انار بۇلت \ شينجياڭ گازەتىنىڭ ءتىلشىسى حي حۇڭۋي 5 - ايدىڭ 5 - كۇنى ۇرىمجىدەن حابارلايدى. اۆتونوميالى رايوندىق ساۋدا ىستەرى مەڭگەرمەسىنەن ۇعىسۋىمىزشا، ”1 - مامىر“ دەمالىسىندا رايونىمىزدا تۇرمىستىق قاجەتتى بۇيىمدارمەن قامداۋ جەتكىلىكتى، زات اينالىم ارناسى ىركىلىسسىز، تاۋاردىڭ ءتۇرى مول، باعاسى ورنىقتى بولىپ، تۇتىنۋ بۇيىمدارى بازارىندا جالپى تۇلعالىق جاقتان مولشەر جەتكىلىكتى، باعا ورنىقتى، اينالىم تاماشا بولۋداي جاعداي جارىققا شىققان. ءتۇيىندى باقىلاناتىن 100 بولشەك ساتۋ، اس - سۋ كاسىپورىندارىنىڭ تاۋار ساتۋ سوماسى 324 ميلليون يۋان بولعان.
ساۋدا ىستەرى مينيسترلىگىنىڭ تۇرمىستىق قاجەتتى بۇيىمدار تۇعىرىن باقىلاۋ ساندى مالىمەتىنە نەگىزدەلگەندە، ”1 - مامىر“ دەمالىسىندا رايونىمىزدىڭ نەگىزگى اۋىل شارۋاشىلىق قوسىمشا ونىمدەرىنىڭ باعاسى جالپى جاقتان ورنىقتى بولعان. بۇكىل رايونىمىزدىڭ تۇتىنۋ بۇيىمدارى بازارىنداعى كۇرىش، ۇن، ماي، ەت، جۇمىرتقا، ءسۇت، كوكونىس، جەمىس - جيدەك، سۋ ونىمدەرىنىڭ باعاسى ورنىقتى، مولشەرى جەتكىلىكتى بولعان.
تۇرمىستىق قاجەتتى بۇيىمدارمەن قامداۋدى قامتاماسىز ەتۋدى كۇشەيتىپ، بازارداعى قالىپسىز وزگەرىستەردى دەر كەزىندە يگەرۋ ءۇشىن، مەرەكەنىڭ الدىندا اۆتونوميالى رايوندىق ساۋدا ىستەرى مەڭگەرمەسى «مەرەكە كەزىندەگى ساۋدا اينالىمى سالاسىنداعى ءوندىرىس حاۋىپسىزدىگى بازارىن قامداۋدى قامتاماسىز ەتۋگە جانە تۇتىنۋدى جەبەۋگە قاتىستى قىزمەتتەردى ويداعىداي ىستەۋ جونىندەگى حابارلاندىرۋدى» تاراتتى. ”1 - مامىر“ دەمالىسىندا بۇكىل رايوننىڭ ساۋدا ىستەرى جۇيەسى ”ورنىقتىلىقتى ساقتاۋ، ىركىلىسسىز بولۋدى جەبەۋ، ارتۋدى ورنىقتىرۋ“ قىزمەت تالابىن قاتاڭ تياناقتاندىرىپ، بازار اينالىمىنا تالداۋ جاساۋ، مالىمدەۋ ءتۇزىمىن ىسكە قوسىپ، ىندەتتەن ساقتانۋ - تىزگىندەۋ جانە ءوندىرىس حاۋىپسىزدىگى شارالارىن ويداعىداي تياناقتاندىردى. جەر - جەردەگى ساۋدا ىستەرىن باسقارۋ تاراۋلارى ءوندىرۋ مەن ساتۋدى ۇشتاستىرۋدى كۇشەيتىپ، ءوندىرىستى ورنالاستىرۋ، زات اينالىمى تاسىمالى جانە تەرمينالدىق ساتۋ سياقتى بۋىندارداعى قىزمەتتەردى ويداعىداي ىستەپ، استىق، ماي، جۇمىرتقا، ءسۇت، جەمىس - جيدەك، كوكونىس سياقتى ماڭىزدى تۇرمىستىق قاجەتتى بۇيىمدار بازارىنىڭ قامداۋىن قامتاماسىز ەتىپ، ءار ۇلت بۇقاراسىنىڭ مەرەكە كەزىندەگى تۇتىنۋ قاجەتىن قاناعاتتاندىردى.
ىندەتتەن ساقتانۋ - تىزگىندەۋدى جانە تۇرمىستىق قاجەتتى بۇيىمدارمەن بازاردى قامداۋدى ويداعىداي ىستەۋ نەگىزىندە، رايونىمىز كوپ ءتۇرلى شارانى قاتار قولدانىپ، مەرەكەلىك تۇتىنۋدى جەبەپ، تۇتىنۋ بازارىن جانداندىردى. جەر - جەر مەرەكە - مەيرامداردا ساتۋدى جەبەۋ ماقساتىنداعى الۋان ءتۇرلى قيمىلداردى ورىستەتتى، دەمالىس كەزىندە ءوز اۆتوكولىگىمەن ساياحاتتاۋ، اس - سۋ، كوڭىل اشۋ سياقتى تۇتىنۋ قيمىلدارى دۋماندى بولدى، وتباسى ەلەكتر جابدىقتارىنىڭ كونەسىن جاڭاسىنا اۋىستىرۋ، ساۋدا دۇكەندەرى، ەرەن بازارلارداعى ساتۋدى جەبەۋ سياقتى قاتىستى تۇتىنۋدى جەبەۋ قيمىلدارى ءتارتىپتى ورىستەتىلدى. ساندى مالىمەتتە كورسەتىلۋىنشە، وڭدەلگەن ماي، دەنە تاربيە، كوڭىل اشۋ بۇيىمدارى، اس - سۋ تۇرلەرىنىڭ ساتىلۋ مولشەرى سايكەس مەزگىلدەگىدەن انتەك ارتقان.
