”شينجياڭ جاقسى جەر“ اتىنداعى جۇڭگوداعى شەتەلدىك ونەركاسىپ - ساۋدا سالاسى ۋاكىلدەرىنىڭ ارناۋلى بەينە ەكران اۋىس - كۇيىس ءماجىلىسى وتكىزىلدى
”جۇڭگو كوممۋنيستىك پارتياسىنىڭ شينجياڭدى جونگە سالۋ جالپى جوباسى اسا ناتيجەلى ەكەن“
انار بۇلت / شينجياڭ گازەتىنىڭ ءتىلشىسى ۋاڭ نا 11 - ايدىڭ 27 - كۇنى ۇرىمجىدەن حابارلايدى. 11 - ايدىڭ 26 - كۇنى ”شينجياڭ جاقسى جەر“ اتىنداعى جۇڭگوداعى شەتەلدىك ونەركاسىپ - ساۋدا سالاسى ۋاكىلدەرىنىڭ ارناۋلى بەينە ەكران اۋىس - كۇيىس ءماجىلىسى بەيجيڭ مەن ۇرىمجىدە بىردەي وتكىزىلدى، 80نەن استام جۇڭگولىق، شەتەلدىك سيلى قوناقتار ماجىلىسكە قاتىناستى.
جۇڭگو كوممۋنيستىك پارتياسى ورتالىق كوميتەتى سىرتپەن بايلانىس جاساۋ ءبولىمىنىڭ ورىنباسار باستىعى شىن بەيلي سوزىندە مىنانى ءبىلدىردى: بۇگىنگى تاڭدا، شينجياڭ سىندى بايتاق دالادا حالىق تىنىش ءومىر، شات - شادىمان تىرشىلىك كەشىرىپ، ءار ۇلت جاراسىمدى بىرگە جاساۋدا، قوعام گۇلدەنىپ، ورنىقتى بولىپ، تيانشان الابىندا تىنىش تا بەرەكەلى، قاۋىرت گۇلدەنگەن اسا تاماشا جاعداي جارىققا شىقتى. شەتەلدىك ونەركاسىپ - ساۋدا سالاسىنداعى دوستاردىڭ جۇڭگونىڭ جاڭا دامۋ ارناسىن جەدەل قالىپتاستىرۋ، اناعۇرلىم جوعارى دەڭگەيدە سىرتقا ەسىك اشۋدى جۇزەگە اسىرۋ ورايىن يگەرىپ، شينجياڭنىڭ دامۋ باسىمدىقتارىن ءتۇسىنىپ ءارى ودان ويداعىداي پايدالانىپ، سەلبەسۋ كەڭىستىگىن بەلسەنە اشىپ، ءوزارا تيىمدىلىك جاساپ، بىرگە يگىلىككە كەنەلۋدى جۇزەگە اسىرۋىن ءۇمىت ەتەمىز.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوندىق باس جۇمىسشى ۇيىمىنىڭ ءتوراعاسى ەلزات احمەتجان مىنانى ءبىلدىردى: شينجياڭ شىت جاڭا بەينەمەن جوعارى ساپالى دامۋ جولىندا ەكىنشى 100 جىلدىق كۇرەس نىساناسىن جۇزەگە اسىرۋعا قاراي ارشىندى قاداممەن العا ىلگەرىلەپ كەلەدى. امەريكاداعى، باتىستاعى جۇڭگوعا قارسى كۇشتەر ەشقانداي نەگىزسىز، ەشقانداي قيسىنسىز، ەشقانداي دالەلسىز شينجياڭنىڭ ”اتىنا داق سالدى“، شينجياڭدى ”تۇرپايىلاندىرىپ كورسەتتى“، ءىشىنارا ەلدەر ءتىپتى وتىرىك - وسەك پەن جالعان ينفورماتسيالارعا نەگىزدەلىپ، شينجياڭنىڭ قاتىستى كاسىپتەرىنە، كاسىپورىندارىنا قيسىنسىز جازا قولداندى. بۇعان ءبىز قاتتى كەكتەنەمىز جانە باتىل قارسى تۇرامىز!
اۋىس - كۇيىس ماجىلىسىندە بيىل 9 - ايدا شينجياڭعا ساپارلاي كەلگەن 6 شەتەلدىك قوناق پىكىر ءبىلدىرىپ، ءسوز سويلەدى، شينجياڭعا ساپارلاي كەلگەندەگى سەزىنگەندەرىمەن ورتاقتاسىپ، شينجياڭنىڭ گۇلدەنىپ دامىعاندىعىنا، حالىق تۇرمىسىنىڭ جاقسارعاندىعىنا جانە تىنىش تا ىنتىماقتى ەكەندىگىنە كۋا بولعاندىقتارىن ءبىلدىردى.
