شينحۋا اگەنتتىگىنىڭ 3 - ايدىڭ 19 - كۇنى گۋاڭجوۋدان بەرگەن حابارى (ءتىلشى دىڭ رۇيشۋان). بىرلەسكەن مەملەكەتتەر ۇيىمى ادامدىق ۇقىق القالار كەڭەسىنىڭ 49 - كەزەكتى ءماجىلىسى ”شينجياڭنىڭ ەكونوميكالىق، قوعامدىق دامۋى جانە ادامدىق ۇقىقتى قامتاماسىز ەتۋى“ تاراپتار ءماجىلىسى 3 - ايدىڭ 18 - كۇنى گۋاڭجوۋدا وتكىزىلدى. ءماجىلىستى جۇڭگو ادامدىق ۇقىقتى زەرتتەۋ قوعامى، جۇڭگونىڭ بىرلەسكەن مەملەكەتتەر ۇيىمىنىڭ جەنەۆاداعى ءىس باسقارماسىندا تۇراقتى تۇراتىن جانە شۆەتسارياداعى باسقا دا حالىقارالىق ۇيىمداردىڭ ۋاكىلدەر ۇيىرمەسى باس بولىپ وتكىزدى، جينان داشۋەسى تاراتۋ جانە شەكارانى باسقارۋدى زەرتتەۋ ورنى، اقپارات جانە تاراتۋ شۋەيۋانى ۇستىنە الىپ وتكىزدى. ءبىرسىپىرا مامان - وقىمىستىلار ينتەرنەت جەلىسىندە جانە ينتەرنەت جەلىسىنەن تىس ءتاسىلدى ءوزارا ۇشتاستىرۋ ارقىلى شينجياڭنىڭ ەكونوميكالىق، قوعامدىق دامۋى، ادامدىق ۇقىق ىستەرىنىڭ العا باسۋى سياقتى نەگىزگى تاقىرىپتاردى توڭىرەكتەي پىكىر اۋىستىردى.
جينان داشۋەسى پارتكومىنىڭ شۋجيى لين رۋپىڭ سوزىندە مىنانى ءبىلدىردى: قازىر شينجياڭ بۇكىل ەل حالقىمەن بىرگە جاپپاي دوڭگەلەك داۋلەتتى قوعامعا قادام تاستادى، ءىشىنارا ەلدەردىڭ جات نيەتپەن شابۋىلداۋى مەن جالا جابۋى الدىندا، شينجياڭنىڭ ەكونوميكالىق، قوعامدىق دامۋى مەن ادامدىق ۇقىقتى قامتاماسىزداندىرۋداعى جاندى امالياتىن سىرتقا جۇڭگوشا تىلمەن ويداعىداي ءتۇسىندىرۋ قاجەتتى.
شينجياڭ داشۋەسىنىڭ ورىنباسار باستىعى زۇلھايات سىمايىل شينجياڭ ەكونوميكانى دامىتۋ نەگىزىندە قوعامنىڭ جاپپاي دامۋى مەن العا باسۋىن جۇزەگە اسىرىپ، شينجياڭنىڭ ادامدىق ۇقىق ىستەرىنە بەرىك زاتتىق نەگىز قالاعاندىعىن ايتتى. ول تەكسەرۋ - زەرتتەۋ بارىسىندا شينجياڭداعى ءار ۇلت حالقىنىڭ تۇرعىن ءۇي شارت - جاعدايىنىڭ جاقسارۋى، ەمدەۋ ورەسىنىڭ جوعارىلاۋى، وقۋ - اعارتۋ ورەسىنىڭ العا باسۋى سياقتىلار جونىندەگى شاتتىق سەزىمىن، باقىت سەزىمىن تولىق سەزىندى.
سانشي قازىنا - ەكونوميكا داشۋەسىنىڭ جينشاڭ زەرتتەۋ ورنىنىڭ تەتە اعا زەرتتەۋشىسى جيا جيانفي مىنانى ءبىلدىردى: باتىستىڭ ادامدىق ۇقىق ۇعىمى تىم تار، ادامدىق ۇقىقتى قامتاماسىزداندىرۋ جولىنىڭ الۋان تۇرلىلىگى مەن ەرەكشەلىگىن ەلەۋسىز قالدىرادى. جۇڭگو ۇكىمەتى لاڭكەستىككە قارسى تۇرۋ جانە ۇشقارىلىقتى الاستاۋ، كەدەيلەردى سۇيەمەلدەۋ سياقتى بەلسەندى شارالاردى قولدانۋ ارقىلى شينجياڭداعى ءار ۇلت حالقىنىڭ نەگىزگى ءومىر ءسۇرۋ ۇقىعى، تەپە - تەڭ تۇرعىدا دامۋ ۇقىعى، ءبىلىم الۋ ۇقىعى سياقتىلاردى قامتاماسىز ەتتى.
