شينحۋا اگەنتتىگىنىڭ 1 – ايدىڭ 12 – كۇنى بەيجيڭنەن بەرگەن حابارى. ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى حۋ چۇنحۋا 1 – ايدىڭ 12 – كۇنى بەيجيڭدە مال، قۇس ءناسىلى قاينارىن قورعاۋ جانە پايدالانۋ قىزمەتىنە تەكسەرۋ – زەرتتەۋ جۇرگىزدى ءارى ماماندار اڭگىمە ماجىلىسىنە قاتىناستى. ول مىنانى باسا دارىپتەدى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، ورتالىقتىڭ ەكونوميكالىق قىزمەت ءماجىلىسىنىڭ، ورتالىقتىڭ اۋىل – قىستاق قىزمەتى ءماجىلىسىنىڭ ورنالاستىرۋلارىن مۇقيات تياناقتاندىرىپ، ناسىلدەندىرۋ شارۋاشىلىعىنداعى «قىسپاققا الاتىن» تەحنيكالاردان قامال الىپ، ناسىلدەندىرۋ شارۋاشىلىعىندا ەڭسە كوتەرۋ سايىسىن باتىلدىقپەن ويداعىداي ورىستەتۋ كەرەك.
حۋ چۇنحۋا جۇڭگو اۋىل شارۋاشىلىعى عىلىم اكادەمياسى بەيجيڭ مال شارۋاشىلىعىن، مال دارىگەرلىگىن زەرتتەۋ مەكەمەسىنە بارىپ، مەملەكەتتىك ەتتى سيىردىڭ ءناسىلىن جاقسارتۋ ورتالىعىندا، مەملەكەتتىك اسىل تۇقىمدى بۇقا باعىمشىلىعى ىستەرىن ينتەرنەت ارقىلى باقىلاۋ – مەڭگەرۋ ورتالىعىندا تەكسەرۋ – زەرتتەۋ جۇرگىزىپ، مال، قۇس ءناسىلى شارۋاشىلىعى جاقتارىنداعى عىلىمي زەرتتەۋ اياق الىسى مەن مەملەكەتتىڭ مال، قۇس ءناسىلى بايلىق قاينارى قامباسىن قۇرۋعا دايىندىق جاساۋ جاعدايىن ۇعىستى ءارى ماماندار اڭگىمە ماجىلىسىنە قاتىناسىپ، مال، قۇس ءناسىلى سالاسىنداعى مامانداردىڭ پىكىرى مەن ۇسىنىستارىن تىڭدادى.
حۋ چۇنحۋا مىنانى اتاپ كورسەتتى: مال، قۇس ءناسىلىن اسىلداندىرۋ — مال شارۋاشىلىعىن وسىزامانداندىرۋدىڭ نەگىزى، سونىمەن بىرگە، ەلىمىزدىڭ مال شارۋاشىلىعىن دامىتۋداعى كۇشەيتۋدى اسا قاجەت ەتەتىن ءالسىز ءتۇيىن. مال، قۇس ءناسىلى بايلىعىن تەكسەرۋ مەن جيناۋدى ويداعىداي ورىستەتىپ، ءناسىل بايلىق قاينارى قامباسى مەن ءناسىلدى قورعاۋ الاڭىن قۇرۋ جاعىندا جەدەل ورنالاستىرۋ جاساۋ، مال، قۇس ءناسىلى بايلىعى جاعىنداعى تۇقىم قۋالاۋ ماتەريالدارىن ساقتاۋ مەن تىرىدەي قورعاۋ، قورعاۋعا تيىستىلەرىن تۇگەل قورعاۋدى شىنايى، ويداعىداي ىستەۋ كەرەك.
مال، قۇس ءناسىلى شارۋاشىلىعى عىلىم – تەحنيكاسىندا دەربەس جاڭالىق اشۋدى كۇش سالا ىلگەرىلەتىپ، ءتۇيىندى ءناسىل قاينارى جاعىنداعى شەشۋشى، وزەكتى تەحينالاردا قامال الۋدى باستاپ جانە اتقارىپ، باسىمدىلىعى، ەرەكشەلىگى بار ءبىر توپ ناسىلدەردى جەتىلدىرۋ، وزەكتى ءناسىل قاينارىندا ءوزىن – ءوزى قامداۋ مولشەرىن جوعارىلاتۋ كەرەك. مال شارۋاشىلىعى سالاسىنداعى ءىرى كوشباسشى كاسىپورىنداردىڭ جاڭالىق اشۋ نەگىزگى تۇلعالىق رولىن تولىق ساۋلەلەندىرىپ، ءوندىرىس، وقىتۋ، زەرتتەۋ جاقتارىن ىشكەرىلەي توعىستىرۋدى ىلگەرىلەتىپ، ساۋدالىق ءناسىل جەتىلدىرۋ جۇيەسىن قۇرۋ جانە كەمەلدەندىرۋ، مال، قۇس ءناسىلى شارۋاشىلىعىنداعى عىلىم – تەحنيكادا جاڭالىق اشۋ قۋاتى مەن جالپىلاستىرۋ، پايدالانۋ ورەسىن جوعارىلاتۋ كەرەك.
http://kazakh.people.com.cn/155419/15835103.html
