انار بۇلت / شينجياڭ گازەتىنىڭ ءتىلشىسى ميھىرگۇل ناسىر 1 - ايدىڭ 16 - كۇنى ۇرىمجىدەن حابارلايدى. ءتىلشىنىڭ بۇكىل رايوننىڭ قازىنا قىزمەتى ماجىلىسىنەن ۇعىسۋىنا قاراعاندا، 2021 - جىلى اۆتونوميالى رايوننىڭ ادەتتەگى الەۋمەتتىك مەجە ەسەپ كىرىسى 161 ميلليارد 860 ميلليون يۋان بولىپ، سايكەس مەزگىلدەگىدەن ％9.6 ارتقان. بۇكىل رايوننىڭ حالىق تۇرمىسىنا جۇمساعان شىعىسى 398 ميلليارد 230 ميلليون يۋان بولىپ، قازىنالىق شىعىستىڭ ％73.7ىن ۇستاعان.
بىلتىر اۆتونوميالى رايون كىرىس - شىعىستى باسقارۋدى كۇشەيتىپ، قازىنا اينالىمى ورنىقتى، ءتارتىپتى بولىپ، كىرىس ساپاسى اناعۇرلىم جوعارىلادى، جىل باسىندا بەلگىلەنگەن كىرىستى ارتتىرۋ نىسانا - مىندەتى اسىرا ورىندالىپ، سالىق كىرىسىنىڭ ادەتتەگى الەۋمەتتىك مەجە ەسەپ كىرىسىندە ۇستاعان سالىستىرماسى 2020 - جىلعىدان 5.9 پايىز ارتتى. تىكە تۇسىرگەن قارجى شىعىسى 101 ميلليارد 580 ميلليون يۋان بولىپ، شىعىستىڭ قارقىنى بۇكىل ەلدىڭ الدىڭعى لەگىندە تۇرىپ، نەگىزگى ساتىنىڭ جۇمىستاندىرۋدى قامتاماسىز ەتۋىنە، حالىق تۇرمىسىن قامتاماسىز ەتۋىنە، بازار تۇلعالارىن قامتاماسىز ەتۋىنە پارمەندى تىرەك ازىرلەدى.
2021 - جىلى اۆتونوميالى رايون بەلسەندى قازىنا ساياساتىن تياناقتاندىرىپ، جەرگىلىكتى ۇكىمەتتەردىڭ 146 ميلليارد 640 ميلليون يۋاندىق ارناۋلى زايومىن تاراتىپ، قاتىناس، ەنەرگيا، اۋىل شارۋاشىلىعى، ورمانشىلىق، سۋ يگىلىگى، ەكولوگيا، قورشاعان ورتانى قورعاۋ، قوعامدىق ىستەر، قالا، اۋىلداعى سۋىق تىزبەك زات اينالىمى سىندى 2755 ءتۇيىندى نىسان قۇرىلىسىنا ءتۇيىندى قولداۋ كورسەتتى؛ دالمە - ءدال، نازاردى شوعىرلاندىرا وتىرىپ كۇش سالىپ، 38 ميلليارد 822 ميلليون يۋان قارجىنى ءبىر تۇتاس ورنالاستىرىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋگە، كەڭەيتۋگە جۇمساپ، اۋىل - قىستاقتى گۇلدەندىرۋدى ىلگەرىلەتۋمەن ۇشتاستىرۋعا قولداۋ كورسەتتى؛ ءتۇرلى ارناۋلى قارجىدان 31 ميلليارد 90 ميلليون يۋاندى ءبىر تۇتاس ورنالاستىرىپ، كوك اسپان، تۇنىق سۋ، تازا توپىراقتى قورعاۋ شايقاسىنىڭ جەتىستىگىن بەكەمدەدى.
”تۇتاس جىلداعى قازىنا اينالىمى جالپى جاقتان جاقسى، سالىقتى ازايتۋ، اقىنى تومەندەتۋ ونىمدىلىگى كورنەكتى بولدى، نەگىزگى ساتىدا ’ءۇشتى قامتاماسىز ەتۋ‘ جەتكىلىكتى قامتاماسىز ەتىلىپ، حالىق تۇرمىسىنىڭ ىرىس - قۇتى ۇزدىكسىز جاقسارىپ، باياندىلىعى كورنەكتى ارتىپ، ’14 - بەسجىلدىققا‘ تاماشا باستاما اشۋ جۇزەگە استى“، - دەدى اۆتونوميالى رايوندىق قازىنا مەڭگەرمەسىنىڭ جاۋاپتىسى.
