الدىڭعى 10 ايدا رايونىمىزدىڭ فوتوۆولتتىق، جەل كۇشىمەن ەلەكتر تاراتۋدان پايدالانۋ مولشەرى ورنىقتى ارتتى

日期:2021年11月28日
来源:新疆日报
【字体:

  انار بۇلت / شينجياڭ گازەتىنىڭ ءتىلشىسى شى شين 11 - ايدىڭ 27 - كۇنى ۇرىمجىدەن حابارلايدى. اۆتونوميالى رايوندىق دامۋ جانە رەفورما كوميتەتىنەن ۇعىسۋعا قاراعاندا، 1 - ايدان 10 - ايعا دەيىن رايونىمىزدىڭ فوتوۆولتتىق، جەل كۇشىمەن ەلەكتر تاراتۋدان پايدالانۋ مولشەرى ورنىقتى ارتىپ، جالپى تۇلعالىق اينالىم جاعدايى جاقسى بولعان.

  10 - ايدىڭ سوڭىنا دەيىن شينجياڭ ەلەكتر تورىنىڭ ورنالاستىرۋ ولشەمىندەگى اگراگاتتار سيىمدىلىعى 105 ميلليون 93 مىڭ كيلوۆات بولعان، مۇنىڭ ىشىندە فوتوۆولتتىق ەلەكتر تاراتۋ اگراگاتتار سيىمدىلىعى 12 ميلليون 385 مىڭ كيلوۆات (جايىلمالى ۇلگىدەگى فوتوۆولتتى قامتيدى) بولىپ، جالپى اگراگاتتار سيىمدىلىعىنىڭ %11.8ىن يەلەگەن؛ جەل ەلەكترى اگراگاتتارى سيىمدىلىعى 23 ميلليون 745 مىڭ كيلوۆات بولىپ، جالپى اگراگاتتار سيىمدىلىعىنىڭ %22.6ىن يەلەگەن.

  1 - ايدان 10 - ايعا دەيىن شينجياڭ ەلەكتر تورى ورنالاستىرۋ ولشەمىندەگى تاراتىلعان جالپى ەلەكتر مولشەرى 343 ميلليارد 610 ميلليون كيلوۆات - ساعات بولىپ، سايكەس مەزگىلدەگىدەن %17.9 ارتقان، مۇنىڭ ىشىندە فوتوۆولتتىق ەلەكتر تاراتۋ 15 ميلليارد 920 ميلليون كيلوۆات - ساعات بولىپ، سايكەس مەزگىلدەگىدەن %22 ارتىپ، تاراتىلعان جالپى ەلەكتر مولشەرىنىڭ %4.6ىن يەلەگەن؛ جەل ەلەكترى 47 ميلليارد 90 ميلليون كيلوۆات - ساعات بولىپ، سايكەس مەزگىلدەگىدەن %25.3 ارتىپ، تاراتىلعان جالپى ەلەكتر مولشەرىنىڭ %13.7ىن يەلەگەن.

  1 - ايدان 10 - ايعا دەيىن رايونىمىزدىڭ فوتوۆولتتىق ەلەكتر تاراتۋدان پايدالانۋ مولشەرى %98.3 بولىپ، سايكەس مەزگىلدەگىدەن 2.9 پايىز ارتقان؛ جەل ەلەكترىنەن پايدالانۋ سالىستىرماسى %92.4 بولىپ، سايكەس مەزگىلدەگىدەن 3 پايىز ارتقان.

  اۆتونوميالى رايوندىق دامۋ جانە رەفورما كوميتەتى كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ نىساناسىن ارقاۋ ەتىپ، مەملەكەتتىڭ قايتا تۋىندايتىن ەنەرگيا قاينارى ەلەكتر كۇشىن قابىلداۋ جاۋاپكەرشىلىك ۇقىعى كەلەلى مىندەتى تالابىنا ساي، جاڭا ەنەرگيانىڭ قابىلداۋ كەڭىستىگىن قۇلشىنا كەڭەيتىپ، رايونىمىزدىڭ فوتوۆولت، جەل ەلەكتر كاسىبىنىڭ جوعارى ساپالى دامۋىن ۇزدىكسىز ىلگەرىلەتەدى.