انار بۇلت / شينجياڭ گازەتىنىڭ ءتىلشىسى لياڭ ليحۋا 6 - ايدىڭ 7 - كۇنى ۇرىمجىدەن حابارلايدى. 6 - ايدىڭ 7 - كۇنى تۇستەن بۇرىن اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ 26 - رەتكى ءماجىلىسى وتكىزىلدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن ءماجىلىستى باسقاردى.
تۇراقتى كوميتەتتىڭ قۇرامىنداعى 53 ادام ماجىلىسكە قاتىناستى، بۇل زاڭدا بەلگىلەنگەن ادام سانىنا ۇيلەسەدى.
ءماجىلىس اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ 26 - رەتكى ءماجىلىسىنىڭ كەڭەس تارتىپتەرىن داۋىسقا سالىپ ماقۇلدادى، اۆتونوميالى رايوندىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى لي يفي جاساعان كادرلاردى مىندەتكە تاعايىنداۋ، مىندەتتەن قالدىرۋ كەڭەس جوباسى جونىندەگى تۇسىندىرمەنى تىڭدادى. كادرلاردى مىندەتكە تاعايىنداۋ، مىندەتتەن قالدىرۋ ءىسىن داۋىسقا سالىپ ماقۇلدادى.
ماجىلىستە جاڭادان مىندەتكە تاعايىندالعان اۆتونوميالى رايونداعى مەملەكەت قىزمەتكەرلەرى نەگىزگى زاڭ الدىندا سەرت بەرۋ سالتىن وتكىزدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى لي شۋەجۇن، دۇڭ شينگۋاڭ، باداي، سو يۋە، لي نيڭپيڭ، ءزۇمىرات وبۇل، باس حاتشى ءمۇتالىپ روزى ماجىلىسكە قاتىناستى.
اۆتونوميالى رايوننىڭ ورىنباسار ءتوراعاسى جاۋ چيڭ، اۆتونوميالى رايوندىق باقىلاۋ - تەكسەرۋ كوميتەتىنىڭ قاتىستى جاۋاپتىلارى، اۆتونوميالى رايوندىق جوعارى حالىق سوتى مەكەمەسىنىڭ باستىعى باھارگۇل سامەت، اۆتونوميالى رايوندىق حالىق پروكۋراتۋراسىنىڭ باس پروكۋرورى لي يۇڭجۇن ماجىلىسكە سىرتتاي قاتىناستى.
تۇستەن بۇرىن اۆتونوميالى رايوندىق حالىق قۇرىلتايى تۇراقتى كوميتەتىنىڭ 131 - رەتكى مەڭگەرۋشىلەر ءماجىلىسى كادرلاردى مىندەتكە تاعايىنداۋ، مىندەتتەن قالدىرۋ كەڭەس جوباسىن قاراپ، تۇراقتى كوميتەتتىڭ ءماجىلىسىنىڭ قاراۋىنا تاپسىرۋدى ۇيعاردى.
