1. اعىمداعى ورىن:
  2. باس بەت
  3. اعىم جاڭالىقتارى
  4. ەل ءىشى حابارالرى
  5. زاڭ - ەرەجە

ناقتى سوعىستىق اسكەري جاتتىعۋدى جالپى بەتتىك كۇشەيتىپ، جاتتىعۋ دەڭگەيى مەن جەڭىسكە جەتۋ قابىلەتىن جالپى بەتتىك جوعارىلاتۋ كەرەك

日期:2020年11月27日
来源:新疆日报
【字体:

شي جينپيڭ ورتالىق اسكەري ىستەر كوميتەتىنىڭ اسكەري جاتتىعۋ ماجىلىسىندە بىلاي دەپ باسا دارىپتەدى

ناقتى سوعىستىق اسكەري جاتتىعۋدى جالپى بەتتىك كۇشەيتىپ، جاتتىعۋ دەڭگەيى مەن جەڭىسكە جەتۋ قابىلەتىن جالپى بەتتىك جوعارىلاتۋ كەرەك

  ورتالىق اسكەري ىستەر كوميتەتىنىڭ اسكەري جاتتىعۋ ءماجىلىسى 11 - ايدىڭ 25 - كۇنى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى.

  ورتالىق اسكەري ىستەر كوميتەتىنىڭ اسكەري جاتتىعۋ ءماجىلىسى 11 - ايدىڭ 25 - كۇنى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. ول بىلاي دەپ باسا دارىپتەدى: بۇكىل ارميا جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن دايەكتىلەندىرىپ، جاڭا داۋىردەگى اسكەري ستراتەگيالىق باعىتتى دايەكتىلەندىرىپ، نازاردى سوعىسقا دايىندالۋعا، سوعىس جۇرگىزۋگە شوعىرلاندىرۋعا تاباندى بولىپ، ناقتى سوعىستىق جاتتىعۋعا، بىرلەسىپ سوعىس جۇرگىزۋگە، بىرلەسىپ جاتتىعۋعا، عىلىم - تەحنيكا ارقىلى جاتتىعۋدى كۇشەيتۋگە، جاتتىعۋدى زاڭمەن جونگە سالۋعا تاباندى بولىپ، تاڭداۋلى ءداستۇردى ساۋلەلەندىرىپ، رەفورما جاساۋدى، جاڭالىق اشۋدى كۇشەيتىپ، جاڭا تيپتەگى اسكەري جاتتىعۋ جۇيەسىن جەدەل ورناتىپ، جاتتىعۋ دەڭگەيى مەن جەڭىسكە جەتۋ قابىلەتىن جالپى بەتتىك جوعارىلاتىپ، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن جۇزەگە اسىرۋ، ارميامىزدى دۇنيە جۇزىندەگى بىرەگەي ارميا ەتىپ جالپى بەتتىك قۇرىپ شىعۋ ءۇشىن پارمەندى تىرەك ازىرلەۋ كەرەك.

  تۇستەن كەيىن ساعات 4تە شي جينپيڭ جيڭشي قوناق ۇيىنە كەلىپ، قىزۋ مەرەيلى شاپالاق ءۇنى ىشىندە ماجىلىسكە قاتىناسقان ۋاكىلدەردى، اسكەري جاتتىعۋدا بۇكىل ارميا بويىنشا وزات ورىنداردىڭ ۋاكىلدەرى مەن وزات جەكەلەردى شىن ىقىلاسپەن قابىلداپ، كوپشىلىكپەن بىرگە ەستەلىك سۋرەتكە ءتۇستى.

  شي جينپيڭ ماجىلىستە ماڭىزدى ءسوز سويلەدى. ول بىلاي دەپ باسا دارىپتەدى: اسكەري جاتتىعۋ − اسكەري بولىمدەردىڭ ۇنەمىلىك وزەكتى قىزمەتى، جاۋىنگەرلىك قابىلەت قالىپتاستىرۋدىڭ جانە ونى جوعارىلاتۋدىڭ نەگىزگى جولى، ەڭ تىكە اسكەري كۇرەس دايىندىعى، اسكەري بولىمدەردىڭ سوعىس جۇرگىزە الۋىنا، جەڭىستى سوعىس جۇرگىزۋىنە شىنايى كەپىلدىك ەتۋ جونىنەن اسكەري بولىمدەردىڭ جالپى بەتتىك قۇرىلىس دەڭگەيىن جوعارىلاتۋ جونىنەن ايرىقشا ماڭىزدى مانگە يە.

