قوعام ورنىقتى، جاراسىمدى بولىپ، دامۋدىڭ ومىرشەڭدىك كۇشى تاسقىندادى
− اۆتونوميالى رايوندىق 9 - رەتكى پارتيا قۇرىلتايىنان بەرگى ەكونوميكالىق، قوعامدىق دامۋ جونىندە جالپى شولۋ (1)
انار بۇلت / شينجياڭ گازەتىنىڭ ءتىلشىسى ۋاڭ شيڭرۇي
ۋاقىت ءۇنسىز وتكەنىمەن، تاريحتىڭ ءۇنى ادامعا وي سالىپ، ۋاقىت وتكەن سايىن جاڭارۋدا.
2016 - جىلى اۆتونوميالى رايوندىق 9 - رەتكى پارتيا قۇرىلتايى اشىلىپ، شينجياڭنىڭ ورنىقتىلىعىنىڭ، دامۋىنىڭ جاڭا پاراعىن اشتى.
بورىش ساپارعا شاقىردى، ۇلى وزگەرىستەر تۋىلدى. 5 جىلدان بەرى اۆتونوميالى رايوندىق پارتكوم بۇكىل رايونداعى ءار ۇلت كادر - بۇقاراسىن ىنتىماقتاستىرىپ، باستاپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، قوعامدىق كەلەلى جاعدايدىڭ ۇزدىكسىز ورنىقتىلىعىن ساقتاپ، ەكونوميكانىڭ، قوعامنىڭ جوعارى ساپالى دامۋىن ىلگەرىلەتتى، شينجياڭدا قوعام ورنىقتى، حالىق تىنىش ءومىر، شات - شادىمان تىرشىلىك كەشىرگەن تاماشا جاعداي جارىققا شىعىپ، باياندى تىنىشتىققا ارشىندى قادام تاستاۋعا بەرىك نەگىز قالاندى.
قايراتتانا ەكپىندەي ىلگەرىلەگەن 5 جىلدا ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ ارشىندى قاداممەن كەلە جاتتى!
قوعامدىق كەلەلى جاعداي ۇزدىكسىز جاراسىمدى، ورنىقتى بولدى
اعاش ماۋەلەسىن دەسەڭ تامىرىن بەكەمدە؛ وزەن ۇزاق اقسىن دەسەڭ قاينارىن تازالا. پارتيا ورتالىق كوميتەتى قوعام ورنىقتىلىعى مەن باياندى تىنىشتىق باس نىساناسىن ايقىن تۇراقتاندىردى، بۇل − شينجياڭداعى بارلىق قىزمەتتىڭ كوزدەۋ ءتۇيىنى، كۇش سالۋ ءتۇيىنى، شينجياڭداعى ءار ۇلت بۇقاراسىنىڭ ىرىس - قۇتىنىڭ ءتۇپ توركىنى.
سول ءبىر شاقتا شينجياڭدا زورلىقتى كۇش لاڭكەستىك ارەكەتتەردىڭ كوپ تۋىلۋى، ءجيى تۋىلۋى شينجياڭنىڭ دامۋىنا، العا باسۋىنا اۋىر زيان جەتكىزدى. جاعدايعا باتىل بۇرىلىس جاساپ، قوعامنىڭ ورنىقتىلىعىن ساقتاۋ − پارتيا ورتالىق كوميتەتىنىڭ زور ءۇمىتى، حالىقتىڭ كوكسەگەنى بولدى.
وتكىر قىلىش قىننان سۋىرىلىپ، جايپاپ وتەر ەكپىن قالىپتاستى. اۆتونوميالى رايوندىق پارتكوم قوعام ورنىقتىلىعىن قورعاۋدى بارلىعىن باسىپ تۇسەتىن ساياسي مىندەت، تايشان تاۋىنان دا سالماقتى ساياسي جاۋاپكەرشىلىك ەتۋگە تاباندى بولىپ، پارتيا، ۇكىمەت، ارميا، ساقشى، بيڭتۋان، حالىق سايكەسىپ بىرلەسە ارەكەتتەنىپ، ۇستىنەن وڭاۋ مەن تۇبىرىنەن وڭاۋدى ۇشتاستىرىپ، كەشەندى شارا قولدانىپ، لاڭكەستىككە قارسى تۇرىپ، ورنىقتىلىقتى قورعاۋدى زاڭمەن جونگە سالۋدى، ۇدايىلاندىرۋدى ۇزدىكسىز ىلگەرىلەتىپ، قوعامنىڭ كەلەلى جاعدايىنىڭ ورنىقتىلىعىن باتىل ساقتادى.
