انار بۇلت / شينجياڭ گازەتىنىڭ ءتىلشىسى ۋاڭ شيڭرۇي
3 - ايدىڭ 12 - كۇنى، بەيجيڭ. شينجياڭ مەن ورتالىق كاسىپورىندارىنىڭ كاسىپ سالاسى ارقىلى شينجياڭدى گۇلدەندىرۋ جونىندەگى كەڭەس ءماجىلىسى جانە نىساندار سەلبەستىك كەلىسىمىنە قول قويۋ قيمىلى، شينجياڭ مەن مەملەكەت مەنشىگىندەگى فينانس قۇرىلىمدارىنىڭ اڭگىمە ءماجىلىسى جانە ستراتەگيالىق سەلبەستىك كەلىسىمىنە قول قويۋ قيمىلى ىلگەرىندى - كەيىندى شينجياڭ داشادا وتكىزىلدى.
ەكى قيمىل دارەجەسى جوعارى، قۇنى زور، ناقتى ىستەرگە تولى بولدى.
قيمىلدا قول قويىلعان كەلىسىمدەر مەن ناقتى نىسانداردان اۆتونوميالى رايوندىق پارتكوم مەن ۇكىمەتتىڭ بەلسەندىلىكپەن ىسكەرلىك كورسەتىپ، دامۋدى جوسپارلاعان ناقتى ءىس ىستەپ، جاۋاپكەرشىلىك ارقالاۋىن ايقىن بايقاۋعا بولادى، شينجياڭ ءدوپ كەلگەن كەلەلى ورايلار مەن ءورىستى بايقاۋعا بولادى، ءار جاقتاردىڭ شينجياڭنىڭ بولاشاق دامۋىنا دەگەن سەنىمىن بايقاۋعا بولادى، بارعان سايىن تەبىندەگەن دامۋ قوزعاۋشى كۇشىن ءتىپتى دە بايقاۋعا بولادى.
ءتۇيىندى سالالارمەن تىعىز ۇشتاستىرىپ، سەلبەستىكتى تەرەڭدەي ورىستەتتى
23 ورتالىق كاسىپورنى، مەملەكەت مەنشىگىندەگى 9 فينانس قۇرىلىمى ماجىلىسكە قاتىناسىپ، سول كۇنگى قيمىلدىڭ دەڭگەيىن تىكەلەي جوعارىلاتتى. اۆتونوميالى رايوندىق حالىق ۇكىمەتى 11 ورتالىق كاسىپورنىمەن نىسان سەلبەستىك كەلىسىمىنە قول قويىپ، 6 فينانس قۇرىلىمىمەن ستراتەگيالىق سەلبەستىك كەلىسىمىنە قول قويىپ، قيمىلدى اناعۇرلىم بايىتتى.
ورتالىق كاسىپورىندارىمەن قول قويىسقان نىسان سەلبەستىگى كەلىسىمدەرى 38 نىساندى قامتىپ، جالپى قارجى قوسۋ سوماسى 611 ميلليارد 706 ميلليون يۋانعا جەتتى، باستىسى، مۇناي حيميا ونەركاسىبى، كومىر ەلەكتر، كومىر حيميا ونەركاسىبى، تازا ەنەرگيا، جابدىق جاساۋ، نەگىزدىك قۇرىلعى قۇرىلىسى سياقتى سالالارعا شوعىرلاندى؛ مەملەكەت مەنشىگىندەگى فينانس قۇرىلىمدارىمەن قول قويىسقان ستراتەگيالىق سەلبەستىك كەلىسىمدەرى شينجياڭنىڭ ەرەكشە، باسىمدىققا يە وسى زامانعى كاسىپ سالالارى جۇيەسىن قۇرۋ، جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەلدەتۋ، كەلەلى نىساندارعا قارجى قوسۋ، اۋىل - قىستاقتى گۇلدەندىرۋ، جالپىعا ءتيىمدى فينانس سياقتى جاقتاردا قاۋىرت ارتقان فينانس قاجەتىن كوزدەدى.
17 كەلىسىم قامتىعان نىساندار مەن سالالاردىڭ بارلىعى شينجياڭنىڭ جوعارى ساپالى دامۋىنا ساياتىن ماڭىزدى تۇيىندەر ەكەندىگىن، ەكونوميكالىق جالپى مولشەردى كەڭەيتۋ، كاسىپ سالاسى دامۋىنىڭ جالپى تۇلعالىق ورەسىن جوعارىلاتۋ، حالىق تۇرمىسىنىڭ قۇت - ىرىسىن ارتتىرۋ سياقتىلار جونىنەن اسا ماڭىزدى رول اتقاراتىندىعىن وڭاي بايقاۋعا بولادى.
