رايونىمىزدىڭ شارۋاشىلىق - ساۋدا ورتاسى ۇزدىكسىز جاقساردى

日期:2021年04月17日
来源:新疆日报
【字体:

 باقىلاۋ - باسقارۋدى ساپالىلاندىرىپ، دالمە - ءدال قىزمەت وتەدى

  رايونىمىزدىڭ شارۋاشىلىق - ساۋدا ورتاسى ۇزدىكسىز جاقساردى

انار بۇلت/ شينجياڭ گازەتىنىڭ ءتىلشىسى شى شين 4 - ايدىڭ 15 - كۇنى ۇرىمجىدەن حابارلايدى. 4 - ايدىڭ 15 - كۇنى اشىلعان اۆتونوميالى رايوننىڭ ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتۋ جانە شارۋاشىلىق - ساۋدا ورتاسىن ساپالىلاندىرۋ جاعدايى جونىندەگى اقپار جاريالاۋ ماجىلىسىنەن ۇعىسۋىمىزشا، سوڭعى جىلدارى رايونىمىز اكىمشىلىكتى ىقشامداپ، ۇقىقتى تومەنگە بەرۋدى تەرەڭدەتىپ، باقىلاۋ - باسقارۋ ءتاسىلىن ساپالىلاندىرىپ، دالمە - ءدال قىزمەت وتەۋدى كۇشەيتىپ، وزىندىك قۇندى كۇش سالا تومەندەتىپ، بازاردىڭ ومىرشەڭدىگىن بارىنشا قاۋلاتىپ، دامۋدىڭ ىشكى قوزعاۋشى كۇشىن ارتتىرىپ، شارۋاشىلىق - ساۋدا ورتاسىنىڭ ۇزىكسىز جاقسارۋىن ىلگەرىلەتكەن.

اۆتونوميالى رايوندىق دامۋ جانە رەفورما كوميتەتىنىڭ ورىنباسار مەڭگەرۋشىسى لي چاڭشيۋ بىلاي دەپ تانىستىردى: سوڭعى جىلدارى اۆتونوميالى رايوندىق دامۋ، رەفورما كوميتەتى اۆتونوميالى رايوندىق پارتكوم مەن ۇكىمەتتىڭ ورنالاستىرۋلارىن، تالاپتارىن مۇقيات دايەكتىلەندىرىپ، تياناقتاندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، ”التىنى ورنىقتىرۋ“ قىزمەتىن تىڭعىلىقتى تۇردە ويداعىداي ىستەپ، ”التىنى قامتاماسىز ەتۋ“ مىندەتىن جاپپاي تياناقتاندىرىپ، ەكونوميكانىڭ جوعارى ساپالى دامۋىن ىلگەرىلەتىپ، شارۋاشىلىق - ساۋدا ورتاسىن ۇزدىكسىز جاقسارتىپ، ”14 - بەسجىلدىق“ جوبانىڭ جاقسى باستالۋىنا بەرىك نەگىز قالادى.

كاسىپورىنداردىڭ اۋىرتپالىعىن جەڭىلدەتۋ جاعىندا، اۆتونوميالى رايون كاسىپورىنداردىڭ وزىندىك قۇنىن تومەندەتۋگە قاتىستى ساياسات، شارا جاساپ شىعارىپ، جەكە ساۋدا - ونەركاسىپشىلەردىڭ ىندەتتىڭ ىقپالىنا توتەپ بەرىپ، تيجارات جۇرگىزۋ وزىندىك قۇنىن تومەندەتۋىنە كومەكتەسىپ، كاسىپورىنداردىڭ قوعامدىق قامسىزداندىرۋ قاراجاتىن ازايتىپ، كەشىرىم ەتىپ جانە جۇمىسشى - قىزمەتكەرلەردىڭ نەگىزگى ەمدەۋ قامسىزداندىرۋى قاراجاتىن ازايتىپ الىپ، ساۋدا - ونەركاسىپ سالاسىندا گازدان پايدالانۋ جانە ەلەكتردەن پايدالانۋ باعاسىن كەزەڭدىك تومەندەتۋ ساياساتىن تياناقتاندىردى. 2020 - جىلى تۇتاس رايون كاسىپورىن زەينەتكەرلىگى، جۇمىسسىزدىق، جۇمىس ۇستىندە جارالانۋ سىندى ءۇش تۇردەگى قوعامدىق قامسىزداندىرۋ قاراجاتىنان جيىنى 13 ميلليارد 598 ميلليون يۋاندى ازايتتى، كەشىرىم ەتتى، جۇمىسشى - قىزمەتكەرلەردىڭ ەمدەۋ قامسىزداندىرۋ قاراجاتىنان جيىنى 4 ميلليارد 697 ميلليون يۋاندى ازايتىپ الدى؛ تۇتاس رايونداعى 48 مىڭ 649 ساۋدا - ونەركاسىپ سالاسى تۇتىنۋشىلارىنىڭ جيىنى 46 ميلليون 563 مىڭ 600 يۋان گازدان پايدالانۋ وزىندىك قۇنىن تومەندەتتى، 759 مىڭ 311 ساۋدا - ونەركاسىپ سالاسى تۇتىنۋشىلارىنىڭ 905 ميلليون 847 مىڭ 900 يۋان ەلەكتر اقىسى شىعىنىن ازايتتى.