− زاڭمەن جونگە سالۋ تۋىن بيىك ۇستاپ، قاتاڭ سوققى بەرۋدىڭ تەگەۋرىندى كۇيىن مىزعىماي ساقتاپ، قاتاڭ سوققى بەرۋ ارناۋلى كۇرەسىن ۇزدىكسىز ورىستەتىپ، زورلىقتى كۇش لاڭكەستىك دەلولارىنىڭ كوپ تۋىلۋ، ءجيى تۋىلۋ جاعدايىن باتىل تەجەدى؛
− قوعامدىق ساقتانۋ - تىزگىندەۋدى جاپپاي كۇشەيتىپ، قالا، اۋىلدىڭ ورنىقتىلىعىن قورعاۋ، ساقتانۋ - تىزگىندەۋ تورىن ءجيى توقىپ، ورنىقتىلىقتى قورعاۋدىڭ قۇرىش قورعانىن تۇرعىزدى؛
− قاينارىنان باستاپ جونگە سالۋدى ۇزدىكسىز ورىستەتىپ، ”ۇشقارىلىقتى الاستاۋدى“ ىشكەرىلەي ىلگەرىلەتىپ، لاڭكەستىكتىڭ، ۇشقارىلىقتىڭ ءوسىپ - ءوربيتىن توپىراعى مەن شارت - جاعدايىن كۇش سالا جويدى؛
− نەگىزگى ساتىنى يگەرۋگە، نەگىز قالاۋعا تاباندى بولىپ، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتىن جاپپاي ورىستەتىپ، قالا، اۋىلدىڭ قوعامدىق نەگىزىن ۇزدىكسىز بەكەمدەپ، ەڭ جوعارى شەكتە جۇرت تىلەگىن جۇمىلدىردى، ۇيىستىردى.
...
بۇلت ايىعىپ اي ساۋلەسىن توككەنىن كىم كورمەگەن، تۇنىق اسپان، تەڭىز سۋى وزگەرمەگەن ەجەلدەن. ءار ۇلت كادر - بۇقاراسى بەرىك بەكىمگە كەلىپ، قايسارلىق كورسەتىپ، وي جەتپەس ماشاقاتتى بوداۋ بەرۋ ارقىلى ءار قادامدى نىق باسىپ، شينجياڭنىڭ تىنىش، جاراسىمدى تاماشا جاعدايىن جاراتتى.
قازىرگە دەيىن شينجياڭدا ءۇرتىس 4 جىلدان استام ۋاقىتتا زورلىقتى كۇش لاڭكەستىك دەلوسى تۋىلمادى. كورىكتى شينجياڭدا تىنىش زامان ورناپ، دامۋدىڭ ومىرشەڭدىك كۇشى تاسقىنداپ، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز جوعارىلادى.
ورنىقتىلىقتىڭ پايداسى جارىققا شىعىپ، دامۋدىڭ ومىرشەڭدىك كۇشى ايگىلەندى
جاسىل القاپ شۇراتتا قۇت ۇيىپ، كوركەمدىك مەن مۇندالاپ، تاۋ - دالانىڭ كوركى كوز ءسۇرىندىردى. كۇز بەن قىستىڭ ءولاراسىنداعى شينجياڭنىڭ ايبىنى اسىپ، ساۋلەتكە تولدى. تىنىش تا جاراسىمدى ورتا گۇلدەنۋدىڭ، دامۋدىڭ سارقىلماس ومىرشەڭدىك كۇشىنە ۇيىپ، قالا مەن اۋىلدىڭ اراسىن شارپىدى، تيانشان الابى ۇمىتكە تولدى.
