جاۋىنگەر كۇن ۇزاققا بەل شەشپەيدى

日期:2021年10月12日
来源:新疆日报
【字体:

  عالىپجان سىراجدين:

  جاۋىنگەر كۇن ۇزاققا بەل شەشپەيدى

  □ انار بۇلت / شينجياڭ گازەتىنىڭ ءتىلشىسى ۋاڭ نا، ەرىكتى ءتىلشى ۋاڭ حايپيڭ

  قىم - قۋىت، شىتىرمان دەرەكتى ءبىر - بىرلەپ سۋىرتپاقتاپ الىپ شىعىپ، وعان تۇجىرىم، تالداۋ جاساپ، ءاربىر كۇماندى جاعدايدى تەكسەرىپ - تەكتەپ، نازاردى الىسقا جىبەرىپ، وكشەلەي ىزىنە تۇسەتىن؛ لاڭكەستىك شابۋىلدىڭ بىلتەسى تارتىلاردان بۇرىن قامتىپ تورعا ءتۇسىرىپ، زوبالاڭنىڭ تامىرىنا بالتا شاباتىن ءبىر قوسىن بار. مەملەكەتتىك تاڭداۋلى پارتيا مۇشەسى، ءۇرىمجى قالالىق قوعام حاۋىپسىزدىگى مەكەمەسىنىڭ حالىق ساقشىسى عالىپجان سىراجدين انە سولاردىڭ ءبىرى.

  عالىپجان سىراجدين بيىل 39 جاستا، 2005 - جىلى 5 - ايدا قىزمەتكە قاتىناسقان. 16 جىلدان بەرى ول جانە جاۋىنگەر سەرىكتەرى زورلىقتى كۇش لاڭكەستەر ارا ولىسپەي بەرىسپەيتىن قيان - كەسكى بەلدەسۋدى قانشا رەت باستان وتكىزگەندىگى بەلگىسىز.

  ءبىر جولعى زورلىقتى كۇش لاڭكەستەردى تۇتقىنداۋ ارەكەتىندە، بۇزاقى: ”قوپارعىش ءدارى بار، كىم كەلسە سول ولەدى!“، − دەپ ايعايلايدى، عالىپجان مەن جاۋىنگەر سەرىكتەرى ەش ءارى - ءسارى بولماستان، بەلگىلەنگەن جوبا بويىنشا ءۇنسىز سايكەسىپ، بۇزاقىنى تەز ارادا باعىندىرىپ، ءساتتى ورالادى.

  تاعى ءبىر جولى زورلىقتى كۇش لاڭكەستىك توپتىڭ قىلمىس ينفورماتسياسىن يەلەگەن سوڭ، عالىپجان مەن جاۋىنگەر سەرىكتەرى ۇزدىكسىز ەرلىكپەن كۇرەسىپ، ەڭ اقىرىندا زورلىقتى كۇش لاڭكەستىك توپتىڭ اتامانى جاسىرىنعان جەردى تەكسەرىپ شىعادى. ”مەن الدىمەن جۇرەيىن، سوڭىمنان ەرىڭدەر!“. ارەكەت كەزىندە عالىپجان ءبىرىنشى بولىپ تۇتقىنداۋ ورنىنا اتىلىپ كىرىپ، جاۋىنگەر سەرىكتەرىمەن كۇش بىرىكتىرە تۇتقىنداۋ ارەكەتىن ورىندايدى.

  ءبىر جىلى حالىق ساقشىلارى تەكسەرۋ ارقىلى ءبىر قىلمىستىق توپتىڭ نەشە 10 ادامدى جيناپ، ادام اعىنى شوعىرلى ءبىرقانشا وڭىردە زورلىقتى كۇش لاڭكەستىك شابۋىل جاساۋعا دايىندالىپ جاتقاندىعىنان حابارلى بولادى. شابۋىل جاسالاتىن ۋاقىت كۇن ساناپ جاقىنداي تۇسەدى، ءبىراق دەلونىڭ ەگجەي - تەگجەيلى جاعدايى ءالى تولىق يگەرىلمەگەن ەدى...

  ۋاقىت مينۋت - سەكۋندتاپ ءوتىپ، قىسىم سالماعى بارعان سايىن ارتا تۇسەدى. ارت جاقتا تەرگەۋ گرۋپپاسى قامال الۋدان ناتيجەگە جەتەدى؛ الدىڭعى جاقتا عالىپجان مەن جاۋىنگەر سەرىكتەرىنىڭ تىعىز سايكەسۋىندە، كۇماندىلار ىركەس - تىركەس تورعا ءتۇسىپ، قارۋىن تاپسىرىپ، دەلو جاعدايى ايقىندالا تۇسەدى. ەڭ سوڭىندا كولەمدى ادام ءولىم - ءجىتىمىن تۋدىرۋعا ۇرىنعان زورلىقتى كۇش لاڭكەستىك توپ ءۇزىلدى - كەسىلدى جويىلادى.

  عالىپجاننىڭ قىزمەتىندە ءبىرىنشى شەپتە اتويلاپ ۇمتىلىپ، ءولىمدى ەلەڭ قۇرلى كورمەيتىن نايزا ۇشىنداعى ىستەر دە، تەرگەۋ ۇستەلى الدىنداعى اقىل مەن كۇش بەلدەسەتىن پسيحيكالىق ىستەر دە بار ەدى.