  شي جينپيڭ بىلاي دەپ اتاپ كورسەتتى: پارتيا 18 - قۇرىلتايىنان بەرى، پارتيا ورتالىق كوميتەتى مەن ورتالىق اسكەري ىستەر كوميتەتى ناقتى سوعىستىق اسكەري جاتتىعۋدى مىزعىماس تاباندىلىقپەن ىلگەرىلەتىپ، بۇكىل ارميانىڭ اسكەري جاتتىعۋدى ستراتەگيالىق ورىنعا قويۋعا تاباندى بولۋىن ىلگەرىلەتىپ، ناقتى سوعىستىق جاتتىعۋدى ءتۇيىندى تۇردە ىلگەرىلەتىپ، بىرلەسىپ سوعىس جۇرگىزۋدى، بىرلەسىپ جاتتىعۋدى ىشكەرىلەي ىلگەرىلەتىپ، جاتتىعۋ سالاسىنداعى رەفورمالار مەن جاڭالىق اشۋدى زور كۇشپەن ىلگەرىلەتىپ، بۇقارالىق اسكەر جاتتىقتىرۋدى، ونەر سىناسۋدى كەڭىنەن ىلگەرىلەتتى. ارميامىزدىڭ اسكەري جاتتىعۋلارى ناقتى سوعىسقا بەيىم بولۋ، ناقتى سوعىسقا قىزمەت وتەۋ جاعىندا ارشىندى قادام تاستاپ، ۇزاق ۋاقىت ورىن تەۋىپ كەلگەن كەيبىر كورنەكتى قايشىلىقتار مەن ماسەلەلەردى شەشىپ، سوعىسقا دايىندالۋ، سوعىس جۇرگىزۋ قابىلەتىنىڭ جوعارىلاۋى مەن ءتۇرلى كەلەلى مىندەتتەردىڭ ورىندالۋىنا تىرەك بولدى.

  شي جينپيڭ بىلاي دەپ باسا دارىپتەدى: كەزەكتە ەلىمىزدىڭ حاۋىپسىزدىك ورتاسىندا، اسكەري كۇرەس كۇيىندە، ارميامىزدىڭ بورىش - مىندەتىندە، وسى زامانعى سوعىس فورماسىندا، ارميامىزدىڭ قۇرىلىمدىق فورماسىندا، مەملەكەت قورعانىسى مەن ارميانى وسىزامانداندىرۋ نىسانا - مىندەتتەرىندە تۇگەلدەي جاڭا وزگەرىستەر تۋىلىپ، ارميامىزدىڭ اسكەري جاتتىعۋ ءىسى جان - جاقتى وزگەرۋدىڭ، جالپى تۇلعادا جوعارىلاۋدىڭ جاڭا كەزەڭىنە ءوتتى. جاڭا ءداۋىردى، جاڭا جاعدايدى، جاڭا مىندەتتى، جاڭا تالاپتى يگەرىپ، تاۋقىمەت تانىمىن كۇشەيتىپ، بورىش پەن جاۋاپكەرشىلىك ارقالاۋدى كۇشەيتىپ، اسكەري جاتتىعۋدىڭ تيبىن جاڭالاۋدى، دارەجەسىن جوعارىلاتۋدى جەدەل جۇزەگە اسىرۋ كەرەك.

