعاپ وقۋ - اعارتۋعا كومەك بەرۋ بويىنشا قىزمەت وتەۋ اترەتىنىڭ مۇشەسى بولعانىمدى توتەنشە ماقتانىش سەزىنەمىن. مەن بارعان سايىن كوپتەگەن جاستاردىڭ وتاننىڭ وسىزاماندانۋ قۇرىلىسى ەڭ قاجەت ەتكەن جەرگە اتتانىپ، جاستىق كوكتەمىن گۇل اشتىرىپ، مول جەمىس بەرەتىندىگىنە سەنەمىن“، - دەيدى ليۋ گايشيا.
