اۆتونوميالى رايون سۋ بايلىعىن باسقارۋدىڭ ەڭ قاتاڭ ءتۇزىمىن جالپى بەتتىك تياناقتاندىرۋ، وزەن، كول باستىعى ءتۇزىمىن ىشكەرىلەي ىلگەرىلەتۋ جونىندە تەلەۆيزور - تەلەفون ءماجىلىسىن اشتى
كورىكتى وزەن، كول قالىپتاستىرىپ، كوركەم شينجياڭ قۇرايىق
انار بۇلت / شينجياڭ گازەتىنىڭ ءتىلشىسى جاڭ يۇنمەي 10 - ايدىڭ 28 - كۇنى ۇرىمجىدەن حابارلايدى. 10 - ايدىڭ 27 - كۇنى تۇستەن كەيىن اۆتونوميالى رايون سۋ بايلىعىن باسقارۋدىڭ ەڭ قاتاڭ ءتۇزىمىن جالپى بەتتىك تياناقتاندىرۋ، وزەن، كول باستىعى ءتۇزىمىن ىشكەرىلەي ىلگەرىلەتۋ جونىندە تەلەۆيزور - تەلەفون ءماجىلىسىن اشىپ، باس شۋجي شي جينپيڭ ورتاعا قويعان ”سۋ ۇنەمدەۋدى الدىڭعى ورىنعا قويۋ، كەڭىستىك جاعىندا بىركەلكى بولۋ، جۇيەلى جونگە سالۋ، ەكى جاقتان كۇش سالۋ“ سىندى سۋدى جونگە سالۋ وي جەلىسىن دايەكتىلەندىرىپ، تياناقتاندىرىپ، وزەن، كول باستىعى ءتۇزىمى قىزمەتىنىڭ ناتيجەلەرىن جانە تاجىريبەلەرىن قورىتىندىلاپ، وزەن، كولدى قورعاۋ، باسقارۋ جاعدايى مەن ماسەلەلەرىنە تالداۋ جاساپ، جاڭا ساتىداعى وزەن، كول باستىعى ءتۇزىمى قىزمەتىن ورنالاستىردى، جايعاستىردى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ۋاقىتشا ءتوراعاسى، اۆتونوميالى رايوننىڭ وزەن، كول باستىعى ءتۇزىمىن جالپى بەتتىك اتقارۋ باسشىلىق گرۋپپاسىنىڭ ورىنباسار باستىعى ەركىن تۇنياز ماجىلىسكە قاتىناستى ءارى ءسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ وزەن، كول باستىعى ءتۇزىمىن جالپى بەتتىك اتقارۋ باسشىلىق گرۋپپاسىنىڭ ورىنباسار باستىعى جاڭ چۇنلين ءماجىلىستى باسقاردى.
ءماجىلىس مىنالاردى اتاپ كورسەتتى: وزەن، كول باستىعى ءتۇزىمىن جالپى بەتتىك اتقارۋدىڭ كەلەلى ءمانىن تەرەڭ ءتۇسىنىپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ وزەن، كول باستىعى ءتۇزىمىن جالپى بەتتىك اتقارۋ جونىندەگى شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرىپ، شىنايى تۇردە ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، وزەندى، كولدى باسقارۋ، قورعاۋ جانە ەكولوگيالىق وركەنيەت قۇرىلىسىنىڭ ساياسي جاۋاپكەرشىلىگىن باتىل ارقالاۋ كەرەك.
ءماجىلىس مىنالاردى باسا دارىپتەدى: ەڭ قاتاڭ سۋ بايلىعىن باسقارۋ ءتۇزىمىن جالپى بەتتىك تياناقتاندىرىپ، سۋدان پايدالانۋ جالپى مولشەرىن تىزگىندەۋدى، باسقارۋدى قاتايتىپ، سۋدان پايدالانۋ جالپى مولشەرىن تىزگىندەۋ كورسەتكىشىن اشالاۋ، ءبولۋ جانە سۋ بايلىعىن باقىلاۋ تۇعىرى قۇرىلىسىن جەدەل ورىنداۋ؛ سۋ بايلىعىن باسقارۋ ءتۇزىلىس - مەحانيزمىن ورناتىپ، كەمەلدەندىرىپ، سۋ الابىن باسقارۋ مەن ءوڭىردى باسقارۋدى ۇشتاستىرىپ، ءوڭىردى باسقارۋ سۋ الاپتارىن باسقارۋعا قىزمەت وتەپ، جۇمىس ءبولىسى ايقىن، اينالىمى سايكەستى سۋ بايلىعىن باسقارۋ ءتۇزىلىسىن كەمەلدەندىرىپ، تۇتاس