نەگىزگى ساتى پارتيا قۇرىلىسىن كۇشەيتىپ، جوعارى ساپالى دامۋدى ىلگەرىلەتۋ كەرەك

حى جۇڭيوۋ اۆتونوميالى رايوندىق 10 - رەتكى پارتيا قۇرىلتايىنىڭ رۋحىن ۇيرەنۋ، دايەكتىلەندىرۋ جونىندە قاشقار ايماعىندا جانە ءۇرىمجى قالاسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى

نەگىزگى ساتى پارتيا قۇرىلىسىن كۇشەيتىپ، جوعارى ساپالى دامۋدى ىلگەرىلەتۋ كەرەك

　　انار بۇلت / شينجياڭ گازەتىنىڭ ءتىلشىسى لياڭ ليحۋا 11 - ايدىڭ 6 - كۇنى قاشقاردان حابارلايدى. 11 - ايدىڭ 2 - كۇنىنەن 4 - كۇنىنە دەيىن اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ قاشقار ايماعىندا جانە ءۇرىمجى قالاسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى: اۆتونوميالى رايوندىق 10 - رەتكى پارتيا قۇرىلتايىنىڭ ورنالاستىرۋى بويىنشا، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، ىنتىماقتاسا كۇرەس جۇرگىزىپ، شىنايى يگەرىپ، ناقتى ىستەپ، قۇرىلتاي كەسكىندەگەن ايبىندى جوبانى تاماشا رەالدىققا اينالدىرۋعا قايراتتانا قۇلشىنۋ كەرەك.

　　ياركەن اۋدانىنىڭ ەڭبەك شوعىرلى كاسىپ سالاسى باقشاسىندا حى جۇڭيوۋ كاسىپورىن جاۋاپتىلارىمەن، ءار ۇلت جۇمىسشى - قىزمەتشىلەرىمەن ىشكەرىلەي اڭگىمەلەسىپ، كاسىپورىننىڭ ءوندىرىس - تيجاراتى، جۇمىستانۋعا جەتەكتەۋ جانە جۇمىسشى - قىزمەتشىلەردىڭ قىزمەتى، تۇرمىسى، كىرىسى سياقتى جاقتارداعى جاعدايلاردى ۇعىستى. ول بىلاي دەدى: جۇمىستاندىرۋدى باعدار ەتۋدەن جازباي، ەڭبەك شوعىرلى كاسىپ سالالارىن دامىتۋدى ىلگەرىلەتىپ، سول جەردىڭ وزىندە، جاقىن ماڭنان جۇمىستانۋدى جەبەپ، كاسىپ سالاسىن گۇلدەندىرۋ ارقىلى اۋىل - قىستاقتى گۇلدەندىرۋدى جەبەۋ كەرەك.

　　حى جۇڭيوۋ تاعى ياركەن اۋدانىنىڭ جاڭا ءداۋىر وركەنيەتىن امالياتتا ايگىلەۋ ورتالىعى، ياركەن قالاشىعى سىچوۋ الەۋمەتتىك اۋماعى، ەلشىحۋ قالاشىعى بازار قىستاعى سياقتى جەرلەرگە بارىپ، نەگىزگى ساتى پارتيا قۇرىلىسى، ۇلتتار ىنتىماعى قىزمەتى سياقتى جاعدايلاردى ۇعىستى. ول بىلاي دەپ باسا دارىپتەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءار دارەجەلى پارتكومداردىڭ باسشىلىق رولىن، قالىڭ پارتيالى كادرلاردىڭ ونەگەلىك، باستاماشىلدىق رولىن، نەگىزگى ساتى پارتيا ۇيىمدارىنىڭ جاۋىنگەر قورعاندىق رولىن تولىق ساۋلەلەندىرىپ، پارتيانىڭ شينجياڭداعى بيلىك جۇرگىزۋ ورنىن ۇزدىكسىز بەكەمدەپ، پارتيانىڭ شينجياڭداعى بيلىك جۇرگىزۋ نەگىزىن نىعايتۋ كەرەك.

