ادىل اركىن:
قىستاعىمىزدىڭ دامۋى ءۇشىن بىرگە كۇش شىعارايىق
□ انار بۇلت / شينجياڭ گازەتىنىڭ ءتىلشىسى جاڭ جىلي
”ادىل شۋجي، ءسىزدىڭ ۇگىت لەكسياڭىزدى تىڭداعاننان كەيىن، ءبىز توتەنشە جىگەرلەندىك، وتە پايدالى ەكەن. جۋىقتا سيىر باعىمشىلىعى شاعىن رايونىمىزدا باعىمشىلىق بويىنشا تاجىريبە الماستىرماقشىمىز، سول كەزدە ءسىز پارتيا قۇرىلتايىنىڭ رۋحىنا بىرلەستىرىپ بىزگە تاعى ءبىر رەت سويلەپ بەرىڭىز!“. 10 - ايدىڭ 27 - كۇنى قۇمدى ءشولدىڭ جيەگىنە ورنالاسقان توقسۋ اۋدانى وگان اۋىلى شاراكشاھار قىستاعىندا قىستاقتىڭ مال شارۋاشىلىق سەلبەستىك كووپەراتيۆىنىڭ جاۋاپتىسى يمىن نياز قىستاق پارتيا ياچەيكاسىنىڭ شۋجيى ادىل اركىننىڭ ۇگىت لەكسياسىن تىڭداعاننان كەيىن، وعان جوعارىداعى تالاپتى قويدى.
شاراكشاھار قىستاعى 133 وتباسى، 500 نەشە ادامى بار قيىر شەتتەگى شاعىن قىستاق بولعانىمەن، ءبىراق قىستاقتىڭ دامۋ تەبىنى كۇشتى: بۇكىل قىستاقتا تامشىلاتىپ سۋارىلاتىن ماقتا ەگىمشىلىگى، مال شارۋاشىلىعى، جەمىس ورمانى سىندى 3 شارۋالار كاسىپتىك سەلبەستىك كووپەراتيۆى بار، بىلتىر قىستاق تۇرعىندارىنىڭ جان باسىندىق تازا كىرىسى 46 مىڭ 500 يۋانعا جەتتى.
اۆتونوميالى رايوندىق 10 - رەتكى پارتيا قۇرىلتايى اشىلعاندا ادىل اركىن ۋاكىل رەتىندە قۇرىلتايعا قاتىناستى.
اركىن ميجيت وتكەن عاسىردىڭ 90 - جىلدارىنان باستاپ شاراكشاھار قىستاعى پارتيا ياچەيكاسىنىڭ شۋجيى مىندەتىن وتەگەن، 2019 - جىلى جاسى كەلگەن ول ويلاعانىن ورىنداۋعا قۋاتى جەتپەي بارا جاتقانىن سەزىنەدى. ساقا ياچەيكا شۋجيىنىڭ ورنىنا كىم شىققانى ءجون؟ اۋىلدىق پارتكوم تالاي رەت اركىن ميجيتتىڭ ۇلى، قىستاقتاعى تۇڭعىش داشۋە بىتىرگەن وقۋشى، ”90 - جىلداردان كەيىن تۋىلعان“ پارتيا مۇشەسى، بايۋدىڭ باستاماشىسى ادىل اركىنگە مىندەت وتەۋگە كەڭەس بەرەدى.
مىندەت ارقالاعاننان كەيىن، وي ءورىسى كەڭ، ءادىس - امالى مول ادىل اركىن 2 جىل ۋاقىت ىشىندە قىستاقتىڭ 1150دەن استام سيىرىن 3500دەن استامعا، 5000 نەشە كەپتەرىن 10 مىڭنان استامعا جەتكىزدى؛ قىستاقتا ەگىمشىلىك، باعىمشىلىق تەحنيكاسى بويىنشا قىزمەت وتەۋ اترەتى قۇرىلىپ، بارلىق وتباسىنىڭ مۇددەسىمەن تىعىز بايلانىساتىن سەلبەستىك كووپەراتيۆى بار بولدى؛ قىستاق تۇرعىندارىنىڭ جان باسىندىق تازا كىرىسى جىلىنا 10 مىڭ يۋان اينالاسىندا ارتىپ وتىردى.
