شينحۋا اگەنتتىگىنىڭ 1 - ايدىڭ 11 - كۇنى بەيجيڭنەن بەرگەن حابارى. 1 - ايدىڭ 11 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ جين جىڭ - ىنعا تەلەگرامما جولداپ، ونىڭ چاۋشيان ەڭبەك پارتياسى 8 - قۇرىلتايىندا چاۋشيان ەڭبەك پارتياسىنىڭ باس شۋجيلىگىنە كورسەتىلگەندىگىن قۇتتىقتادى.
شي جينپيڭ قۇتتىقتاۋ تەلەگرامماسىندا بىلاي دەدى: چاۋشيان ەڭبەك پارتياسى 8 - قۇرىلتايىنىڭ جين جىڭ - ىن جولداستى چاۋشيان ەڭبەك پارتياسىنىڭ باس شۋجيلىگىنە كورسەتكەندىگىنەن قۋانا حابار الدىم، مەن جۇڭگو كوممۋنيستىك پارتياسى ورتالىق كوميتەتى اتىنان جانە ءوز اتىمنان باس شۋجي جولداستى جانە چاۋشيان ەڭبەك پارتياسى ورتالىق كوميتەتىن قىزۋ قۇتتىقتايمىن.
چاۋشيان ەڭبەك پارتياسى 8 - قۇرىلتايى چاۋشياننىڭ سوتسياليزم ىستەرىن دامىتۋعا ءبىر قىدىرۋ ورنالاستىرۋ جانە جايعاستىرۋ جاسادى، بۇل وتە كەلەلى مانگە يە. باس شۋجي جولداستىڭ تاعى دا چاۋشيان ەڭبەك پارتياسىنىڭ ەڭ جوعارعى باسشىسىنا كورسەتىلۋى چاۋشيان ەڭبەك پارتياسىنداعى بارلىق پارتيا مۇشەلەرىنىڭ جانە چاۋشيان حالقىنىڭ باس شۋجي جولداسقا دەگەن سەنىمىن، قولداۋىن جانە ءۇمىتىن تولىق ايگىلەدى. باس شۋجي جولداس باس بولعان چاۋشيان ەڭبەك پارتياسى ورتالىق كوميتەتىنىڭ پارمەندى باسشىلىعىندا، چاۋشيان ەڭبەك پارتياسى جانە چاۋشيان حالقى وسى رەتكى قۇرىلتايدىڭ اشىلۋىن وراي ەتىپ، ەكونوميكالىق، قوعامدىق دامۋ نىسانالارىن قۇلشىنا جۇزەگە اسىرىپ، چاۋشياننىڭ سوتسياليزم ىستەرىن ىلگەرىلەتۋدە تىڭ دا اناعۇرلىم زور ناتيجەلەرگە قول جەتكىزەتىندىگىنە سەنەمىن.
جۇڭگو مەن چاۋشيان − تاۋ - وزەنى جالعاسقان سوتسياليستىك دوس كورشى ەل. جۇڭگو - چاۋشيان قارىم - قاتىناسىن ويداعىداي قورعاۋ، ويداعىداي بەكەمدەۋ، ويداعىداي دامىتۋ جۇڭگو پارتياسى مەن ۇكىمەتىنىڭ بۇلجىمايتىن باعىتى. دۇنيە ءجۇزى اۋمالى - توكپەلى، وزگەرىسكە تولى جاعدايعا وتكەن كەزدە مەن باس شۋجي جولداسپەن بىرگە جۇڭگو مەن چاۋشيان ەكى پارتيا، ەكى ەل قارىم - قاتىناسىنىڭ ستراتەگيالىق جەتەكشىلىگىن كۇشەيتىپ، ەكى جاقتىڭ كەلىسكەن ءبىر قىدىرۋ ماڭىزدى ورتاق تانىمى بويىنشا، جۇڭگو مەن چاۋشيان دوستىق سەلبەستىگىنىڭ تىڭ تاراۋىن ۇزدىكسىز جازىپ، ەكى ەلدىڭ سوتسياليزم ىستەرىن دامىتۋدى ىلگەرىلەتىپ، تۇبەك ماسەلەسىن ساياسي جولمەن شەشۋ بەتالىسىنا تاباندى بولىپ، ءوڭىردىڭ بەيبىتشىلىگىن، ورنىقتىلىعىن جانە دامۋىن، گۇلدەنىپ - كوركەيۋىن قورعاپ، ەكى ەلگە جانە ەكى ەل حالقىنا اناعۇرلىم باياندى باقىت جاراتۋدى قالايمىن.
باس شۋجي جولداستىڭ قىزمەتىنىڭ تابىستى بولۋىن، چاۋشيان پارتياسى مەن حالقىن باستاپ تىڭ دا اناعۇرلىم زور تابىستارعا قول جەتكىزۋىن تىلەيمىن!
