كىشكەنە نان ءىرى حالىق تۇرمىسىنا دەمەۋ بولدى

日期:2021年10月14日
来源:新疆日报
【字体:

− شينجياڭ نانىنىڭ وزگەرىسى جونىندەگى جەلىلەس حابار (2)

انار بۇلت / شينجياڭ گازەتىنىڭ ءتىلشىسى ليۋ ي

  وزىندىك ەرەكشەلىكتەگى ازىق - تۇلىكتەن ابزال كاسىپ سالاسىنا اينالدى، رايونىمىزدىڭ نان كاسىبى سالاسى بىرتىندەپ وزگەرۋ بارىسىن باستان كەشىرۋدە. كاسىپ سالاسىنىڭ بىرتىندەپ جوعارى دەڭگەيگە قاراي بەت الۋىنا ىلەسە، ءتىپتى دە كوپ بۇقارا نان كاسىبى سالاسىنىڭ دامۋ بارىسىنا ارالاسىپ، كاسىپ سالاسىنىڭ دامۋ پايداسىن بىرگە ءبولىسىپ، كىرىستى ارتتىرىپ، بايۋ جولىنا ءتۇستى. كىشكەنە نان بىرتىندەپ ۇلكەن كاسىپ سالاسىنا اينالدى ءارى ءىرى حالىق تۇرمىسىنا دەمەۋ بولدى.

  كەلپىن اۋدانى يۇىرچي اۋىلىنىڭ توما ارىق قىستاعى سول جەردە نان جابۋمەن اتى شىققان قىستاق. وسى ارادان ءداستۇرلى نان كاسىبى سالاسىنىڭ تيبىن وزگەرتىپ، دارەجەسىن جوعارىلاتۋعا قاراي بەت العان جاندى امالياتتى كورۋگە بولادى.

  كەلپىن اۋدانىنداعى قالاش نان جابۋ شەبەرلىگىنىڭ مۇراگەرى، قىستاق تۇرعىنى عۇلام ءمۇتالىپ نان جابۋ ونەرىنە ابدەن ىسىلعان. الايدا ونەركاسىپتەنۋدىڭ ءداستۇرلى ءوندىرىس فورماسىندا تۋدىرعان جاڭالىعى ونىڭ نان جونىندەگى تانىمىن وزگەرتتى.

  ”بۇرىن ايەلىم ەكەۋىمىز ۇيدەگى نان جاباتىن كىشكەنە توناردىڭ باسىنان اسا المايتىنبىز، ارىپ - شارشاپ ءجۇرىپ ءبىر كۇندە 150 عانا نان جاۋىپ، ايىنا 2000 يۋاننان استام كىرىس كىرگىزەتىنبىز“، - دەدى عۇلام، ال قازىر ول ءار كۇنى 700گە جۋىق قالاش نان پىسىرىپ، ايىنا 8000 يۋاننان استام كىرىس كىرگىزەدى ەكەن.

  زور وزگەرىس كولەمدى، جوعارى ونىمدىلىكتى ءوندىرىس فورماسىنان باستاۋ الدى. وسى 2 جىلدا توما ارىق قىستاعى نان جابۋ سەلبەستىك كووپەراتيۆىن قۇرىپ، نان كاسىپ سالاسى باقشاسىن قۇرىپ، وسىزاماندانعان نان جابۋ جابدىقتارىن ەنگىزىپ، ىركىلىسسىز جۇمىس جۇرگىزىپ، ناننىڭ ءوندىرىس ونىمدىلىگىن بارىنشا ارتتىردى، سونداي - اق ءجۇز نەشە قىستاق تۇرعىننىڭ جۇمىستانۋىنا مۇمكىندىك جاسادى.