مىسالى، مەملەكەت ەلەكتر تورى شەكتى سەرىكتەستىگى قول قويعان ءىرى تۇرپاتتى جەل ەلەكترى مەن فوتوۆولت بازاسىنا تىرەك بولاتىن سايكەستى ەلەكتر تورى نىسانى شينجياڭنىڭ كوپتەگەن وڭىرلەرىنىڭ ەكونوميكالىق دامۋىنا جانە تازا ەنەرگيانى دامىتۋىنا، زورايتۋىنا قاتىستى؛ جۇڭگو تەلەگراف توبى شەكتى سەرىكتەستىگى قارجى قوسقان ”سيفرلى شينجياڭ“ قۇرىلىسى ينجەنەرياسى 5G ينتەرنەتى، ۇكىمەت ىستەرى بۇلتى، ينتەرنەتتە ءبىر تۇتاس ءبىتىرۋ سياقتىلاردى قامتىپ، ءار ۇلت بۇقاراسىنىڭ تۇرمىسىنىڭ قولايلىلىق دارەجەسىنە تىكەلەي ىقپال ەتەدى؛ جۇڭگو اۋىل شارۋاشىلىعىن دامىتۋ بانكەسى اۋىل شارۋاشىلىعى، اۋىل - قىستاق، شارۋالار ءتۇيىندى سالاسى مەن ءالسىز بۋىندارعا قاراتقان قولداۋ تەبىنىن ارتتىرۋعا ءمان بەردى، بۇل شينجياڭنىڭ كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، كەڭەيتۋ، اۋىل شارۋاشىلىعىن وسىزامانداندىرۋدى ىلگەرىلەتۋ، اۋىل - قىستاق نەگىزدىك قۇرىلعى قۇرىلىسىن جەدەلدەتۋ سياقتىلارعا ءتيىمدى.
اۆتونوميالى رايوندىق دامۋ جانە رەفورما كوميتەتىنىڭ مەڭگەرۋشىسى ۋاڭ كۇيران مىنالاردى ءبىلدىردى: كەلىسىمدەردىڭ تياناقتانۋى شينجياڭنىڭ ءتۇيىندى سالالارىن قارجى قوسىپ گۇلدەندىرۋ، ەرەكشە، باسىمدىققا يە كاسىپ سالالارىن زورايتۋ، حالىق تۇرمىسىن قامتاماسىز ەتۋ جانە جاقسارتۋ سياقتى جاقتاردان قۋاتتى ورتالىق كاسىپورىندار كۇشىن، فينانس قوزعاۋشى كۇشىن ۇستەپ، شينجياڭ ەكونوميكاسىنىڭ جوعارى ساپالى دامۋىن جەدەل ىلگەرىلەتەدى.
دامۋ اۋقىمىمەن جانە شينجياڭنىڭ قاجەتىمەن سايكەستى
شينجياڭ مەن ورتالىق كاسىپورىندارىنىڭ، مەملەكەت مەنشىگىندەگى فينانس قۇرىلىمدارىنىڭ تەرەڭدەي سەلبەستىك جاساسۋى اۆتونوميالى رايوندىق پارتكوم مەن ۇكىمەتتىڭ جاڭا كەزەڭدە ەكونوميكانىڭ جوعارى ساپالى دامۋىن ىلگەرىلەتۋدەگى ىرىقتى ىسكەرلىگى بولۋمەن بىرگە، ەكى جاقتىڭ دامۋعا دەگەن وبيەكتيۆ قاجەتى دە بولىپ تابىلادى.
ورتالىق كاسىپورىندار، مەملەكەت مەنشىگىندەگى قۇرىلىمدار مىعىم ناقتى كۇشكە يە، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىنا ات سالىسۋ بەلسەندىلىگى دە وتە جوعارى. سونىمەن بىرگە شينجياڭنىڭ ەرەكشە بايلىق، وڭىرلىك ورىن، ساياسات سياقتى ابزالدىلىقتارى كورنەكتى، اسىرەسە، قازىر قوعام ورنىقتى، ءار ۇلت بۇقاراسى تىنىش ءومىر، شات - شادىمان تىرشىلىك كەشىرگەن زور ورتادا جەر - جەردىڭ دامۋ ءۇمىت - تىلەگى كۇشەيىپ، قۇرىلىس ىنتاسى تاسقىنداپ، كاسىپورىندار مەن فينانس قۇرىلىمدارىنا اناعۇرلىم زور دامۋ كەڭىستىگىن ازىرلەدى. ەكى جاقتىڭ سەلبەستىك ورىستەتۋىن ابزالدىلىقتار ارقىلى ءبىرىن - ءبىرى تولىقتاۋ، ىڭعايى كەلگەن ءىستىڭ ساتىنە باسۋى دەۋگە بولادى.