　　حى جۇڭيوۋ قاشقار ەكونوميكالىق اشۋ رايونىندا جوبا قۇرىلىسى، جۇمىس جۇرگىزۋدى باسقارۋ، ساۋداگەر شاقىرىپ، قارجى ەنگىزۋ سياقتى جاعدايلاردى ىشكەرىلەي ۇعىستى. ول بىلاي دەپ اتاپ كورسەتتى: ىشكە، سىرتقا ەسىك اشۋدى كەڭەيتىپ، جىبەك جولى ەكونوميكالىق بەلدەۋى وزەكتى رايون قۇرىلىسىن جەدەلدەتىپ، ىشكى قۇرلىقتىق ەسىك اشۋ مەن شەكارالىق ەسىك اشۋدىڭ بيىگىن قالىپتاستىرۋ كەرەك. ءتيىمدى ساياساتتاردان ويداعىداي پايدالانىپ، ساۋداگەر شاقىرىپ، قارجى ەنگىزۋدى كۇشەيتىپ، ساپالى قىزمەت وتەۋ ارقىلى تاماشا شارۋاشىلىق - ساۋدا ورتاسىن قۇرىپ، كاسىپ سالاسى نىساندارىنىڭ تەز ارادا تياناقتانىپ، ونىمدىلىك كورسەتۋىن ىلگەرىلەتۋ كەرەك.

　　تەكسەرۋ - زەرتتەۋ بارىسىندا حى جۇڭيوۋ نەگىزگى ساتىداعى كادر - بۇقارامەن بىرگە اۆتونوميالى رايوندىق 10 - رەتكى پارتيا قۇرىلتايىنىڭ رۋحىن ۇيرەندى. ول بىلاي دەپ اتاپ كورسەتتى: اۆتونوميالى رايوندىق 10 - رەتكى پارتيا قۇرىلتايى جاڭا باستامادا جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرۋگە جالپى بەتتىك ورنالاستىرۋ جاسادى، ءىس جۇزىندىكپەن تىعىز بىرلەستىرە وتىرىپ، قۇرىلتاي رۋحىن ىشكەرىلەي دايەكتىلەندىرۋ كەرەك، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرى مەن ورنالاستىرۋلارىنىڭ تياناقتانىپ، تامىر تارتۋىن بۇلجىماستان ىلگەرىلەتۋ كەرەك. ءۇرىمجى اۋدانى نازاردى باس نىساناعا شوعىرلاندىرىپ، ەرەكشە، ابزال كاسىپ سالالارىن ناقتى يگەرىپ، ويداعىداي يگەرىپ، 1 - ، 2 - ، 3 - كاسىپتەردىڭ توعىسا دامۋىن ىلگەرىلەتۋ كەرەك؛ ”تۇنىق سۋ، جاسىل تاۋ − باعالى بايلىق، قارلى دالا، مۇزدى القاپ تا باعالى بايلىق“ ۇستانىمىن ورناتىپ جانە امالياتتا ايگىلەپ، ەكولوگيانى قورعاۋ مەن ەكولوگيالىق ساياحاتتى دامىتۋدىڭ ءبىر - بىرىنە سايكەسۋىن ىلگەرىلەتۋ كەرەك. ياركەن اۋدانى نازاردى باس نىساناعا شوعىرلاندىرىپ، ساقتىق دابىلىن ۇزدىكسىز قاعۋعا، ۇنەمى قىراعىلىقتى ساقتاۋعا تاباندى بولىپ، قوعامدىق كەلەلى جاعدايدىڭ ءۇرتىس ورنىقتى، ۇزاق ۋاقىت ورنىقتى بولۋىنا شىنايى كەپىلدىك ەتىپ، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ ۇلتتار ىنتىماعىن جەبەۋ كەرەك؛ ءداستۇرلى كاسىپ سالاسىن ساپالىلاندىرۋدى، دارەجەسىن ءوسىرۋدى ىلگەرىلەتىپ، دامۋ جاڭا كۇيىن جەتىلدىرىپ، ەكونوميكانىڭ جوعارى ساپالى دامۋىن ىلگەرىلەتۋ كەرەك؛ شي جينپيڭنىڭ ەكولوگيالىق وركەنيەت يدەياسىن مۇقيات دايەكتىلەندىرىپ، ەكولوگيالىق ورتانى قورعاۋ مەن قۇرۋدى كۇشەيتۋ كەرەك.