ءومىر - ءولىم مايدانىنداعى اتويشى

日期:2022年01月16日
来源:新疆日报
【字体:

شاڭ حۇڭكۇي:

ءومىر - ءولىم مايدانىنداعى اتويشى

انار بۇلت / شينجياڭ گازەتىنىڭ ءتىلشىسى گو ليڭ

  2021 - جىلى 12 - ايدىڭ 24 - كۇنى تۇستە اقسۋ ايماقتىق قوعام حاۋىپسىزدىگى مەكەمەسىنىڭ اسحاناسىندا شاڭ حۇڭكۇي پىسىرىلعان جۇمىرتقانى الا بەرگەنى سول ەدى، قاسىنداعى قىزمەتتەسى وعان كومەكتەسىپ شەبەرلىكپەن ارشىپ بەرە قويدى. شاڭ حۇڭكۇي 500دەن استام قوپارىلىس جابدىعىن الاستاعان، الايدا ءبىر رەتكى قوپارىلىس سالدارىنان وڭ قولى كەمتار بولىپ قالادى، ول ۇمىتكەرلىكپەن: ”مەنىڭ سول قولىم بارىنە جارايدى“، - دەيتىن.

  شاڭ حۇڭكۇي اقسۋ ايماقتىق قوعام حاۋىپسىزدىگى مەكەمەسى قىلمىستىق ىستەردى بارلاۋ - تەكسەرۋ تارماق اترەتى قىلمىستىق ىستەر عىلىم - تەحنيكاسىن زەرتتەۋ ورنىنىڭ ساياسي جەتەكشىسى، 1999 - جىلى 8 - ايدا قوعام حاۋىپسىزدىگى قىزمەتىنە قاتىناسقان، تالاي رەت ومىرىنە تونگەن حاۋىپ - قاتەرگە قاراماي ناق مايداندى بارلاپ - تەكسەرگەن جانە قوپارىلىس جابدىعىن الاستاعان، ىلگەرىندى - كەيىندى قوپارىلىسقا ساياتىن دەلودان 100دەن استامىنا ات سالىسقان، قىلمىستىلارعا سوققى بەرۋ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن قورعاۋ ءۇشىن كورنەكتى ۇلەس قوسىپ، قوعام حاۋىپسىزدىگى مينيسترلىگى جاعىنان ”مەملەكەتتىك قوعام حاۋىپسىزدىگى سالاسىنداعى 2 - دارەجەلى قاھارمان ۇلگى“ داڭق اتاعىنا يە بولعان، داڭقپەن 2 رەت جەكە 2 - دارەجەلى ەڭبەك، 6 رەت جەكە 3 - دارەجەلى ەڭبەك سىڭىرگەن.

تاڭداعان ەكەنسىڭ، ەشقانداي وكىنبەۋىڭ كەرەك

  2014 - جىلدىڭ ءبىر كۇنى تۇستەن كەيىن شاڭ حۇڭكۇي بۇيرىق بويىنشا 200 كيلومەتردەن استام قاشىقتىقتاعى ءبىر اۋدان قالاشىعىنداعى بۇرىننان قالعان ءبىر قوپارىلىس جابدىعىن ءبىر جاقتى ەتۋگە بارادى. ول قوپارىلىس جابدىعىن الاستاماقشى بولعاندا تۇتقيىلدان قوپارىلىس تۋىلادى. ”سول كەزدە وت ۇشقىنى جارق ەتە ءتۇستى، وڭ قولىم قوپارىلىستان دال بولدى“. شاڭ حۇڭكۇي ەسىن جيعان كەزدە ءوزىنىڭ شيپاحانادا جاتقاندىعىن ايتتى.

  دياگنوز قويۋ ارقىلى شاڭ حۇڭكۇيدىڭ وڭ قولىنىڭ سۇق ساۋساعى بۇكىلدەي ءۇزىلىپ تۇسكەندىگى، ورتان ساۋساعىنىڭ جارتىسى قوپارىلىستا تالقاندالىپ، سول تىزەسى جارالانىپ، ەكى قۇلاعىنىڭ پەردەسى جارىلىپ، ەستۋ قۋاتى اۋىر دارەجەدە بۇلىنگەندىگى انىقتالدى. ”العاشىندا وڭ قولىم مەن سول اياعىمدى كەسەتىن بولعان، كەيىن امان قالدى“، - دەيدى شاڭ حۇڭكۇي.

  كەيبىر ادامدار: ”وسى كاسىپتى تاڭداعانىڭا وكىنەسىڭ بە“؟ - دەپ سۇراعاندا، شاڭ حۇڭكۇي: حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن قورعاۋ مەنىڭ مىندەتىم، وسى جولدى تاڭداعان ەكەنمىن، استە وكىنبەيمىن، - دەيدى.

ءار رەتكى ارەكەتتە ولىمگە بەتپە - بەت كەلدى

  كەم ءسوزدى، ۇيرەنۋدى جاقسى كورەدى، شەبەرلىگىن جەتىلدىرە بەرەدى، مىنە بۇل قىزمەتتەستەرىنىڭ شاڭ حۇڭكۇيگە بەرگەن باعاسى.

