8 - كەزەكتى بۇكىل مەملەكەتتىك ءمورال ۇلگىلەرىن باعالاۋ ناتيجەسى جاريالاندى
لاچين بايەكە، ليۋ حۋ، حۋ يۇڭجۇن ەرەكشە داڭققا يە بولدى
انار بۇلت / شينجياڭ گازەتىنىڭ ءتىلشىسى جاڭ يانفاڭ 11 - ايدىڭ 5 - كۇنى ۇرىمجىدەن حابارلايدى. 11 - ايدىڭ 5 - كۇنى 8 - كەزەكتى بۇكىل مەملەكەتتىك ءمورال ۇلگىلەرىنىڭ ەسىمدىگى جاريالاندى. تاشقورعان تاجىك اۆتونوميالى اۋدانى تىزناپ اۋىلى تىزناپ قىستاعىنداعى بۇرىنعى شەكارا قورعاۋشى لاچين بايەكە، ءپايزاۋات اۋداندىق سۋ يگىلىگى مەكەمەسى پارتيا باسشىلىق گرۋپپاسىنىڭ بۇرىنعى ورىنباسار شۋجيى، بۇرىنعى مەكەمە باستىعى ليۋ حۋ، شينجياڭ ءوندىرىس - قۇرىلىس بيڭتۋانى 10 - شىسى بەيتۇن قالاسى 181 - تۋان 6 - ليانىنىڭ قىزمەتكەرى حۋ يۇڭجۇن 8 - كەزەكتى بۇكىل مەملەكەتتىك ءمورال ۇلگىسى اتاعىنا داڭقپەن يە بولدى.
جاڭا داۋىردەگى يدەيا - ءمورال قۇرىلىسىنىڭ سۇبەلى جەتىستىكتەرىن تولىق ايگىلەپ، حالىق بۇقاراسىنىڭ جاڭا ساپاردا ەكپىندەي ىلگەرىلەيتىن قۋاتتى رۋحاني كۇشىن قاۋلاتۋ ءۇشىن، بيىل 4 - ايدان باستاپ ورتالىق كوميتەت ۇگىت ءبولىمى، ورتالىق وركەنيەت كەڭسەسى، مەملەكەتتىك باس جۇمىسشى ۇيىمى، كوممۋنيستىك جاستار وداعى ورتالىق كوميتەتى، مەملەكەتتىك ايەلدەر بىرلەستىگى، ورتالىق اسكەري ىستەر كوميتەتى ساياسي قىزمەت ءبولىمى 8 - كەزەكتى بۇكىل مەملەكەتتىك ءمورال ۇلگىلەرىن باعالاۋ، ماداقتاۋ - سيلاۋ قيمىلىن ۇيىمداستىرىپ ورىستەتتى. وتكەلدى قاتاڭ يگەرۋ، ۇزدىكتەردىڭ ىشىنەن ۇزدىكتەردى تاڭداۋ پرينسيبى بويىنشا، قاتاڭ، ولشەمدى قىزمەت ءتارتىبى ارقىلى باعالاۋ ناتيجەسىنە ساي، ورتالىق وركەنيەت كوميتەتى جاڭ گۇيمەي قاتارلى 68 جولداسقا 8 - كەزەكتى بۇكىل مەملەكەتتىك ءمورال ۇلگىسى اتاعىن بەرۋدى، لي زىڭجۇن قاتارلى 254 جولداسقا 8 - كەزەكتى بۇكىل مەملەكەتتىك ءمورال ۇلگىسىنە كورسەتىلۋ سيلىعىن بەرۋدى ۇيعاردى.
بۇكىل مەملەكەتتىك ءمورال ۇلگىلەرى باسقالارعا كومەكتەسۋدى قۋانىش ساناۋ ۇلگىسىن، ادىلەت جولىندا ايانباۋ ۇلگىسىن، ادال بولىپ، سەنىمدى ساقتاۋ ۇلگىسىن، كاسىپتى ءسۇيىپ، ۇلەس قوسۋ ۇلگىسىن، قارتتارعا وپالى بولىپ، تۋىستارىن ءسۇيۋ ۇلگىسىن قامتيدى. لاچين بايەكە بۇكىل مەملەكەتتىك ادىلەت جولىندا ايانباۋ ۇلگىسى بولىپ باعالاندى. بيىل 1 - ايدىڭ 4 - كۇنى قاشقار داشۋەسىندە كۋرسقا قاتىناسىپ جاتقان لاچين بايەكە ءبىر بالانىڭ مەكتەپتەگى جاساندى كولدىڭ مۇز جارىعىنا ءتۇسىپ كەتكەندىگىن بايقاپ قالادى دا، ەشقانداي ەكى ۇداي بولماستان، جان قيارلىقپەن مۇزعا شىعىپ كومەك قولىن سوزادى، مۇز كەنەتتەن ويىلىپ كەتكەندە ول بار كۇشىمەن بالانى يتەرىپ سۋ بەتىنە شىعارادى دا، ءوزى مۇزداي سۋىق كول ىشىندە قۇربان بولادى، بۇل كەزدە ول نەبارى 41 جاستا بولاتىن؛ ليۋ حۋ بۇكىل مەملەكەتتىك كاسىپتى ءسۇيىپ، ۇلەس قوسۋ ۇلگىسى بولىپ باعالاندى. وكپە راگى اۋرۋىنا شالدىققان ول ءپايزاۋات اۋدانىنداعى بۇقارانىڭ اۋىز