ورتالىق كوميتەت ۇگىت ءبولىمى، مەملەكەتتىك دامۋ جانە رەفورما كوميتەتى 2021 - جىلعى ”سەنىمدىلىك جۇلدىزىن“ بىرلەسىپ جاريالادى
شينجياڭ ۋاڭيۋان بيولوگيالىق عىلىم - تەحنيكا توبى داڭق تاقتاسىنان ورىن الدى
شينحۋا اگەنتتىگىنىڭ 1 - ايدىڭ 15 - كۇنى بەيجيڭنەن بەرگەن حابارى. باس شۋجي شي جينپيڭنىڭ سەنىمدىلىك قۇرىلىسى جونىندەگى ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، سوتسياليستىك وزەكتى قۇن كوزقاراسىن بار كۇشپەن جەتىلدىرىپ جانە اسقاقتاتىپ، وزات تيپتەردىڭ سەنىمدىلىكتى دارىپتەۋدەگى، سەنىمدىلىككە ءمان بەرۋدەگى، سەنىمدىلىكتى ساقتاۋداعى اسەرلى حيكايالارىن جاندى بايانداپ، ادالدىقتىڭ، سەنىمدىلىكتىڭ تۇتاس قوعامنىڭ ورتاق قۇن تالپىنىسىنا جانە سانالى ارەكەتىنە اينالۋىن ىلگەرىلەتۋ ءۇشىن، ورتالىق كوميتەت ۇگىت ءبولىمى، مەملەكەتتىك دامۋ جانە رەفورما كوميتەتى جۋىقتا قوعامعا 2021 - جىلعى ”سەنىمدىلىك جۇلدىزىن“ جاريالادى.
وسى رەت جاريالانعان 10 ”سەنىمدىلىك جۇلدىزى“ (2 كوللەكتيۆ، 8 جەكە) جەكە - جەكە مىنالار: فۋجيان حۇڭشيڭ ىركى دەنە تاربيە بۇيىمدارى شەكتى سەرىكتەستىگى، شينجياڭ ۋاڭيۋان بيولوگيالىق عىلىم - تەحنيكا توبى، تيانجين قالاسى بەيچىن رايونى رۇيجيڭ ءمالىسى باۋسۇي حۋادۋ الەۋمەتتىك اۋماعى پارتيا باس ياچەيكاسىنىڭ شۋجيى، تۇرعىندار كوميتەتىنىڭ مەڭگەرۋشىسى لين زىيىن، شاڭحاي قالاسى جيڭان رايونى پىڭپۋ قالاشىعى الەۋمەتتىك اۋماعى دەنساۋلىق ساقتاۋعا قىزمەت وتەۋ ورتالىعى جالپىلىق ءبولىم ۇجىمىنىڭ باستىعى يان جىڭ، جياڭسۋ ولكەسى حۋاي - ان قالاسى حۋاييىن رايونى بازار باقىلاۋ - باسقارۋ مەكەمەسىنىڭ زەينەتكەرى لي اييۇن، انحۇي ولكەسى ليۋ - ان قالاسى جينجاي اۋدانى مافۋ قالاشىعى چيشان قىستاعى حايداۋ دەنساۋلىق ساقتاۋ پۋنكتىنىڭ شيپاگەرى يۇي جياجۇن، شاندۇڭ ولكەسى جينيىڭ قالاسى شىجۇڭ رايوندىق كوميتەتى قارت كادرلار مەكەمەسىنىڭ زەينەتكەرى شيە ليتيڭ، چۇڭچيڭ قالاسى ۋانجوۋ رايونى ۋليڭ قالاشىعى يچىڭ الەۋمەتتىك اۋماعىنىڭ تۇرعىنى يۋان يۇيلان، جۇڭگو پوچتا توبى يۇننان ولكەسى نۋجياڭ ليسۋ ۇلتى اۆتونوميالى وبلىستىق بولىمشە سەرىكتەستىگى لۋشۇي قالاسى چىڭگان اۋىلدىق پوچتا بولىمشەسىنىڭ باستىعى ساڭ نانساي، شيزاڭ اۆتونوميالى رايونى لينجى رۇنشين ساۋدا - ونەركاسىپ شەكتى سەرىكتەستىگىنىڭ القا باستىعى حان يۇي.
بيىل ”سەنىمدىلىك جۇلدىزىن“ جاريالاۋدا نەگىزىنەن تەلەۆيزور ارناۋلى تاقىرىپتىق فيلمى ارقىلى ولاردىڭ العاباسار ىزگى ىستەرى باياندالدى. ولاردىڭ بارلىعى نەگىزگى ساتىنىڭ ءبىرىنشى شەبىنەن كەلگەن، كەيبىرەۋى ءتۇبىرلى باس ماقساتتى امالياتتا ايگىلەگەن، حالىق ءۇشىن قىزمەت وتەۋدى مۇرات ەتىپ، قىرۋار ناقتى ءىس، جاقسى ءىس ىستەدى؛ كەيبىرەۋى اۋەلگى ماقسات، بورىشتى ەستە بەرىك ساقتاپ، كاسىپتىك ءمورالعا بويسۇنىپ، بۇقارا ءومىرى مەن سالاماتتىعىنىڭ ”قورعاۋشىسىنا“ اينالدى؛ كەيبىرەۋى قىزىل گەندى جالعاستىرىپ، رۋحاني قان تامىردى جالعاستىرىپ، توڭكەرىستىك قۇربانداردىڭ قاراپايىم سەرتىن ءومىرى ارقىلى امالياتتا ايگىلەدى؛ كەيبىرەۋى سەنىمدىلىك ۇستانىمىن جالعاستىرىپ، ىرىقتىلىقپەن قوعامعا ءوزىن ارناپ، بازار شارۋاشىلىعى زور تولقىنىندا كاسىپورىننىڭ سەنىمدىلىك ماركاسىن تۇلعالادى. ولار ءاربىر ءىس جۇزىندىك ارەكەتى ارقىلى ماڭگى پارتيانىڭ سوزىنە قۇلاق اسۋ، پارتياعا ىلەسۋ شىنايى سەرتىن شوعىرلى ايگىلەپ، سەنىمدى ادام بولۋ، سەنىمدىلىكتى ساقتاپ، ۋادەسىن ورىنداۋ عۇمىرلىق مۇراتىن جاندى بەينەلەدى، ولار ادال، سەنىمدى بولۋ قۇن ۇستانىمىنىڭ بەرىك قورعاۋشىلارى، سوتسياليستىك وزەكتى قۇن كوزقاراسىنىڭ ۇلگىلى امالياتشىلارى.
ورتالىق كوميتەت ۇگىت ءبولىمى، مەملەكەتتىك دامۋ جانە رەفورما كوميتەتى 10 ”سەنىمدىلىك جۇلدىزىنا“ كۋالىك جانە سيلىق ساۋىتىن تاراتادى. ”سەنىمدىلىك جۇلدىزىن“ جاريالاۋ ارناۋلى باعدارلاماسى ورتالىق راديو - تەلەۆيزيا باس ستانسياسى ورتالىق تەلەۆيزياسىنىڭ قازىنا - ەكونوميكا ارناسىندا 1 - ايدىڭ 16 - كۇنى ساعات 21دەن 30 مينۋت وتكەندە تۇڭعىش تاراتىلادى، قاتىستى توعىسپالى اقپارات قۇرالدارىنىڭ «”سەنىمدىلىك جۇلدىزىنا“ قۇرمەت»، «سەنىمدىلىك شۇعىلاسى» سياقتى تۋىندىلارى دا جۋىقتا ىركەس - تىركەس تاراتىلادى.
