انار بۇلت / شينجياڭ گازەتىنىڭ ءتىلشىسى ۋاڭ يۇيجاۋ 5 - ايدىڭ 4 - كۇنى ۇرىمجىدەن حابارلايدى. اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسىنەن ۇعىسۋىمىزشا، بيىل ءبىرىنشى ماۋسىمدا رايونىمىز مەملەكەتتىك كەڭەس تالاپ ەتكەن تۇرعىن ءۇي الەۋمەتتىك قورى جۇمىستارىن ”ولكە اتتاپ ءبىر تۇتاس ءبىتىرۋدىڭ“ 8 ءتۇرلى نىسانا - مىندەتىن مەرزىمىنەن بۇرىن ورىنداعان.
تالاپ بويىنشا، ”ولكە اتتاپ ءبىر تۇتاس ءبىتىرۋ“ نىسانا - مىندەتى جيىنى 8 ءتۇرلى بولىپ، 2 جىلعا ءبولىپ ورىنداۋ ورتاعا قويىلعان، 2020 - جىلى 3 ءتۇرى ورىندالاتىن، 2021 - جىلدىڭ سوڭىنان بۇرىن 5 ءتۇرى ورىندالاتىن بولعان. بىلتىر 12 - ايدا ”ولكە اتتاپ ءبىر تۇتاس ءبىتىرۋ“ مىندەتى تۇسىرىلگەننەن كەيىن، اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسى دەرەۋ مىندەت ءبولىسى تۇسىنىكتەمەسىن تاراتىپ، ناقتى تياناقتاندىرۋ شارالارىن بەلگىلەپ، ورىندالاتىن ۋاقىت شەگىن ايقىنداپ، ”ولكە اتتاپ ءبىر تۇتاس ءبىتىرۋ“ قىزمەتىن ءتارتىپتى ىلگەرىلەتتى.
بۇكىل رايوننىڭ شوعىرلى بىرىكتىرىلگەن ”زەردەلى تۇرعىن ءۇي الەۋمەتتىك قورى“ تۇعىرىنا سۇيەنە وتىرىپ، رايونىمىز بىلتىر جەكەلەردىڭ تۇرعىن ءۇي الەۋمەتتىك قورى قاراجاتىن تاپسىرۋ، قارىز اقشا سياقتى ينفورماتسيالاردى سۇراستىرۋ، قارىز اقشا العان جۇمىسشى - قىزمەتكەرلەردىڭ تۇرعىن ءۇي الەۋمەتتىك قورى قاراجاتىن تاپسىرۋ، پايدالانۋ سىپاتناماسىن شىعارىپ بەرۋ، ۋاقىتىمەن زەينەتكە شىققاندارعا تۇرعىن ءۇي الەۋمەتتىك قورىن شىعارىپ بەرۋ، تۇرعىن ءۇي الەۋمەتتىك قورى ورىندارى سىرت جەردە تىزىمگە الىپ ەسەپ اشۋدى جۇزەگە اسىرۋ سىندى 4 ءتۇرلى ”ولكە اتتاپ ءبىر تۇتاس ءبىتىرۋ“ نىسانا - مىندەتىن ورىنداپ بولۋ نەگىزىندە، ەلەكتروندى قول تاڭبا ءتۇسىرۋ سياقتى تەحنيكالاردى كەڭىنەن قولدانىپ، تۇرعىن ءۇي الەۋمەتتىك قورى ورىندارى مەن جەكەلەردىڭ قاراجات تاپسىرۋ ينفورماتسياسىن سىرت جەردە وزگەرتۋ، سىرت جەردەن ءۇي ساتىپ الۋدا تۇرعىن ءۇي الەۋمەتتىك قورىن شىعارىپ الۋ، تۇرعىن ءۇي الەۋمەتتىك قورىنان العان جەكەلەردىڭ تۇرعىن ءۇي قارىزىن تۇگەلدەي قايتارىپ بولعان سىپاتىن سىرت جەردەن شىعارىپ بەرۋ، تۇرعىن ءۇي الەۋمەتتىك قورى قارىزىن مەرزىمىنەن بۇرىن قايتارۋ سىندى 4 ءتۇرلى ”ولكە اتتاپ ءبىر تۇتاس ءبىتىرۋ“ نىسانا - مىندەتىن ورىندادى.
الداعى جەردە، رايونىمىزداعى تۇرعىن ءۇي الەۋمەتتىك قورى قاراجاتىن تاپسىراتىن جۇمىسشى - قىزمەتكەرلەر تۇتاس بارىستى ينتەرنەتتە بىتىرۋمەن بىرگە، تاعى سىرت ولكەلەردىڭ (رايون، قالا) قىزمەت زالىنىڭ ”ولكە اتتاپ ءبىر تۇتاس ءبىتىرۋ“ تەرەزەسى ارقىلى سىرت جەردە بىتىرۋىنە بولادى. مۇنان سىرت، بۇكىل رايونداعى 14 ايماقتىڭ (وبلىس، قالا) تۇرعىن ءۇي الەۋمەتتىك قورىن باسقارۋ ورتالىقتارى تۇگەلدەي ”ولكە اتتاپ ءبىر تۇتاس ءبىتىرۋ“ تەرەزەسىن ورناتىپ، ينتەرنەتتە جۇمىس ءبىتىرۋدى ۋاقىتشا جالپى بەتتىك جۇزەگە اسىرۋعا امالسىز قالعان ءبىر ءبولىم سىرت ولكەلەردە (قالا، رايون) قاراجات تاپسىرعان جۇمىسشى - قىزمەتكەرلەردىڭ ۋاكىلاتان قابىلداۋ، ۋاكىلاتان ءبىتىرۋ، ەكى جەر بىرلەسىپ ءبىتىرۋ تاسىلدەرى ارقىلى ينتەرنەت جەلىسىنەن تىس ساپالى قىزمەت وتەۋمەن قامدادى.
تانىستىرۋعا قاراعاندا، رايونىمىز اۆتونوميالى رايون دارەجەلى ءبىر تۇتاس، سايكەستى ىلگەرىلەتۋ ءتاسىلى ارقىلى بيىل ءبىرىنشى ماۋسىمدا مەملەكەتتىك كەڭەس تالاپ ەتكەن بيىل جىل اياعىنان بۇرىن ورىنداپ بولۋعا ءتيىستى ”ولكە اتتاپ ءبىر تۇتاس ءبىتىرۋ“ نىسانا - مىندەتىن ورىنداپ بولىپ، مەملەكەت بويىنشا الدىڭعى قاتارعا وتكەن. تۇتاس بارىستى ينتەرنەتتە ءبىتىرۋ، ۋاكىلاتان قابىلداۋ، ۋاكىلاتان ءبىتىرۋ، ەكى جەر بىرلەسىپ ءبىتىرۋ سىندى 3 ءتۇرلى ءتاسىل ارقىلى شينجياڭدا جانە سىرت ولكەلەردە (رايون، قالا) قاراجات تاپسىرعان جۇمىسشى - قىزمەتكەرلەردىڭ تۇرعىن ءۇي الەۋمەتتىك قورىنان يگىلىكتەنۋىن ”ولكە اتتاپ ءبىر تۇتاس بىتىرۋىنە“ قىزمەت وتەۋ قامتاماسىزدىعىن ازىرلەدى.