سۋ حاۋىپسىزدىگى ءۇشىن اۋىرعانىنا قاراماي، قىزمەت ورنىندا تاباندىلىقپەن تۇرىپ، جارعاق قۇلاعى جاستىققا تيمەي قىزمەت ىستەپ، ءپايزاۋات اۋدانىنىڭ قالا، اۋىلدارىنداعى اۋىز سۋ حاۋىپسىزدىگى ينجەنەرياسىنىڭ ۋاعىندا ورىندالۋىنا بار كۇشىمەن شىنايى كەپىلدىك ەتتى، ەمدەلۋى كەشۋىلدەگەندىكتەن جانە شەكتەن تىس قالجىراعاندىقتان، ونىڭ اۋرۋى ايرىقشا اسقىنىپ، بيىل 7 - ايدا باقىتقا قارسى دۇنيەدەن ءوتتى؛ حۋ يۇڭجۇن بۇكىل مەملەكەتتىك ادال بولىپ، سەنىمدى ساقتاۋدىڭ ۇلگىسى بولىپ باعالاندى. اكەسىنە بەرگەن ”شەكارا ءوڭىردى ءومىر بويى كۇزەتەمىن“ دەگەن ۋادەسىن بەرىك ساقتاۋ ءۇشىن، حۋ يۇڭجۇن ادام اياعى سيرەك شەكارا جەلىسىندە مال باعا ءجۇرىپ شەكارا كۇزەتتى، 33 جىلدان بەرى ول شەكاراعا جاقىنداعان 4000 نەشە باس مالدى قايىرىپ، شەكاراعا جاقىنداعان 20 نەشە ادامدى توسىپ، زاڭعا قايشىلىق جاساپ ءدارى ماتەريالىن قازعان، ت.ب 100 نەشە ادامعا تيداۋ سالىپ، ادالدىقتى شەكارا جەلىسىنە كەستەلەدى، ول ادامداردىڭ كوڭىلىندەگى ”شەكارا قورعاعان كۇزەتشى“ بولدى.
شينجياڭنان 12 ادام 8 - كەزەكتى بۇكىل مەملەكەتتىك ءمورال ۇلگىسىنە كورسەتىلۋ سيلىعىنا يە بولدى، ولار مىنالار: سانجى قالاسى سۋ يۇيچين ەرىكتى قىزمەت وتەۋ پۋنكتىنىڭ جاۋاپتىسى سۋ يۇيچين، تەكەس اۋدانى بوزادىر مال شارۋاشىلىق رايونى كوكسۋ اراسانى ەمحاناسىنىڭ شيپاگەرى جۇماتاي اۋباكىر، اۆتونوميالى رايوندىق ءورت ءسوندىرۋ، ورتتەن ساقتانۋ قۇتقارۋ - كومەكتەسۋ باس اترەتى اقسۋ ءورت ءسوندىرۋ، ورتتەن ساقتانۋ قۇتقارۋ - كومەكتەسۋ تارماق اترەتى كۇچار قالاسى چاڭنيڭ جولى ءورت ءسوندىرۋ، ورتتەن ساقتانۋ قۇتقارۋ - كومەكتەسۋ پۋنكتىنىڭ ساياسي جەتەكشىسى لي يۇنفي، كورلا قالاسى كاڭدۋ ءمالىسى حۋايۋان كوشەسى الەۋمەتتىك اۋماعىنىڭ تۇرعىنى ۋاڭ چىڭباڭ، شاۋەشەك قالاسى شينچىڭ ءمالىسى قاراءدوڭ الەۋمەتتىك اۋماعىنىڭ تۇرعىنى سالىقجان يمىن، شينجياڭ مەديتسينا داشۋەسى 1 - كلينيكالىق مەديتسينا شۋەيۋانىنا قاراستى 1 - شيپاحانانىڭ شۇعىل قۇتقارۋ · جاراقات ورتالىعى شۇعىل ەمدەۋ ىشكى اۋرۋلار ءبولىمىنىڭ مەڭگەرۋشىسى ياڭ جيانجۇڭ، فۋكاڭ قالاسى فۋشين كوشەسى مادەنيەت جولى الەۋمەتتىك اۋماعى قارتتاردى ۇيىندە كۇتىمدەۋ ورتالىعىنىڭ جاۋاپتىسى ءسانيحان ءايتام، اۆتونوميالى رايوندىق جوعارى حالىق سوتى مەكەمەسى ساقا كادرلار باسقارماسىنىڭ باستىعى اينۇر ابليميت، بيڭتۋان 5 - شى شۋاڭحى قالاسى 84 - تۋان 3 - ليانىنىڭ پەنسياعا شىققان كادرى بۋ شيانيۇن، بيڭتۋان 7 - شى حۋياڭحى قالاسى يۇيرۇن ەگىن سۋارۋدان قىزمەت وتەۋ شەكتى جاۋاپكەرشىلىك سەرىكتەستىگى چىپايزى سۋارۋ اۋماعى پۋنكتىنىڭ اينالىستى قورعاۋ اترەتىنىڭ سۋ سەپتەۋشىسى جاڭ جيچۇن، بيڭتۋان شيپاحاناسى كۇتىمدەۋ ءبولىمىنىڭ سەسترالار باستىعى حۋاڭ يان، بيڭتۋان 12 - شى توۋتۇنحى ەگىنشىلىك الاڭى تۇڭحىشيڭفۋچىڭ 1 - الەۋمەتتىك اۋماعىنىڭ تۇرعىنى لي حۇڭشىڭ.
