انار بۇلت / شينجياڭ گازەتىنىڭ ءتىلشىسى فان چيۇڭيان 1 - ايدىڭ 14 - كۇنى ۇرىمجىدەن حابارلايدى. شينجياڭ پوچتا ىستەرىن باسقارۋ مەكەمەسىنەن ۇعىسۋىمىزشا، 1 - ايدىڭ 6 - كۇنى شينجياڭ جەدەل جەتكىزۋ كاسىبى تيجارات رۇقسات كۋالىگىن بىتىرۋدە جەتكىزىپ بەرۋ بويىنشا قىزمەت وتەۋ ءتۇرىن اشقان، بۇل شينجياڭدا جەدەل جەتكىزۋ كاسىبى تيجارات رۇقسات كۋالىگىن ”تۇتاس بارىستا ينتەرنەتتە ءبىتىرۋدىڭ“ جۇزەگە اسقاندىعىن اڭعارتادى، قازىر 3 كاسىپورىن ”تۇتاس بارىستا ينتەرنەتتە ءبىتىرۋ“ بويىنشا رۇقسات كۋالىگىنە يە بولعان.
”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتۋ، ”ينتەرنەت + ۇكىمەتتىك قىزمەت وتەۋ“ قابىلەت دەڭگەيىن جوعارىلاتۋ ءۇشىن، شينجياڭ پوچتا ىستەرىن باسقارۋ مەكەمەسى كەمەلدى تەكسەرۋ - زەرتتەۋ جۇرگىزۋ نەگىزىندە، جەدەل جەتكىزۋ كاسىبى تيجارات رۇقسات كۋالىگىن بىتىرۋدە جەتكىزىپ بەرۋ بويىنشا قىزمەت وتەۋ ءتۇرىن اشقان، سونداي - اق رۇقسات كۋالىكتى جەتكىزىپ بەرۋ بۋىندارىن، اتقارۋ ۇلگىسىن، جەتكىزىپ بەرۋ ۋاقىت شەگىن ارناعا ءتۇسىرىپ، سايكەستى جابدىقتاردى ازىرلەپ، رۇقسات كۋالىگىن بىتىرۋدە جەتكىزىپ بەرۋ قاپشىعىن تاپسىرىس بويىنشا جاساعان، ت ب.
رۇقسات كۋالىگىندە ”تۇتاس بارىستا ينتەرنەتتە ءبىتىرۋ“ جۇزەگە اسقاننان كەيىن، شينجياڭدا تىركەلگەن زاڭدىق تۇلعا كاسىپورىندارىنىڭ بارلىعى، شينجياڭ پوچتا ىستەرىن باسقارۋ مەكەمەسىنىڭ رەسمي سايتىنداعى /http://xj.spb.gov.cn ”جەلىدە ءىس ءبىتىرۋ“ بولىگىنە شىعىپ، رۇقسات كۋالىگىنە ءوتىنىش بەرۋ، وزگەرتۋ، ۇزارتۋ، تولىقتاپ ءبىتىرۋ سياقتى تەكسەرىپ بەكىتۋ جۇمىستارىن ورىنداعاننان كەيىن، رۇقسات كۋالىگىن جەتكىزىپ بەرۋ فۋنكتسياسى ارقىلى پوچتادان جىبەرۋ ءتاسىلىن تاڭداپ رۇقسات كۋالىگىن الۋىنا، ”ءبىر رەت تە بارماي - اق“ كۋالىك بىتىرۋىنە بولادى.
شينجياڭ پوچتا ىستەرىن باسقارۋ مەكەمەسى مىنالاردى ءبىلدىردى: جەدەل جەتكىزۋ كاسىبىندە تيجارات رۇقسات كۋالىگىن جەتكىزىپ بەرۋ بويىنشا قىزمەت وتەۋ ءتۇرىنىڭ اشىلۋى پوچتا ىستەرىن باسقارۋ تاراۋلارىنىڭ ”تومەنگە بەرۋ، باسقارۋ، قىزمەت وتەۋ“ رەفورماسىن تياناقتاندىرىپ، شارۋاشىلىق - ساۋدا ورتاسىن ساپالىلاندىرۋىنداعى ماڭىزدى شارا، جەدەل جەتكىزۋ كاسىبى تيجارات رۇقسات كۋالىگىن ”ينتەرنەتتە ءبىر تۇتاس ءبىتىرۋ“ ”ولكە اتتاپ ءبىر تۇتاس ءبىتىرۋ“ نەگىزىندە ”كوپ بولعاندا ءبىر رەت عانا بارۋدان“،”تاياۋ ماڭعا ءبىر رەت عانا بارۋدان“ ”ءبىر رەتتە بارماۋ“ نىساناسىنا قادام تاستاعان ناقتى اماليات. الداعى جەردە مەكەمە اكىمشىلىك تەكسەرىپ بەكىتۋ بارىسىن ۇزدىكسىز ساپالىلاندىرىپ، تەكسەرىپ بەكىتۋ ۋاقىت شەگىن قىسقارتىپ، تەكسەرىپ بەكىتۋ ونىمدىلىگىن جوعارىلاتىپ، كاسىپورىندار مەن بۇقارانىڭ جۇمىس بىتىرۋىنە، شارۋاشىلىق قۇرۋىنا اناعۇرلىم قولايلى، جوعارى ءونىمدى قىزمەت وتەيدى.
قازىرگە دەيىن شينجياڭدا جالپى 284 كاسىپورىن جەدەل جەتكىزۋ كاسىبى تيجارات رۇقسات كۋالىگىن الدى.