  شينجياڭنىڭ بولشەكتەۋشىلىككە قارسى تۇرۋ كۇرەسىنىڭ ۇزدىكسىز ىشكەرىلەۋىنە ىلەسە، ءبىر توپ ”ەكىبەتكەيلەر“ تارتىپ شىعارىلدى. ەلەۋلى ءبىر دەلونى تەكسەرۋ - قاراۋعا قاتىناسۋ بارىسىندا كۇماندى ادام بۇرىنعى بەلگىلى قوعامدىق ورنىنا سۇيەنىپ، ايقۇلاقتانادى. ولاردى قىلمىسىن مويىنداتىپ زاڭعا جىعۋ تەرگەۋ ارقىلى دەلو شەشۋدىڭ مۇمكىندىگى جوققا ءتان ەدى.

  قىلمىستىق دالەل - ىسپاتتى تۇراقتاندىرىپ، ”ەكىبەتكەيلەردىڭ“ مەملەكەتتى بولشەكتەۋدەي قارا نيەت قاسكۇنەمدىگىن اشكەرەلەۋ جانە تالقانداۋ ءۇشىن، عالىپجان مەن جاۋىنگەر سەرىكتەرى 3 اي ۋاقىتپەن 10 نەشە مىڭ كيلومەتر جولدا دامىل تاپپاي ارى - بەرى جورتىپ، تيانشان الابىنداعى 10 نەشە ايماق، وبلىس، قالادا 500 نەشە ادامنان جاعداي ۇعىسىپ، قىرۋار دالەل - ىسپات الىپ، دەلونىڭ ءساتتى شەشىلۋىنە مىعىم نەگىز قالادى.

  مەملەكەت حاۋىپسىزدىگىن قورعاۋداي قاسيەتتى بورىشتى ارقالاعان عالىپجان مەن جاۋىنگەر سەرىكتەرىنىڭ قىزمەتىن، ناتيجەسىن جانە جاپا - ماشاقاتىن كوپ ەل بىلە بەرمەيدى، ولار ۇنسىزدىك ىشىندە تاپجىلماۋعا، ۇنسىزدىك ىشىندە جاپالىلىقپەن ىستەۋگە الدەقاشان كوندىگىپ كەتكەن ەدى.

  قىزمەت ءۇشىن، عالىپجان ءسوز سالعان 3 قىز دوسىنان ”ايىرىلىپ قالادى“، سەبەبى وتە قاراپايىم، قىزدار بۇل جىگىتتى سەنىمسىز سانايدى، كەزدەسۋگە بولەر ۋاقىتى ونىسىز دا از، كوبىنەسە ”ۋادەدەن تايعىش“. عالىپجاننىڭ دا بۇعان شاراسى جوق، ويتكەنى ونىڭ ۋاقىتى وزىنە ءتان ەمەس، ۋادەلى كەزدەسۋدەن بىرنەشە مينۋت بۇرىن ءبىر بۇيرىقپەن عانا كەتە بارۋى مۇمكىن.

  2014 - جىلى عالىپجان اقىرى ءوزىن تۇسىنەتىن، قولدايتىن بويجەتكەندى تاپتى ءارى سونىمەن باس قۇرادى. 2015 - جىلى، ايەلى شيپاحاناعا جاتىپ بوساناتىن كەزدە، عالىپجان جاۋىنگەر سەرىكتەرىمەن بىرگە قاشقىننىڭ ىزىنە ءتۇسىپ قۋعىنداۋدا جۇرگەن بولاتىن. ءار رەت قىزمەتتەستەرىمەن ارا جانۇياسىنداعىلاردى تىلگە العاندا، عالىپجان ۇنەمى جاي عانا ەزۋ تارتىپ: ”قوعام حاۋىپسىزدىگى قىزمەتىن تاڭداۋ دەگەن ءسوز قۇربان بەرۋ، ۇلەس قوسۋدى كورسەتەدى، ماحاببات، سۇيىسپەنشىلىكتى قازىرشە جۇرەك تۇكپىرىمىزدە عانا ساقتاي الامىز“، - دەيدى.

  عالىپجاننىڭ قاراۋىنشا، مەملەكەت حاۋىپسىزدىگىنىڭ قورعاۋشىسى رەتىندە، وتاننىڭ مۇددەسى ماڭگى ءبىرىنشى ورىندا تۇردى. ءسات سايىن ولىممەن بەتپە - بەت كەلىپ، كۇن سايىن ولىسپەي بەرىسپەيتىن جان تۇرشىگەرلىك كۇرەستە، قىزمەتتى كاسىپ سانايتىن سەنىم، مەملەكەتتىڭ مۇددەسىن ماڭداي الدى ورىنعا قوياتىن جاۋاپكەرشىلىك ارقالاۋ رۋحى بولۋ كەرەك.

  عالىپجان ىلگەرىندى - كەيىندى ءبىر توپ ءىرى دەلولاردى، سالماقتى دەلولاردى اشۋعا قاتىناسىپ، زورلىقتى كۇش لاڭكەستىك دەلولاردى جورگەگىندە جويىپ، تۋىلۋدان بۇرىن اياقتاتتى.

  جاۋىنگەر كۇن ۇزاققا بەل شەشپەيدى. قازىر شينجياڭدا 4 جىلدان استام ۋاقىت بويى زورلىقتى كۇش لاڭكەستىك دەلوسى تۋىلمادى، ءار ۇلت بۇقاراسى تىنىشتىقتىڭ، ورنىقتىلىقتىڭ، دامۋدىڭ پايداسىنان تولىق يگىلىكتەنىپ جاتقان كەزدە، عالىپجان مەن جاۋىنگەر سەرىكتەرى تيتتەي دە بوساڭسىماي، ءباز - باياعىسىنشا مەملەكەت حاۋىپسىزدىگىن قورعاۋدىڭ ەڭ الدىڭعى شەبىندە ەرلىكپەن شايقاس جاساۋدا.