1. اعىمداعى ورىن:
  2. باس بەت
  3. اعىم جاڭالىقتارى
  4. ەل ءىشى حابارالرى
  5. زاڭ - ەرەجە

بىلتىر ءتورتىنشى توقساندا

ورتاشا، شاعىن كاسىپورىنداردىڭ دامۋ كورسەتكىشى ۇزدىكسىز قايتا جوعارىلادى

日期:2021年01月13日
来源:人民网
【字体:

  حالىق گازەتىنىڭ ءتىلشىسى حان شين 1 – ايدىڭ 12 – كۇنى بەيجيڭنەن حابارلايدى. جۇڭگو ورتاشا، شاعىن كاسىپورىندار بىرلەستىگى جۋىردا ەلىمىزدىڭ ورتاشا، شاعىن كاسىپورىندارىنىڭ ەكونوميكالىق اينالىم جاعدايىن سىرتقا جاريالادى. ساندى دەرەككە قاراعاندا، ورتاشا، شاعىن كاسىپورىنداردىڭ 2020 – جىلى ءتورتىنشى توقسانداعى دامۋ كورسەتكىشى 87.0 بولىپ، ءۇشىنشى توقسانداعىمەن سالىستىرعاندا 0.2 پايىز قايتا جوعارىلاپ، ءۇش توقسان بويى قايتا جوعارىلاۋدى ورىنداپ، 2020 – جىلعى ءبىرىنشى توقساننان بەرگى ەڭ جوعارى ورەگە جەتتى.

  «2020 – جىلى ءتورتىنشى توقساننان بەرى، ەلىمىز ەكونوميكاسى جالعاستى ۇزدىكسىز قالپىنا كەلىپ، ورنىقتى تۇردە قايتا قالپىنا كەلۋ بەتالىسىن ساقتاپ، كۇشتى حاۋىپ – قاتەردەن ساقتانۋ قۋاتىن، قىسىمعا توتەپ بەرۋ توزىمدىلىگىن جانە دامۋ ومىرشەڭدىك قۋاتىن ايگىلەدى». جۇڭگو ورتاشا، شاعىن كاسىپورىندار بىرلەستىگىنىڭ باستىعى لي زىشان بىلاي دەپ تالداۋ جاسادى: ورتاشا، شاعىن كاسىپورىنداردىڭ 2020 – جىلى ءتورتىنشى توقسانداعى دامۋ كورسەتكىشى ورتاشا، شاعىن كاسىپورىنداردىڭ اينالىم جاعدايىندا تومەندەگىدەي ماڭىزدى ەرەكشەلىكتەردىڭ بار ەكەندىگىن بەينەلەدى.

  كاسىپورىنداردىڭ سەنىمى ۇزدىكسىز بەكەمدەلدى. ەلىمىز ەكونوميكاسىنىڭ قايتا جاندانۋ بەتالىسىنىڭ جاقسارىپ، دۇنيە جۇزىندەگى باستى ەكونوميكالىق تۇلعالاردىڭ ىشىندە بىردەن – ءبىر وڭ ارتۋدى ورىنداعان مەملەكەت بولۋىنا بايلانىستى، كاسىپورىنداردىڭ بولاشاقتاعى دامۋعا دەگەن سەنىمى ۇزدىكسىز ارتتى. كاسىپورىنداردىڭ سەنىمىن ايگىلەيتىن ماكرولىق ەكونوميكا اسەرى كورسەتكىشى 101.4 بولىپ، ءۇشىنشى توقسانداعىدان 0.5 پايىز جوعارىلادى؛ امبەباپ تيجارات كورسەتكىشى 95.9 بولىپ، ءۇشىنشى توقسانداعىدان 0.4 پايىز جوعارىلادى.

  بازار مەجەسى ۇزدىكسىز جاقساردى. «التىنى ورنىقتىرۋ»، «التىنى قامتاماسىزداندىرۋ» سىندى ساياساتتىق شارالاردىڭ ۇزدىكسىز پارمەندى اتقارىلۋىنا بايلانىستى، قامداۋ، قاجەتسىنۋ سىندى ەكى جاق ۇزدىكسىز جاقساردى. بازار كورسەتكىشى 78.3 بولىپ، ءۇشىنشى توقسانداعىدان 0.5 ارتتى. تەكسەرىلگەن 8 سالادا، ەل ءىشى تاپسىرىس كورسەتكىشىنىڭ جەتەۋى جوعارىلاپ، بىرەۋى تومەندەدى، مۇندا ساتىلىم مولشەرى كورسەتكىشى جاپپاي جوعارىلادى.

  ورتاشا، شاعىن كاسىپورىنداردىڭ اينالىمى ۇزدىكسىز ورنىقتى تۇردە قايتا جوعارىلاعانىمەن، ورتاشا، شاعىن كاسىپورىنداردىڭ 2020 – جىلى ءتورتىنشى ماۋسىمداعى دامۋ كورسەتكىشى 87.0 بولىپ، سوندا دا 2019 – جىلداعى ورەگە جەتە العان جوق. «الداعى جەردە ساياساتتى تياناقتاندىرۋ مەن ورتانى جاقسارتۋدى مىقتى ۇستاپ، قارجى ەنگىزۋگە قىزمەت وتەۋ مەن ۇقىق – مۇددەنى قورعاۋدى كۇشەيتىپ، ورتاشا، شاعىن كاسىپورىنداردىڭ قيىنشىلىقتى جەڭىپ، دامۋىنا قولداۋ كورسەتۋ ءالى دە قاجەت»، — دەدى لي زىشان.

http://kazakh.people.com.cn/15835107.html