اۋىل شارۋاشىلىعىنىڭ جوعارى ساپالى دامۋىن جەدەل ىلگەرىلەتۋ كەرەك

اۆتونوميالى رايون قىسقى، كوكتەمگى ەگىنجاي سۋ يگىلىگى جانە جوعارى ولشەمدى ەگىنجاي قۇرىلىسى جونىندەگى تەلەۆيزور - تەلەفون ءماجىلىسىن اشتى

اۋىل شارۋاشىلىعىنىڭ جوعارى ساپالى دامۋىن جەدەل ىلگەرىلەتۋ كەرەك

　　انار بۇلت / شينجياڭ گازەتىنىڭ ءتىلشىسى ليۋ شياڭ 11 - ايدىڭ 5 - كۇنى ۇرىمجىدەن حابارلايدى. 11 - ايدىڭ 4 - كۇنى اۆتونوميالى رايون قىس پەن كوكتەمگى ەگىنجاي سۋ يگىلىگى جانە جوعارى ولشەمدى ەگىنجاي قۇرىلىسى جونىندە تەلەۆيزور - تەلەفون ءماجىلىسىن اشىپ، باس شۋجي شي جينپيڭنىڭ ”اۋىل شارۋاشىلىعى، اۋىل - قىستاق، شارۋالار“ قىزمەتى جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، تياناقتاندىرىپ، اۆتونوميالى رايوندىق 10 - رەتكى پارتيا قۇرىلتايىنىڭ ورنالاستىرۋىنا، تالابىنا ساي، بيىلعى قىس پەن كەلەر جىلعى كوكتەمگى جانە مۇنان كەيىنگى ءبىر مەزگىلدەگى رايونىمىزدىڭ ەگىنجاي سۋ يگىلىگى جانە جوعارى ولشەمدى ەگىنجاي قۇرىلىسى قىزمەتىن ورنالاستىرىپ، اۋىل شارۋاشىلىعىنىڭ جوعارى ساپالى دامۋىن جەدەل ىلگەرىلەتتى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ۋاقىتشا ءتوراعاسى ەركىن تۇنياز ماجىلىسكە قاتىناستى ءارى ءسوز سويلەدى.

