اۆتونوميالى رايوندىق ءتارتىپ تەكسەرۋ كوميتەتى تۇراقتى كوميتەتتىڭ (كەڭەيتىلگەن) ءماجىلىسىن اشتى
ساياسي باقىلاۋ جاۋاپكەرشىلىگىن ارقالاپ، ”ەكىنى قورعاۋدى“ باتىل ورىنداپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ تياناقتانىپ تامىر تارتۋىنا شىنايى كەپىلدىك ەتۋ كەرەك
انار بۇلت / شينجياڭ گازەتىنىڭ ءتىلشىسى لياڭ ليحۋا 5 - ايدىڭ 31 - كۇنى ۇرىمجىدەن حابارلايدى. 5 - ايدىڭ 31 - كۇنى تۇستەن بۇرىن اۆتونوميالى رايوندىق ءتارتىپ تەكسەرۋ كوميتەتى تۇراقتى كوميتەتتىڭ (كەڭەيتىلگەن) ءماجىلىسىن اشىپ، باس شۋجي شي جينپيڭنىڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە سويلەگەن ماڭىزدى ءسوزىنىڭ رۋحى سياقتىلاردى توپتىق ۇيرەندى، ۇيرەنۋ، دايەكتىلەندىرۋ شاراسىن اقىلداستى. اۆتونوميالى رايوندىق پارتكومنىڭ تۇراقتى مۇشەسى، ءتارتىپ تەكسەرۋ كوميتەتىنىڭ شۋجيى، باقىلاۋ - تەكسەرۋ كوميتەتىنىڭ ۋاقىتشا مەڭگەرۋشىسى تيان شياڭلي ءماجىلىستى باسقاردى ءارى ءسوز سويلەدى.
ءماجىلىس مىنالاردى اتاپ كورسەتتى: باس شۋجي شي جينپيڭنىڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە سويلەگەن ماڭىزدى ءسوزى − جاڭا داۋىردەگى شينجياڭ قىزمەتىنە جەتەكشىلىك ەتەتىن تۇعىرنامالىق حۇجات. ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى ۇيرەنۋدى، دايەكتىلەندىرۋدى ۇزدىكسىز، ىشكەرىلەي، قايتالاي ويداعىداي يگەرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، قوعام ورنىقتىلىعى مەن باياندى تىنىشتىق باس نىساناسىن ارقاۋ ەتىپ، ساياسي باقىلاۋدى ناقتى، ەگجەي - تەگجەيلى ىستەپ، جاڭا داۋىردەگى ءتارتىپ تەكسەرۋ، باقىلاۋ - تەكسەرۋ قىزمەتىنىڭ جوعارى ساپالى دامۋىن ىلگەرىلەتىپ، پارتيا ورتالىق كوميتەتىنىڭ كەلەلى شەشىمدەرىنىڭ، ورنالاستىرۋلارىنىڭ شينجياڭدا سوڭىنا دەيىن دايەكتىلەندىرىلۋىنە، تياناقتاندىرىلۋىنا شىنايى كەپىلدىك ەتۋ كەرەك.
ءماجىلىس مىنالاردى تالاپ ەتتى: ورنىقتىلىق بارىسىندا ىلگەرىلەۋگە تاباندى بولىپ، قىزمەتتىڭ ۇلاسپالىلىعىن، ورنىقتىلىعىن ساقتاپ، ءار قادامدى نىق باسىپ، ءاربىر قىزمەتتىڭ تياناقتانۋىن يگەرۋ كەرەك. ”قاتاڭ بولۋ“ نەگىزگى اۋەنىنە باستان - اياق بۇلجىماي تاباندى بولىپ، ”ءۇش بولماۋدى“ ءبىر تۇلعالى ىلگەرىلەتىپ، مەملەكەت مەنشىگىندەگى كاسىپورىندار، فينانس سياقتى سالالار مەن ساياسي - زاڭ جۇيەسىندەگى شىرىكتەسۋ دەلولارىن باتىل تەكسەرىپ ءبىر جاقتى ەتىپ، ”ءتورت بۇرىس ستيل“، اسىرەسە، فورماشىلدىق، تورەشىلدىك ماسەلەلەرىن ۇزدىكسىز تۇزەتىپ، جونگە سالىپ، بۇقارانىڭ جانىنداعى شىرىكتەسۋ جانە ستيل ماسەلەلەرىن قاتاڭ رەتتەپ جونگە سالىپ، شارلاۋدىڭ، شارلاپ تەكسەرۋدىڭ سەمسەرلىك رولىن ءونىمدى ساۋلەلەندىرىپ، تەبىننىڭ السىرەمەۋىنە، ايبارىنىڭ ۇنەمى ساقتالۋىنا شىنايى كەپىلدىك ەتۋ كەرەك. قوسىن قۇرىلىسىن ۇزدىكسىز كۇشەيتىپ، ساياسي ساپاسى جوعارى، ادال، كىرشىكسىز، جاۋاپكەرشىلىك ارقالايتىن، كاسىپتىك قابىلەتى كۇشتى، كۇرەس جۇرگىزۋگە باتىل، ىسكەر ءتارتىپ تەكسەرۋ، باقىلاۋ - تەكسەرۋ قۇرىش قوسىنىن قۇلشىنا قۇرۋ كەرەك.
