شوكىرات زاكىر ءۇرىمجى اۋدانىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى

日期:2021年04月21日
来源:新疆日报
【字体:

اۋىل شارۋاشىلىعىن، اۋىل - قىستاقتى وسىزامانداندىرۋدى جەدەل ىلگەرىلەتىپ، بۇقاراعا تيىمدىلىك جەتكىزەتىن اۋىل - قىستاقتى گۇلدەندىرۋ جولىمەن ءجۇرۋ كەرەك

انار بۇلت / شينجياڭ گازەتىنىڭ ءتىلشىسى لي ياڭ 4 - ايدىڭ 19 - كۇنى ۇرىمجىدەن حابارلايدى. 4 - ايدىڭ 19 - كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ءۇرىمجى اۋدانىنا بارىپ اۋىل - قىستاقتى گۇلدەندىرۋ ستراتەگياسىنىڭ ىلگەرىلەتۋ جاعدايىنا تەكسەرۋ - زەرتتەۋ جۇرگىزدى. شوكىرات زاكىر بىلاي دەپ باسا دارىپتەدى: اۋىل شارۋاشىلىعىن، اۋىل - قىستاقتى وسىزامانداندىرۋدى جەدەل ىلگەرىلەتىپ، اناعۇرلىم كەڭ كوز ايا، اناعۇرلىم ناقتى شارالار ارقىلى اۋىل - قىستاقتى كاسىپ سالاسى، دارىندىلار، مادەنيەت، ەكولوگيا، ۇيىم ارقىلى گۇلدەندىرۋدى ءبىر تۇتاس جوسپارلاپ ويداعىداي يگەرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جاڭا دامۋ كەزەڭىندە اۋىل شارۋاشىلىعى، اۋىل - قىستاق، شارۋالار قىزمەتىن جاقسى ىستەۋ جونىندەگى ورنالاستىرۋلارىن، تالاپتارىن شىن مانىندە ناقتى تياناقتاندىرىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى جۇزەگە اسىرۋدى ىلگەرىلەتىپ، وڭىرلىك ەرەكشەلىككە يە، ءار ۇلت بۇقاراسىنا تيىمدىلىك جەتكىزەتىن اۋىل - قىستاقتى گۇلدەندىرۋ جولىمەن جۇرۋگە ىزدەنىس جاساپ، اۋىل شارۋاشىلىعىنىڭ جوعارى ساپالى بولۋىن، ونىمدىلىگىن ارتتىرۋىن، اۋىل - قىستاقتىڭ قونىستانۋعا، جۇمىستانۋعا قولايلى، شارۋالاردىڭ باي - باقۋاتتى بولۋىن جەبەۋ كەرەك.

شوكىرات زاكىر ءۇرىمجى اۋدانى شۇيشيگوۋ قالاشىعى دامياۋ قىستاعىنا كەلىپ، قىستاق تۇرعىندارىنىڭ قيمىل ورتالىعىن، ءبىر بەكەتتىك قىزمەت وتەۋ زالىن، پارتيا مۇشەلەرى ءۇيىن كوزبە - كوز كوردى، ول بىلاي دەپ باسا دارىپتەدى: پارمەندى دە تەبىندى نەگىزگى ساتى پارتيا ۇيىمىن قۇرىپ، ەكولوگيالىق ورتانى ويداعىداي قورعاۋ العى شارتى استىندا، جەرگىلىكتى ورىننىڭ جاعدايىنا قاراي، ”ەكولوگيا، تىنىعۋ، ساياحات“ ءبىر تۇلعالاندىرىلعان اۋىل - قىستاقتى گۇلدەندىرۋ كاسىپ بازاسىن قۇرىپ، ەگىنشى - مالشىلاردى ۇزدىكسىز كىرىستى ارتتىرۋعا باستاپ، بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن شىنايى جوعارىلاتۋ كەرەك.

شوكىرات زاكىر شۇيشيگوۋ قالاشىعى پيڭشيلياڭ قىستاعىنداعى ەرەكشەلىككە يە حالىقتىق تۇسەلحانالاردى ارالاپ، تيجاراتتىڭ قازىرگى جاعدايىن ەگجەي - تەگجەيلى ۇعىسىپ، تاۋ، سۋ، ەگىنجاي، باقشا، ورمان سياقتى ءتۇرلى ورتا بايلىعىن اناعۇرلىم جانداندىرىپ، ساياحات كاسىپ كۇيىن ۇزدىكسىز بايىتىپ، كەمەلدى، كوشىرىپ پايدالانۋعا بولاتىن تاجىريبە جونىندە ىزدەنىس جاساپ، ساياحات كاسىبىنىڭ جوعارى ساپالى دامۋىن ىلگەرىلەتۋدى باسا دارىپتەدى.