ەندى عانا وتكەن مەملەكەت مەرەكەسىنىڭ ۇزاق دەمالىسى كەزىندە تۇتاس شينجياڭنىڭ جەر - جەرى ”مولشەردى شەكتەۋ، الدىن الا تاپسىرىس بەرۋ، قاۋىرت مەزگىلدەن اۋاشالاۋ“ سىندى ىندەتتەن ساقتانۋ - تىزگىندەۋ شارالارىن تياناقتاندىرۋ العى شارتىندا، ەل ىشىنەن جيىنى 7 ميلليون 604 مىڭ 200 ادام - رەت ساياحاتشى قابىلدادى. ادامدار كۇزدىڭ كوركەم كورىنىسىن تاماشالاپ، ءشول دالاداعى توراڭعىدان ءلاززات الىپ، قىزىل جۇرتتارعا بارىپ، شينجياڭنىڭ كەڭ - بايتاق كورىنىسى مەن جاراسىمدى رايىنا ەلىتتى.
وتكەن 5 جىلدا شينجياڭ ساياحاتى ارىنداي ىلگەرىلەپ، دامۋ بەتالىسى تىنباي جاقساردى. 2017 - جىلدان 2019 - جىلعا دەيىن تۇتاس رايونىمىز قابىلداعان ساياحاتشى سانى ىركەس - تىركەس 100 ميلليون، 150 ميلليون، 200 ميلليون ادام - رەتتەن استى. ەل ىشىندەگى ساياحاتشىلار ارت - ارتىنان كەلىپ، تولاسسىز قادام تاستاپ، قوعامنىڭ شينجياڭنىڭ ىندەتتەن ساقتانۋ - تىزگىندەۋى مەن قوعام ورنىقتىلىعىنا بولعان بەرىك سەنىمىن جەتكىزدى.
وسىعان ۇقساس شينجياڭدا قارجى قوسۋدىڭ، شارۋاشىلىق قۇرۋدىڭ بەلسەندىلىگى بارىنشا ارتتى. بيىل 6 - ايدىڭ سوڭىنا دەيىن بۇكىل رايونىمىزدا 2 ميلليون 95 مىڭ بازار تۇلعالارى تىزىمگە الدىرىپ، تىركەلىپ، 2015 - جىلدىڭ سوڭىنداعىمەن سالىستىرعاندا ％88.7 ارتتى. اۆتونوميالى رايوندىق بازار باقىلاۋ - باسقارۋ مەكەمەسىنىڭ تىزىمگە الۋ، تىركەۋ باسقارماسىنىڭ باستىعى زو شينمين بىلاي دەدى: ”شينجياڭنىڭ ورنىقتىلىعىنىڭ پايداسى، ساياسات تيىمدىلىگى، ىندەتتەن ساقتانۋ تيىمدىلىگى ۇزدىكسىز جارىققا شىعىپ، بازار نەگىزگى تۇلعالارىنىڭ ومىرشەڭدىك كۇشى تولىق قاۋلاپ، ەكونوميكانىڭ جوعارى ساپالى دامۋىن ىلگەرىلەتۋگە سارقىلماس قوزعاۋشى كۇش ۇستەدى“.
5 جىلدا جەلكەندى كەمە ارىنداپ العا ءجۇزدى. تىنىش تا جاراسىمدى ورتادا جەدەل قۇرىلىس جۇرگىزىلىپ، دامۋ اياق الىسى تەزدەدى، جالىندى ومىرشەڭدىك مەن مۇندالادى.
5 جىلدا ەكونوميكالىق دامۋدا ساپا جوعارىلاپ، قارقىن تەزدەدى، قۇرىلىس تەبىنى ۇزدىكسىز ارتتى، داڭعىل جولدار وڭتۇستىك پەن سولتۇستىكتى تۇتاستىردى، نىساندار شىعىس پەن باتىستى شارپىدى، كەسەك تۇلعالى ءىرى ينجەنەريالار بوي كوتەردى، قالا مەن اۋىلدىڭ بەت - بەينەسى شىت جاڭا تۇسكە ەندى.