　　ءماجىلىس مىنالاردى اتاپ كورسەتتى: جەر - جەر، تاراۋلار جىلدىق جوعارى ولشەمدى ەگىنجاي قۇرىلىسى نىسانا - مىندەتتەرىنىڭ تالاپتارىنا قاتاڭ تۋرالانىپ، نىسان قۇرىلىسىن بار كۇشپەن جەدەلدەتۋ كەرەك. ءبىر تۇتاس جوسپارلاپ سايكەستىرۋدى كۇشەيتىپ، قىزمەتتىڭ بىرىككەن كۇشىن قالىپتاستىرىپ، جوعارى ولشەمدى ەگىنجاي قۇرىلىسىنىڭ تىڭعىلىقتى، ءونىمدى ىلگەرىلەۋىنە، تاماشا ونىمدىلىككە قول جەتكىزۋىنە شىنايى كەپىلدىك ەتۋ كەرەك. نىسان قورىن كۇشەيتىپ، ”14 - بەسجىلدىقتاعى“ جوعارى ولشەمدى ەگىنجاي نىسانا - مىندەتتەرىن جانە 2022 - جىلعى جوعارى ولشەمدى ەگىنجاي قۇرىلىسىن مۇقيات ءبىر تۇتاس جوسپارلاپ، جۇيەسى كەمەلدى، دارەجەگە، تۇرگە بولىنگەن، ۇزاق مەزگىل مەن قىسقا مەرزىم بىرلەستىرىلگەن جوعارى ولشەمدى ەگىنجاي قۇرىلىس نىسانى قور قامباسىن بار كۇشپەن قۇرىپ، جوعارى ولشەمدى ەگىنجاي قۇرىلىسىنداعى ۇدايىلانعان نىسان قورى مەن ءوتىنىش ەتۋ مەحانيزمىن قالىپتاستىرۋ كەرەك. ساپا باسقارۋدى قاتايتىپ، سالىنىپ بولىپ وتكىزىپ الىنعان نىسانداردى ساپالىق جاقتان قايتا تەكسەرىپ، الدىڭعى كەزەڭدەگى جوبا جوسپارى، نىساننىڭ اتقارىلۋ بارىسى، ينجەنەريا قۇرىلىسىنىڭ ساپاسى، سالىنىپ بولعاننان كەيىنگى باسقارىلۋى، قورعالۋى، پايدالانىلۋى سياقتىلارعا قاراتا جاپپاي رەتكە سالۋ، تۇگەل اداقتاۋ جۇرگىزىپ، ماسەلەلەردى انىقتاۋ، رەتتەپ - تۇزەتىپ تياناقتاندىرۋ كەرەك. ۇلگى كورسەتىپ جەتەكتەۋدى كۇشەيتىپ، ءبىر ءبولىم وڭىرلەردى تاڭداپ، جوعارى ولشەمدى ەگىنجاي وزەكتى ۇلگىلى رايونىن قۇرىپ، اۋىل شارۋاشىلىعىنىڭ وزىندىك قۇنىن ۇنەمدەۋدى، ساپاسىن جوعارىلاتۋدى، ءونىمدى ارتتىرۋدى، ونىمدىلىكتى ارتتىرۋدى جانە 1 -، 2 -، 3 - كاسىپتىڭ توعىسا دامۋىن تياناق ەتىپ، اۋىل شارۋاشىلىعىنداعى جوعارى ءونىمدى سۋ ۇنەمدەۋ ينجەنەرياسى مەن وسى زامانعى اۋىل شارۋاشىلىعى كاسىپ سالاسىنىڭ دامۋىن تىعىز بىرلەستىرىپ، جوعارى ءونىمدى سۋ ۇنەمدەۋدىڭ زەردەلىلەنۋ، اقىل - پاراساتتانۋ ورەسىن جوعارىلاتۋ كەرەك. سالىنىپ بولعاننان كەيىنگى قورعاۋدى ويداعىداي يگەرىپ، جوعارى ولشەمدى ەگىنجاي قۇرىلىسىنىڭ سالىنىپ بولعاننان كەيىنگى قورعاۋ مەحانيزمىن اناعۇرلىم اقاۋسىزداندىرىپ، ۇكىمەت جەتەكشىلىك ەتەتىن، كوپ نەگىزدى جۇمىس ءبولىسى بار، جاۋاپكەرشىلىك، ءسوزسىز، اتقارىلاتىن، جاۋاپكەرشىلىكتەن قاشقالاقتاعاندار، ءسوز جوق، قۋزاستىرىلاتىن قورعاۋ ءتۇزىمىن جەدەل كەمەلدەندىرىپ، سالىنىپ بولعان جوعارى ولشەمدى ەگىنجايدىڭ ۇزاق ۋاقىتقا جالعاسۋىنا جانە ودان ۇزاق ۋاقىت يگىلىكتەنۋگە شىنايى كەپىلدىك ەتۋ كەرەك.

