انار بۇلت / شينجياڭ گازەتىنىڭ ءتىلشىسى ران حۋ 3 - ايدىڭ 18 - كۇنى ۇرىمجىدەن حابارلايدى. جۇڭگو بانكە - قامسىزداندىرۋدى باقىلاۋ - باسقارۋ كوميتەتى شينجياڭ باقىلاۋ - باسقارۋ مەكەمەسىنەن ۇعىسۋىمىزشا، بيىل شينجياڭ اۋىل - قىستاق امانات - قارىز كووپەراتيۆى كوكتەمگى ەگىس دايىندىعىنا 60 ميلليارد يۋان نەسيە تاراتۋدى جوسپارلاعان، بۇل بىلتىر تاراتقان نەسيەدەن 6 ميلليارد يۋان كوپ. 3 - ايدىڭ 15 - كۇنىنە دەيىن شينجياڭ اۋىل - قىستاق امانات - قارىز كووپەراتيۆى جيىنى 51 ميلليارد 660 ميلليون يۋان نەسيە تاراتىپ، جوسپارداعى مىندەتتىڭ ％86.1ىن ورىنداپ، 570 مىڭ شارۋا وتباسىنا تيىمدىلىك جاساعان.
شاعانتوعاي اۋدانى جيەك قالاشىعى گۋاڭيۋان اۋىل شارۋاشىلىعى ماتەريالدارىن ساتۋ دۇكەنىنىڭ جاۋاپتىسى ياۋ گۋاڭشىن كوكتەمگى ەگىس دايىندىعى نەسيەسىنىڭ يگىلىگىن كورۋشى. ”وسى اۋىل شارۋاشىلىعى ماتەريالدارىن ءساتتى زاپاس دايىنداپ الدىم، امانات - قارىز كووپەراتيۆىنىڭ امانات - قارىز قارجىسى جاعىنان زور كۇشپەن قولداعاندىعىنا العىس ايتامىن“، - دەدى ياۋ گۋاڭشىن: بيىل اۋىل شارۋاشىلىعى ماتەريالدارىنىڭ باعاسى ءبىرشاما كورنەكتى ارتىپ، اۋىل شارۋاشىلىعى ماتەريالدارىن زاپاس دايىنداۋ ءۇشىن قوماقتى قارجى كەرەك بولعان. قايتەرىمدى بىلمەي داعدارعاندا، قالاشىقتاعى امانات - قارىز كووپەراتيۆى ماعان 900 مىڭ يۋان نەسيە بەرىپ، مەنىڭ قارجى قيىنشىلىعىمدى شەشتى.
بيىل شينجياڭ اۋىل - قىستاق امانات - قارىز كووپەراتيۆى ءىرى ەگىمشىلىك، باعىمشىلىق وتباسىلارى، وتباسىلىق ەگىس الاڭدارى، شارۋالار كاسىپتىك سەلبەستىك كووپەراتيۆتەرى، قىستاق كوللەكتيۆ شارۋاشىلىق ۇيىمدارى سياقتى جاڭاشا اۋىل شارۋاشىلىعى تيجارات تۇلعالارىنا الدىمەن قولداۋ كورسەتىپ، اۋىل شارۋاشىلىعىندا لايىقتى كولەمدە تيجارات جۇرگىزۋ، ماشينالانعان ەگىس ءوندىرىسى قاجەتىن قاناعاتتاندىرعان. 3 - ايدىڭ 15 - كۇنىنە دەيىن شينجياڭ اۋىل - قىستاق امانات - قارىز كووپەراتيۆى جالپى 513 وتباسىلىق ەگىس الاڭىنا كوكتەمگى ەگىس دايىندىعى ءۇشىن 298 ميلليون يۋان نەسيە، 31 شارۋالار كاسىپتىك سەلبەستىك كووپەراتيۆىنە كوكتەمگى ەگىس دايىندىعى ءۇشىن 104 ميلليون يۋان نەسيە، ەگىن، مال شارۋاشىلىعىنداعى 8 باستاماشى كاسىپورىنعا كوكتەمگى ەگىس دايىندىعى ءۇشىن 67 ميلليون يۋان نەسيە تاراتقان.
