انار بۇلت / شينجياڭ گازەتىنىڭ ءتىلشىسى حي حۇڭۋي 11 - ايدىڭ 4 - كۇنى شاڭحايدان حابارلايدى. 4 - كەزەكتى جۇڭگو حالىقارالىق يمپورت كورمەسى (تومەندە قىسقارتىلىپ ”يمپورت كورمەسى“ دەلىنەدى) كەزىندە شينجياڭ ساۋدا ۇيىرمەسى وسى ءبىر ماڭىزدى تۇعىر مەن تەرەزەدەن تولىق پايدالانىپ، سىرتپەن سەلبەسۋ ساۋدا ورايىن قاراستىرۋ ءۇشىن، ”شينجياڭ جاقسى جەر“ وبرازىن جان - جاقتى ايگىلەدى. جىبەك جولى ەكونوميكالىق بەلدەۋى وزەكتى رايونىنا قارجى قوسۋ سەلبەستىگى بويىنشا تانىستىرۋ ءماجىلىسىن جانە ”شينجياڭ جاقسى جەر“ نەگىزگى تاقىرىبىندا مادەنيەت ايگىلەۋ قيمىلىن وتكىزەدى.
شينجياڭ ساۋدا ۇيىرمەسىنىڭ گۋمانيتارلىق اۋىس - كۇيىس كورمە اۋماعى جالپى 144 شارشى مەتر، ”شينجياڭ جاقسى جەر“ نەگىزگى تاقىرىبىن تىعىز ارقاۋ ەتىپ، جاسامپازدىق جوبا جاساپ جانە مازمۇن ورنالاستىرىپ، شينجياڭنىڭ 4 ماۋسىمىنداعى ساياحات كورىنىستەرى، جىلقىنىڭ تەرىسىنەن قار شاڭعى جاساۋ ونەرى، شينجياڭ ۇيعۇر ۇلتىنىڭ اتلاس تورعىنىن توقۋ، بوياۋ ونەرى، ۇيعۇر ۇلتىنىڭ مۋزيكا اسپاپتارىن جاساۋ ونەرى، جاڭگىر سياقتى 6 بەيزاتتىق مادەنيەت مۇرالارى نىسانىن كورمەگە قويدى. كورمە اۋماعىنا 50 سۋرەت، 300 نەشە ناقتى زات قويىلدى، شينجياڭنىڭ ساياحاتى مەن بەيزاتتىق مادەنيەت مۇرالارى جاندى ۇشتاستىرىلىپ، شينجياڭنىڭ گۋمانيتارلىق كوركەمدىگى جان - جاقتى، ىشكەرىلەي، وبرازدى ايگىلەندى.
وسى كەزەكتى يمپورت كورمەسىنە قاتىناسقان شينجياڭ كاسىپورىندارىنىڭ ىنتاسى توتەنشە جوعارى بولدى.”بۇل ءبىزدىڭ يمپورت كورمەسىنە 4 - رەت قاتىناسۋىمىز“. شينجياڭ افانشۋ بيو عىلىم - تەحنيكا شەكتى سەرىكتەستىگىنىڭ باسالقاسى لياڭ يۇيحۇڭ بىلاي دەدى: ”يمپورت كورمەسى −’قۇت بەسىگى‘، كاسىپورىندار مەيلى ءىرى، شاعىن بولسىن دۇنيە جۇزىندەگى ماڭداي الدى كاسىپورىندارمەن، تاۋارلارمەن جانە قىزمەت وتەۋلەرمەن تىكە تۇيىلىسە الادى، كوپشىلىكتىڭ ساۋدا ورايىنا يە بولۋ جولى قارايلاس، تولىق تابىسپەن ولجالى قايتۋدى ءۇمىت ەتەمىن“.
اۆتونوميالى رايوندىق ساۋدا ىستەرى مەڭگەرمەسىنىڭ قاتىستى جاۋاپتىسى يمپورت كورمەسى سىندى وسى تۇعىردان پايدالانىپ، شينجياڭ كاسىپورىندارىنىڭ ەل ءىشى ۇلكەن اينالىمىن نەگىزگى تۇلعا ەتكەن، ەل ءىشى جانە حالىقارالىق قوس اينالىم ءوزارا ءبىرىن - ءبىرى جەبەيتىن جاڭا دامۋ ارناسىمەن بەلسەنە توعىسۋىنا دەم بەرۋدى ءۇمىت ەتەمىن.
