لاچين بايەكە كىشكەنتايىنان باستاپ اكەسىنىڭ ىقىلاستى تاربيەسىن العان.
كينو فيلم سۋرەتى (فيلم گرۋپپاسى بەرگەن)
انار بۇلت/ شينجياڭ گازەتىنىڭ ءتىلشىسى ليۋ مىڭمىڭ 3 - ايدىڭ 18 - كۇنى ۇرىمجىدەن حابارلايدى. 3 - ايدىڭ 18 - كۇنى «گۇل نەگە سونشاما قىزىل» كينوسى بۇكىل مەملەكەتتە اشىق قويىلىپ، شينجياڭداعى ءارقايسى ۇلكەن كينوحانالاردا ءبىر ۋاقىتتا كورسەتىلدى.
كينو فيلم مەملەكەتتىك تاڭداۋلى كوممۋنيستىك پارتيا مۇشەسى، مەملەكەتتىك ەڭبەك ەرى، وتاندى ءسۇيىپ، ارميانى قولداۋدىڭ مەملەكەتتىك ۇلگىسى، مەملەكەتتىك حالىق قۇرىلتايىنىڭ ۋاكىلى لاچين بايەكەنىڭ كوزى تىرىسىندەگى ىزگى ىستەرى نەگىزىندە وزگەرتىپ قۇراستىرىلىپ، لاچين بايەكەنىڭ وتباسىنداعى ءۇش ۇرپاق ادامنىڭ پامير ۇستىرتىندە ازاتتىق ارميا كوماندير - جاۋىنگەرلەرىمەن بىرگە شەكارانى كۇزەتكەن اسەرلى حيكاياسى باياندالعان.
”بۇل كەيىپكەردىڭ ءومىر بايان فيلمى بولعاندىقتان كينو فيلمدە كەيىپكەردىڭ كەسەك ىزگى ىستەرى مەن رۋحاني وزەگى كورنەكتىلەنۋى كەرەك، سوندىقتان ءتۇسىرۋ قيىندىعى ويلاعانىمىزدان الدەقايدا قيىن بولدى، لاچين بايەكە وتباسىنداعىلارىنىڭ وتاننىڭ شەكاراسىن كۇزەتۋدەي قايتپاس سەنىمى ۇرپاقتان - ۇرپاققا جالعاسقان، مىنە بۇل كينو فيلمدەگى جاسامپازدىقتىڭ جانى“، - دەدى تيانشان كينو ستۋدياسىنىڭ باستىعى، كينو فيلمنىڭ سەنارياسىن جازعان گاۋ حۋاڭگاڭ.
سول كۇنى شينجياڭ حالىق تەاترحاناسىندا وسى فيلم ءبىر ۋاقىتتا قويىلعان 2 كينو زالىندا بوس ورىن قالمادى، كينو قويىلىپ بولعان سوڭ، بۇكىل الاڭ ۇنسىزدىككە شومدى، كينو فيلمدى كورگەن كوپتەگەن بۇقارا اسەرلەنگەندىكتەرىنەن كوزدەرىنە سان رەت جاس الدى.
”بۇرىن پامير ۇستىرتىنە بارىپ كونسەرت قويعانمىن، ول جەردە ءزاۋلىم مۇزتاع شىڭى، تۇنىق قاراكول، تاعى قاھارمان لاچيننىڭ ىزگى ىستەرى جاتىر، كينو فيلمدە ءبىر - بىردەن تىزبەكتەلىپ كورسەتىلىپ، وتكەن ءومىر ەلەستەرىن ەسىمە ءتۇسىردى“، - دەدى شينجياڭ كوركەمونەر تەاترحاناسى وپەرا ۇيىرمەسى جاسامپازدىق - زەرتتەۋ ءبولىمىنىڭ كومپوزيتورى ءمۇزاپپار ابىلەت كينونى كورگەننەن كەيىن.
”100 مينۋتتىق كينو فيلم ماعان نە ءۇشىن لاچين بايەكە سياقتى سونشاما كوپ شەكارا كۇزەتشىسىنىڭ اسقار تاۋلاردىڭ شوقىسىندا جاپا - ماشاقاتقا شىداپ، ۇرپاقتار بويى شەكارانى كۇزەتىپ كەلگەندىگىن ءتۇسىندىردى“، - دەدى ءۇرىمجى قالاسىنداعى زەينەتكە شىققان وقىتۋشى شۇي شاۋشيڭ كينونى كورگەننەن كەيىن، ”اتاسىنان اكەسىنە، ودان لاچينگە دەيىن اتاسىنان نەمەرەسىنە دەيىنگى ءۇش ۇرپاق شەكارانى شارلاپ، شەكارانى كۇزەتكەن، سونداي ورتادا قۇلاعىنا ءسىڭىستى، كوزىنە كونىكتى بولىپ، وتانشىلدىق رۋحى، قۇربان بەرۋ، ۇلەس قوسۋ رۋحى سوناۋ بالا كەزىندە - اق لاچين بايەكەنىڭ جۇرەك تۇكپىرىنە تەرەڭ تامىر تارتقان“.
ءتىلشىنىڭ شينجياڭ حالىق تەاترحاناسى، ءۇرىمجى قالاسى حالىق كينوحاناسى، ءۇرىمجى مەييا الىپ ەكراندى كينوحاناسى سياقتى كينوحانالاردان ۇعىسۋىنشا، كينو قويىلعان كۇنى كورەرمەندەردىڭ كينو كورۋ ىنتاسى ارتىپ، ءارقايسى ۇلكەن كينوحانالار كينو ورنالاستىرۋ مولشەرىن ىركەس - تىركەس كوبەيتكەن. ”كينو فيلم قويىلۋ ۋاقىتى بەلگىلەنگەننەن كەيىن ءبىز كوپتەگەن مەكەمە - ورىننىڭ كينو زالىن الدىن الا بۇيىرتۋىن قابىلدادىق، ءار كۇنى 4 − 5 كينو زالىندا قويىلادى، كورەرمەندەر سانى ％90كە جەتتى“، - دەدى شينجياڭ حالىق تەاترحاناسى جوبالاۋ ءبولىمىنىڭ ديرەكتورى سۋ لەي.