جينان داشۋەسى اقپارات جانە تاراتۋ شۋەيۋانىنىڭ پروفەسسورى لاي كايشىڭ جاندى مىسالدار ارقىلى ءتۇسىندىردى: شينجياڭعا باعىتتامالى كومەكتەسۋ قىزمەتى ”قان قۇيۋ“ جانە ”قان جاساۋ“ فۋنكتسياسىن ساۋلەلەندىرىپ، ”ءۇش تاۋ، ەكى ويپاتتىڭ“ دامۋ بەينەسىن بارىنشا وزگەرتىپ، شينجياڭداعى ءار ۇلت حالقىنىڭ ەكونوميكانى دامىتۋ ۇقىعى مەن ەڭبەك ۇقىعىنان تەڭ يگىلىكتەنەتىندىگىن تولىق ايگىلەپ، ولاردىڭ تاربيە الۋ ۇقىعى سياقتى قوعامدىق ۇقىقتارىن قامتاماسىز ەتتى. جينان داشۋەسى اقپارات جانە تاراتۋ شۋەيۋانىنىڭ زەرتتەۋشىسى گاۋ تۇڭتۇڭ ساندى مالىمەت ارقىلى شينجياڭنىڭ كەدەيلىكتەن ارىلتۋدان قامال الۋ جاعىنداعى وراسان زور تابىستارىن ايگىلەپ، وسى تابىستى امالياتتىڭ دۇنيە ءجۇزى ادامدىق ۇقىق جۇيەسىنىڭ نازاريالىق ءمانى مەن دۇنيە ءجۇزى ادامدىق ۇقىق ىستەرى دامۋىنىڭ امالياتتىق جولىن بايىتتى دەپ قارادى.
جىجياڭ شىفان داشۋەسى شەكارانى زەرتتەۋ ورنىنىڭ ۇسىنىس ەتىلگەن پروفەسسورى ۋاڭ جياڭ جۇڭگو زاڭدارىنىڭ ءدىني سەنىم ەركىندىگىن جانە قاتىستى ادامدىق ۇقىقتاردى قورعاۋى تۇرعىسىنان تالداۋ جاساپ، ازاماتتاردىڭ ءدىني سەنىم ەركىندىگى ۇقىعى شينجياڭدا ءونىمدى قامتاماسىزدىققا يە بولدى دەپ قارادى. باتىستاعى ءىشىنارا ەلدەر مەن كۇشتەر جۇڭگونى قىسپاققا الۋ، تەجەۋ ماقساتىمەن، شينجياڭعا ساياتىن جالعان ينفورماتسيالاردى ۇزاق ۋاقىت تاراتىپ، قاتىستى ادامدىق ۇقىق تىلدەسۋىنە، سەلبەستىگىنە، قورعاۋىنا ءبۇلدىرۋ سيپاتتى ىقپال جاسادى.
جينان داشۋەسى تاراتۋ جانە شەكارا ءوڭىردى باسقارۋدى زەرتتەۋ ورنىنىڭ باستىعى جىڭ لياڭ مىنانى ءبىلدىردى: سوڭعى جىلدارى امەريكاداعى، باتىستاعى ەلدەر ادامدىق ۇقىق ۇعىمىن قارۋ ەتىپ جۇڭگونىڭ وبرازىنا كۇيە جاقتى، قازىرگىدەن دە كەمەلدى ادامدىق ۇقىق بويىنشا سويلەۋ جۇيەسىن قۇرۋ كەزەك كۇتتىرمەيدى. ول مىنانى ءبىلدىردى: جوعارى مەكتەپتەردىڭ زەرتتەۋ قۇرىلىمدارى ادامدىق ۇقىق بويىنشا سويلەۋ جۇيەسىن قايتا قۇرۋ جاعىنداعى زەرتتەۋ تەبىنىن اناعۇرلىم كۇشەيتىپ، ”ءجۇرۋ قۋاتى، كورۋ قۋاتى، ويلاۋ قۋاتى، قالام قۋاتى“ ارقىلى جۇڭگونىڭ ادامدىق ۇقىق بويىنشا ءسوز سويلەۋىنىڭ جەتىلۋىن ۇزدىكسىز ىلگەرىلەتىپ، حالىقارالىق تاراتۋ دارىندىلارىن باۋلۋدى كۇشەيتىپ، دۇنيە ءجۇزىنىڭ ادامدىق ۇقىق بويىنشا سويلەۋ جۇيەسىن بايىتۋعا اقىل - پاراسات جانە كۇش - قۋات قوسۋى كەرەك.
