انار بۇلت / شينجياڭ گازەتىنىڭ ءتىلشىسى ما ينيڭ 3 - ايدىڭ 14 - كۇنى ۇرىمجىدەن حابارلايدى. اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنەن ۇعىسۋىمىزشا، بيىل رايونىمىز بايلىق، ەنەرگيا شوعىرلانعان كاسىپ سالالارىنىڭ جاسىل دامۋىن ىلگەرىلەتۋ، ستراتەگيالىق جاڭادان گۇلدەنگەن كاسىپ سالالارىنىڭ جاڭالىق اشا دامۋىن ىلگەرىلەتۋ، باسىمدىققا يە كاسىپ سالالارى شوعىرىنىڭ دامۋىن ىلگەرىلەتۋ سىندى 3 جاقتان جاسىل، تومەن كومىر قىشقىل گازدى اينالمالى ەكونوميكا كاسىپ سالالارى شوعىرىن كۇش سالا قالىپتاستىرادى ەكەن.
بايلىق، ەنەرگيا شوعىرلانعان كاسىپ سالالارىنىڭ جاسىل دامۋىن ىلگەرىلەتۋ جاعىندا، رايونىمىز مۇناي، گاز بايلىعىن بارلاۋ - اشۋدى ارتتىرىپ، تيانشاننىڭ سولتۇستىك بوكتەرىندەگى تريلليون تەكشەمەترلىك ءىرى گاز اۋماعى قۇرىلىسىن جەدەلدەتۋگە قولداۋ كورسەتىپ، مۇنايدىڭ، تابيعي گازدىڭ ءوندىرىسىن ورنىقتىرىپ، ءونىم مولشەرىن جوعارىلاتۋعا شىنايى كەپىلدىك ەتەدى. ”وڭدەلگەن مۇنايدى ازايتىپ، حيميالىق ونىمدەردى كوبەيتۋ“ ارەكەتىن اتقارىپ، تارىم وزەنىندە ءبىر ميلليون توننا ەتيلەن ايىرۋ سياقتى ءبىر توپ مۇناي حيميا ءتۇيىندى نىساندارىنىڭ باستاپقى مەزگىلدىك قىزمەتىن جەدەل ىلگەرىلەتىپ، بيولوگيالىق ىدىرامالى سمولا سياقتى حيميا ونەركاسىبىندىك جاڭا ماتەريالدار نىسانىنىڭ قۇرىلىسىن جەدەل ىلگەرىلەتىپ، مۇناي حيميا ونەركاسىبىنىڭ ورتا، تومەنگى بۋىنى، جاڭا ماتەريال سياقتى كاسىپ سالالارىنىڭ شوعىرلى دامۋىن جەبەيدى. سونىمەن بىرگە، ءبىر توپ كومىر حيميا ونەركاسىبىنىڭ تومەنگى بۋىنىنداعى كاسىپ سالالارى تىزبەگى نىساندارىنىڭ باستاپقى مەزگىلدىك قىزمەتىن جەدەل ىلگەرىلەتىپ، كومىردەن ولەفين، ەتيلەن ءوندىرۋ سياقتى ءبىر توپ وسى زامانعى كومىر حيميا ونەركاسىبى نىساندارىنىڭ قۇرىلىس باستاۋىن ىلگەرىلەتىپ، كومىر حيميا ونەركاسىپ كاسىپ سالاسىنىڭ جوعارى دەڭگەيلى، كوپ نەگىزدى، تومەن كومىر قىشقىل گازدى بولۋعا قاراي شوعىرلى دامۋىن جەبەيدى.
ستراتەگيالىق جاڭادان گۇلدەنگەن كاسىپ سالالارىنىڭ جاڭالىق اشا دامۋىن ىلگەرىلەتۋ جاعىندا رايونىمىز مەملەكەتتىڭ ستراتەگيالىق جاڭادان گۇلدەنگەن كاسىپ سالالارى شوعىرى ينجەنەرياسىنا كورسەتەتىن ساياساتتىق قولداۋىن قولعا كەلتىرىپ، جاڭا ماتەريال، جوعارى دەڭگەيلى جابدىق جاساۋ، بيولوگيالىق ءدارى - دارمەك، جاڭا ەنەرگيا، جاڭا ۇرپاق ينفورماتسيا تەحنيكاسى، ەنەرگيا ۇنەمدەۋ، قورشاعان ورتانى قورعاۋ سياقتى كاسىپ سالالارىن دامىتۋدى كورنەكتىلەندىرە ويداعىداي يگەرەدى. كرەمني نەگىزدى جاڭا ماتەريالدىڭ دامۋىن ءتۇيىندى ىلگەرىلەتىپ، كرەمني نەگىزدى كاسىپ سالاسىن جوعارى ساپالى دامىتۋ جوسپارىن تياناقتاندىرىپ، ەنەرگيا جۇمسالىمى مەن شيكىزات قامداۋىن الدىمەن قامتاماسىز ەتىپ، نىسان تىرەگىن كۇشەيتىپ، كاسىپ سالالارىن تومەنگى بۋىنداعى كاسىپ سالالارىنا قاراي كەڭەيۋگە جەتەكتەپ، كرەمني نەگىزدى كاسىپ سالاسىنىڭ وزەكتى باسەكەلىك قۋاتىن جوعارىلاتادى. اليۋمين، ماگني، تيتان سياقتى ءتۇستى جوعارى تەحنيكالىق قورتپا جاڭا ماتەريالدارىن ءوندىرۋ، مانەرلەۋ قابىلەتىن ىشكەرىلەي جوعارىلاتىپ، جوعارعى بۋىنداعى شيكىزاتتىڭ تومەنگى بۋىنداعى جىنتىكتەپ مانەرلەۋمەن سايكەسە دامۋىن جەبەيدى.
باسىمدىققا يە كاسىپ سالالارى شوعىرىنىڭ دامۋىن ىلگەرىلەتۋ جاعىندا رايونىمىز ءىرى كاسىپورىنداردىڭ، ءىرى توپتاردىڭ جەتەكتەۋ رولىن كۇش سالا ساۋلەلەندىرىپ، تىزبەكتى ۇزارتۋ، تىزبەكتى تولىقتاۋ، تىزبەكتى كەڭەيتۋ، تىزبەكتى كۇشەيتۋ نىساندارىن تياناقتاندىرۋعا باۋراپ، ءبىر توپ مۇناي حيميا، كومىر حيميا ونەركاسىپتەرىن ۋاكىل ەتكەن كاسىپ سالالارى شوعىرىن قالىپتاستىرادى.