  نان كاسىبى سالاسىن دامىتۋ بارىسىندا، اۆتونوميالى رايونداعى قاتىستى تاراۋلار ءبىر نيەتپەن سەلبەسىپ، نان كاسىبى سالاسىنىڭ 1 -، 2 -، 3 - كاسىپ سالالارىمەن توعىسا دامۋىن جۇزەگە اسىرۋعا كۇش سالدى، وسى نەگىزدە شيكىزات بازاسى قۇرىلىسى، قالىپ مانەرلەۋ، ازىق - تۇلىك قوراپتاۋ سياقتى جوعارى، تومەنگى بۋىنداعى كاسىپ سالالارىنىڭ دامۋىن جەتەكتەپ، نان كاسىبى سالاسىنىڭ وسى زامانعى اۋىل شارۋاشىلىعى، جابدىق جاساۋ، مادەنيەت، ساياحات سياقتى قاتىستى كاسىپ سالالارىمەن سايكەسە دامۋ اياق الىسىن ۇزدىكسىز جەدەلدەتتى. جەر - جەر كاسىپ سالاسى باقشاسى + ساياحات + سەزىنۋ، ”جەرگىلىكتى ەرەكشەلىكتەگى ساراي“ سالۋ، ”سەلبەستىك كووپەراتيۆى + جەكە تيجاراتشى“ ۇيىمداستىرۋ سياقتى فورمالار ارقىلى الۋان ءتۇرلى دامۋ ۇلگىلەرىن قاراستىرىپ، نان كاسىبى سالاسىنىڭ جۇمىستاندىرۋ، كەدەيلىكتەن ارىلۋعا دەم بەرۋ، اۋىل - قىستاقتىڭ گۇلدەنۋىن جەبەۋ جاعىندا ماڭىزدى رول اتقارۋىنا مۇمكىندىك جاسادى.

  كاسىپ سالاسىنىڭ توعىسا دامۋى ساپا مەن ونىمدىلىكتى جوعارىلاتىپ قانا قالماستان، جۇمىستانۋ، كىرىستى ارتتىرۋ ورايىن دا مولىنان ازىرلەپ، نان كاسىبى سالاسىنىڭ دامۋىن تولىق ومىرشەڭدىك كۇشكە يە ەتتى. شينجياڭ ءالينۇر اۋىل شارۋاشىلىق عىلىم - تەحنيكا اشۋ شەكتى سەرىكتەستىگىنىڭ القا باستىعى ادىلجان نياز بىلاي دەدى: سوڭعى جىلداردان بەرى كاسىپورىن جيىنى 10 ميلليون يۋاننان استام قارجى قوسىپ، نان اۆتوماتتى ءوندىرىس جەلىسى جابدىعىن ەنگىزىپ، كەلپىن اۋدانى جەرگىلىكتى شارۋالار كاسىپتىك سەلبەستىك كووپەراتيۆىمەن ىشكەرىلەي سەلبەسىپ، كەلپىننىڭ نان كاسىبى سالاسى بايلىعىن رەتتەپ، جەرگىلىكتى نان كاسىبى سالاسىنىڭ دامۋىنا دەم بەرىپ، شارۋالار كىرىسىنىڭ ۇزدىكسىز ارتۋىن جەبەدى.

  ”قازىر كاسىپورىن كۇنىنە 50 مىڭنان استام نان جابادى، جىلدىق ءونىم قۇنى 50 ميلليون يۋانعا تايايدى“. ادىلجان بىلاي دەدى: كاسىپورىن ”كاسىپورىن + سەلبەستىك كووپەراتيۆى + شارۋالار وتباسى“ دامۋ ۇلگىسىن ورناتۋ ارقىلى جاسىل ورگانيكالى استىق بازاسى قۇرىلىسىن جۇرگىزىپ، ءار جىلى تاپسىرىس بويىنشا 6000 توننادان استام جاسىل، ورگانيكالى ءبيداي ساتىپ الادى، مۇنان 2600 نەشە وتباسى تىكە يگىلىكتەنىپ، وتباسىلارىنىڭ ارتقان كىرىسى ورتا ەسەپپەن 500 يۋاننان استى، نان كاسىپ سالاسىنىڭ ۇتىمدى دامۋى جەرگىلىكتى ءبيداي بايلىعىن ونان ارى ويداعىداي اشۋعا جانە يگىلىككە اينالدىرۋعا مۇمكىندىك جاساپ، شيكىزات باسىمدىعىنىڭ ءونىم باسىمدىعىنا، ەكونوميكا باسىمدىعىنا اينالۋىن جۇزەگە اسىردى.

