انار بۇلت / شينجياڭ گازەتىنىڭ ءتىلشىسى ياڭ شۋحان 3 - ايدىڭ 17 - كۇنى ۇرىمجىدەن حابارلايدى. اۆتونوميالى رايوننىڭ ورماندى، جايلىمدى ورتتەن ساقتاۋ، ءورت ءسوندىرۋ قىزمەتى جونىندەگى تەلەۆيزور - تەلەفون ءماجىلىسى 3 - ايدىڭ 17 - كۇنى اشىلدى، ءماجىلىس رايونىمىزدىڭ ورماندى، جايلىمدى ورتتەن ساقتاۋ، ءورت ءسوندىرۋ جاعدايىنا تالداۋ جاساپ، 2022 - جىلعى ءتۇيىندى قىزمەت مىندەتتەرىن ورنالاستىردى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ءيۇسۇپجان مامەت ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: شينجياڭ ورماندى، جايلىمدى ورتتەن ساقتاۋ، ءورت ءسوندىرۋ قىزمەتىنە باستان - اياق ايرىقشا ءمان بەرىپ كەلەدى، 2021 - جىلى ورمانعا، جايلىمعا كەتكەن ءورت اپاتىنىڭ سانى ازايۋ، ءورت كەتكەن اۋماق ازايۋ، زيانعا ۇشىراعان اۋماق ازايۋ سىندى ”ءۇش ازايۋ“، جارالانۋ، ءولىم - ءجىتىم بولماۋ، اۋىر، ەرەكشە اۋىر ءورت اپاتى بولماۋ سىندى ناتيجەلەرگە قول جەتتى. 2022 - جىل پارتيانىڭ 20 - قۇرىلتايى اشىلاتىن جىل، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، حاۋىپسىزدىك قىزىل سىزىعىن باتىل ساقتاپ، اۋىر ءورت اپاتى شىرعالاڭىنىڭ تۋىلماۋىنا شىنايى كەپىلدىك ەتۋ، اۋىر جارالانۋ، ءولىم - ءجىتىم تۋىلماۋىنا شىنايى كەپىلدىك ەتۋ كەرەك.
ءماجىلىس مىنالاردى باسا دارىپتەدى: جەر - جەر، تاراۋلار، ورىندار باس شۋجي شي جينپيڭنىڭ ورماندى، جايلىمدى ورتتەن ساقتاۋ، ءورت ءسوندىرۋ قىزمەتى جونىندەگى ماڭىزدى نۇسقاۋىنىڭ رۋحىن مۇقيات دايەكتىلەندىرۋ، تياناقتاندىرۋ، ورماندى، جايلىمدى ورتتەن ساقتاۋ، ءورت ءسوندىرۋ قىزمەتى جونىندەگى مەملەكەتتىك تەلەۆيزور - تەلەفون ءماجىلىسىنىڭ رۋحىن دايەكتىلەندىرۋ، تياناقتاندىرۋ كەرەك. ساياسي دەڭگەيدى جوعارىلاتىپ، ورماندى، جايلىمدى ءورت اپاتىنان ساقتاۋ جانە ونى تىزگىندەۋ ساياسي، يدەيالىق نەگىزىن بەكەمدەپ، ”ورتتەن ساقتانۋدى، ءورت ءسوندىرۋدى ءبىر تۇلعالاندىرۋ“ تالابىن جالپى بەتتىك تياناقتاندىرىپ، ورماندى، جايلىمدى ءورت اپاتىنان قۇتقارۋدىڭ ءتۇرلى دايىندىق قىزمەتتەرىن ويداعىداي ىستەپ، ءبىر جاقتى ەتۋ جانە قۇتقارۋ - كومەكتەسۋ قابىلەتىن جوعارىلاتۋ كەرەك. تۋ باستان ساقتانۋ قىزمەتىن كۇشەيتىپ، ورماندى، جايلىمدى ءورت اپاتىنان ساقتاۋ جاعىنداعى كوپ بولىپ ساقتانۋ، كوپ بولىپ جونگە سالۋ قىزمەت ارناسىن اقاۋسىزداندىرىپ، كەمەلدەندىرىپ، بۇكىل رايونىمىزداعى بۇقارانىڭ حاۋىپ - قاتەردەن ساقتانۋ جانە ونى تىزگىندەۋ تانىمىن جوعارىلاتىپ، ساقتانۋ تورىن بەكەمدەپ، ءورت قاينارىن قاتاڭ تىزگىندەپ، ورماندى، جايلىمدى ءورت اپاتىنان ساقتاۋ جانە ونى تىزگىندەۋ جاۋاپكەرشىلىك جۇيەسىن تەرەڭدەتىپ، نەگىزگى ساتىنىڭ ءبىرىنشى شەبىنىڭ جاۋاپكەرشىلىگىن قاتايتىپ، تاراۋلاردىڭ سەلبەستىگىن كۇشەيتىپ، ورماندى، جايلىمدى ءورت اپاتىنان ساقتاۋدىڭ، تىزگىندەۋدىڭ ءتۇرلى جاۋاپكەرشىلىك شارالارىنىڭ تياناقتانۋىن ويداعىداي يگەرىپ، حالىق بۇقاراسىنىڭ ءومىرىنىڭ اماندىعى مەن مال - مۇلكىنىڭ حاۋىپسىزدىگىن بار كۇشپەن قامتاماسىز ەتىپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەمەن قارسى الۋ كەرەك.
