انار بۇلت / شينجياڭ گازەتىنىڭ ءتىلشىسى لۋ فىڭباۋ 11 - ايدىڭ 4 - كۇنى ۇرىمجىدەن حابارلايدى. اۆتونوميالى رايوندىق ساناق مەكەمەسىنەن ۇعىسۋىمىزشا، 1 - ايدان 8 - ايعا دەيىن، تۇتاس رايونىمىزداعى قاتىناس - تاسىمال سالاسىنداعى كولەمنەن جوعارى كاسىپورىنداردىڭ تيجارات كىرىسى 97 ميلليارد 783 ميلليون يۋانعا جەتىپ، الدىڭعى جىلعى سايكەس مەزگىلدەگىدەن ％20.8 ارتقان.
الدىڭعى 3 ماۋسىمدا رايونىمىزدىڭ قاتىناس - تاسىمال ەكونوميكالىق اينالىمىندا الدىڭعى جارتى جىلداعى تۇلعالىق جاقتان ورنىقتى بولۋ، ورنىقتىلىق بارىسىندا ىلگەرىلەۋ، ورنىقتىلىق بارىسىندا جاقسارۋداي بەلسەندى جاعداي جالعاسىپ، كاسىپ سالاسىنىڭ ەكونوميكالىق اينالىم نەگىزگى كورسەتكىشىندە ءبىر تۇتاس قالپىنا كەلۋ سيپاتتى ارتۋ جاعدايى جارىققا شىعىپ نەمەسە وتكەن جىلدارداعىدان جاقسى بولىپ، تۇتاس رايونىمىز ەكونوميكاسىنىڭ، قوعامىنىڭ جوعارى ساپالى دامۋىنا قاتىناس جاعىنان قوزعاۋشى كۇشىن قوستى.
ءتىلشىنىڭ اۆتونوميالى رايوندىق قاتىناس - تاسىمال مەڭگەرمەسىنەن ۇعىسۋىنا قاراعاندا، الدىڭعى 3 ماۋسىمدا تۇتاس رايونىمىزدا تيجارات سيپاتتى تاس جول جولاۋشى، جۇك تاسىمال ءىسى قايتا ورلەپ، جولاۋشى تاسىمال ءىسىنىڭ قالپىنا كەلۋ دەڭگەيى جۇك تاسىمالىنان جاقسى بولىپ، جولاۋشى تاسىمال مولشەرى وتكەن جىلعى سول تۇستاعىدان ％211.5 ارتىپ، قالپىنا كەلۋ دەڭگەيى 2019 - جىلعى سايكەس مەزگىلىندەگى ورەنىڭ ％90ىندەي بولعان، جۇك تاسىمال مولشەرى وتكەن جىلعى سول تۇستاعىدان ％34.7 ارتىپ، قالپىنا كەلۋ دەڭگەيى 2019 - جىلعى سايكەس مەزگىلدەگى ورەنىڭ ％70ىنەن اسقان؛ جول تورى قاتىناس مولشەرى زور دارەجەدە ارتىپ، تۇتاس رايونىمىزداعى كۇرە تاس جولداردا موتورلى كولىكتەردىڭ كۇنىنە ورتاشا قاتىناۋ مولشەرى وتكەن جىلعى سول تۇستاعىدان ％43.8 ارتىپ، 2019 - جىلداعىدان ％20.6 ارتقان.
بيىل شينجياڭ تەمىر جول تاراۋلارى تاس جول تاسىمالىن تەمىر جول تاسىمالىنا ويىستىرۋ ءىسىن بارىنشا ىلگەرىلەتىپ، جىل باسىندا كەلىسكەن ستراتەگيالىق سەلبەستىك كەلىسىمى نەگىزىندە، كاسىپورىنعا ارناۋلى قاريدار ۋاكىلىن ورنالاستىرىپ، قاتىناس - تاسىمال ىستەرىن سايكەستىرۋ ءماجىلىسىن مەرزىم بويىنشا اشىپ تۇرۋ سياقتى تاسىلدەر ارقىلى قاريدارلارمەن اۋىس - كۇيىس جاساۋدى كۇشەيتىپ، قىسقا ارالىققا بۇيىم جونەلتۋ، تيەۋ - ءتۇسىرۋ جۇمىسىن ۇيىمداستىرۋ، ۆاگون، جۇك قوراپ سەپتەۋ سياقتى ماسەلەلەردى كۇش سالا شەشىپ، كومىر، مەتال رۋداسى سياقتى مولىنان تاسىلاتىن زاتتاردىڭ ىركىلىسسىز تاسىلۋىن قامتاماسىز ەتتى. 1 - ايدان 9 - ايعا دەيىن شينجياڭنىڭ تەمىر جول جۇك تاسىمال مولشەرى 136 ميلليون تونناعا جەتىپ، وتكەن جىلعى سول تۇستاعىدان ％5.4 ارتتى.
شينجياڭنىڭ حالىقتىق اۆياتسيا تاسىمال ءوندىرىسى تارتىپپەن قالپىنا كەلدى. 1 - ايدان 9 - ايعا دەيىن تۇتاس شينجياڭداعى 22 تاسىمال اۋەجايىنىڭ جولاۋشىلاردى قابىلداۋ - جونەلتۋ مولشەرى 22 ميلليون 731 مىڭ ادام - رەتكە جەتىپ، 2020 - جىلعى سايكەس مەزگىلدەگىدەن ％80 ارتىپ، قالپىنا كەلۋ دەڭگەيى 2019 - جىلعى سايكەس مەزگىلدەگى ورەنىڭ ％78.3ىنە؛ جۇك، پوچتا جولدامالارىن قابىلداۋ - جونەلتۋ مولشەرى 139 مىڭ توننا بولىپ، 2020 - جىلعى سايكەس مەزگىلدەگىدەن ％23 ارتىپ، قالپىنا كەلۋ دەڭگەيى 2019 - جىلعى سايكەس مەزگىلدەگى ورەنىڭ ％88.5ىنە جەتكەن.