شوكىرات زاكىر تاعى ءۇرىمجى شانيۋان ەكولوگيالىق اۋىل شارۋاشىلىعى شەكتى سەرىكتەستىگىنە كەلىپ، ساپا ارقىلى اۋىل شارۋاشىلىعىن گۇلدەندىرۋ، جاسىل تاسىلمەن اۋىل شارۋاشىلىعىن گۇلدەندىرۋ، ماركا ارقىلى اۋىل شارۋاشىلىعىن كۇشەيتۋگە تاباندى بولىپ، حاۋىپسىز، ساپالى، جاسىل، ورگانيكالى كوكونىس جانە مال، قۇس باعىمشىلىعى كاسىپ بازاسىن كۇش سالا تۇلعالاپ، ەكولوگيالىق اۋىل شارۋاشىلىعىنىڭ جاڭا جولىن اشۋدى باسا دارىپتەدى.

تەكسەرىپ - زەرتتەۋ كەزىندە، شوكىرات زاكىر قاتىستى قىزمەت مالىمەتىن تىڭدادى ءارى اڭگىمە ءماجىلىس اشتى. ول بىلاي دەپ باسا دارىپتەدى: ءۇرىمجى اۋدانى جاڭا دامۋ كەزەڭىندە اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋدەگى جاۋاپكەرشىلىك سەزىمدى، كوكەي تەستىلىك سەزىمدى شىنايى كۇشەيتىپ، بايلىق باسىمدىعىن تولىق ساۋلەلەندىرىپ، جاڭالىق اشۋ قابىلەتىن تىنباي جوعارىلاتىپ، كاسىپ سالاسى قۇرىلىمىن ساپالىلاندىرىپ، دارىندىلاردى جەتىلدىرۋدى كۇشەيتىپ، اۋىل - قىستاقتى گۇلدەندىرۋدى جاپپاي ىلگەرىلەتىپ، تۇتاس رايوندا اۋىل - قىستاقتى گۇلدەندىرۋدە ۇلگى كورسەتىپ، جەتەكشىلىك ەتەتىن اۋداندى قۇلشىنا تۇلعالاۋ كەرەك. اۋىل - قىستاقتى گۇلدەندىرۋ قىزمەتىن تۇتاس رايون دامۋىنىڭ كەلەلى جاعدايىنا قويىپ، جوسپار جاساپ الدىمەن اتقارۋدى، ورنىن دالمە - ءدال تۇراقتاندىرۋدى، عىلمي ورنالاستىرۋدى ورىنداپ، جوعارى دەڭگەيدە جوسپار جاساپ، جوعارى ورەمەن ىلگەرىلەتىپ، اۋىل - قىستاق كاسىپ سالاسىنىڭ اقاۋسىز، باياندى دامۋىنا شىنايى كەپىلدىك ەتۋ كەرەك. حالىقتى وزەك ەتكەن دامۋ يدەياسىنا تاباندى بولىپ، اۋىل - قىستاق كاسىپ سالاسىنىڭ جەتەكشىلىك رولىن تولىق ساۋلەلەندىرىپ، جەرگىلىكتى ورىنعا تيىمدىلىك جەتكىزۋدى، بۇقاراعا تيىمدىلىك جەتكىزۋدى شىنايى ورىنداۋ كەرەك. جاڭا دامۋ ۇستانىمىن دايەكتىلەندىرىپ، ەكولوگيانى قورعاۋ شارتى استىندا ءتۇرلى فاكتورلاردىڭ ومىرشەڭدىك كۇشىن تاسقىنداتىپ، قونىستانۋعا، جۇمىستانۋعا قولايلى، كورىنىسى كوركەم كورىكتى اۋىل - قىستاق قۇرۋ كەرەك. ساياحات ارقىلى شينجياڭدى گۇلدەندىرۋ ستراتەگياسىن ىلگەرىلەتۋگە تاباندى بولىپ، ساياحات كاسىبىنىڭ جاڭا كۇيىن جەدەل جەتىلدىرىپ، دامىتىپ، ساياحات كاسىبىنىڭ ىشكى ءمانىن تىنباي ارتتىرىپ، ساياحاتتا تاڭداۋلى كورىنىس ءوڭىرىن تۇلعالاپ، جازعى ساياحاتتىڭ دەڭگەيىن كوتەرىپ، دارەجەسىن جوعارىلاتۋدى ىلگەرىلەتىپ، قار - مۇز ساياحاتىندا ەرەكشەلىكتى تۇلعالاپ، تۇتاس رايون ساياحاتىندا نىسانالى جەرگە جانە جيناۋ، تاراتۋ ورنىنا اينالۋعا قۇلشىنىس جاساپ، ساياحات كاسىبىنىڭ جوعارى ساپالى دامۋىن ىلگەرىلەتۋ كەرەك. پارتيانىڭ باسشىلىعىن كۇشەيتىپ، جاۋاپكەرشىلىك ارقالاۋدى كۇشەيتىپ، اۋىل - قىستاقتى گۇلدەندىرۋ قىزمەتىن ىلگەرىلەتۋدىڭ بىرىككەن كۇشىن قالىپتاستىرىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەلەرمەن قۇتتىقتاۋ كەرەك.

اۆتونوميالى رايوندىق پارتكومنىڭ تۇراقتى مۇشەسى، ءۇرىمجى قالالىق پارتكومنىڭ شۋجيى شۇي حايرۇڭ قاتارلىلار تەكسەرۋ - زەرتتەۋگە قاتىناستى.