  شي جينپيڭ بىلاي دەپ اتاپ كورسەتتى: ستراتەگيالىق جوسپارلاۋ مەن جوعارى دەڭگەيدە جوبالاۋدى كۇشەيتىپ، اسكەري جاتتىعۋدىڭ تيبىن وزگەرتۋدى تىڭعىلىقتى ىلگەرىلەتۋ كەرەك. سوعىس پەن جاتتىعۋدىڭ بىردەيلىگىن كۇشەيتىپ، سوعىس ارقىلى جاتتىعۋعا جەتەكشىلىك ەتۋگە، جاتتىعۋ ارقىلى سوعىستىق قابىلەتتى جەبەۋگە تاباندى بولىپ، ناقتى سوعىستىق تالاپ بويىنشا جاتتىعىپ، سوعىس جۇرگىزۋ مەن جاتتىعۋدىڭ ءبىر تۇلعالانۋىن جۇزەگە اسىرۋ كەرەك. بىرلەسىپ جاتتىعۋدى كۇشەيتىپ، بىرلەسۋدى ارقاۋ ەتۋگە تاباندى بولىپ، ارميامىز ەرەكشەلىگىنە يە بىرلەسىپ جاتتىعۋ جۇيەسىن دامىتىپ، ءبىر تۇلعالانعان بىرلەسىپ سوعىس جۇرگىزۋ قابىلەتىن جەدەل جوعارىلاتۋ كەرەك. جاتتىعۋدى باسقارۋدى كۇشەيتىپ، باسقارۋدىڭ ۇلگىسى مەن ءتارتىبىن ساپالىلاندىرىپ، قاتىستى زاڭ، ەرەجە، تۇزىمدەر مەن ولشەم - تاسىلدەر قۇرىلىسىن كۇشەيتىپ، جاتتىعۋدى باسقارۋدىڭ جالپى بارىستىق، كەمەلدىلىك دەڭگەيىن جوعارىلاتۋ كەرەك. عىلىم - تەحنيكا ارقىلى اسكەر جاتتىقتىرۋدى كۇشەيتىپ، كوماندير - جاۋىنگەرلەردىڭ عىلىم - تەحنيكا ساپاسىن جوعارىلاتىپ، جاڭا جابدىق، جاڭا كۇش، جاڭا سالا بويىنشا جاتتىعۋدى كۇشەيتىپ، وزىق جاتتىعۋ تاسىلدەرى مەن ادىستەرىن دامىتىپ، جاتتىعۋدىڭ عىلىم - تەحنيكا دەڭگەيىن بارىنشا جوعارىلاتۋ كەرەك. جاتتىعۋدى قامتاماسىز ەتۋدى كۇشەيتىپ، ورنالاسۋدى ساپالىلاندىرىپ، فاكتورلاردى كەمەلدەندىرىپ، تاسىلدە جاڭالىق اشىپ، ناق سوعىسقا ۇقسايتىن اسكەر جاتتىقتىرۋ ورتاسىن قالىپتاستىرىپ، جوعارى دەڭگەيدەگى جاتتىعۋدى قامتاماسىز ەتۋ جۇيەسىن جەدەل ورناتۋ كەرەك. دارىندىلار تىرەگىن كۇشەيتىپ، جاڭا داۋىردەگى اسكەري ءبىلىم بەرۋ باعىتىن دايەكتىلەندىرىپ، اسكەري مەكتەپتەردىڭ ءبىلىم بەرۋ، اسكەري بولىمدەگى جاتتىعۋدىڭ پراكتيكالىق، اسكەري كاسىپتىك تاربيەنىڭ جالپىلىق ادام تاربيەلەۋ فۋنكتسياسىن ساۋلەلەندىرىپ، اسكەر جاتتىقتىرىپ، سوعىسقا دايىندالاتىن مايتالمان مامانداردى كوپتەپ جەتىلدىرۋ كەرەك. كوماندير - جاۋىنگەرلەردىڭ تۇلعالىق ورنىنا قۇرمەت ەتىپ، اسكەري دەموكراتيانى ساۋلەلەندىرىپ، جاڭالىق اشۋعا، جاسامپازدىققا ىنتالاندىرىپ، قالىڭ كوماندير - جاۋىنگەرلەردىڭ اسكەر جاتتىقتىرۋ ىستىق ىنتاسىن قاۋلاتىپ، اسكەر جاتتىقتىرۋ پاراساتىن شوعىرلاندىرۋ كەرەك. ماشاقاتتى، قاتاڭ جاتتىعۋ بارىسىندا، ناقتى سوعىسقا جاقىن ورتادا، قاتال دا كۇردەلى اسكەري كۇرەس بارىسىندا اسكەري ءبولىمدى شىڭاپ جانە شىنىقتىرىپ، كوماندير - جاۋىنگەرلەردى مۇرات - سەنىمدى بەكەمدەۋگە، جاۋىنگەرلىك جىگەردى شىڭداۋعا، جاۋىنگەرلىك ستيلدى جەتىلدىرۋگە، قاشاندا بىرىنشىدەن جاپادان، ەكىنشىدەن ولىمنەن قورىقپايتىن قايسار جاۋىنگەرلىك رۋحتى ساقتاۋعا جەتەكتەۋ كەرەك.

