انار بۇلت / شينجياڭ گازەتىنىڭ ءتىلشىسى چىن چياڭۋي 11 - ايدىڭ 4 - كۇنى ۇرىمجىدەن حابارلايدى. 11 - ايدىڭ 4 - كۇنى اۆتونوميالى رايوننىڭ 12345 اكىمشىلىك قىزمەت وتەۋ بويىنشا حالىققا قولايلى ىستىق لەنيا تۇعىرىن ىسكە قوسۋ سالتى وتكىزىلدى، بۇل اۆتونوميالى رايوننىڭ 12345 اكىمشىلىك قىزمەت وتەۋ بويىنشا حالىققا قولايلى ىستىق لەنيا جۇيەسىنىڭ رەسمي ىسكە قوسىلعاندىعىن بىلدىرەدى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى چىن ۋيجۇن ىسكە قوسۋ سالتىنا قاتىناستى ءارى ءسوز سويلەدى.
اۆتونوميالى رايوننىڭ 12345 تۇعىرى 14 ايماق، وبلىس، قالانىڭ 12345 ىستىق لەنيالارىمەن ۇلاسىپ، اكىمشىلىك قىزمەت وتەۋ بويىنشا حالىققا قولايلى 32 ىستىق لەنيانى قوسىپ الىپ، سىرتقا ءبىر نومىرمەن قىزمەت وتەۋ، ارىز - تالاپتى جيناقتاۋ، تۇرگە ءبولىپ ءبىر جاقتى ەتۋ، ءبىر تۇتاس سايكەستىرۋ، ءار جاقپەن بىرلەسە ارەكەت ەتۋ، شەكتى ۋاقىتتا ءبىتىرۋ، باعالاۋ - ساراپتاۋ سىندى قىزمەت مەحانيزمىن باستاپقى قادامدا ورناتىپ، ”N+14+1“ اكىمشىلىك قىزمەت وتەۋ بويىنشا حالىققا قولايلى ىستىق لەنيا جۇيەسىن قالىپتاستىرىپ، ءبىر نومىرمەن كاسىپورىندار مەن بۇقاراعا قىزمەت وتەۋدى ىسكە اسىردى.
چىن ۋيجۇن مىنالاردى ءبىلدىردى: اكىمشىلىك قىزمەت وتەۋ قابىلەتىن جوعارىلاتىپ، الەۋمەتتىك بايلىق ايىرباسىن جايعاستىرۋدى جاقسارتۋ اۆتونوميالى رايوننىڭ ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتۋدەگى، شارۋاشىلىق - ساۋدا ورتاسىن جاقسارتۋىنداعى ماڭىزدى شاراسى، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدىڭ ماڭىزدى مازمۇنى. جوعارى دەڭگەيدە جوبالاۋدى، تۇتاس تۇلعالى جوسپارلاۋدى كۇشەيتىپ، رەفورمانى تەرەڭدەتىپ، اكىمشىلىك قىزمەت وتەۋ مەن الەۋمەتتىك بايلىق ايىرباسى قىزمەتىن جاقسى ىستەۋ كەرەك؛ ادامدى نەگىز ەتىپ، اكىمشىلىك قىزمەت وتەۋدىڭ ۇكىمەتتىك قامداۋدى بەتالىس ەتۋدەن بۇقارانىڭ سۇرانىسىن بەتالىس ەتۋگە قاراي بۇرىلىس جاساۋىن ىلگەرىلەتىپ، تاماشا شارۋاشىلىق - ساۋدا ورتاسىن جاراتىپ، بۇقارانىڭ ءىس ءبىتىرۋ قولايلىلىعىن ارتتىرۋ كەرەك؛ جاڭالىق اشۋ تانىمىن كۇشەيتىپ، عىلىم - تەحنيكا ارقىلى دەم بەرۋ، وڭىرلىك بىرلەسىپ ارەكەت ەتۋ ارقىلى ءتۇرلى ينفورماتسيالاندىرىلعان كاسىپتىك جۇمىستاردىڭ اقاۋسىز دامۋىنا شىنايى كەپىلدىك ەتۋ كەرەك؛ زەردەلى باسقارىپ، ەتەنە، پاك، جايلى شارۋاشىلىق - ساۋدا ورتاسىن جاراتۋ كەرەك؛ تاباندى، تالپىنعىش بولىپ، جاۋاپكەرشىلىك ارقالاپ، ىسكەرلىك كورسەتىپ، ءىس تىندىرىپ، ناتيجە شىعارۋ بەلسەندىلىگىن ۇزدىكسىز جوعارىلاتىپ، قىزمەت وتەۋ ۇلگىسىندەگى ۇكىمەت قۇرىلىسىن شىنايى ىلگەرىلەتۋ كەرەك.
