”شينجياڭ جاقسى جەر“ اتىنداعى ليۆانعا ارنالعان بەينە ەكران اۋىس - كۇيىس ءماجىلىسى اشىلدى
شينجياڭنىڭ قوعامى ورنىقتى، حالقى ىقىلاستى دا قوناعۋار
انار بۇلت / شينجياڭ گازەتىنىڭ ءتىلشىسى فان چيۇڭيان 3 - ايدىڭ 18 - كۇنى ۇرىمجىدەن حابارلايدى. 3 - ايدىڭ 17 - كۇنى ”شينجياڭ جاقسى جەر“ اتىنداعى ليۆانعا ارنالعان بەينە ەكران اۋىس - كۇيىس ءماجىلىسى ۇرىمجىدە جانە بەيرۋتتا قاتار وتكىزىلدى. شينجياڭداعى زيالىلاردىڭ جانە كادر، بۇقارانىڭ ۋاكىلدەرى بەينە بايلانىس ارقىلى ءتول كەشىرمەلەرىمەن ورتاقتاسىپ، گۇلدەنگەن، دامىعان، حالقى تىنىش ءومىر، شات - شادىمان تىرشىلىك كەشىرگەن شىندىق ارقىلى امەريكاداعى، باتىستاعى جۇڭگوعا قارسى كۇشتەردىڭ ويدان قۇراستىرعان ايتىلمىس ”زورلىقپەن ەڭبەككە سالۋ“، ”ءدىندى تۇنشىقتىرۋ“، ”ءناسىل جويۋ“ سىندى وسەك - اياڭدارىنا جانە ساندىراقتارىنا تويتارىس بەردى.
ليۆان پارلامەنتى ادامدىق ۇقىق كوميتەتىنىڭ ءتوراعاسى ميچەل مۇسا، سىرتقى ىستەر مينيسترلىگى ساياسي مەكەمەسىنىڭ باستىعى جادي بۋلي قاتارلى ليۆاننىڭ ۇكىمەت جاق، ساياسي پارتيا، ونەركاسىپ - ساۋدا، اقپارات قۇرالدارى، ءدىن قاتارلى ءارقايسى سالالارىنىڭ ۋاكىلدەرىنەن 50دەن استام سيلى قوناق ماجىلىسكە قاتىناستى.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ءيۇسۇپجان مامەت شينجياڭنىڭ قوعام جاراسىمدىلىعىن، ورنىقتىلىعىن قورعاۋ، ەكونوميكانىڭ جوعارى ساپالى دامۋىن ىلگەرىلەتۋدى جەدەلدەتۋ، حالىق تۇرمىسىن ۇزدىكسىز قامتاماسىز ەتۋ جانە جاقسارتۋ، ءار ۇلتتىڭ ىنتىماقتاسا العا باسۋىن جەبەۋ، ءدىني سەنىم ەركىندىگىن زاڭ بويىنشا قورعاۋ سياقتى جاقتارداعى جاعدايلاردى تانىستىردى. ول بىلاي دەدى: ليۆان 2021 - جىلدان بەرى بىرلەسكەن مەملەكەتتەر ۇيىمى ادامدىق ۇقىق القالار كەڭەسىنىڭ 46 −49 - كەزەكتى ماجىلىسىندە جۇڭگو جاقتىڭ شينجياڭعا ساياتىن ماسەلەلەر جونىندەگى تۇرعىسىن باتىل قولدادى، شينجياڭداعى ءار ۇلت حالقى بۇعان شىن ىقىلاستى العىسىن بىلدىرەدى، وسى رەتكى بەينە ەكران اۋىس - كۇيىس ارقىلى كوپشىلىكتىڭ شينجياڭعا دەگەن تۇسىنىگىنىڭ ارتاتىندىعىنا سەنەمىن.
ليۆاندا تۇراتىن باس ەلشى چيان مينجيان ءسوز سويلەگەندە مىنالاردى ءبىلدىردى: جۇڭگونىڭ شينجياڭىنىڭ ليۆانمەن كوپتەگەن ۇقساس تۇستارى بار، مىسالى، ەكەۋى دە كوپ ۇلت، كوپ مادەنيەت، كوپ ءدىن بىرگە ءومىر سۇرگەن رايون، شىعىس پەن باتىس وركەنيەتى اۋىس - كۇيىسىنىڭ ماڭىزدى وتكەلى. امەريكاداعى، باتىستاعى ءىشىنارا ەلدەر جانە جۇڭگوعا قارسى كۇشتەر ساياسي ماقسات تۇرعىسىنان، وبيەكتيۆ شىندىقپەن ساناسپاي، كۇش - قايراتىن سارقا جۇمساپ قولىنان كەلگەن سۇرقيالىقتىڭ بارلىعىن ىستەي وتىرىپ شينجياڭنىڭ ابىرويىنا داق كەلتىرۋگە ۇرىندى، ليۆان ۇكىمەتى جانە ءار سالاداعى دوس قايراتكەرلەر شينجياڭعا ساياتىن ماسەلەدە ەجەلدەن ءادىل، وبيەكتيۆ تۇرعى ۇستانىپ، شينجياڭعا ساياتىن ماسەلەلەردى كولدەنەڭ تارتىپ جۇڭگونىڭ ىشكى ىسىنە كيلىگۋگە قارسى تۇردى.
