انار بۇلت \ شينجياڭ گازەتىنىڭ ءتىلشىسى جاۋ مين 5 - ايدىڭ 5 - كۇنى ۇرىمجىدەن حابارلايدى. رايونىمىز ولكە اتتاپ باسقا جەردە اۋرۋحاناعا جاتۋ قاراجاتى ەسەبىن تىكەلەي جابۋدى، ادەتتەگى امبولاتوريادا ەمدەلۋ ەسەبىن تىكەلەي جابۋدى ۇزدىكسىز كەڭەيتىپ، قامسىزداندىرۋعا قاتىناسۋشىلاردىڭ باسقا جەردە قالىپتى ەمدەلگەندە جولىعاتىن ارلى - بەرلى شاپقىلاۋ، قارجىنى الدىن الا تولەۋ ماسەلەسىن ءونىمدى شەشتى. بيىل 3 - ايدىڭ سوڭىنا دەيىن رايونىمىزداعى مەملەكەتتىك ەمدەۋ قامسىزداندىرۋى تۇعىرىنا قوسىلعان بەلگىلەنگەن ەمدەۋ قۇرىلىمى 2717، ولكە اتتاپ اۋرۋحاناعا جاتۋ اقىسىنىڭ ەسەبىن تىكەلەي جابۋدى اشقان بەلگىلەنگەن ەمدەۋ قۇرىلىمى 1951، امبولاتوريا اقىسىن ولكە اتتاپ تىكەلەي جابۋدى اشقان بەلگىلەنگەن ەمدەۋ قۇرىلىمى 1439، بەلگىلەنگەن ءدارىحانا 2220 بولدى.
2017 - جىلى رايونىمىز بۇكىل ەلدەگى ولكەلەرمەن (اۆتونوميالى رايون، قالالار) باسقا جەردە ەمدەلۋ بويىنشا جەلىگە قوسىلىپ ەسەپ جابۋدى جۇزەگە اسىرعان، سونداي - اق قالا، اۋىل تۇرعىندارى اراسىنداعى سىرتقا شىعىپ جۇمىس ىستەگەندەردى، سىرتتان كەلىپ جۇمىستانۋشىلاردى، شارۋاشىلىق قۇرۋشىلاردى ەسەپ جابۋ كولەمىنە ەنگىزگەن ءارى ينفورماتسيالاردى جەلىگە قوسۋ بويىنشا قىزمەت وتەۋدى كۇشەيتۋ ارقىلى نەگىزگى ەمدەۋ قامسىزداندىرۋىنىڭ، قوماقتى ەمدەلۋ قوسىمشا قاراجاتىنىڭ، سالماقتى ناۋقاس قامسىزداندىرۋى قاراجاتىنىڭ ەسەبىن شيپاحانادا ”ءبىر تالونمەن“ جابۋدى ىسكە اسىرعان.
بيىل 3 - ايدىڭ سوڭىنا دەيىن شينجياڭ قامسىزداندىرۋعا قاتىناسقان جەر رەتىندە، شينجياڭنان ولكە اتتاپ باسقا جەرگە بارىپ ەمدەلۋ، اۋرۋحاناعا جاتۋ بويىنشا جيىنى 188 مىڭ 700 ادام - رەت ەسەپ جابىلىپ، ەسەپ جابۋ قاراجاتى 4 ميلليارد يۋان بولىپ، ەمدەۋ قامسىزداندىرۋىنان 2 ميلليارد 922 ميلليون يۋان تولەنگەن؛ شينجياڭ ەمدەلەتىن جەر رەتىندە، ءارقايسى ولكەلەردەن شينجياڭدا اۋرۋحاناعا جاتۋ بويىنشا جيىنى 47 مىڭ ادام - رەت ەسەپ جابىلىپ، ەسەپ جابىلعان ەمدەۋ قاراجاتى 702 ميلليون يۋان بولىپ، ەمدەۋ قامسىزداندىرۋىنان 442 ميلليون يۋان تولەنگەن، قامسىزداندىرۋعا قاتىناسۋشىلاردىڭ ەمدەلۋ اۋىرتپالىعىن بارىنشا جەڭىلدەتكەن.