　　ءماجىلىس مىنالاردى باسا دارىپتەدى: ەگىنجاي سۋ يگىلىگى نەگىزدىك قۇرىلعى قۇرىلىسى مەن ونىڭ جۇمىس جۇرگىزۋىن جانە قورعاۋدى كۇشەيتىپ، ءىرى، ورتا تۇرپاتتى سۋارمالى ءوڭىردى جالعاستى قۇرۋدى سايكەستىرۋ جانە وسىزامانداندىرىپ جاڭالاۋدى جەدەل ىلگەرىلەتىپ، ەگىنجاي سۋ يگىلىگى ينجەنەرياسىن قورعاۋ، باپتاۋ تەبىنىن كۇشەيتىپ، سۋ قۇبىرى ءتۇزىلىسى رەفورماسىن تەرەڭدەتىپ، قۇرۋ - باسقارۋ مەحانيزمىن اقاۋسىزداندىرۋ، كەمەلدەندىرۋ كەرەك. اۋىل شارۋاشىلىعى سۋ باعاسى جالپىلىق رەفورماسىن ۇزدىكسىز ىلگەرىلەتىپ، اۋىل - قىستاقتى سۋمەن قامداۋ قامتاماسىزدىعى قىزمەتىن بار كۇشپەن ويداعىداي ىستەۋ كەرەك. سۋ اپاتىنان، قۋاڭشىلىق اپاتىنان ساقتانۋ قىزمەتىن تىڭعىلىقتى، ويداعىداي ىستەپ، قىسقى، كوكتەمگى ەگىس جۇمىسىنىڭ سايابىر كەزى سىندى ۇتىمدى ساتتەردى ويداعىداي يگەرىپ، تاسقىننان ساقتانۋ، قۋاڭشىلىققا قارسى اتتانۋ نەگىزدىك قۇرىلعى قۇرىلىسىن ۇيىمداستىرىپ، ورىستەتىپ، تاسقىننان ساقتانىپ، اپات زيانىن ازايتۋ ينجەنەرياسىنىڭ قورعانۋ قابىلەتىن جوعارىلاتىپ، سۋ اپاتىنان، قۋاڭشىلىق اپاتىنان ساقتانۋ دەڭگەيىن جوعارىلاتىپ، قىس ماۋسىمىنداعى سەڭ توسىلۋدان ساقتانۋدى، تاسقىننان ساقتانۋدى كۇشەيتىپ، سۋ يگىلىگى ينجەنەرياسىنىڭ تاسقىننان ساقتانۋ حاۋىپسىزدىگىن قاداعالاپ، قىسقى، كوكتەمگى قۋاڭشىلىقتان، تاسقىننان ساقتانۋ قىزمەتتەرىن بەلسەنە ويداعىداي ىستەۋ كەرەك.

　　ءماجىلىس مىنالاردى تالاپ ەتتى: بيىلعى قىس، كەلەر جىلعى كوكتەمدەگى اۋىل شارۋاشىلىعىندا اپاتتان ساقتانۋ، اپات زيانىن ازايتۋ قىزمەتىن، حايۋانات ىندەتىنەن ساقتانۋ - تىزگىندەۋ قىزمەتىن شىنايى ويداعىداي يگەرىپ، ەگىن، مال شارۋاشىلىعى ءوندىرىسىنىڭ حاۋىپسىزدىگىنە شىنايى كەپىلدىك ەتۋ كەرەك. ورمان، جايلىم ورتىنەن ساقتانۋ - ءسوندىرۋ قىزمەتىن كۇشەيتىپ، ورمان، جايلىم بايلىعى حاۋىپسىزدىگىنە شىنايى كەپىلدىك ەتۋ كەرەك. سونىمەن بىرگە دۇمبە ءبيداي تۇقىمىن ءسىڭىرۋ مەن ماقتا تەرۋ - جيناۋ قىزمەتىن مىقتى يگەرىپ، نىسانا - مىندەتتەردىڭ ورىندالۋىنا شىنايى كەپىلدىك ەتۋ؛ سيىر، قوي ەتى جانە كوكونىس ءوندىرىسىن شىنايى ويداعىداي يگەرىپ، بازارداعى قامداۋدىڭ جەتكىلىكتى، باعانىڭ تۇراقتى بولۋىنا شىنايى كەپىلدىك ەتۋ؛ اۋىل - قىستاق نەگىزگى حالىق تۇرمىسىن قامتاماسىز ەتۋ قىزمەتىن بار كۇشپەن ويداعىداي ىستەپ، ءار ۇلت بۇقاراسى ءوندىرىسىنىڭ، تۇرمىسىنىڭ ۇزدىكسىز ورنىقتى بولۋىنا شىنايى كەپىلدىك ەتۋ كەرەك.