”مەن ۇيرەنگەن بىلىمدەرىممەن ەلەكتروندى ساۋدا ىستەپ، تاۋارلاردى بۇكىل مەملەكەتتىڭ جەر - جەرىنە ساتتىم“، بايلانىسقا شىققان ساتتە بۇرىنعى تاربيەلەۋ - باۋلۋ ورتالىعىنان وقۋ تاۋىسقان كۋرسانت ءدىلمۇرات ەركىن قول تەلەفونىنداعى ءبىر ءۇيلى جاننىڭ باقىتتى تۇرمىسىنىڭ كارتيناسى تۇسىرىلگەن تۇرمىستىق سۋرەتىن جانە اشەكەيلەتىپ جاتقان جاڭا ءۇيىن كورسەتتى. ”سوندا ’جازا لاگەر‘ دەگەندەرىڭ كۋرسانتتارعا جۇمىستانۋعا، بايۋعا قاتىستى بىلىمدەردى ۇيرەتۋشى مە ەدى؟“، - دەدى ءدىلمۇرات ىزالانا.
ءماۋليدا ءعايرات ءۇرىمجى قالاسى الەۋمەتتىك قاتىناس توبى شەكتى سەرىكتەستىگىنىڭ قىزمەتكەرى، قازىر سەرىكتەستىكتىڭ رەمونتتاۋ ورتالىعىنداعى تەحنيكا تىرەكتىسى، ول بىلاي دەدى: ”ايتىلمىس ’زورلىقپەن ەڭبەككە سالۋ‘ دەگەندى ەجەلدەن ەستىپ كورمەگەن ەكەنمىن، ءبىزدىڭ سىرتقا شىعىپ ەڭبەك ىستەۋىمىز اناعۇرلىم كوپ اقشا تابۋ، اناعۇرلىم تاماشا تۇرمىس كەشىرۋ ءۇشىن“.
”مەملەكەتتىڭ باۋلۋىنىڭ ارقاسىندا، مەن قاراپايىم وتباسىندا تۋعان بالادان ەسەيىپ - ەرجەتىپ دوكتور جەتەكشىسىنە اينالدىم“. شينجياڭ مەديتسينا داشۋەسى ءدارى عىلىمى شۋەيۋانىنىڭ ورىنباسار باستىعى مۇقبۇل ابىلەز كەزىندە فرانسيادا 7 جىل وقىعان بولىپ، وتانعا ورالعاننان كەيىن شينجياڭ مەديتسينا داشۋەسىندە وقىتۋشى بولادى. ”مەن شەكارا سىرتىنداعى سولاردان سوندا وسىنىڭ بارلىعى ’قىسىمعا ۇشىراۋدىڭ‘ ناتيجەسى بولعانى ما دەپ سۇراعىم كەلەدى“، - دەدى.
اۋىس - كۇيىس ماجىلىسىندە «شەتەلدىكتەر شينجياڭدا» اتتى قىسقا بەينەجازبا قويىلدى، كوپتەگەن شەتەلدىك وقىتۋشى، شاراپ اشىتۋشى، ساۋداگەرلەر، ت.ب، شينجياڭداعى تۇرمىس كەشىرمەلەرىمەن وي ءبولىستى. ولار جاپپاي مىنالاردى ءبىلدىردى: ”شينجياڭنىڭ قوعامى ورنىقتى، دامىعان، حالقى ىقىلاستى دا قوناعۋار“.
ليۆان جاقتان كەلگەن سيلى قوناقتار از ۇلت دارىندىلارىن تاربيەلەۋ سىندى جاقتارداعى ماسەلەلەر جونىندە شينجياڭداعى قاتىستى قايراتكەرلەرمەن بايلانىسقا شىعۋ ارقىلى اۋىس - كۇيىس جاساپ، ىقپالداستى. قوناقتار جاپپاي امەريكانىڭ جانە ءىشىنارا ەلدەردىڭ شينجياڭعا ساياتىن ماسەلەلەردى كولدەنەڭ تارتىپ بوگدە پىكىر تۋدىرعاندىعىن جازعىراتىندىقتارىن ءبىلدىردى، سونىمەن بىرگە شينجياڭمەن بولعان سەلبەستىك اۋىس - كۇيىسىن كۇشەيتەتىندىكتەرىن ءبىلدىردى.
