جىل ەسەبى كوكتەمدە. بىرنەشە كۇننەن بەرى، اۋا رايىنىڭ جىلۋىنا بايلانىستى كوكتوعاي اۋدانىنىڭ كوكتەمگى ەگىس جۇمىسى جاپپاي باستالدى، ٴارقايسى اۋىل ـ قالاشىقتار، تاراۋلار اۋىل شارۋاشىلىق وندىرىسىنە تەحنيكالىق جاقتان جەتەكشىلىك ەتۋدى بەلسەنە ويداعىداي ىستەپ، كوكتەمگى ەگىس ٴوندىرىسىنىڭ ٴساتتى جۇرگىزىلۋىنە كەپىلدىك ەتتى.
4 – ايدىڭ 25 - كۇنى دۇرە قالاشىعىنىڭ اتىز باسىندا تراكتور تۇقىم سەبۋدە، ديقاندار ٴتيىمدى وراي مەن توپىراقتىڭ دىمقىلدىعىن مىقتى يگەرىپ، كوكتەمگى ٴوندىرىستى بار كۇشپەن جۇرگىزۋدە.
دۇرە قالاشىعى − كوكتوعاي اۋدانىنىڭ كوكتەمگى ەگىس ٴوندىرىسى ٴبىرشاما ەرتە باستالاتىن اۋىل ـ قالاشىقتارىنىڭ ٴبىرى، كوكتوعاي اۋدانىنىڭ قاتىستى تاراۋلارى ىندەتتەن ساقتانۋ - تىزگىندەۋدى بەلسەنە ويداعىداي ىستەۋ جونىندە ەرتە ورنالاستىرۋ جاساپ، اۋىل شارۋاشىلىعىنا ساياتىن كاسىپورىندار، سەلبەستىك كووپەراتيۆتەرى اۋىل شارۋاشىلىق ماشينالارىن رەمونتتاۋ، اۋىل شارۋاشىلىق ٴوندىرىس قۇرال ـ جابدىقتارىن زاپاس ساقتاۋ سياقتى قىزمەتتەردى ۋاقىتتى مىقتى يگەرىپ ويداعىداي ىستەدى.
دۇرە قالاشىعى جينباۋ قىستاعى پارتيا ياچەيكاسىنىڭ شۋجيى قالىمبەك ٴپاتىقان بىلاي دەدى: ”دۇرە قالاشىعى جينباۋ قىستاعىنىڭ 2022 - جىلعى تۇقىم سەبۋ قىزمەتى باستالدى، قازىر 12 مىڭ مۋلىق جۇگەرى اتىزى مەن 500 مۋلىق ٴبيداي اتىزىنا تۇقىم سەبىلىپ بولدى، قالعانى شەكىلدەۋىك، قاۋىن ـ قاربىز، ت. ب “.
قازىر ٴارقايسى اۋىل ـ قالاشىقتاردىڭ كوكتەمگى ەگىس جۇمىسى ٴتارتىپتى جۇرگىزىلۋدە، مەجەمەن 5 - ايدىڭ باس شەنىندە اتىزدا تۇقىم سەبۋ مىندەتى تولىق ورىندالادى.