”مەن سوتسياليستىك ءتۇزىمنىڭ ابزالدىلىعىن تەرەڭ سەزىندىم“. تۇركيا - جۇڭگو ساۋدانى جەبەۋ جانە دوستىق قوعامىنىڭ ءتوراعاسى ادنان اكفىرات بىلاي دەدى: شينجياڭعا 20 نەشە رەت ساپارلاي كەلدىم، بيىل 9 - ايداعى ساپار بارىسىندا، كەدەي وڭىرلەردىڭ كەدەيلىكتەن ارىلعاندىعىن، كونە، ەسكى ۇيلەردىڭ عايىپ بولعاندىعىن، ونىڭ ورنىنا ادەمى، تازا، رەتتى وسىزاماندانعان قالا ورناعاندىعىن، جەرگىلىكتى ادامداردىڭ توتەنشە باقىتتى، ىرعىن تۇرمىس كەشىرىپ جاتقاندىعىن كوردىم.
”جۇڭگو كوممۋنيستىك پارتياسىنىڭ شينجياڭدى جونگە سالۋ جالپى جوباسى اسا ناتيجەلى ەكەن“. فرانسيا ازيا جىبەك جولى توبىنىڭ القا باستىعى پيەر ميروكينيكوۆ بىلاي دەدى: شينجياڭنىڭ ءار دارەجەلى ۇكىمەتتەرى بەلگىلەنگەن ساياساتتاردى تاباندىلىقپەن اتقارىپ، كەدەيلىكتى قۇلشىنا جويىپ، زورلىقتى كۇش لاڭكەستىك ارەكەتتەرىنە باتىل سوققى بەرىپ، زاڭ بويىنشا ۇلتتار ىنتىماعىن قورعاپ، ءدىن تاتۋلىعىن، ۇيلەسىمدىلىگىن جەبەگەن، ەر - ايەل، كارى - جاس ەمىن - ەركىن ءومىردىڭ قىزىعىن كورىپ، ۇلكەندى - كىشىلى كوشەلەردەن تىنىشتىق پەن بەرەكە - بىرلىك مەن مۇندالايدى.
”بۇل كەرىلىپ تۇرىپ، شاتتانا ءان شىرقاپ، بيگە باساتىن جەر“. جۇڭگو - مالايزيا ساۋدا قوعامىنىڭ باستىعى فاڭ ۋيچىڭ بىلاي دەدى: ساۋدا قوعامى سىندى تۇعىر ارقىلى مالايزيانىڭ جۇڭگونىڭ شينجياڭىنداعى كاسىپورىندارىمەن جانە قۇرىلىمدارىمەن ارا سەلبەستىك كوپىرىن سالۋدى قالايمىز.
اۋىس - كۇيىس ءماجىلىسى ينتەرنەتتىك بەينە ەكران ءتاسىلى ارقىلى قورعاس ەكونوميكالىق اشۋ رايونىنىڭ، ءۇرىمجى حالىقارالىق قۇرلىقتىق پورت اۋماعىنىڭ قاتىستى جاۋاپتىلارىمەن جانە ءىشىنارا كاسىپورىن ۋاكىلدەرىمەن، نەگىزگى ساتى بۇقاراسىمەن بايلانىسقا شىقتى، سيلى قوناقتار شينجياڭنىڭ ەكونوميكالىق، قوعامدىق دامۋى، سىرتپەن اۋىس - كۇيىس سەلبەستىگى جانە ءار ۇلت بۇقاراسىنىڭ ەڭبەكپەن جۇمىستانۋ جاعدايى جونىندە بەلگىلى تۇسىنىككە يە بولدى.
اۆتونوميالى رايوندىق ساياسي كەڭەستىڭ ورىنباسار ءتوراعاسى، شينجياڭ ءىسلام ءدىنى شۋەيۋانىنىڭ باستىعى ابدۇرىقىپ ءتومۇرنياز جانە اۆتونوميالى رايوندىق دامۋ جانە رەفورما كوميتەتى، ساۋدا ىستەرى مەڭگەرمەسى، مادەنيەت جانە ساياحات مەڭگەرمەسى، وقۋ - اعارتۋ مەڭگەرمەسى سياقتى ورىنداردىڭ قاتىستى جاۋاپتىلارى شينجياڭنىڭ ەكونوميكاسىنىڭ دامۋى جانە قورشاعان ورتاسىنىڭ قورعالۋى، ەلەكتروندى ساۋدا ىستەرى جانە سىرتقى ساۋدا، كاسىپتىك وقۋ - اعارتۋ، ءىسلام ءدىنى وقىتۋشى - قىزمەتكەرلەرىن باۋلۋ سياقتى مازمۇندار جونىندە شەتەلدىك قوناقتاردىڭ سۇراۋىنا جاۋاپ بەردى.
وسى رەتكى اۋىس - كۇيىس ءماجىلىسىن جۇڭگو كوممۋنيستىك پارتياسى ورتالىق كوميتەتىنىڭ سىرتپەن بايلانىس جاساۋ ءبولىمى مەن شينجياڭ ۇيعۇر اۆتونوميالى رايونى ۇيىمداستىرىپ وتكىزدى.