وسى 5 جىلدا ءبىز ەڭ قيىن ماسەلەلەردى شەشتىك، كەدەيلىكتەن ارىلتۋدان قامال الۋ شايقاسىنىڭ جەڭىسىنە جاپپاي قول جەتكىزدىك، بۇقارانىڭ ءوندىرىس، تۇرمىس شارت - جاعدايىن ۇزدىكسىز جاقسارتتىق، ءار ۇلت حالقىنىڭ تاماشا تۇرمىسى بارعان سايىن جاقسارىپ، قۇلپىرا ءتۇستى.
وسى 5 جىلدا كوركەم شينجياڭنىڭ اسپانى ءتىپتى دە اشىق، تاۋى ءتىپتى دە جاسىل، سۋى ءتىپتى دە تۇنىق بولدى، كوركەم تاۋ - وزەندەرى مەن جاراسىمدى رايى ءبىر - بىرىنە ءار بەرىپ، ءار ۇلت كادر - بۇقاراسىنىڭ ءبىر نيەتپەن ءتىپتى دە نۇرلى بولاشاقتى جاراتقان كوركەم كارتيناسىن سالدى.
توعانداعى تۇنىق سۋ قايدان كەلەدى؟ ول قاينار باستاۋدان كەلەدى. ءبىز وڭاي - وسپاق قولعا كەلمەگەن جاراسىمدى، ورنىقتى جاعدايدى بارىنشا قاستەرلەپ، نازاردى شينجياڭ قىزمەتىنىڭ باس نىساناسىنا شوعىرلاندىرىپ، ەكونوميكانىڭ، قوعامنىڭ جوعارى ساپالى دامۋىنا تىنباي نىق قادام تاستايمىز.
تىنىش ءومىر، شات - شادىمان تىرشىلىك جاراسىمدىلىق سيمفونياسىن شەرتتى
تاڭەرتەڭ شۇعىلالى كۇن ساۋلەسى قاشقار بايىرعى قالاسىنىڭ كوركەم داۋالىن نۇرعا بولەپ، جاندى سۇيىندىردى. ابدۇريشيت شارىپ كۇندەگىدەي ۇيىنەن شىعىپ، كوشە بويىنىڭ دابىراسىن ەستگەندە كوڭىلى جايلانىپ سالا بەردى. 70 نەشە جاستاعى ول بايىرعى قالانىڭ رەتتى دە دۋماندى بەينەسىنە الدەقاشان بويى ۇيرەنگەن، ساياحاتشىلاردىڭ القاۋىن ەستىپ، دۋماندى كورىنىستى كورگەن ول بىلاي دەدى: ”قاشقار كونە قالاسىنا قاراساڭىز، بۇگىنگى شينجياڭنىڭ قانشالىق تاماشا ەكەنىن بىلە الاسىز“.
سوڭعى جىلدارى شينجياڭ ىلگەرىندى - كەيىندى دۇنيە جۇزىندەگى ءار ەلدىڭ جۇڭگودا تۇراتىن ەلشىلەرى، ديپلوماتتارى، كاسىپورىنشىلارى، شەتەل وقۋشىلارى سياقتىلاردى تيانشان الابىندا ەكسكۋرسيادا، ساپاردا بولۋعا ۇسىنىس ەتىپ، قىرۋار تاماشا باعاعا يە بولدى. ”ءبىز حالقى تىنىش ءومىر، شات - شادىمان تىرشىلىك كەشىرىپ جاتقان، قوعامى تىنىش تا بەرەكەلى شينجياڭدى كوردىك“، ”شينجياڭداعى ءار ۇلت حالقى باقىتتى دا تىنىش ءومىر كەشىرىپ جاتىر“... كوركەيگەن، ورنىقتى دامۋ ورتاسى، تىنىش ءومىر، شات - شادىمان تىرشىلىك كەشكەن ەركىن تۇرمىسى، ءار ۇلت حالقىنىڭ جۇزىنەن ەسكەن وزىنە سەنىمدى، اشىق - جارقىن كۇلكىسى ”شينجياڭ جاقسى جەردىڭ“ اتاعىن التى قىردان اسىرىپ، تاماشا اتاعىن الىستارعا تاراتىپ جاتتى.