”مەن تەك پارتيانىڭ ءتۇرلى ساياساتتارىن جەتە ۇعىنىپ، جەتە تياناقتاندىردىم“، - دەيدى ادىل اركىن ۇنەمى ماڭايىنداعىلارعا. اۆتونوميالى رايوندىق 10 - رەتكى پارتيا قۇرىلتايىنان كەيىن، ول قىستاققا قايتىپ بارىپ، دەرەۋ پارتيا قۇرىلتايىنىڭ رۋحىن ۇگىتتەۋگە كىرىسىپ كەتتى. ول اۋىلداستارىنا بىلاي دەدى: ”كوپشىلىك، پارتيا قۇرىلتايىنىڭ رۋحىن ويداعىداي ۇيرەنىپ، ويداعىداي دايەكتىلەندىرىپ، ويداعىداي تياناقتاندىرايىق، تاماشا ساياساتتىڭ جەتەكشىلىگىندە ءارقايسىمىز قابىلەتىمىزگە قاراي ىستەپ، قىستاعىمىزدىڭ دامۋى ءۇشىن بىرگە كۇش شىعارايىق“.
قىستاقتىڭ كاسىپ سالاسى قۇرىلىمىنا، باسىمدىق ەرەكشەلىگىنە، ولقىلىق - جەتەرسىزدىكتەرىنە بىرلەستىرە وتىرىپ، ادىل اركىن اۆتونوميالى رايوندىق 10 - رەتكى پارتيا قۇرىلتايى بايانداماسىندا ورتاعا قويىلعان ءتۇرلى ىستەردى جاپپاي ىلگەرىلەتۋ، 1 - ، 2 -، 3 - كاسىپتەردىڭ توعىسا دامۋىن ىلگەرىلەتۋ، ”حالىققا ءتيىمدى 10 ءتۇرلى ينجەنەريانى“ ءۇرتىس، تەرەڭدەي، ويداعىداي اتقارۋ، جۇڭحۋا ۇلتى ورتاق تۇلعا تانىمىن ۇزدىكسىز بەرىك ورناتۋ سياقتى مازمۇنداردا ۇگىت لەكسيا جاسادى.
”ادىل شۋجي، مەن جەمىس ورمانىن باسقارۋ تەحنيكاسىن ۇيرەنگەننەن كەيىن، قوراداعى 2 سيىرىمدى باعىمشىلىق شاعىن رايونىنا اماناتتاپ باعۋعا بەرىپ، 10 مۋ جەردەگى ماقتا اتىزىن سەلبەستىك كووپەراتيۆىنىڭ اينالىمىنا سالدىم، ءبىر جاعىنان، ءوزىمنىڭ جەمىس اعاشتارىمدى ويداعىداي ەگىپ، ەندى ءبىر جاعىنان، جەمىس ەگەتىن باسقا دا ەگىنشىلەرگە كومەكتەسىپ جەمىس اعاشتارىن بۇتاپ بەرىپ اقشا تاپتىم، بۇدان كەيىن مەنىڭ تاعى قانداي دامۋ ورايىم بار؟“، - دەپ سۇرادى ۇگىت لەكسيا بارىسىندا قىستاق تۇرعىنى ۇسان ياقۇپ.
ادىل پارتيا قۇرىلتايى بايانداماسىنداعى جۇمىستاندىرۋدى كەڭەيتۋ ينجەنەرياسى مەن كىرىستى ارتتىرىپ بايۋ ينجەنەرياسىنان باستاپ سويلەپ، ۇسان ياقۇپتى ”اۋىل شارۋاشىلىعىنىڭ ساپاسىن ءوسىرىپ، ونىمدىلىگىن ارتتىرۋدى ىلگەرىلەتۋ“ سىندى ورايدى مىقتى يگەرۋگە، ءتىپتى دە كوپ جەمىس ورمانى ءوندىرىسى، مانەرلەۋ، ساتۋ بىلىمدەرىن يگەرۋگە شابىتتاندىردى نەمەسە ”اۋىل - قىستاقتاعى ارتىق ەڭبەككۇشتەردى باسقا سالاعا ويىستىرۋ“ سىندى ورايدى مىقتى يگەرىپ، جاستاردى باستاپ سىرتقا شىعىپ جۇمىس ىستەۋدى ايتتى. ”وسىلاي ىستەگەندە كىرىستى تىڭ ساتىعا جەتكىزۋمەن بىرگە، قىستاقتىڭ دامۋى ءۇشىن دە ۇلەس قوسۋعا بولادى“، − دەدى.