رايونىمىز تاعى امبولاتوريا قاراجاتىنىڭ ەسەبىن ولكە اتتاپ تىكەلەي جابۋدى جەدەلدەتتى. 2021 - جىلى 1 - ايدىڭ 1 - كۇنى رايونىمىز مەملەكەتتىڭ 1 - توپتاعى امبولاتوريا اقىسىنىڭ ەسەبىن ولكە اتتاپ تىكەلەي جابۋى تۇيىندە سىناق ەتىلەتىن ولكە رەتىندە، قامسىزداندىرۋعا قاتىناسۋشىلاردىڭ بەيجيڭ قالاسى، شاڭحاي قالاسى، يۇننان ولكەسى سياقتى 12 ولكە، قالانىڭ بەلگىلەنگەن ەمدەۋ جانە ءدارى - دارمەك قۇرىلىمىندا امبولاتوريا اقىسى مەن ءدارىحانادان ءدارى ساتىپ الۋ اقىسىنىڭ ەسەبىن تىكەلەي جابۋىن جۇزەگە اسىردى، سول جىلى 8 - ايدا رايونىمىز بۇكىل ەلدە امبولاتوريا اقىسىنىڭ ەسەبىن ولكە اتتاپ تىكەلەي جابۋدى جۇزەگە اسىرىپ، بۇقارانىڭ وزگە جەردەگى امبولاتوريادا ەمدەلۋ، دارىحانادان ءدارى ساتىپ الۋ ەسەبىن تىكەلەي جابۋ قاجەتىن قاناعاتتاندىردى.
بيىل 3 - ايدىڭ سوڭىنا دەيىن، شينجياڭ قامسىزداندىرۋعا قاتىناسقان جەر رەتىندە، باسقا ولكەدە ادەتتەگى امبولاتوريادا ەمدەلگەننەن كەيىن ولكە اتتاپ 151 مىڭ 100 ادام - رەت تىكەلەي ەسەپ جاۋىپ، ەمدەۋ جالپى قاراجاتى 51 ميلليون 580 مىڭ 700 يۋان بولىپ، ەمدەۋ قامسىزداندىرۋىنان 35 ميلليون 964 مىڭ 400 يۋان تولەنگەن؛ شينجياڭ ەمدەلەتىن جەر رەتىندە، باسقا ولكەدە قامسىزداندىرۋعا قاتىناسۋشىلاردىڭ شينجياڭدا ادەتتەگى امبولاتوريادا ەمدەلگەننەن كەيىن ولكە اتتاپ 5347 ادام - رەت تىكەلەي ەسەپ جاۋىپ، ەمدەلۋ جالپى قاراجاتى ءبىر ميلليون 476 مىڭ 800 يۋان بولىپ، ەمدەۋ قامسىزداندىرۋىنان ءبىر ميلليون 42 مىڭ 600 يۋان تولەنگەن.
اۆتونوميالى رايوندىق ەمدەۋدى قامتاماسىزداندىرۋ مەكەمەسى ەمدەۋ، ءدارى - دارمەك بويىنشا قىزمەت وتەۋ باسقارماسىنىڭ قاتىستى جاۋاپتىسى بىلاي دەپ تانىستىردى: بيىل رايونىمىز تاعى اۆتونوميالى رايوننىڭ ءوز دارەجەسى، ءۇرىمجى قالاسى سىندى ەكى ءبىر تۇتاس جوسپارلاناتىن وڭىردە جوعارى قان قىسىمىن، ديابەتتى، قاتەرلى وسپەنى امبولاتوريادا راديوتەراپيالىق، حيميالىق ەمدەۋ، نەسەپپەن ۋلانۋ اۋرۋىن قان ءسۇزىپ ەمدەۋ، دەنە مۇشەسىن كوشىرۋ وپەراتسياسىنان كەيىن جاتسىنۋعا قارسى تۇرۋ ەمدەۋى سياقتى 5 امبولاتوريالىق ەرەكشە سوزىلمالى اۋرۋدى ەمدەۋ اقىسىنىڭ ەسەبىن ولكە اتتاپ، وزگە جەردە جابۋدى تۇيىندە سىناق ەتۋدى جۇزەگە اسىردى.