اۆتونوميالى رايون «بازارعا كىرۋ رۇقساتى ۇنامسىز ءتىزىمىن (2020 - جىلعى نۇسقاسى)» جاپپاي اتقارىپ، بازارعا كىرۋ رۇقساتىن اناعۇرلىم كەڭەيتتى. اۆتونوميالى رايوندىق دامۋ جانە رەفورما كوميتەتى شارۋاشىلىق - ساۋدا ورتاسىنا ساياتىن 137 اكىمشىلىك ولشەمدىك حۇجات پەن باسقا دا ساياساتتىق حۇجاتتىڭ كۇشىن جويدى. سونىمەن بىرگە، قارجى قوسۋدى بەكىتۋ ءتۇزىمى رەفورماسىن تەرەڭدەتىپ، بازار تۇلعالارىن تىزىمنەن شەگىندىرۋ مەحانيزمىن ونان ارى كەمەلدەندىردى.

سەنىمدىلىك باقىلاۋ - باسقارۋىن كۇشەيتۋ جاعىندا، كاسىپورىنعا ساياتىن ينفورماتسيالاردى ءبىر تۇتاس جيناۋدى ىلگەرىلەتىپ، ساندى مالىمەتتەردەن ورتاق پايدالانۋدى، ۇشتاستىرۋدى جۇزەگە اسىرىپ، جان - جاقتىلى بازار تۇلعالارى سەنىمدىلىك ارحيۆىن قالىپتاستىردى. سەنىمدىلىك بويىنشا بىرلەستىرىپ جازالاپ ساقتاندىرۋ رولىن ساۋلەلەندىرىپ، تاراۋلاردىڭ سايكەستى باقىلاۋ - باسقارۋ تۇعىرىنان پايدالانىپ، سەنىمدىلىكتەن ايرىلعان بازار تۇلعالارىن بىرلەستىرىپ جازالاپ ساقتاندىرۋ قىزمەتىن كۇشەيتىپ، ۇكىمەتتىك ساتىپ الۋ، ينجەنەرياعا مەردىگەر شاقىرۋ، مەردىگەر بولۋ، داڭق اتاعىن بەرگەن كەزدە پايدالانىپ، شەكتەپ نەمەسە تيىم سالىپ، بازار تۇلعالارىنىڭ ”ءبىر جەردە زاڭعا قايشىلىق جاساسا، بارلىق جەردە شەكتەۋگە ۇشىراۋى“ سىندى قوعامدىق بىرگە جونگە سالۋ جاعدايىن العاشقى ادىمدا قالىپتاستىردى. 2021 - جىلى 3 - ايدىڭ 1 - كۇنىنە دەيىن زاڭعا اۋىر قايشىلىق جاساپ، سەنىمدىلىكتەن ايرىلعان 24 مىڭ 200 كاسىپورىن تىزىمگە ەنىپ، 3274ى تىزىمنەن شىعارىلدى.

ۇكىمەتتىك قىزمەت وتەۋ ءتۇرلى بازار تۇلعالارى مەن سان مىڭداعان وتباسىنا سايادى، بۇقارامەن، كاسىپورىندارمەن ارالاسۋى ەڭ كوپ، شارۋاشىلىق - ساۋدا ورتاسىن ساپالىلاندىرۋدىڭ ماڭىزدى مازمۇنى. اۆتونوميالى رايون ءبىر تۇلعالاندىرىلعان ينتەرنەت جەلىسىندەگى ۇكىمەتتىك قىزمەت وتەۋ تۇعىرىن قۇرۋدى، پايدالانۋدى جەدەل ىلگەرىلەتىپ، ”ءبىر سايتتا ءبارىن ءبىتىرۋ“ قىزمەتىندە تىڭ تابىستارعا قول جەتكىزدى.