انار بۇلت / شينجياڭ گازەتىنىڭ ءتىلشىسى جاڭ يۇنمەي 1 - ايدىڭ 14 - كۇنى ۇرىمجىدەن حابارلايدى. اۆتونوميالى رايوندىق ساياسي كەڭەس اشقان اقپارات مەديالارىنا قۇلاققاعىس ەتۋ ماجىلىسىنەن ۇعىسۋىمىزشا، بىلتىر 6 - ايدا باتىس سولتۇستىكتەگى 5 ولكە - رايون ساياسي كەڭەستەرىنىڭ ”جىبەك جولى ەكونوميكالىق بەلدەۋى قۇرىلىسىنا دەم بەرۋ، قىزمەت وتەۋ بىرىككەن ماجىلىسىندە دايىندالعان 3 بىرلەسكەن ۇسىنىس جوباعا مەملەكەتتىڭ قاتىستى مينيسترلىك - كوميتەتتەرى جاۋاپ بەرگەن.
بۇل رەتكى بىرىككەن ءماجىلىستى اۆتونوميالى رايوندىق ساياسي كەڭەس ۇستىنە الىپ وتكىزدى. ماجىلىستە دايىندالعان 3 ۇسىنىس جوبا جەكە - جەكە مىنالار: «جاڭالىق اشۋ ارقىلى دەم بەرۋگە تاباندى بولىپ، جۇڭگو - ەۆروپا كەزەكشى پويەزدارىنىڭ جوعارى ساپالى دامۋىن سايكەستىرە ىلگەرىلەتۋ جونىندەگى ۇسىنىس جوبا»، «باتىس سولتۇستىكتەگى 5 ولكە (رايون) زات اينالىمى تورابىنىڭ جاڭا ارناسىن جەدەل قالىپتاستىرۋ جونىندەگى ۇسىنىس جوبا»، «باتىس سولتۇستىكتەگى 5 ولكەنىڭ (رايون) زەردەلى ساياحات بويىنشا وڭىرلىك سەلبەستىگىن جەبەۋ جونىندەگى ۇسىنىس جوبا». 3 ۇسىنىس جوبانى شينجياڭ ساياسي كەڭەسىنىڭ ءتوراعاسى ۇسىنىس جوبا قويۋشى ءبىرىنشى ادام رەتىندە، شانشي، گانسۋ، چيڭحاي، نيڭشيانىڭ ساياسي كەڭەس ءتوراعالارى بىرلەسىپ ورتاعا قويدى.
”جۋىردا مەملەكەتتىك دامۋ جانە رەفورما كوميتەتى جۇڭگو - ەۆروپا كەزەكشى پويەزدارىنىڭ جوعارى ساپالى دامۋىنا جانە ساۋدا، زات اينالىمىنا قاتىستى 2 ۇسىنىس جوبا جونىندە ءبىر - بىرلەپ، ەگجەي - تەگجەيلى، انىق جاۋاپ بەردى“، - دەدى اۆتونوميالى رايوندىق ساياسي كەڭەس ەكونوميكا كوميتەتىنىڭ مەڭگەرۋشىسى لاي جيڭگاڭ.
جاۋاپتا مىنالار اتاپ كورسەتىلدى: مەملەكەتتىك دامۋ جانە رەفورما كوميتەتى مەن قاتىستى تاراۋلار باتىس سولتۇستىكتەگى 5 ولكە - رايوندى قامتىعان باتىس بولىك وڭىرگە جالعاستى پارىقتى وڭىرلىك قولداۋ كورسەتىپ، شەكارا وتكەلى، شەكارا اتتاعان تاسىمال، ينفورماتسيا ارناسى سياقتى اشىق نەگىزدىك قۇرىلعىلاردى ونان ارى كەمەلدەندىرىپ، اشىق زات اينالىمى جەلىسىن جانە شەكارا اتتاعان پوچتا جولدامالارىن جەتكىزۋ جۇيەسىن جەدەل ورناتىپ، جيناۋ ورتالىعىنىڭ توراپتىق رولىن ويداعىداي ساۋلەلەندىرىپ، جۇڭگو - ەۆروپا كەزەكشى پويەزدارىن جوعارى ساپادا جۇرگىزىپ، باتىس بولىك ءوڭىردىڭ ەسىك اشۋ دەڭگەيىن جوعارىلاتادى. قارجىلىق - ساياساتتىق قولداۋدى كۇشەيتىپ، باتىس بولىكتى قاۋىرت اشۋدا جاڭا ارنا قالىپتاستىرۋدى ىلگەرىلەتەدى.
مادەنيەت جانە ساياحات مينيسترلىگى زەردەلى ساياحاتقا قاتىستى ۇسىنىس جوبا جونىندە دە ايقىن جاۋاپ بەردى. جاۋاپتا مىنالار اتاپ كورسەتىلدى: مادەنيەت جانە ساياحات مينيسترلىگى باتىس سولتۇستىكتەگى 5 ولكە - رايوننىڭ ءوڭىر ىشىندە قازىر بار زەردەلى ساياحات بويىنشا الەۋمەتتىك قىزمەت وتەۋ تۇعىرىن ىلگەرىلەتۋىنە، ءوڭىر ىشىنە ءتان ساندى مالىمەتتەردەن بىرگە يگىلىكتەنۋدىڭ جوعارى جىلدامدىقتى ارناسىن قالىپتاستىرۋىنا، باتىس سولتۇستىكتەگى 5 ولكە - رايوننىڭ مادەنيەت جانە ساياحات ساندى مالىمەتتەر قويماسىن بىرتىندەپ قۇرۋىنا، ساياحاتقا قاتىستى ساندى مالىمەتتەردى ءوزارا ۇلاستىرۋدى، ءوزارا پايدالانۋدى حاۋىپسىز، ءتارتىپتى ىلگەرىلەتۋىنە، ساندى مالىمەتتەردەن بىرگە يگىلىكتەنۋ جۇيەسىن ورناتۋىنا قولداۋ كورسەتىپ، باتىس سولتۇستىكتەگى 5 ولكە - رايوننىڭ زەردەلى ساياحاتتى سايكەستىرە، بىرگە ىلگەرىلەتۋى، ءبىر تۇلعادا بىرلەسە قيمىلداۋى ءۇشىن پارمەندى تىرەك ازىرلەيدى.
لاي جيڭگاڭ مىنالاردى ءبىلدىردى: كەلەسى قادامدا اۆتونوميالى رايوندىق ساياسي كەڭەس قاتىستى مەڭگەرمە - مەكەمەلەردى 3 ۇسىنىس جوباعا بەرىلگەن جاۋاپ پىكىرى بويىنشا تياناقتاندىرۋدى ناقتى ويداعىداي يگەرۋگە ۇسىنىس ەتەدى. اۆتونوميالى رايوندىق ساياسي كەڭەس ءماجىلىس جەتىستىكتەرىن كادەگە جاراتۋدى ونان ارى تەرەڭدەتىپ، ساياسي كەڭەس بىرىككەن ءماجىلىسى تۇعىرىنان ويداعىداي پايدالانىپ، باتىس سولتۇستىكتەگى ولكە - رايوندارمەن سەلبەستىكتى ۇزدىكسىز تەرەڭدەتەدى.
