حالىق گازەتىنىڭ 1 – ايدىڭ 12 – كۇنى بەيجيڭنەن بەرگەن حابارى. ٴتىلشىنىڭ سۋ يگىلىگى مينيسترلىگىنەن ۇعىسۋىنشا: 2020 – جىلى، مەملەكەتتىك سۋ يگىلىگى جۇيەسى جاڭا تيپتى ايدارشا ۆيرۋس وكپە قابىنۋ ىندەتى مەن كوپتەگەن وڭىرلەردە تۋىلعان اۋىر تاسقىن سۋ اپاتىنىڭ ىقپالىن جەڭىپ، قىزمەتتىڭ كۇش سالۋ ٴتۇيىنى مەن قاجەتتى شارانى رەتتەپ، قارجى قوسۋدى ورنىقتىرىپ، ارتۋدى ساقتاپ، جىل بويى سۋ يگىلىگى قۇرىلىسىنا قوسىلعان 770 ميلليارد يۋان قارجىنى تياناقتاندىرىپ، تاريحتاعى ەڭ جوعارى رەكوردتى جاراتتى.
تانىستىرۋعا قاراعاندا، سۋ يگىلىگى مينيسترلىگى جەرگىلىكتى ورىننىڭ 2020 – جىلعى مەملەكەتتىڭ جەرگىلىكتى ۇكىمەتتىڭ ارناۋلى زايوم تاراتۋ كولەمىن كەڭەيتۋ، سۋ يگىلىگى قۇرىلىسىنا فينانستىق قولداۋدى كۇشەيتۋ ورايىن يگەرۋىنە جەتەكشىلىك ەتىپ، سۋ يگىلىگى ينجەنەرياسىنىڭ جەتەرسىزدىكتەرىن تولىقتاۋعا پايدالاناتىن ارناۋلى زايوم مەن بانكە قارىز اقشا نىسان قويماسىن سالىپ، ٵرقايسى جەردىڭ ۇكىمەتتىڭ ارناۋلى زايومى مەن بانكە قارىز اقشاسىن بەلسەندىلىكپەن پايدالانۋىن باقىلاپ، جەتەكشىلىك ەتتى. جەرگىلىكتى ۇكىمەتتىڭ ارناۋلى زايومىن تياناقتاندىرۋ كولەمى 150 ميلليارد 900 ميلليون يۋان بولىپ، 2029 – جىلعى بۇكىل جىلداعى تياناقتاندىرۋ كولەمىنىڭ 6 ەسەسىنە تايادى؛ سۋ يگىلىگى تاراۋلارى تۇتاس جىلدا شيۇڭ – ان جاڭا رايونى تاسقىننان ساقتانۋ تىرەكتى ينجەنەرياسى، حۋنان چۋانمۋتاڭ سۋ قويماسى، چۇڭچيڭ يۇيشي سۋ بايلىعىن ورنالاستىرۋ ينجەنەرياسى، سۋجوۋ وزەنىن وڭاۋ، سىچۋان تيڭزىكوۋ سۋارۋ رايونى قاتارلى 45 ٴىرى سۋ يگىلىگى ينجەرنەرياسىنىڭ جۇمىسىن باستاپ، جۇمىس باستاۋ سانى تاريحتاعى ەڭ جوعارى بولدى، قوسىلعان قارجى 170 ميلليارد يۋاننان استى.
ۇعىسۋعا قاراعاندا، پارتيا 19 – كەزەكتى ورتالىق كوميتەتىنىڭ بەسىنشى جالپى ٴماجىلىسى ماڭىزدى سۋ يگىلىگى قۇرىلىسى ينجەنەرياسىن ىلگەرىلەتۋ، مەملەكەتتىك سۋ تورابى ماڭىزدى ينجەرنەرياسىن، ماڭىزدى سۋ جەتكىزۋ نىساندارى قۇرىلىسىن اتقارۋ، اۋىل شارۋاشىلىق سۋ يگىلىگى قۇرىلىسى تەبىنىن كۇشەيتۋ قاتارلى جاقتاردا ايقىن تالاپتاردى ورتاعا قويىپ، وسىدان كەيىنگى 5 جىل نەمەسە ونان دا ۇزاق ۋاقىتتاعى سۋ يگىلىگى رەفورماسىنىڭ دامۋىنا تاماشا ستراتەگيالىق وراي مەزگىلىن جاراتتى. كەلەسى كەزەكتە، سۋ يگىلىگى مينيسترلىگى ٵر دارەجەلى سۋ يگىلىگى تاراۋلارىمەن بىرگە، ماڭىزدى سۋ يگىلىگى ينجەنەرياسىن، تاسقىننان ساقتانۋداعى ٵلسىز بۋىندار قۇرىلىسىن نەگىز ەتىپ، سۋ يگىلىگى ينجەرنەرياسى قۇرىلىسىن بار كۇشپەن تەزدەتىپ، اعارلاردىڭ، وڭىرلەردىڭ سۋ حاۋىپسىزدىگىنە كەپىلدىك ەتۋ ورەسىن ۇزدىكسىز جوعارىلاتىپ، سۋ يگىلىگىنە ورنىقتى قارجى قوسۋ، ارتۋدى ساقتاۋدىڭ ماڭىزدى رولىن ۇزدىكسىز ساۋلەلەندىرەدى.
http://kazakh.people.com.cn/15835136.html