كوپتەگەن ورتالىق كاسىپورىندارىنىڭ جاۋاپتىلارى اڭگىمە ماجىلىستە مىنالاردى ءبىلدىردى: شينجياڭنىڭ ەنەرگيا بايلىعى مول دا شوعىرلى، فاكتور باسىمدىعى كورنەكتى، كومىر قىشقىل گازىن شىعارۋدى جوعارى ماننەن اسىرماۋ، كومىر قىشقىل گازىن بەيتاراپتاندىرۋ قىزمەتى مەن ەنەرگيادا قۋاتتى ەل قۇرىلىسىنىڭ ىشكەرىلەي ىلگەرىلەۋىنە ىلەسە، شينجياڭ مەملەكەتتىڭ ەنەرگياداعى ”ءۇش بازا، ءبىر ارناسى“ رەتىندە، بۇرىن بولىپ كورمەگەن ورايعا ءدوپ كەلىپ وتىر. اۆتونوميالى رايوندىق حالىق ۇكىمەتىنىڭ وسى رەتكى ورتالىق كاسىپورىندارىمەن قول قويىسقان كەلىسىمدەرىنە قاراساق، ونداعى مۇناي، گاز بارلاپ اشۋ، مۇناي وڭدەۋ حيميا ونەركاسىبى، كومىر كەن قۇرىلىسى سياقتى كوپتەگەن نىسانداردىڭ بارلىعى تۇگەلدەي ەنەرگيا بايلىعىن تىكەلەي تايانىش ەتكەن. سونىمەن بىرگە مەملەكەتتىڭ جاڭادان ۇستەگەن تۋىندايتىن ەنەرگيا جانە شيكىزات جۇمسالىمىن ەنەرگيا تۇتىنۋىنىڭ جالپى مولشەرىن تىزگىندەۋگە قوسپاۋ سىندى ساياساتىنىڭ جەتەكشىلىگىندە كوپتەگەن جەل ەلەكترى جانە فوتوۆولت، جاڭا ەنەرگيا، جاڭا ماتەريال، تازا ەنەرگيا بازاسى قۇرىلىسى سياقتى نىساندار دا ورتالىق كاسىپورىندارىنىڭ قارجى قوسۋداعى تۇيىنىنە اينالدى.
فينانس جاعىنان قاراعاندا، شينجياڭنىڭ قوعامدىق قارجى قۇراۋ كولەمىنىڭ ۇزدىكسىز كەڭەيۋى دە فينانس قۇرىلىمدارىنىڭ شينجياڭنىڭ دامۋىنا ات سالىسۋىنا اناعۇرلىم كوپ مۇمكىندىك ازىرلەدى. 2021 - جىلدىڭ اياعىندا شينجياڭنىڭ قوعامدىق قارجى قۇراۋ كولەم ساقتالىمى 3 تريلليون 900 ميلليارد يۋان بولىپ، سايكەس مەزگىلدەگىدەن ％12.7 ارتىپ، ارتۋ قارقىنى ءۇرتىس 17 اي بويى بۇكىل ەلدەگىدەن جوعارى بولدى. اڭگىمە ماجىلىستە فينانس قۇرىلىمدارىنىڭ جاۋاپتىلارى اۋىس - كۇيىس جاساپ ءسوز سويلەگەندە جالپى بەتتىك شينجياڭنىڭ بولاشاق دامۋىنان ءۇمىتتى ەكەندىكتەرىن ءارى جىبەك جولى ەكونوميكالىق بەلدەۋى وزەكتى رايونى قۇرىلىسىنا دەم بەرۋ، جاڭادان گۇلدەنگەن كاسىپ سالالارىن دامىتۋ جانە ەكونوميكانىڭ تيبىن وزگەرتىپ، دارەجەسىن جوعارىلاتۋ، اۋىل شارۋاشىلىعى، اۋىل - قىستاق، شارۋالار سالاسى، جاڭاشا قالا - قالاشىقتاندىرۋ سياقتى جاقتاردان شينجياڭعا اناعۇرلىم دەر كەزىندە، كوپ نەگىزدى، ءونىمدى فينانستىق قولداۋ ازىرلەيتىندىكتەرىن ءبىلدىردى.
بولاشاقتى تياناق ەتىپ، دامۋ نەگىزىن نىعايتتى
”14 - بەسجىلدىقتى“، ءتىپتى، ونان دا ۇزاق ۋاقىتتى بەتكە العاندا، اۆتونوميالى رايون وتكىزگەن وسى رەتكى كەلىسىمگە قول قويۋ قيمىلى شينجياڭنىڭ كەزەكتەگى دامۋىنا كۇش - قۋات توپتاۋمەن بىرگە، بولاشاق دامۋىنىڭ تۇعىرىن دا بەكەمدەيدى.