  نان كاسىبى سالاسىنىڭ بىرتىندەپ جەدەل دامۋ ارناسىنا تۇسۋىنە ساي، كاسىپ سالاسى باقشا رايونى، كاسىپورىن، كاسىپتىك سەلبەستىك كووپەراتيۆى، جەكە ساۋدا - ونەركاسىپشىلەر سياقتى كوپ نەگىزدى بازار تۇلعالارى نان كاسىبى سالاسىنىڭ دامۋىنا بەلسەنە ات سالىسىپ، نان كاسىبى سالاسىنىڭ كولەمى شاعىننان ۇلعايىپ، بۇرىنعى جول جاعالارىنداعى كىشكەنە تونارلار وزىندىك ەرەكشەلىكتەگى ءبىر - ءبىر نان كاسىبى سالاسى باقشاسىنا اينالعان، نان ونىمدەرىن كورمەگە قويىپ ساتۋ، اس - سۋ مادەنيەتى، ساياحاتشىلار تاماشالاي ءجۇرىپ سەزىنۋ سياقتى يقۋاتتارىنىڭ ءورىسى ونان ارى كەڭەيگەن. بيىل ءۇرىمجى قالاسى نان مادەنيەتى كاسىپ سالاسى باقشاسىنىڭ دەڭگەيىن جوعارىلاتىپ، جاڭالاپ، ”ونەركاسىپ + ساياحات + مادەنيەت“ ۇلگىسىندەگى نان كاسىبى سالاسى باقشاسىن قۇرىپ، ”ءوندىرىس بازاسى + مانەرلەۋ كاسىپورنى + ساۋدا سارايلارىنداعى ەرەن بازارلاردا ساتۋ“ ولشەمى بويىنشا، كوپ نەگىزدەنگەن، كوپ ساتىلى نەگىزگى تاعام نان ونەركاسىپتەنگەن كاسىپ سالاسى جۇيەسىن قۇرىپ، 50 كاسىپورىندى باقشا رايونىنا ىرگە تەبۋگە باۋراپ، 1700دەن استام تونارعا يە بولدى، باقشا اشىلعاننان بەرى ءبىر ميلليون 400 مىڭ ادام - رەت ساياحاتشى قابىلداپ، نان كاسىبى سالاسىنىڭ اقاۋسىز دامۋىنا كەڭ بازار ءورىسىن اشتى.

  كاسىپ سالاسىنىڭ اقاۋسىز دامۋى ءتىپتى دە زور ىقپال جاساۋ، جەتەكتەۋ قۋاتىن سيلادى. ساناققا قاراعاندا، كەزەكتە تۇتاس رايونىمىزدا نان كاسىبى سالاسى 130 مىڭنان استام ادامدى جۇمىستانۋعا باۋراعان، مۇنىڭ ىشىندە وڭتۇستىك شينجياڭداعى 4 ايماق - وبلىستا جۇمىستانعاندار 70 مىڭ ادامنان اسقان؛ تۇتاس رايونىمىزدا 100 مىڭنان استام وتباسى نان جابۋ ارقىلى كەدەيلىكتەن ارىلىپ، بايىعان. نان كاسىبى سالاسى جەدەل دامۋمەن بىرگە، بۇقارانىڭ تۇرمىسىمەن تىعىز بايلانىسقان، كىرىستى ارتتىرۋعا جەتەكتەۋ ونىمدىلىگى كورنەكتى بولعان حالىق تۇرمىسىنداعى ءىرى كاسىپ سالاسىنا اينالدى.