5 جىلدا، ءار ۇلت حالقى ءبىر - بىرلەگەن مازالاعان ىستەردىڭ، ۋايىمداتقان ىستەردىڭ ءساتتى شەشىلۋى بارىسىندا حالىق تۇرمىسىنا جاسالعان ىستىق ىقىلاستى سەزىنىپ، شينجياڭنىڭ جاراسىمدىلىعىنىڭ، ورنىقتىلىعىنىڭ نەگىزى ءتىپتى دە بەكەمدەلە ءتۇستى. تۇرارجاي شارت جاعدايى ۇزدىكسىز جاقساردى، مىندەتتى وقۋ - اعارتۋدىڭ بەكەمدەلۋ مولشەرى ۇزدىكسىز جوعارىلادى، جالپى حالىقتىڭ دەنساۋلىعىن تەكسەرتۋ بۇقارانىڭ اماندىعىن قورعادى، كەڭ قامتىمدى، نەگىزدى ساقتاعان، كوپ قاتتامدى قوعامدىق قامتاماسىزداندىرۋ جۇيەسى اناعۇرلىم كەمەلدەندى، ءار ۇلت حالقى ەمىن - ەركىن تاماقتانىپ، جايلى كيىنىپ، تىنىش ءومىر كەشىپ، سالت - سانادان ءلاززاتتاندى، تۇرمىستارى بارعان سايىن شىرىنعا تولدى.
5 جىلدا ”ۇلتتار ىنتىماعىنىڭ بەرەكەلى شاڭىراعى“ كەزەكشى پويەزدارى تەرەڭ سۇيىسپەنشىلىك، قويۋ دوستىقتى تيەپ، تيانشاننىڭ تۇستىگى مەن تەرىستىگىندە جۇيتكىپ، ءار ۇلت حالقىنىڭ ەتەنە، ءبىر - بىرىنە قارايلاساتىن جۇرەكتەستىك شەڭبەرىن بارعان سايىن كەڭەيتتى. قالا الەۋمەتتىك اۋماقتارىندا، اۋىل - قىستاق اۋلالارىندا ءار ۇلت بۇقاراسىن شات - شادىمان انگە سالىپ، ءتاتتى لەبىزدەرىن ايتىپ، ءبىر وتباسىنىڭ ادامدارىنداي بولعان شاتتىققا تولى كورىنىستەر، ادام جانىن تەبىرەنتەتىن حيكايالار تىنىش تا بەرەكەلى تاماشا رايدى ونان ارى ايشىقتاپ، ءسۇيىندىردى.
5 جىلدا جەر - جەر بىرگە قۇرىپ، بىرگە جونگە سالاتىن، بىرگە يگىلىكتەنەتىن قوعامدىق جونگە سالۋ ارناسىن جەدەل قالىپتاستىرىپ، ”ۇيىرمە قۇراۋ فورماسىندا“ قىزمەت وتەۋى الەۋمەتتىك اۋماققا جەتكىزىلدى، ”N+1“ ۇلگىسى قىزمەتى بۇقارانىڭ كوڭىلىنەن شىعاتىنداي ىستەلدى، ”پارتيا قۇرىلىسى +“، ”عىلىم - تەحنيكا +“ بۇقاراعا قىزمەت وتەۋدىڭ ”ەڭ سوڭعى ءبىر كيلومەترىن“ ۇلاستىرىپ، بۇقارانىڭ رازى - قوشتىعى كۇن سايىن جوعارىلادى. كوپشىلىك تەبىرەنە: جۇمىس ءبىتىرۋ ءتىپتى دە ويداعىداي بولىپ، تۇرمىسىمىز ءتىپتى دە جايلى بولدى، - دەدى.
شالقار تەڭىز ۇلان - قايىر جەلكەن جايىپ كەمەمىز، نىسانانى بەتكە الىپ تولقىن جايىپ كەلەمىز. شي جينپيڭ جولداستى ۇيتقى ەتكەن پارتيا ورتالىق كوميتەتى نۇسقاعان دۇرىس بەتالىستى بويلاعان شينجياڭداعى ءار ۇلت ۇلاندارى مىعىم سەنىممەن، اسقاق انگە باسىپ نىق قاداممەن العا باسىپ بارادى!