بارىس بويىنشا ءبىر تۇتاس باسقارۋدى اتقارۋ؛ جوعارى دەڭگەيدە جوبالاۋدى كۇشەيتىپ، جەر استى سۋىن قورعاۋدىڭ، باسقارۋدىڭ قاتاڭ تەجەمىن كۇشەيتىپ، جەر استى سۋ دەڭگەيىن باقىلاۋ - تەكسەرۋ تورى مەن سۋ الىپ پايدالانۋدى ولشەۋدى باقىلاۋ جابدىقتارىن كەمەلدەندىرىپ، اۋىل شارۋاشىلىعىن سۋارۋعا پايدالانىلاتىن جەر استى سۋ مولشەرىن شىنايى تومەندەتىپ، بۇكىل رايونىمىزدىڭ ەكونوميكاسىنىڭ، قوعامىنىڭ جانە ەكولوگيالىق ورتاسىنىڭ باياندى دامۋىنا شىنايى كەپىلدىك ەتۋ كەرەك. وزەن، كولدى جان - جاقتى جونگە سالۋدى جاپپاي كۇشەيتىپ، سۋ ايدىندى جاعالاۋىن، كەڭىستىگىن باسقارۋ - مەڭگەرۋدى كۇشەيتىپ، سۋعا ساياتىن قاتىستى قيمىلداردى ارناعا ءتۇسىرۋ؛ سۋ الاپتارىن، قۇرلىق جەردى ءبىر تۇتاس جوسپارلاۋعا، قاينارىنان باستاپ جونگە سالۋعا تاباندى بولىپ، وزەن، كول سۋىنىڭ لاستانۋىنان ۇزدىكسىز ساقتانۋ جانە ونى تىزگىندەۋ؛ ءبىر تۇتاس ورنالاستىرۋدى كۇشەيتىپ، وزەن، كول سۋى ەكولوگياسىن قورعاۋ، قالپىنا كەلتىرۋ؛ وزەندەگى، كولدەگى ”ءتورت بەتالدىنى اداقتاۋدى“ ۇدايىلاندىرىپ، جۇيەلىلەندىرىپ ىشكەرىلەي ورىستەتىپ، وزەندى، كولدى بەتالدى يەلەۋدى، بەتالدى قازۋدى، بەتالدى جيناۋدى، بەتالدى سالۋدى دەر كەزىندە جويۋعا شىنايى كەپىلدىك ەتۋ؛ قىزمەت تەبىنىن ارتتىرىپ، وزەندى، كولدى 3 جىلدىق رەتتەۋ - جونگە سالۋ ارەكەتىنىڭ تولىق اياقتالۋىنا شىنايى كەپىلدىك ەتىپ، ناقتى ونىمدىلىككە قول جەتكىزۋ كەرەك.
ءماجىلىس مىنالاردى تالاپ ەتتى: ءار دارەجەلى وزەن، كول باستىقتارى مىندەت اتقارۋ ولشەمىن مۇقيات تياناقتاندىرىپ، ءبىر تۇتاس جوسپارلاپ سايكەستىرۋدى جانە قۋزاۋ - جەتەكشىلىك ەتۋدى، تەكسەرۋدى كۇشەيتىپ، ءاربىر وزەن، كولدى باسقاراتىن ادام بولۋعا، باسقارا الۋعا، ويداعىداي باسقارۋعا شىنايى كەپىلدىك ەتۋ كەرەك. جەرگىلىكتى ورىندار، بيڭتۋان، قاتىستى تاراۋلار ءوزارا سايكەسىپ، بىرگە اقىلداسىپ، بىرگە جونگە سالىپ، وڭىرلىك شەكارانى بۇزىپ، سايكەسە بىرگە ارەكەتتەنۋدى كۇشەيتىپ، شەكارا اتتاعان وزەن، كول جونىندەگى بىرلەسىپ ساقتانۋ، بىرلەسىپ تىزگىندەۋ مەحانيزمىن ورناتىپ، كەمەلدەندىرىپ، سۋ الاپتارى ءبىر تۇتاس جوسپارلانعان، وڭىرلەر سەلبەسكەن، تاراۋلار بىرلەسىپ قيمىلداعان وزەن، كولدى باسقارۋ ارناسىنىڭ قالىپتاسۋىن ىلگەرىلەتۋ كەرەك. جەر - جەر تەكسەرۋدى، باعالاۋدى قاتايتىپ، ىنتالاندىرۋ مەحانيزمىن ورناتىپ، ۇگىتتەۋدى، جەتەكتەۋدى كۇشەيتىپ، وزەنگە، كولگە تۇتاس قوعام كوڭىل بولەتىن، ايالايتىن قويۋ راي قالىپتاستىرۋ كەرەك. وزەن، كولدى قورعاۋ، باسقارۋ ءتۇزىلىس - مەحانيزمىن اناعۇرلىم اقاۋسىزداندىرىپ، ءار جاقتىڭ جاۋاپكەرشىلىگىن باتىل تياناقتاندىرىپ، حالىقتى باقىتقا كەنەلتەتىن باقىت وزەنىن، كولىن قۇلشىنا قۇرىپ، كورىكتى شينجياڭ قۇرۋعا ۇلەس قوسۋ كەرەك.