كەلىسىمگە قول قويۋعا قاتىناسقان ورتالىق كاسىپورىندارى مەن فينانس قۇرىلىمدارىنىڭ بارلىعى ۋادەلەسىپ العانداي شينجياڭدا دامۋ نازارلارىن ءتىپتى دە الىسقا سالدى.
مەملەكەت ەنەرگيا قارجى قوسۋ توبى شەكتى جاۋاپكەرشىلىك سەرىكتەستىگى سۋ مەن جارىق ەنەرگياسىن ساقتاۋدى ءبىر تۇلعالاندىرعان ءىرى تازا ەنەرگيا بازاسى قۇرىلىسى سياقتى نىسانداردى ىلگەرىلەتەدى؛ جۇڭلياڭ توبى شەكتى سەرىكتەستىگى شينجياڭداعى قىزاناق كاسىپ سالالارىن بىرىكتىرۋدى جەدەل ىلگەرىلەتىپ، اتى ايگىلى ”كاسىپ سالاسى تانىسقىسىن“ قۇلشىنا سومدايدى؛ مەملەكەت ەلەكتر تورى شەكتى سەرىكتەستىگى اۋىل - قىستاق ەلەكتر تورىن بەكەمدەۋ، دارەجەسىن جوعارىلاتۋ ينجەنەرياسىن جانە اۋىل - قىستاقتى ەلەكترلەندىرۋ دارەجەسىن جوعارىلاتۋ ينجەنەرياسىن ۇزدىكسىز اتقارىپ، ءار ۇلت بۇقاراسىنىڭ ”ەلەكتردەن پايدالانا الۋدان“ ”ەلەكتردەن ويداعىداي پايدالانۋعا“ قاراي قادام تاستاۋىنا مۇمكىندىك جاسايدى؛ جۇڭگو بانكەسى نازاردى شينجياڭنىڭ ىشكى قۇرلىقتىق ەسىك اشۋ جانە شەكارالىق ەسىك اشۋ جاڭا بيىگىن تۇلعالاۋىنا دەم بەرۋ، شينجياڭنىڭ ەرەكشە، باسىمدىققا يە كاسىپ سالالارىن جاقسارتىپ، دارەجەسىن جوعارىلاتۋىن ىلگەرىلەتۋ سياقتىلارعا فينانستىق قولداۋ كورسەتۋ تەبىنىن ارتتىرۋعا اۋدارىپ، شينجياڭ ەكونوميكاسىنىڭ جوعارى ساپالى دامۋىنا دەم بەرەدى.
كۇن سايىن كۇشەيگەن دامۋ كۇيى الدىندا، اۆتونوميالى رايوندىق پارتكوم مەن ۇكىمەتتىڭ نەگىزگى باسشىلارى 2 قيمىلدا دا مىنالاردى رەسمي ءبىلدىردى: شينجياڭدا قارجى قوسىپ دامۋدىڭ مۇمكىندىگى شەكسىز، بولاشاعى نۇرلى. ورتالىق كاسىپورىندارى مەن فينانس قۇرىلىمدارىنىڭ شينجياڭدا دامۋىنا اناعۇرلىم جاقسى دامۋ ورتاسىن، اناعۇرلىم جاقسى قىزمەت وتەۋ قامتاماسىزدىعىن ازىرلەيمىز، اسىرەسە، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن جەدەل تۇلعالاپ، ورتالىق كاسىپورىندارى مەن فينانس قۇرىلىمدارىنىڭ ۇلعايىپ، كۇشەيىپ، بىردەي يگىلىككە كەنەلۋدى جۇزەگە اسىرۋىنا بار كۇشپەن قولداۋ كورسەتەمىز.
ءىس جۇزىندە جاقىنداعى ءبىر مەزگىل ۋاقىتتان بەرى اۆتونوميالى رايوندىق پارتكومنىڭ شارۋاشىلىق - ساۋدا ورتاسىن جاقسارتۋ بەكىمى مەن تەبىنى ءتۇرلى بازار تۇلعالارىنىڭ سەنىمىن كورنەكتى كۇشەيتتى. زاڭمەن باسقارۋ قۇرىلىسى، شارۋاشىلىق - ساۋدا ورتاسىن جونگە سالۋ سياقتىلاردىڭ كۇن سايىن تەرەڭدەۋىنە ىلەسە، شينجياڭنىڭ قارجى قوسۋشىلاردى باۋراۋ قۋاتى بارعان سايىن كۇشەيىپ، اناعۇرلىم مىعىم دامۋ قوزعاۋشى قۋاتىن ۇيىستىراتىندىعى ءسوزسىز.