  ”كوپتەگەن قوپارىلىس جابدىقتارى قولدا جاسالعان، قوپارعىش ءدارى، قۇرىلىم دەگەندەردىڭ بارلىعىندا جۇيەلىلىك جوق، قوپارىلىس جابدىقتارىن الاستاۋ قىزمەتىندە تيتتەي دە اعاتتىق جىبەرۋگە بولمايدى“. اقسۋ ايماقتىق قوعام حاۋىپسىزدىگى مەكەمەسى قىلمىستىق ىستەردى بارلاۋ - تەكسەرۋ تارماق اترەتىنىڭ ساقشى ىستەرى تەحنيكاسىنداعى 1 - دارەجەلى باسقارۋشى لي جيۋجىڭ تانىستىرىپ بىلاي دەدى: شاڭ حۇڭكۇي ۇيرەنۋدى ەرەكشە جاقسى كورەدى، كاسىپتىك كىتاپتار، ناقتى دەلو مىسالدارى سياقتى ارنالار ارقىلى قوپارىلىس جابدىقتارىنىڭ قۇرىلىمىن مۇقيات ءتۇسىنىپ، ءوزى قانىق بىلگەننەن كەيىن قىزمەتتەستەرىنە ۇيرەتەتىن.

  ”قوپارىلىس جابدىقتارىن الاستاعان كەزدە قوپارىلىس جابدىعىنا سونشاما جاقىن تۇراسىڭ، قوپارىلىس قۋاتى زور قوپارىلىس جابدىعىنا ءدوپ كەلگەنىڭدە، 30 نەشە كيلوگرامدىق قوپارىلىستان ساقتانۋ كيىمىن كيىپ العانىڭنىڭ تۇك تە سەبى تيمەيدى“. شاڭ حۇڭكۇي: ءار رەتكى ارەكەتتە ولىمگە بەتپە - بەت كەلەمىز. جەڭسەك، امان - ەسەن ۇيىمىزگە قايتامىز؛ جەڭىلسەك، زاردابىن ويلاۋىڭ قيىن، - دەدى. ونىڭ ءار جولى ۇستامدىلىقپەن قوپارىلىس جابدىقتارىن الاستاۋىنىڭ استارىندا كوپ جىلعى جاپالى جاتتىعۋ جەتىستىكتەرىنىڭ ىزدەرى جاتىر.

  2001 - جىلى ءبىر زورلىقتى كۇش لاڭكەستىك دەلوسىن بارلاپ تەكسەرگەن كەزىندە، شاڭ حۇڭكۇي مەن جاۋىنگەر سەرىكتەرى زورلىقتى كۇش لاڭكەس ەلەمەنتىنىڭ ۇيىنەن ولاردىڭ وزدەرى جاساعان قول بومبىنى تاۋىپ الادى. قول بومبىنى ناق مايداندا جويۋدىڭ مۇمكىندىگى بولماعاندىقتان، شاڭ حۇڭكۇي قول بومبىنى اۆتوكولىگىنە سالىپ الىپ، جول بويى ەپپەن قاداعالاي وتىرىپ، 40 نەشە كيلومەتر شالعايداعى مەكەمەسىنە الىپ بارعان سوڭ، توتەنشە ساقتىقپەن قول بومبىنى حاۋىپسىز ورىنعا اپارىپ قويادى.

شۇعىل، قيىن، قاتەرلى، اۋىر مىندەتتەردەن استە تايسالمادى

  2014 - جىلى جارالانعاننان كەيىن، شاڭ حۇڭكۇيدىڭ قىزمەتىندە وزگەرىس بولدى، نەگىزىنەن ناق مايداندا بارلاۋ - تەكسەرۋ، سونداي - اق قاعاز جۇزىندە تەكسەرۋ، ساراپتاۋ جانە تەحنيكالىق باسقارۋ سياقتى قىزمەتتەرمەن شۇعىلداندى.

  بۇرىنعى سياقتى قوس قولىمەن قوپارىلىس جابدىعىن الاستاماعانىمەن، ءبىراق شۇعىل، قيىن، قاتەرلى، اۋىر مىندەتتەرگە ءدوپ كەلگەندە، شاڭ حۇڭكۇي استە تايسالمادى. ءبىر جولى قاراستى رايونداعى ءمالىم ءبىر جەردەگى بازاردان كۇماندى زات بايقالادى، شاڭ حۇڭكۇي ىرىقتىلىقپەن ءوتىنىش ەتىپ، ەڭ الدىمەن شاكىرتىن ەرتىپ ناق مايدانعا تىزگىن ۇشىمەن جەتىپ بارىپ بارلاپ - تەكسەرىپ، ءبىر جاقتى ەتەدى. ول كۇماندى زاتتىڭ جاعدايىن انىقتاعاننان كەيىن، شاكىرتىنىڭ جۇمىس اتقارۋىنا جول كورسەتىپ، مىندەتتى حاۋىپسىز ورىندايدى.

  قىزمەت مىندەتى توتەنشە اۋىر بولعاندىقتان، شاڭ حۇڭكۇيدىڭ وتباسىنداعىلارىنا قارايلاساتىن ۋاقىتى تىم از ەدى. اكەسىنىڭ ىقپالىمەن 2015 - جىلى شاڭ حۇڭكۇيدىڭ ۇلى شاڭ رۇي داشۋە بىتىرگەننەن كەيىن، قوعام حاۋىپسىزدىگى كاسىبىن تاڭداۋدان جازباي، ءبىر حالىق ساقشىسى بولادى.