1. اعىمداعى ورىن:
  2. باس بەت
  3. اعىم جاڭالىقتارى
  4. ەل ءىشى حابارالرى
  5. زاڭ - ەرەجە

پارتيا ورتالىق كوميتەتى ۇگىت ءبولىمى، وقۋ – اعارتۋ مينيسترلىگى

2020 – جىلعى «جوعارى مەكتەپتىڭ ەڭ سۇيىكتى جەتەكشىلەرىنىڭ»، «ەڭ سۇيىكتى ستۋدەنتتەردىڭ» تاڭداۋلى ىزگى ىستەرىن جاريالادى

日期:2021年01月12日
来源:人民网
【字体:

  حالىق گازەتىنىڭ ءتىلشىسى ديڭ يايۇڭ 1 – ايدىڭ 11 – كۇنى بەيجيڭنەن حابارلايدى. شي جينپيڭ جاڭا ءداۋىر جۇڭگوشا سوتسياليستىك يدەياسى مەن باس شۋجي شي جينپيڭنىڭ وقۋ – اعارتۋعا قاتىستى ماڭىزدى بايىمداۋلارىن ىشكەرلەي ۇيرەنۋ، دايەكتىلەندىرۋ، جوعارى مەكتەپتەردەگى جەتەكشىلەر مەن ستۋدەنتتەردىڭ كۇرەسكەرلىك رۋحىن تولىق ايگىلەۋ ءۇشىن، ورتالىق كوميتەتتىڭ ۇگىت ءبولىمى، وقۋ – اعارتۋ مينيسترلىگى جۋىردا 2020 – جىلعى « جوعارى مەكتەپتىڭ ەڭ سۇيىكتى جەتەكشىلەرى»، «ەڭ سۇيىكتى ستۋدەنتتەردىڭ» تاڭداۋلى ىزگى ىستەرىن جاريالادى.

  ۋاڭ يىنسى، جۋ دان، ليۋ تيە، لي چيڭشان، كۇلاش ىبىرايىم قىزى، جاڭ جياۋەي، جۋ شين، چيان شان، جين مين، جيان مين قاتارلى جوعارى مەكتەپتەردەگى 10 جەتەكشى، يۇي تيڭتيڭ، ليۋ جىجۋو، لي شا (قايتىس بولعان)، لي حايچاۋ، يۇي حانميڭ، دان سىسى، جاۋ دۇڭ، ۋىن جيان، ني جيە، سۇي يۋىن قاتارلى مەكتەپ قۇشاعىنداعى 10 ستۋدەنت جەكە – جەكە 2020 – جىلعى « جوعارى مەكتەپتىڭ ەڭ سۇيىكتى جەتەكشىسى» جانە «ەڭ سۇيىكتى ستۋدەنت» بولىپ باعالاندى.

  جاريالاۋ سالتى «ءبىر نيەتپەن اتا – مەكەندى ايالاۋ»، «كۇرەسپەن جاستىق جىرىن جازۋ»، «كەدەيلەردى سۇيەمەلدەۋ جولىندا ارمان قۋۋ»، «مەيىر ساپارىندا شەكارا جوق» قاتارلى سوزدەردى ءتۇيىن ەتە وتىرىپ، 10 « جوعارى مەكتەپتىڭ ەڭ سۇيىكتى جەتەكشىسى» مەن 10 «ەڭ سۇيىكتى ستۋدەنتتىڭ» ىندەتتەن ساقتانۋ – تىزگىندەۋ، كەدەيلىكتەن ارىلتۋدان قامال الۋ، ەرىكتى قىزمەت وتەۋ، يدەيالىق – ساياسي ءتالىم - تاربيە، كاسىپتەندىرۋ جانە سۇيەمەلدەۋ قاتارلى جاقتاردا ىستەگەن تاڭداۋلى ىزگى ىستەرىن كورسەتىپ، قازىرگى زامانداعى جوعارى مەكتەپ جەتەكشىلەرى مەن ستۋدەنتتەردىڭ ءوز قىزمەت ورىندارىن تياناق ەتە وتىرىپ، كاسىبىن قادىرلەپ، ۇلەس قوسىپ، ايانباي قۇلشىنۋعا، ۇزدىكسىز كۇرەسۋگە بەل بايلاعان تاماشا بەت – بەينەلەرىن ايگىلەدى. تاراتۋ سالتى ورتالىق راديو – تەلەۆيزيا باس ستانسياسىندا وتكىزىلدى، ورتالىق كوميتەتتىڭ ۇگىت ءبولىمى، وقۋ – اعارتۋ مينيسترلىگىندەگى قاتىستى جاۋاپتى جولداستار ولارعا كۋالىك تاراتتى.

  سيلىققا يە بولعاندار باس شۋجي شي جينپيڭنىڭ جوعارى مەكتەپتەردەگى وقىتۋشى – وقۋشىلارعا بەرگەن شىن ىقىلاستى تاپسىرماسىن ەستە بەرىك ساقتاپ، اۋەلگى ماقساتتى ۇمىتپاي، داڭقتى قاستەرلەپ، تاعى دا تالپىنا ءتۇسىپ، ەرلىكپەن جاڭا ۇلەس قوسۋعا قۇلشىناتىندىقتارىن ءبىلدىردى. قالىڭ وقىتۋشىلار مەن وقۋشىلار مىنانى ءبىلدىردى: «جوعارى مەكتەپتىڭ ەڭ سۇيىكتى جەتەكشىلەرى» مەن «ەڭ سۇيىكتى ستۋدەنتتەر» ماڭداي تەرىمەن ناتيجە جاراتىپ، ناقتى ءىس تىندىراتىن ۇستامدىلىقپەن العا باسىپ، جاستىق كوكتەمىن جۇڭگو ارمانىمەن توعىستىردى، ولاردىڭ ىزگى ىستەرى قالىڭ جوعارى مەكتەپ جەتەكشىلەرىن «پارتيا ءۇشىن ادام تاربيەلەۋ، مەملەكەت ءۇشىن دارىندى جەتىلدىرۋ» سىندى بورىشىن ارقالاۋدى امالياتتا اناعۇرلىم ويداعىداي ايگىلەۋگە شابىتتاندىرادى، قالىڭ جاس وقۋشىلاردى بوران – شاشىننان قورىقپاي، اۋىر مىندەتتى باتىلدىقپەن ارقالاپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ورىنداۋ بارىسىندا جاستىق داۋىردەگى كۇش – قۋاتتارىن ارناۋعا، وزدەرىنىڭ ارمانىنا قول جەتكىزۋگە شابىتتاندىرادى.

http://kazakh.people.com.cn/155769/15834996.html