  شي جينپيڭ بىلاي دەپ باسا دارىپتەدى: پارتيانىڭ اسكەري جاتتىعۋ قىزمەتىنە باسشىلىعىن كۇشەيتۋ كەرەك. ءار دارەجەلى پارتكومدار ساياسي دەڭگەيدى جوعارىلاتىپ، ساياسي جاۋاپكەرشىلىك ارقالاۋدى كۇشەيتىپ، اسكەري جاتتىعۋ قىزمەتىن ىجداعاتپەن ويداعىداي يگەرۋ كەرەك. ناقتى سوعىستى ارقاۋ ەتە وتىرىپ جاتتىعۋ جۇرگىزىپ، اسكەر جاتتىقتىرۋدى، سوعىسقا دايىندالۋدى كۇشەيتۋگە پايدالى قىزمەت بەتالىسىن، ادام ىستەتۋ بەتالىسىن، ساياسات بەتالىسىن، قوعامدىق پىكىر بەتالىسىن قالىپتاستىرۋدى ىلگەرىلەتۋ كەرەك. جاتتىعۋدىڭ قاتاڭ جاۋاپكەرشىلىك ءتۇزىمىن ورناتىپ، قىسىمدى ساتى - ساتى بويىنشا جەتكىزىپ، دارەجە بويىنشا جاۋاپكەرشىلىكتى ناقتىلاۋ كەرەك. پارتكومداردىڭ سوعىس تالقىلاۋ، جاتتىعۋ تالقىلاۋ ساپاسىن جوعارىلاتىپ، جاتتىعۋعا جەتەكشىلىك ەتۋدى جانە قىزمەت ءتاسىلىن جاقسارتىپ، جاتتىعۋدى يگەرۋدىڭ عىلمي سيپاتى مەن ناقتى ونىمدىلىگىن كۇشەيتۋ كەرەك. جاتتىعۋداعى فورماشىلدىقتى، تورەشىلدىكتى ىشكەرىلەي تۇزەتىپ، جونگە سالىپ، جاتتىعۋ ستيلىنىڭ تۇبەگەيلى جاقسارۋىن جۇزەگە اسىرۋ كەرەك. ءار دارەجەلى، وتە - موتە، جوعارى دارەجەلى قولباسىلار زەيىن - قۋاتىن شوعىرلاندىرىپ، اسكەري ىستەردى زەرتتەپ، سوعىستى زەرتتەپ، سوعىس جۇرگىزۋدى زەرتتەپ، شايقاس جۇرگىزە ءبىلىپ، قولباسشىلىق ەتكەندى ءبىلىپ، جاتتىعۋ ۇيىمداستىرۋعا شەبەر بولىپ، جاتتىعۋدى شىنايى يگەرىپ، توتەنشە مىعىم ونەر - قابىلەت جەتىلدىرىپ، توتەنشە مىعىم قوسىن تاربيەلەۋ كەرەك.

  شي جينپيڭ بىلاي دەپ اتاپ كورسەتتى: اسكەري جاتتىعۋدى ويداعىداي يگەرۋ − بۇكىل ارميانىڭ ورتاق جاۋاپكەرشىلىگى، اسكەري ىستەر كوميتەتى ءبىر تۇتاس باسشىلىقتى كۇشەيتۋ، اسكەري ىستەر كوميتەتى ورگانىنداعى قاتىستى تاراۋلار ءبىر تۇتاس جوسپارلاۋدى، سايكەستىرۋدى ويداعىداي ىستەۋ، ءار جاق مىندەتىن اتقارىپ، جاۋاپكەرشىلىگىن ادا ەتۋ كەرەك. ورتالىق پەن مەملەكەت ورگاندارى، جەرگىلىكتى ءار دارەجەلى پارتكومدار مەن ۇكىمەتتەر جاتتىعۋ الاڭى قۇرىلىسى، جاتتىعۋ بايلىقتارىن قامتاماسىز ەتۋ، جاتتىعۋدا جارالانعاندارعا، مۇگەدەك بولعاندارعا قامقورلىق قاراجات بەرۋ، مانەۆر مىندەتتەرىندەگى قايشىلىقتاردى شەشۋ سياقتى جاقتاردا پارمەندى قولداۋ كورسەتىپ، بىرلەسە وتىرىپ ارميامىزدىڭ اسكەر جاتتىقتىرۋ، سوعىسقا دايىندالۋ دەڭگەيىن كوتەرۋ كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ءتوراعاسى شۇي چيلياڭ ءماجىلىستى باسقاردى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ءتوراعاسى جاڭ يوۋشيا «ورتالىق اسكەري ىستەر كوميتەتىنىڭ بۇكىل ارميا بويىنشا اسكەري جاتتىعۋدا وزات ورىندار مەن وزات جەكەلەردى ماداقتاۋ - سيلاۋ جونىندەگى حابارلاندىرۋىن» وقىدى، اسكەري جاتتىعۋدا بۇكىل ارميا بويىنشا 10 وزات ورىن، اسكەري جاتتىعۋدا بۇكىل ارميا بويىنشا 23 وزات جەكە ماداقتالىپ - سيلاندى. شي جينپيڭ قاتارلىلار ماداقتالىپ - سيلانعاندارعا سيلىق بەردى.

  ورتالىق اسكەري ىستەر كوميتەتىنىڭ مۇشەلەرى ۋي فىڭحى، لي زوچىڭ، مياۋ حۋا، جاڭ شىڭمين ماجىلىسكە قاتىناستى. اسكەري ىستەر كوميتەتى ورگاننىڭ ءارقايسى تاراۋلارىنداعى، بۇكىل ارميانىڭ ءارقايسى ۇلكەن ورىندارىنداعى قاتىستى باسشى جولداستار، ت.ب ماجىلىسكە قاتىناستى.